士林台灣麵

營業中

休息中

西菁街即係元朗千色後面嗰條街，一到夜晚就好多人，吸引左好多黎食嘢的朋友。以往叫湯面，近日天熱都不得了，今日黎士林試下撈面先。台灣豬腳撈面，湯面定撈面都係同一款面，呢度的面係四方型，唔算特別粗或幼，面質厚度同軟硬適中，撈面用的係肉燥碎同汁，連埋少少青瓜絲，撈面更加可以掛到啲肉汁，原來比食湯面更加濃郁. 豬腳用鹵水汁煮成，有3件大大件，幾夠入味，而家夠腍，又未會散哂好滯咁。香酥雞扒撈定係湯，份雞扒都係分開上，唔會整到份雞扒腍左。雞扒好大塊，炸得好鬆脆，而調味簡單但帶到鮮味，咸香得宜。其實食湯面好多時係好想飲嗰湯底，如果食撈面可以送一碗仔就正喇。飲品相對舊式的台灣食店貨色，好正路，大大杯。

台灣野食黎講，係元朗佢都幾出名架啦～～～～～香酥雞扒係出名既！！！！2人行，食左一個香酥雞扒乾拌麵同埋一個紅燒牛肉湯麵飲就飲左一杯芒果紅茶，同埋一杯杯芽珍珠奶茶！小食叫左個豆腐～好耐冇食啦，食返真係返返去中學時期啊～最愛就係乾拌麵，麵既上面係冇啲青瓜絲，吾會淨係有麵軟軟既口感，同埋有埋青瓜爽既口感，係好食既。但如果吾食青瓜既就走左佢啦～因為都幾多～足料！同埋加左佢既辣油又會係另一個享受黎架！！！！！佢既辣油係香為主既，加左好多都吾會覺得太油 （當然啦，可能係我都食得下辣架。牛肉湯麵就飲下佢既湯，好鮮，吾會係味精既感覺！！！！野飲就okay啦，冇咩太特別！

這店的牛肉麵相當有名，曾得獎，等了7張枱終於有位，急不及待要進去試試牛肉湯麵。牛肉煮得非常淋，件件一層肉一層筋，入口即化，入味好吃。麵條比起其他手工麵不算特別粗，想不到咬口煙韌有質感，掛湯入味，吃到尾都不會淋。我們加了杯凍台灣珍珠奶茶、百香果綠茶，吃得滿足的台式午餐。

我很喜歡食台灣的牛肉面， 喜歡牛肉燉得 軟軟 帶有膠質， 軟軟但不鬆散的感覺！ 所以我對牛肉麵， 真的有一份執著😂！士林 由我中學時期已經開始食， 牛肉的質素 同湯底我都非常喜歡！下午茶時段 會送台式熱飲一杯！17:30前都仲有下午茶～份量： 3-4 件牛肉- 煮得軟軟的 比旺角新開的熱店阿木 好食得多🤣 因為阿木是黃店， 所以去支持了一下！ 但出來的牛筋位實在是咬到我牙都軟 大失所望... 牛的軟硬程度， 士林是把控得很好！配料：2 棵菜 & 小量 蔥花～湯頭： 牛肉煮的湯 口中回甘！ 牛肉麵 一定是會跟牛肉湯的！ 如果大家點 雞排面 或者其他麵，記得記得一定要跟店家說轉牛肉湯哦（免費的）！要不然， 會主動現清湯的！ 我覺得清湯 太淡了，不太喜歡...妹妹點了雞排麵，2人食不妨點不一樣得一起分吧！ 因為份量也很足！ 點炸物， 要問店家拿炸雞醬哦～ 酸酸甜甜 比較開胃！

價錢合理唔貴，啱哂平日食，百吃不厭既味道～滷豆腐幾滑，底有配菜好新鮮。辣油好出色，鐘意食辣既人一定要問店員攞辣油（外賣既話），注意返少少已經好辣。肉燥飯比較乾身，好食既！雞件正常普通，皮較厚。

