士林台灣麵

營業中

休息中

作為元朗人，一定要黎食呢間屹立多年的台式餐廳，而且都真係好耐無返過鄉下台灣，唯有去一去「士林」，尋找昔日經常細味的那份台灣味道！我一直都鍾意食台灣野，又鍾意食炸野，所以黎到士林台灣麵，一定會叫佢地個鹽酥雞扒飯。佢地Ｄ雞件份量超大份，炸得鬆脆彈牙，肉與非常厚賁，唔會太油太林，食落非常滿足。而佢個飯上面，都澆上左肉躁，撈埋雞扒食，口感豐富。當然食台灣野唔少得杯台灣飲品！呢日我就叫左胚芽奶茶，然後再加$3加珍珠！鍾意飲胚芽奶茶，因為加左適量的胚芽，可以中和奶茶甜度，讓人集中品嚐個茶味，茶味唔會過於苦澀，慢慢細味。

呢間小店我自己覺得係香港入邊最好味嘅台式牛肉麵牛肉麵半筋半肉，冧得嚟唔會散哂，湯底濃郁，深透哂係肉入邊麵質都好掛湯而且彈牙酥炸雞扒麵雞扒厚肉外脆內juicy，同牛肉湯一齊食，好perfect

不解釋，明就明。。。金髮主管高高在上，所有出錯都係客講漏，無講，客人無知。。。彷彿我要在此生活，工作才知點叫食物才會正確。唔該各位下次諗好晒無出錯嘅台詞才好下單！

士林台灣麵 Shilin Taiwan Shop📍 元朗西菁街9號富盛大廈地下如果你係元朗國國民，一定聽過或食過呢間好出名嘅台式餐廳——士林台灣麵。朋友嚟元朗搵我，我當然要盡地主之誼帶佢嚟試下我哋元朗嘅美食啦！ 💰$54香酥雞扒麵 🐓士林有三大必食美食，分別係佢嘅牛肉麵、魷魚鬚同雞扒。我哋兩個最近都想食少啲炸嘢，所以無揀到魷魚鬚食。我哋叫咗香酥雞扒麵，將湯底免費轉咗做牛肉湯，(記得落單時講清楚，落單後不能轉湯)，咁就試到佢牛肉麵嘅湯同雞扒啦！士林嘅雞扒每次都炸得好香脆，從來都唔會炸到過火，外皮金黃，內裏雞肉多汁嫩滑，必點！麵就係一般嘅麵條，偏粗身有咬口，但唔鍾意嘅都可以改米線。 💰$54肉燥茄子飯 🍆如果你同我一樣，唔想食太多肉，可以揀呢款肉燥茄子飯嚟食。佢有兩大排茄子，少量青菜，飯面鋪咗一大堆肉燥，啱哂想食肉食菜嘅人。呢個肉燥汁同其他台式餐廳唔同，佢唔係偏鹹嘅深啡色，反而係似辣油嘅橙紅食，但放心，佢食落一啲辣味都無，反而有一啲啲甜味，好送飯！ 💰$108晚市兩個人食，呢個價錢絕對係經濟實惠，而且食到正宗台灣味，真係不得不推！再私心推一下佢哋嘅鹽酥魷魚鬚，真係抵食夾大件，食過返唔到轉頭

超差服務態度等5個位，在外面排緊隊聽到叫飛已經馬上跑去，不足10秒時間跟著叫下一個飛既人準備入去同佢理論，跟著就話已經叫左好耐，吾比我地入去先，不知所謂感覺超差，以後亦不會再光顧

士林台灣麵認真一流，由細細個中學果陣食到依家出黎都做左野幾年（年齡係秘密🤣）每次去都會叫碗雞扒麵，雞扒好大塊麵係我鐘意既硬度！干拌麵都好好食😋兩個人去既話一定會叫多個魷魚鬚，大大份，好抵食！ $56一份，抵過大排檔同煎釀三寶啲檔口😋😋😋豬手麵好吾錯！不過吾係太淋身，所以我每次咬到牙都軟同埋要食好耐😂不過入面啲座位比較迫，食野坐得吾太舒服，但佢有露天茶座可以坐出面食，平時我帶完狗仔散步佢就可以陪我坐露天茶座位食野休息下🥰珍珠奶茶大大杯，勁多珍珠！不過珍珠煮得比較淋身，我個人麻麻地喜歡，不過鐘意既朋友可以試下！由細食到大，都係咁大份夾抵食！希望佢會keep到呢個水準！

