壹玖捌叁

營業中

休息中

由於想試呢度嘅蛇羹特別的寫了個全部是我們想食的菜式。頭盤: 墨魚咀冶味但麻辣味亦十足, 燒汁牛舌則強差人意, 牛舌嘅騷味不足燒汁較甜。酥炸田雞腿係3品之中最出色嘅一品👍👍。 炸衣是一塊塊稍硬脆口的麵粉瘩。能保持腿肉的鮮嫩。蛇羹的湯水較熱飲時不能急。 湯內相當豐富的雞胸肉。其他配料也多, 湯的杰度剛剛好。油雞縱翡翠炒龍躉球的油雞縱原來係醬料來的, 我們原以為是見到菌類, 所以係一個醬炒魚塊。魚肉相當之嫩滑。完全保住魚肉內嘅鮮味。乾燒大虎蝦也是同我們想像的有出入, 留意到英文菜名上寫住的是"Wok fired tiger prawns in spicy sauce " 一般乾燒意思會理解為豉油汁乾燒。不過這裡採用的是泰式燒雞醬開的醬汁。燒雞醬的甜辣味普遍都較為霸道。很可惜蝦的原鮮味被蓋過了。蝦本身肉質爽口彈牙這是無可置疑的了。燒汁蘆筍金菇安格斯牛肉卷, 相當懷舊的菜式。大部份有興趣在家煮飯的主婦應該都會挑戰過這菜式只要你是"牛精"!當晚沒有用金菇改為白雪菇。效果比金菇有咬口而且沒那麼多水分。牛肉片雖說很薄一片但燒汁仍蓋不過牛肉本身嘅濃郁騷味👍。蘆筍一條顯得較為形影隻單。燒妙齡鴿炸色好吸引食

慶祝朋友考試完畢諗住幫佢慶祝一下，特登book咗一間比較高級嘅中餐廳就係位於跑馬地嘅呢間壹玖捌叄。入到去餐廳空間寬躺，同隔離枱都有一啲距離，有多啲私人嘅空間。我哋點左幾個菜同埋一份甜品。咖啡溏心燻蛋呢隻溏心蛋外面蛋白好香咖啡味而且加上煙熏味，食落去蛋黃口感非常潤滑柔軟質地剛剛好，咁有特色嘅溏心蛋都係第一次食。樟茶鴨方呢個菜式比較特別，係有燒鴨上面加咗蝦膠同埋芝麻，食落去外皮好脆而且滿滿芝麻味而且蝦膠好彈牙同埋鴨肉味道好夾好香口。京果陳醋咕嚕肉呢碟菜食上碟嘅時候賣相非常好，廚師係碟上面畫咗一棵花，感覺好誇張。每粒咕嚕肉都炸得好香口而且嘅醬汁都剛剛食得好滋味。紫薯金沙球我自己本人好鍾意食紫薯同埋流沙嘅嘢所以叫咗呢一個甜品， 果然冇失望每粒金沙球面都佈滿芝麻食落去好香口而且咬落去好有紫薯味，裏面嘅流沙非常香整個味道一流。雖然價錢係貴咗少少但係作為一間高級中餐館佢嘅特色食物已經值回票價， 會介紹朋友再去。

Restaurant is fully booked? No worries. Can still order takeout. I called to make the order and pickup myself after. Firstly, a girl picked up my call, but she seemed not confident enough to take orders. Then, she passed my call to another guy immediately. I would say that guy sounded professional and polite even it was just over a phone call. It was my first time trying their food. And I was a bit confused about what to order. He is able to make suggestions which was helpful. I also particular

低調但美味既中菜 🤣⁣早排同屋企人食飯選擇咗喺跑馬地嘅呢間中菜館 🥳 裝潢平實唔奢華但坐得好舒服好適合同屋企人嚟食 👍🏻⁣⁣/涼拌牛蒡蟲草花 咖啡溏心燻蛋/⁣自己本身唔係太鍾意食牛蒡 但係涼拌醬汁好開胃 鹹鹹地帶少少甜味 唔錯喔 👍🏻 燻蛋流心嘅效果都十足但係咖啡味就唔係好突出 🙈 ⁣⁣/菊花豆腐燉花膠湯/⁣好足料飲到花膠嘅鮮味 成個湯飲落清清地 好舒服 而且菊花豆腐既刀工真係 💯💯💯⁣⁣/京果陳醋咕嚕肉 一口鮑魚豆腐 ⁣松子蟹肉芙蓉蝦球/⁣三道主菜都好有水準 肉質新鮮 而且份量都算慷慨 完全唔驚食唔飽 🤩⁣⁣/鮑汁章魚雞粒炒飯/⁣炒飯粒粒分明 但係完全唔會油膩 鮑汁亦都可以好好咁覆蓋每一粒飯 章魚同雞粒令到成個炒飯更加香 而且口感豐富 🙆🏻‍♀️⁣⁣

A great yum cha place in the happy valley neighborhood - although it doesn't serve a vast variety of dim sum but surely they focus on the food quality.All dim sum were served sizzling hot on bamboo steamers baskets and i couldn't help but drooled when i still see the steam while picking them up with the chopsticks; everything that i ordered was tasty but the food is a bit pricey here.

