增煇大排檔 & 增煇藝廚

營業中

休息中

三個麻甩揾地方開飯，因見網友力讚，所以我提議去增輝試吓。是晚星期日，都幾多人，等侯了15分鐘至有張"冇雷公"咁遠嘅枱....但冇櫈....五分鍾後，櫈嚟....但如果想要埋筷子、碗、杯、茶、菜牌其他嘢，吾該多等5-10分鐘....最後點了四個菜，又再等了15-20分鐘....(1)釀雞翼-雞翼去骨釀入Ｄ好似水餃餡嘅嘢，上枱熱辣辣，幾好食。(2)鬼馬脆油條-呢個餸喺幾特別，但上枱時己經吾喺幾熱，要扣分。(3)黃金炒飯-幾惹味而且吾油，炒得有水準。(4)蒜蓉炒西蘭花-呢碟菜炒得幾好，吾太硬，雖然油咗少少。加一支BlueIce，埋單$174，未算超值，只算合理。

17/4(一) 7:30-10pm悠長假期最後一天,難得與家人食晚飯,由我選址,想近近地,價位實惠,於是book左此大排檔,幸好早已book位,7點半去到已坐無虛席,我地一行7人點左11味菜,上菜速度異常慢,這個悠長晚飯花了2個半小時!鹽水沙薑雞腳---雞腳極其腍身入味!脆皮西施豆腐$38---外脆內滑!蘸甜酸醬十分醒胃!粟米魚肚羹$43---中規中矩.西蘭花帶子$68---帶子帶酸,決定退貨!椒絲腐乳炒通菜$35---夠鑊氣!而且炒得不太油膩.炸蝦餅墨魚餅雙拼$68---2款均相當彈牙!味道夠鮮兼乾身!椒鹽白飯魚$48---白飯魚挺肥大,味道香口!椒鹽軟殼蟹$48---雖份量吾多,但蟹肉仍能保持其肉汁,不俗!滑蛋炒蝦仁$48---蝦隻蠻大且爽口,唯炒蛋吾算滑!蜆蚧鯪魚球---細細粒尚算彈牙!蘸上蜆蚧醬,完美配搭!家人讚不絕口!薑蔥骨腩煲$45---骨腩吾夠新鮮,肉質較散,但其味道還是不錯!埋單$542,家人大讚抵食!$300以上可以信用卡付款,此大排檔都頗user friendly!recommended!!!

星期二夜晚, 朋友叫一齊出去食飯, 時間佢諗, 地點就由我諗, 而我地一共有六個人, 全部人都想食平靚正, 但又可以傾吓計. 都唔駛點諗就已經決定食增輝. 我地Book咗要坐裡面, 去到佢就俾咗一個自成一角嘅地方我地, 又幾好喎. 但係坐吓坐吓就開始發現有好大問題, 點解咁勁煙味,對於我呢D唔食煙嘅人嚟講真係好難頂, 各位要有心理準備. 而家呢D天氣去增輝食, 一係就用二手煙送飯, 一係坐出街, 不過會熱到嘔, 但係我寧願揀熱到嘔, 真係好想搬出街坐, 不過為咗就一D怕熱嘅朋友, 最後唯有犧牲我啦~~~唔理啦, 辛苦都要食, 我地六個人叫咗八個餸加一支啤酒. 分別係:金不換炒蜆椒鹽鮮尤椒鹽九肚魚鬼馬脆油條蒜蓉炒西蘭花粟米魚肚羹西檸軟鷄麻油胡椒蝦其實樣樣餸都好好食, 但係我比較鐘意椒鹽鮮尤, 鬼馬脆油條同麻油胡椒蝦, 炒蜆就失敗D, 變咗炒蜆殼, D肉少得可憐. 唔通金不換炒蜆同普通炒蜆係唔一樣?食吓嘢, 吹吓水, 咁又過咗三個幾鐘, 最後埋單$407, 位位$68, 平到笑, 又過咗一個好開心嘅夜晚