星期日勁多人！要攞飛排隊 好誇張！食過就經常念念不忘嘅就係紅燒牛肉麵 $70.00每一舊都筋同肉都勁分明 一口咬仲超軟淋淋岩晒我同我父母😆牙力唔好既人麵條係我鐘意果種粗麵 而且好有𡁻頭 好彈牙！湯底其實都好正！不過今日成碗麵唔唔夠熱冬天我會飲大半碗湯夏天就唔啦 叫左杯凍野。。。凍薑汁奶茶 +$14.00飲到一絲絲嘅薑絲 證明係堅野🤣老實講 茶味無乜 薑味少少 奶味重啲 不過我覺得👌🏻 大杯啲就好啦😆其實70蚊一碗真心唔平 胃口大既人肯定覺得細碗但口味 大小 配搭 都係我最鍾意嘅🥰

平時經過呢間舖頭都要等下位，所以都有一段時間冇食過。今日掛8號風球前，好多餐廳已經拉閘唔做晚市，一於快手食個晚飯返屋企😚我哋兩個人叫咗一個紅燒牛肉麵同埋一個香酥雞扒干拌麵，惠顧任何食品加$12就可以配台式飲品！（但最後佢Mark咗14，可能係因為凍飲 ）而家10幾蚊嘅台式飲品真係唔知去邊度搵，所以幾大都叫返個珍珠奶茶🧋湯底相對冇以前咁濃味？🙈 但牛肉就保持到水準，超軟林林。麵質亦都係台灣麵獨有口感😋😋 另外仲有必叫嘅香酥雞扒（忘記影相），份量超大兩個人share食先至啱啱好，識食一定會叫佢另外比香酥雞扒嘅醬汁，唔叫嘅話係冇㗎～

［元朗士林台灣麵🍜］-如果要介紹由細食到大嘅餐廳士林台灣麵一定係其中一間！食左十幾年除咗加左價之外🤣餐廳都有咩點變，味道始終如一👍🏻-餐廳比較狹窄😂同埋生意幾好職員會出出入入送餐，所以會有啲逼🤣同埋呢到冷氣好大怕凍嘅話可以坐係露天位置-😋紅燒牛肉干拌麵 $70干拌麵有肉燥青瓜同埋特製醬汁撈埋一齊食👍🏻幾好味士林麵都彈牙 唔會好淋牛肉就煮得夠淋牛筋位都唔會好韌不過佢加價加得好犀利🥲細個食好似係四五十蚊😂好味指數：🌕🌕🌕🌕-😋香酥雞扒干拌麵 $54炸雞扒好香脆🍗🐔仲好大份😂最好同朋友share黎食好味指數：🌕🌕🌕🌕🌗-😋肉操茄子飯 $54肉燥送飯👍🏻正😛茄子🍆有好多件應該用油炸過 食落幾香口皮有啲硬身😋入面就軟綿綿幾好食😝不過就有啲油膩好味指數：🌕🌕🌕🌕-😋凍珍珠奶茶🧋跟餐$14味道一啲都唔輸蝕台式飲品店👍🏻面頭有層奶霜 珍珠唔會太淋🧋可以試吓😝好味指數：🌕🌕🌕🌕-📍💸人均消費：$60

呢間店都好耐歷史，主打牛肉麵，湯底同牛肉的確唔錯，之前試過炸雞扒都好大塊好脆口⋯係之前試過牛肉幾好味⋯環境係好迫 佢有隔板隔住 但係隔離枱近到你可以夾人地啲餸都得，2人位係迫到相信肥小小連行入去坐都有困難。本身呢到啲食物都唔係特別平～諗住試下香酥排骨干拌麵😑 唔試新好地地 一試即刻中伏首先啲位坐得太迫 舉左陣手先有人過黎落單，上菜好快呀，炸物仲快過碗干拌麵，但一食啲炸物係凍既香酥排骨係冇骨㗎，而且我點睇都係豬扒囉⋯我媽媽叫左炸雞扒，兩碟餸上枱面嘅時候，我即刻就問到底邊樣係「排骨」，佢堅持話個啲冇骨頭嘅肉排就係，係豬黎嫁嘛點點點 無骨仲方便啦咁肉排就肉排 豬扒就豬扒 唔係豬既部分就當排骨卦？我覺得排骨根本係呃人🤥 我未見過豬扒咁樣既排骨，可能係我見識小，同埋好硬 真係有失台灣呢個名干拌麵就正正常常啦 有青瓜有汁（但個人覺得湯麵好食啲囉）炸雞扒都係凍㗎 得塊皮脆總結除左係牛肉可以食，已經唔想再試食其他嘢，甚至乎再去嘅衝動都沒有😌老實講又唔係特別抵食 麵好似52定54😂只感覺到隨住年月已經做到差左卦唔好諗住服務搭夠😂😂無咩服務嫁乍又唔會收你加一😬😬