晚餐時間有它們，前菜涼拌； 火雞腎， 麻辣墨魚頭，腎片夾炸菜片， 是爽夾爽的，另墨魚頭切片夾香菜， 咬著送酒不錯。菊花豆腐燉花膠湯， 豆腐成磚切絲放入上湯浮著像朵菊花，另上花膠放湯原意是不會弄倒菊豆。上湯焗波士頓龍蝦，調得嘢味， 肉質爽脆帶鮮味， 半隻上。鮑汁玉掌扣五頭湯鮑汁炆鮮鮑帶著海洋的味道，掌質不過啉另配一棵白菜。燒妙齡乳鴿，外脆內軟， 可切半上或切四上。蒲燒鰻魚海王炒飯，細煱上， 鰻魚粒， 帶子粒， 菜粒們與米飯炒得油潤美味。桂花飄香燉雪梨，清甜燉梨配雪耳及桂花陣陣香味，喝一口又再喝清潤。紫薯金沙球，像煎堆仔內餡是紫薯蓉， 不太甜。隨著配紅酒及氣酒。。

經過餐廳個陣見到門口副對聯好趣致，就過來試下呢度既中菜，餐廳裝修比較簡單整潔，兩個人嗌咗個2人套餐，揀咗陳醋咕嚕肉、一口鮑魚豆腐和芝士鮮菇蟹籽蝦球，仲會有前菜炒飯同埋甜品，咕嚕肉酸酸甜甜好開胃，炸得裡面肉質嫩滑多汁，豆腐滑而無味，同鮑魚一齊食會有鮮味，蝦球好多料，啖啖都好滿足，個炒飯就無咩特別，同其他餐廳差唔多。

生日飯食咩好？我大概都會揀返中菜，因為屋企人個個都食，西餐老一輩就未必啱。🙈🙈呢間見過啲相好正咁🥰，所以就request 生日去食，睇相好靚咁，啲嘢又精緻又有特色，但食落，又貴又普通😂，除咗個豆腐花湯，係指用豆腐切到朵菊花咁嘅湯，睇到師傅刀工好勁，想畀個like 師傅，幾好飲，第二係個好特別嘅甜品，幾好食，其他小炒味道係ok, 但同一般酒樓無分別，性價比好低，可能我地叫錯餸，佢完全係食環境同服務。😂😂

2個天水圍人遊港島，心血來潮想食餐中菜晚餐。見到呢間餐廳評價甚高，就由西環坐叮叮去跑馬地試下佢。當初以為坐叮叮都要行好遠，點知落車行2-3分鐘就到，都幾方便🤣上到去以為full曬，點知店員最後都排到張二人枱出黎，有效率又有禮貌👍👍👍仔細望間鋪既裝修，我以為自己去錯咗某大西餐廳。2條友最後叫咗個set黎食，再要咗2杯白酒（望見d價錢，有少少醉了）去到湯，開蓋個下香味衝出黎，第一次飲鯊魚骨湯，個感覺唔錯。湯既調味適中，鹹味帶出魚既鮮味，飲完唔會覺得口乾👍主菜鮑魚，先講蠔既部分，完全無腥味，又唔會爛冧，中間仲可以食到淡淡既海水獨有既鹹味（代表d蠔前期處理得好）下面既牛舌，一咬即斷，夠曬冧，又唔會有騷味重頭戲鮑魚，一口鮑，但系鮮味十足，同樣無腥味。下面既豆腐配埋鮑魚汁，本身既豆香味同汁既鹹香味好夾，外皮煙韌，内面軟滑，成道菜都配合得天衣無縫😆到最後既雪梨燉雪耳，好潤喉，雪梨既果甜味完全發揮出黎，又唔會甜到嗆喉。仲有個紫薯奶黃煎堆仔，紫薯既甜加埋奶黃既鹹香味，為全餐帶黎完美既終結！！！對我而言，除咗遠之外，成間餐廳絕對會成為我每周必去既地方（當然啦作為窮寶寶的我真系會食到破產）一分錢，真系一分貨

昨晚一家人吃團年飯，但整晚感覺不自在。團年飯當然是一家人，有大有小，被安排坐在餐廳中央的枱。若餐廳擔心會騷擾到其他用膳的客人，為何不預先考慮到，作出適當的位置安排。而昨晚員工的態度，說話時的用詞，實在令人感覺不爽快。一家餐廳的食物水準固然重要，但出外用餐，吃飯的環境及氣氛更會留在客人的記憶及感覺中。更重要的是這餐是團年飯，餐廳給予的整體感覺，絕對是令人大失所望。從不寫食評的我，亦要留字去表達我的不滿。