🔰炸韭菜肉雲吞沙律$50，士林調製的沙律，仍是我最愛吃的，水果和沙律醬的揉合，讓人吃得開心又滿意🥳；🥄除了沙律好味外，士林的炸功也是我讚賞的，好像這五粒外貌不討好的韭菜肉雲吞，經過拿捏得剛好的炸作程序後，成為了外皮超脆的韭菜肉雲吞🤩既然來到士林，當然也要吃牛肉麵🍜🔰紅燒牛肉麵$60，水準依然，但有時也要看碗裏的3件肉，是否半筋肉。士林有供應小廚剪的，將肉剪成剛好放入口的size，太好了😁

士林響元朗好多年了 由我中學食到而家接近廿年🤣🤣 果陣元朗仲未有咩台灣食店/茶飲店 間唔中就會來呢度食配牛肉面 飲番杯珍珠奶茶 覺得好奢侈了😜不過其實今時今日來食都幾奢侈架 因為元朗陸續開左好多台灣野之後 士林一直都係堅持無套餐叫既 都係要單點飲品 哈哈 今日叫既係豬手撈面 雖然唔係話特別好食 但感覺用料實在 唔會話食落好多味精 而且勝在份量好足 一定食得飽 另外叫左杯百香綠茶 埋單一個人67蚊唔算平 但當食緊一份情懷感覺相當滿足哈哈

#酥炸排骨 ⭐️⭐️⭐️⭐️#酥炸雞排 ⭐️⭐️⭐️⭐️#士林干拌麵 ⭐️⭐️⭐️呢間台灣野係#元朗 都開左好多年，由於依家唔方便堂食，#外賣自取 就好適合放工冇時間煮既#weekdays 。⭕️炸物炸得好脆好香口⭕️拌麵個醬汁好香好夠味⭕️個人比較喜歡排骨，冇炸皮啖啖肉⭕️每個餸下面都有一定份量既菜，令成個餐冇咁油膩，讚❌唔知係咪外賣關係，個拌麵一餅野❗️建議下次外賣前叫佢撈埋，否則好似我咁撈唔勻總括來說，值得試！

咁啱今日嚟到元朗，就諗起之前朋友介紹過有間台式牛肉麵好好食， 聽講仲好多人排隊㗎。 可能我哋好彩喇，我哋嚟都一入去就有位唔洗等。我哋叫咗兩碗紅燒牛肉麵，同埋一客肉鬆皮蛋豆腐。 呢度好多嘢食嘅價錢都平過出面， 冇諗過唔使60蚊可以食到一碗牛肉麵。 出面閒閒哋都要七八十蚊啦。 嘢食好快就嚟到喇， 個肉鬆皮蛋豆腐嘅豆腐好香滑，豆味好香濃，配埋啲醬汁、肉鬆、皮蛋同埋香蔥一齊食，真係非常之正! 食到停唔到口! 50蚊嚟講份量都唔細，兩個人或以上 share會好啲。食完前菜食牛肉麵啦，大大碗， 牛肉份量唔少㗎， 肉質較林，好容易咬得開，牛肉都幾香，啲麵條又夠彈牙， 啲麵索咗啲香濃嘅湯汁好好食! 呢個價錢真係冇得輸，咁好食都竟然只係58蚊。如果下次再有機會嚟元朗，我都會想再嚟食呀! 佢牛肉麵仲有乾拌嘅款式，唔知好唔好食呢？

踏入鼠年先祝大家新年快樂，身體健康，財源廣進！是日初五，大部分的食肆均已啟市，然而元朗的名店們卻一點也不急——平日已忙得喘不過氣，難得長假當然不會輕易罷休，普遍會到初七才開業。摸了兩家門釘後不抱期望的來到這裡，發現他們竟如常營業，毫不猶豫地走了進去。點了紅燒牛肉麵。良久，麵來。眼前這麵十年如一日——麵放底，三塊肉放麵上，一棵小棠菜開半放邊，放湯，再灑點青蔥在上。靠近一嗅，八角味夾雜牛肉味出。先呷一口湯，湯底以牛肉、牛骨及香料熬成，入口先少酸後牛肉甘香鹹出，泛邊的紅油沒有絲毫的辣，不膩。夾一箸麵，麵身米白，粗幼與油麵相若，掛湯能力低下，入口彈牙有嚼勁，是偏向蘭州拉麵的做法，以中筋麵粉為材的結果。牛肉以金錢𦟌入饌，肉筋夾層分明，夾起晃晃蕩蕩，叫人垂涎欲滴；用不著咬的，兩唇一合即斷。入口膠質瞬間溶化包裏舌頭，瘦肉的部分細而無渣，輕推即散，肉味重，鹵水鹹香猶在，一絕。吃畢，牛肉的甘香仍在口內迴盪，喝口茉香茶解渴再結帳，盛惠六十大元；相比十年前只賣廿多元是上漲了不少，但質量不變，實屬難得，也就解釋了為何總是門庭若市了。後記：數數手指，筆者光顧這店已有十多年，早就把它當作了飯堂，也就是現在才有這篇