依度嘅紅燒牛肉麵好出名，但係我唔食牛嘅，所以嚟親通常麵係嗌香酥雞排麵飲食記錄：❶ 香酥雞排麵雞皮炸得香脆🤤雞肉juicy唔鞋🤤🤤雞皮炸得香脆🤤雞肉juicy唔鞋🤤🤤雞扒無預先灑定大量准鹽，唔會咸到令人勁口渴，而每枱都有准鹽俾客人自助使用👍🏻而且雞扒有醃過所以雞肉本身都帶點咸香🤤🤤🤤（以前會嗌佢俾碟酸酸甜甜嘅雞汁點，但依家雞汁調味愈嚟愈似茄汁🙈）想重點一讚👍🏻雞扒下面啲椰菜好好味😋煮得夠腍又有調味😋😋依度啲台灣麵煙煙韌韌幾好味🍜❷ 紅燒牛肉麵供圖作參考❸ 胚芽珍珠奶茶

前日(4-4-2022 Mon)同老公請假行良田坳,行完被迫行去白泥搭小巴出元朗大馬路搵嘢食,問過女同事LSP同ET,就決定嚟呢間,我哋4點鬆啲嚟到,坐低睇menu,揀咗嘢食至睇到下午茶menu,係喎,tea time喇,我哋要咗:2. 熱椰香奶茶真係好熱,其實唔多飲到椰香味,而且味道有少少怪,或者本身台灣嘢係咁啩.味道: 3分3. $54.00嘅酸辣豬腳米線老公特登揀酸辣,係想遮蓋豬腳嘅肥膩感,佢一食話幾好食,豬腳夠腍.我冇試到.佢重叫我介紹返俾我同事.4. 加$2.00嘅凍珍珠奶茶呢個正常冇問題.味道:3分1. $52.00嘅滷水雞翼麵雞翼大大隻,夠味同juicy.味道:5分麵嘅口感都正常冇問題.味道:3分服務:負責收埋錢嗰個肥樓面態度麻麻,但另一個年紀大少少嘅好好多.環境同衛生都係3.5分

呢間舖頭係元朗都算出名😙今次終於食到😝舖頭嘅座位較少🪑枱與枱都幾迫下🤭而食物個人就覺得普通😞冇必要特登嚟食😶🔺香酥雞扒麵🍜雞扒好大份同好厚🍗外皮十分脆🐣大概食三至四舊就有d飽😂雞扒下面有菜可以解膩🥗而麵都係好煙韌湯底係清湯🥣有少少雞味🐥🔺胚芽奶茶🧋十分失望😔完全唔甜好似平時叫奶茶微甜🧋比較適合唔鍾意飲甜野嘅人😙奶茶嘅茶味較重🍵🔺珍珠奶茶🧋珍珠普通冇咩特別😶奶茶一樣是不甜的🥲

【足料入味燜牛😍超濃紅燒湯底沒有之一】食過唔少牛肉麵，元朗呢間士林台灣麵，成功憑濃濃湯底+大大份厚切軟淋牛肉+Q彈麵條成功打入我(so far) top number 1🥇點解咁好食？🏆🏆🏆首先，佢湯底係濃味type，相比其他餐廳較淡味既紅燒湯底，呢間小店岩曬重口味、自認嘴刁有要求、要味覺享受既我！上枱一刻，湯底熱辣辣燙口，好岩依家寒冷天氣警告嘅氣溫另外，牛肉係厚切，足量比一般牛肉店多成倍😍，仲燜得好淋🤗。我最中意佢揀選a mix of牛肉+牛展既部位，所以唔怕佢韌，啖啖嫩肉同時又有牛展膠質最驚喜係連麵條都唔會overcook，雖則要拿捏麵條軟硬度，keep住Q彈係難架！✏✏✏✏✏✏✏👅味道：10/10🌌環境：7/10👍🏻推薦：10/10______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作紅燒牛肉麵 (💝10/10)佢在我心中紅燒牛肉麵category中

#emily出街食👅👅元朗超出名+唸唔到食咩就會食的士林牛肉麵 每次食都覺得好好食😙牛肉夠大塊又林好入味🙌🏻每碗有成四五舊大塊牛肉都幾抵食～無咩特別評價 只係希望佢可以少啲人排隊 同埋可以book位🥲次次都勁多人 最癲試過等成1個幾鐘食碗15mins食碗嘅麵。。📍士林台灣麵