用心的核桃露，足料，而且還有一陣Earl grey 的清香撲鼻而來，一口清甜但不膩，甜度剛剛好。而且呢個糖水不是一般餐廳煲到好似花生醬咁,所以特別推介這一味喔！跑馬地除了月光，還有好味的核桃露！

今午往跑馬地1983吃午膳，點餐時已舉棋不定，單點還是吃套餐呢。最終決定吃午餐Set B，十款點心中選了小籠包，鳳爪，明蝦角，芋泥餅，蓮藕餅。頗欣賞它的藕餅，趁熱吃，香脆可口，藕片薄切適中。鳳爪入味，芋泥南瓜餅香甜。揀選了龍躉烏冬，湯頭清甜，少味精，魚肉炒得剛好，夠嫩滑。甜品一絕。外表看似切片西瓜，吃了才知是啫喱甜品，用奇異字及西瓜汁做，連西瓜皮味也嘗到，值十個。昨晚才透過Open Rice apps訂位，十分方便。

朋友介紹呢間上海菜, 就同男朋友試試佢😍跑馬地開頭以為有D唔就腳, 但原來都OK方便, 走既時間, 一出門口就有小巴返銅鑼灣整體氣氛唔錯, 大門幾別緻, 👍🏻👍🏻穿過一條掛滿黑白舊上海相既走廊, 個人係幾鐘意呢D 古典野入到餐廳, 都幾平靜, 又有D音樂服務都唔錯,,每次上菜個店員都會介紹一下男朋友有小小怕凍，所以要飲熱野, 店員又會自動自覺幫我地加水,呢個位加分我同男朋友仔今次就揀左個2人SET D都算係有質素的上海菜, 虫草花酸甜開胃, 咖啡蛋男朋友特別鐘意, 佢日日都飲咖啡燉豆腐花又靚又好食黑蒜魚滑配合豆腐, 啖啖肉蜜汁骨係我成晚最喜歡，食落甜甜地, 好味！😋😋甜品都唔錯，但就普通左啲😋

屋企人生日，我特登上OpenRice揀間靚靚中菜食，經過一輪挑選揀咗呢間餐廳，一早打去book定位餐廳位於跑馬地，我同屋企人約係銅鑼灣地鐵站等再搭的士去，廿四蚊去到唔洗跳錶由於當晚係星期一，餐廳入面只得三台客，靜靜哋，都好適合傾計店員好好招呼，好好笑容，讚 👍🏻而家散叫野食用HSBC卡埋單有9折，所以我哋最後唔揀套餐，反而散叫陳醋木耳 - 一般般樟茶鴨方 - 食落有啲啲似乳豬 🐷 幾有趣但好熱氣咕嚕肉 - 啖啖肉，好食南乳脆皮雞 - 其實係脆皮雞點南乳醬食，個南乳醬應該經過調較，好似甜醬，但個雞好滑，係我覺得成晚最好食嘅餸黑松露炒雜菇 - 完全冇黑松露味，仲要好油 ☹️松子仁炒飯蔥油麵可能因為去之前有啲期望，所以食完之後有啲啲失望，不過可能係我哋叫嘅菜式都比較熱氣，可能叫套餐會比較好

相約左幾個朋友喺跑馬地食飯聚餐，之前有個朋友試過有一間中菜廳-壹玖捌叁啲食物都幾有質素，而且好食，所以我哋就去試吓。餐廳大門位於斜路，而且仲可以泊車添，非常方便。上樓梯之後就係餐廳位置，餐廳裝修華麗有氣派，仲有幾間房仔可以包場添。 首先就急不及待叫咗一個賣相好精緻嘅菊花豆腐燉花膠湯，飲落去花膠湯非常黏口鮮甜，豆腐簡直有入口即溶嘅口感。 小菜都叫咗幾款，當中嘅蜜汁香欖骨賣相非常吸引，排骨鋪滿蜜糖汁，仲要肉質非常鮮嫩，咬落去肉同埋骨分明。而樟茶鴨，鴨皮非常香脆，可以用中間呈現粉紅色嘅鴨肉放入饅頭包包住一齊食，另有一番味道。黑蒜白玉蒸龍躉球，遠處已經聞到好香嘅蒜蓉味道，配以新鮮嘅魚肉龍躉球，完全唔覺得有腥味，反而同豆腐一齊食都幾match。除此之外，仲有炒得好有鑊氣嘅乾煸四季豆同埋好入味嘅鮑汁章魚雞粒炒飯。 最後我哋分別選擇左三款唔同款式嘅甜品一齊share嚟食，包括桂花燉雪梨、桃膠銀耳糖水同埋薑汁糕，估唔到呢幾款糖水啲味道唔算太甜，而且恰到好處，最重要係非常滋補。最後四個人埋單都只係＄2000，每人平均消費＄500，就可以食到山珍海味，仲有咁滋潤嘅糖水，真係值回票價。