前一夜Merseyside Derby之傷痛,尚有點隱隱作痛之際.(如果唔係菲臘仔臨上半場完的靚絕own goal的話,分分鐘唔係咁講法.足球而言,實在存在太多你同我都估唔到的變數.)是夜一早相約幾名食友晚飯,想潛水都唔得.男人大丈夫,自己擁護隊球隊輸左.訓醒又一條好漢.但係輸比果隊係自己的世仇,起碼要比多少少時間去平復.首循環主場輸波,結果第朝無晒心機囉sick leave.是夜治病之藥方,就在深水步"增輝".時間尚早,人並不多,來到增輝,當然要點一些椒鹽菜色,始終此大排檔,係以椒鹽菜式馳名.逐味評有點吃力,不如講下我吃過而有些印象的:椒鹽系有九肚魚,同墨魚咀,做得很香口,九肚魚外面香脆,內裏很嫩滑.送酒實在天作之合.鬼馬,即係墨魚膠釀在油條內之炸物,本身已炸過的油條,再炸過口感更脆,入面墨魚膠幾彈牙.真係鬼馬,年前在新和富吃過同類,論食味,質感,增輝更勝一籌.間場的蒜茸蒸勝瓜,勝瓜幾爽口,點此味的原因,除左想要些蔬菜落下肚,同埋貪平.$30一碟.豬大腸也不錯,但個人感覺隔離小菜王還做得好些.白灼花螺,算是全夜最貴的菜式.白灼,係好過辣酒.只嫌細細隻,無甚肉食.埋尾的Wasabi牛肉

睇食評介紹,呢度d椒鹽鮮魷真係鬆脆到得了,又夠味道,好多酒樓都冇咁嘅水準,好!蒸扇貝都十分惹味,唔會蒸得"老",番茄蛋花豬潤湯,清清地,豬潤冇"嚡",重好大碗,兩個人飲極都飲唔晒.

因老友係椒鹽鮮魷o既fans見呢到o既食評都唔錯就約多個老友3條麻甩去試試佢o既功夫,去到因見舖外爆晒棚就坐入面,但因太煙霧迷漫關係連食煙o既老友都頂唔順,於是一見外面有檯埋單就即轉位坐出去果一刻簡直天堂地獄o既分別....爽爽!因見人唔多只叫左...老友鬼鬼—入面o既墨魚膠口感同味道唔錯同加上外層o既油條香脆得黎又唔會太油膩送啤酒一流,自覺得呢度水準比之前係妹記食過o既高!羊腩煲(細)—打開蓋見d配料如枝竹,馬蹄,冬菇等堆到滿一滿好鬼足料,一見滾起聞到香味就唔理咁多夾件羊腩試下,雖然羶唔太足但好入味而配料都唔錯,可惜因太飽冇叫白飯,如用d汁黎送飯更正...椒鹽鮮魷—老友至愛,薄薄o既脆皮加上魷魚食落好夠鮮味最緊要同先前o既老友鬼鬼一樣唔會有太油膩o既感覺真係唔錯,比起外面好多地方都做得出色,連老友都讚唔錯!生炒骨—咬落外皮脆而味道都算o.k.加埋4支特價大啤埋單唔使$300,以佢地o既椒鹽菜同羊腩煲已經交足功課,加埋同老友食下飯飲下酒吹吹水簡直盡興,下次一定要叫多d老死再試多d其他菜色再盡興再飲勝!

由於炒野炸野出色，就來食一個熱氣餐。熱氣餐，當然少不了最出名既鬼馬脆油條和雞軟骨，還有炒聖子同埋白灼魚皮。鬼馬脆油條香脆有口感，又唔怕油，點可以整得咁好食呀??!!雞軟骨又係"嗦嗦聲"，又細細粒咁，送飯送酒都掂！聖子夠晒野味，Ｄ汁亦岩晒送飯。最後亦係最唔熱氣既魚皮都好鮮甜爽口，口感一流。依個星期最滿意都係今餐！諗起都想再去食。