屯門呢間台灣餐廳食評都唔錯今日去試吓 都冇令到我失望 呢間平民餐廳價錢好貼地裝修都係普通食堂feel出名嘅都係紅燒牛肉麵同埋炸雞扒先講紅燒牛肉麵牛肉分量多 食落去好淋 又好入味 似係煲左好耐 真係好台灣地道感覺 再講係啲麵 都幾彈口 唔錯 湯底更加係好濃 所以成碗面嘅整體感覺都好好之後當然有嗌佢嘅炸雞扒小食呢個更加冇得頂份量大之餘 炸粉好少 雞扒好大舊平時好驚食炸嘢嘅我都食完再想食雞嘅肉質又滑 炸雞扒必食黎到台灣餐廳當然唔少得嗌佢嘅台灣飲品我見咁特別有個椰香奶茶就諗住試一試佢點知好失望 冇椰香嘅味道 奶茶又得個甜字所以總括而言呢間鋪頭嘅嘢食值得推介 但飲品就有待改善

除了喜愛在西環上環尋找隱世小店，元朗都係一個可以揾倒好多隠細小店嘅好地方。今日士林台灣麵竟然唔使排隊，所以9秒9入咗去食。愛香港嘅我哋會愛小店，我成日覺得小店就係代表香港人，香港精神。牛肉好霖，好入味好食，推介😋湯底夠濃，應該冇味精，飲完都唔會口渴。豬手就普普通通，冇特別驚喜，但可以試吓。胚芽奶茶我就覺得甜左少少。

今日天氣唔太熱,座戶外都OK啦今次湯底要左清雞湯,如果想食濃味少少, 可以轉紅燒牛肉既濃湯底【香酥排骨麵】豬扒都幾鬆脆, 麵夠彈牙, 軟硬適中【滷水雞翼麵】雞翼4隻, 但唔夠滷水味【鹽酥魷魚酥】即叫即炸, 熱辣辣,炸粉只有薄薄一層, 夠脆唔太油膩

之前住係呢到附近，成日食，都唔會厭，一間小店，做到咁多款式，都真係好出色！我就差唔多食過曬餐牌上每一樣野！從來未令我失望過！所以真心誠意推介各位大大去試下！經常都排隊，排隊都要食，不設訂位，預先網上拎飛等等，都一樣咁多人等食！證明質素高！肉燥茄子飯！肉燥好好味！茄子外脆內軟！配埋白飯，好好食！5分鐘可以清曬😂😂😂😂😂雞扒面！皇牌！必食！雞扒香脆肉嫩多汁！有菜係底，唔會油利！面條軟硬適中，彈牙爽口！希望呢啲小店可以繼續做落去！支持！支持！

今日黎到西菁街經過見到士林唔洗排隊， 即刻諗都唔諗走入去😂因為平時太多人喇😛我地一行四人一坐低， 好快就揀到野食🍜叫左兩碗至多人讚既紅燒牛肉麵， 台式豬腳麵， 同紅燒牛肉飯🍛🍵🥃檸檬綠茶， 仙草奶茶， 香芋仙草奶茶先講湯底， 非常有牛肉味鮮甜又濃郁😍清湯都非常濃味而且完全唔膩正牛𦟌肉又腍又入未， 啖啖軟腍腍有牛味，好好食， 豬腳都一樣炆得夠腍入味， 豬皮夠爽口仲有好多膠原， 超正至於麵質真係如同餐牌所講又滑又爽口彈牙另外幾柸凍飲， 有奶茶既香味， 仙草都好爽值得再幫襯