已經來過增輝3 次, 試過不少小菜, 全部都有水準。羊腩煲, 豉油王鮮魷, 黃金炒飯, 蒜蓉蒸扇貝, 豆豉鯪魚油墨菜, 全部也有水準。但最高水準的, 首推炸物, 任何炸出來的食, 全部也極香脆, 但碟上一滴油也沒有! 神乎其技! 次次也點油炸鬼, 沒有一次失準；椒鮮魷價錢合理, 環境當然不會太乾淨, 但就可以接受；唯獨是佢地太忙太多客, 叫極都無乜人理, 但個個都不會黑面而且有笑容, 也是可以接受的。始終大排係講風味和食味, 服務及乾淨呢d 不能太苛求！

2005年的第一個OR聚會和2005年最後的一個聚會，終於都完滿結束了。看完KC兄的食評，才記起原來兩次都係我做搞手，真可說是有頭有尾吧！我們叫了很多食物，相信看完KC兄的食評，也知道得七七八八；而我自已最喜歡的有鬼馬脆油條、椒鹽白飯魚、古法羊腩煲和雞軟骨。鬼馬脆油條- 墨魚膠味道幾好，加上香脆的油條，口感幾好，真係送酒的佳品。椒鹽白飯魚- 又是另一個送酒必叫的食物，香脆唔油膩，飲酒必叫。古法羊腩煲- 其實味道和差不多，只是羊肉比較少，料就比較多。雞軟骨- 細細粒，好易食，又香口又好味！可能當晚飲了唔少酒，所以香脆食物特別受歡迎；其實其它食物都唔錯的。生炒骨及咕嚕肉，是今次必叫的食物，但追了很久才到，好在終於都有到；可惜兩碟完全一樣，真係分唔出那碟係生炒骨，那碟係咕嚕肉；好在味道還可以。在新的一年，希望也能和大家出來食飯，開開心心！遲再見！

小頭好怕食羊，因為怕騷，但老公幾鍾情羊腩煲，很開心有機會跟食友們來試食，讓老公解一解饞。羊腩煲果真名不虛傳，好香，一點也不羶(不少人會笑小頭不會吃- 不羶的羊肉有啥好吃？但各花入各眼，口味是很主觀的)，點腐乳醬食幾好食喎。古法又比清湯更好(羊腩較腍味較濃)，但羊腩份量又真的少了些，反而配料像枝竹，馬蹄和粟米好夠。這次老公食得好高興，而小頭也發拙了新的美食。有機會要吃羊腩煲更著名的小菜王。

2005年的第一個OR聚會是黃大仙詠藜園，最後一個聚會，就在這裡。埋單計數，大小聚會數十個，出席食友逾千人次，都算犀利。是食友發起去吃羊腩，開頭的提議又是小菜王，但作為喜歡吃的人，也不能吃來吃去也是同一處地方，所以今年的羊腩局了這裡。初次來吃的以為這裡沒有位子，其實多多位都有，好像我們一行十六人，就坐了上閣樓的兩張大檯。人多，叫菜就很容易，就隨便叫些大排檔的拿手菜，包括羊腩窩，幾個香口的下酒菜如鬼馬脆酒條、椒鹽白飯魚、椒鹽鮮魷、鹽椒軟殼蟹及炸墨魚餅。是晚海鮮乏善可陳，只得花甲叫做食得過，就要了兩份，再加兩碟炒蜆。另外還有美極雞軟骨、白灼魚皮、Wasabi炒牛脊肉及每餐必備的~生炒骨及咕嚕肉各一碟。擺好陣式，大家酒過二巡，菜色開始陸續上檯。先來兩個羊腩煲，古法及清湯各一。相比之下，還是古法的好味及受歡迎一點，始終夠色夠味，是不同的。清湯是比較清淡，還有點藥材的味道。以羊腩煲而言，這裡是不錯，但始終不及小菜王那邊豐富，好像兩箸過後，食友已找不到有幾舊羊腩剩下了；鬼馬脆油條這裡的伙記稱之為「老友鬼鬼」，是這裡的招牌菜，製法是墨魚膠釀在油條內再炸，上檯是外面香脆，裡面又有墨魚膠的口感，香口又不

呢間嘢嘅食物都幾好味，頗有獲氣，有啲食物都幾特別，價錢方面就中規中舉，大約四＋幾至六＋幾左右唔算平。我經常都有同朋友去食同啤一啤嘅，但有一次响夏天時份去幫襯，因佢嘅格局係大排檔加地舖，所以坐室內就有冷氣室外就欠奉啦！大熱天時梗係揀有冷氣啦！咁當時室內客滿重未有位，等咗一陣都未有人走，我同啲朋友都準備走過隔離小菜王食架啦。但當我哋正想離開之際，話得事亞姐就嗱嗱臨叫住我哋話入面有枱就走啦，叫我哋坐住出面叫住的嘢食住先，入面一走就即刻比枱我哋，我哋都接受就坐住出面叫住啲嘢啤住先。食咗兩個小菜啤咗三支啤酒都未有枱，都唔係問題，既然係自已決定坐低而入面重未有人走都無辦法。但跟住嚟個蒸扇貝竟然唔熟，以一間開咗咁耐又頗有名氣嘅大排檔嚟講，正路好有經驗至啱，咁嘅情形唔應該出現！但心諗間中都會有失手嘅就算啦，繼續啤！正當我哋等緊扇貝翻蒸啤到身水身汗嘅時候，入面有人走啦，正準備入去歎冷氣啦，點知個話事亞姐竟然將入面張枱比咗啱啱嚟嘅客人，咁你答應咗比我架嗎！梗係質問你啦！佢就支晤以對敷衍咁話下張一定比翻我哋，好！比多次機會你等多陣。等咗一陣又有人走，但亞姐依然照板碗比咗人，此時真係火都嚟埋，立即埋單去小菜王

之前KC兄介紹了去食，原來在隔離還有一間好出式的大排擋，所以早兩晚便約了一個很久沒有見面的朋友食晚飯。我們叫了豉油皇墨魚、炭爐羊腩煲和黃金炒飯。豉油皇墨魚- 墨魚好爽口新鮮，好彈牙，但來到時已經感覺唔夠熱，但都唔知點解，好味就是了。炭爐羊腩煲- 用炭火來燒，份外有feel，羊腩煲味道很好，和相差不遠，很多枝竹和馬蹄，但羊肉就比較少，有點唔多夠食。黃金炒飯- 很香咸蛋黃味，炒飯炒得一粒粒，也是好好味，可惜就少，每人只有一碗；但來到時又係唔夠熱，感覺越來越奇怪。因帶了紅酒去飲，食物也食得七七八八，就想再叫多個香口的小菜送酒，但叫完後等了半小時都未到，再追後等多四個字都未見，紅酒飲完都沒有來。見人不停的走來走去，但就唔知做了什麼；看來它們的運作好有問題，每個人都好像好忙，但就自已有自已做，完全不懂分工合作的重要性，最後就是應了食客，但就忘記了；菜出了很久才拿給食客，所以我們叫的小菜就唔夠熱；後加的小菜，分分鐘沒有落單。看來再來這裏食，要一次過叫菜，唔好後加，唔係可能分分鐘無得食。最後都係食唔飽的走了。這裏食物的選擇比多，但就沒有它這樣抵食，如有時間等的話，也是值得再來的。

去開荔枝角，就來這區試其中一間碩果僅存的大掛檔。事實上這店是有鋪位的，夏天來也可坐室內。豉油皇墨魚($8) - 墨魚爽口鮮甜，豉汁好惹味，一流。炸拼($68) - 有多春魚、餃子雞翼、百花釀雞、炸蝦和海山骨。全都香脆可口，但碟底一滴油也沒有，頂呱呱。尤其是海山骨，外表乾爭爭，但咬落有肉汁，鹹香味美。油鹽水浸花甲王($50) - 花甲好大隻夠睇頭，但肉也沒什麼味，可以不叫。雞煲($48) - 熱辣辣香噴噴，雞肉和豬又滑又好食，不過略多油，x2則嫌雞件少。大哈爾濱啤($15)總括來說是價廉物美，比容記小菜王更抵食。下次會去增輝旁的小菜王。

挑起條癮想食羊腩煲,就諗到呢間羊腩煲炭爐上,好有風味,加上馬蹄、枝竹、茼蒿,好好食白灼墨魚好爽黃金炒飯好香口自備紅酒係唔需要開瓶費服務亦都好三個人$270(唔包紅酒)Goodtime!