增煇大排檔 & 增煇藝廚

營業中

休息中

老友帶我去買黃金買rounter，買完之後就來左呢度吃飯﹗來吃飯亦都主要係老友幫到手，我特登請佢一餐多謝佢，見對面有枱叫左辣酒花螺，就二仔底死跟﹗是日天氣相當焗，一路坐一路流汗，這是坐街之苦，不過我地呢0的地盤工友邊有會走入冷氣地方，叫了幾支獅威都係唔掂﹗辣酒螺跟住個gas爐，一直煲住保持溫度，未吃已聞到酒香，辣味慢慢流出吃至滿頭大汗，螺肉新鮮但較腍身，也許長期煲住會過火吧﹗再來個椒鹽魷魚鬚，夠大碟有份量，椒鹽味濃郁而有嚼勁，送啤酒一流﹗及後老死又放工到來，再啤過吹過，要多個雜菜煲及椒鹽茄子，要提的是茄子切得細細粒容易食，增輝既椒鹽果然是九龍區最出名的，整咩都咁惹味好食﹗埋單340，食物不貴都是啤酒錢吧，我來請客已叫抵食了﹗

知道深水埗同石硤尾一帶有好幾檔大排檔，咪上open rice 搵下，最後決定去增輝但去到時都冇大排檔feel，同一間普通菜館、酒樓冇分別。發現最大分別只不個係在出面煮野、洗碗碟。叫左碟炒蜆，等了又等，來到係殼多肉少有沙「生炒骨」外熱內冷，唔好食班腩煲 - 好普通水準。蠔仔肉鬆煎蛋 - 味道不及廟街。最慘係d伙記企哂係街上吹水，搵個人service下都冇五個人去，叫左六個餸、一個湯、五個飯、三支大啤酒，每人竟要$220，有點吃驚收大酒家的價錢，但換來不合理的服務，計番條數，去鴻星重好食同抵，服務一定好過呢間d伙記，唉！大集團反而比較抵同好食

每逢周末都會約三五知己聚聚. 今次專程駕車來到朋友介紹之增輝大排檔(增輝廚藝), 試試這里之特色小菜. 本以為只是一間大排檔, 菜式一般, 但細看Menu, 原來這里真有很多特色小菜, 由於今次同行只得5人, 故還有很多想試的, 唯有再約下周末及叫多些人一齊來, 這可叫多些海鮮和小菜吃. 當晚, 我們主要點了 :1) 招牌湯 : 胡椒花甲豬肚湯 - 花甲很大隻, 胡椒份量則合到好處, 但另2位女士因怕辣, 她們只喜歡吃豬肚和花甲.2) 小食 : Wasabi魷魚圈 - 很正, 如你吃得Wasabi, 真一定要試試. 3) 鬼馬油炸鬼 - 開支酒啤啤, 用來送酒一流.4) 椒盬瀨尿蝦 - 我們選了要糕這款,很大隻, 自己反而覺得糕太多, 下次要試無糕的, 每隻足足有一支礦泉水樽這麼長.5) 豬蒜骨及唶唶炒通菜都很好味.服務方面 : 我都看到某些食評, 說個公道話. 其實, 若以一間菜館形式來看, 他們的服務態度已很不錯, 要知道, 深水埗始終是老區, 不同尖沙咀及銅鑼灣.

五個人首次到此食店...............叫咗胡椒豬肚花甲湯好香胡椒味花甲夠大豬肚不會過林有咬口味菜不會過咸木桶上夠份量水煮肉片辣味及麻味都適中不會偏重某方肉片嫩滑多手多腳俾個名吸引原如係鮑汁炆雞腳同豬手兩者都好入味不會過份林鮑汁好送飯冰鎮游水亞拉斯加長腳蟹$988有3斤幾抵食因新鮮關係肉質夠實及鮮甜啫啫通菜梗時令菜一定不會失望Wasabi魷魚圈白嘅魷魚圈不要睇少,入口辛辣味勁

這晚因為附近的大排檔要太多人，一家就到了對面的增輝廚藝。這間食店裝修後，門面都不錯，金色及啡色主打顏色令人都增加信心。可能是紅日關係，人流較多，我們被安排坐在樓上較入的位置。等了十五分鐘，菜也選好了，但一直沒有人行過來幫我落單。我們落單時落了五個菜。點了招牌菜「胡椒豬肚浸花甲」, 「生炒骨」,「鼓椒炒硯」,「椒鹽白飯魚」及「蒜蓉炒芥蘭」。「胡椒豬肚浸花甲」先說味道還可以，只縑胡椒有點重手，可能有些人會接受不到。材料花甲很大隻，感覺很抵食，但問題可惜清洗功夫不足夠，很多沙。飲到尾時用湯勻攪拌，可聽到清脆的沙沙聲。「生炒骨」很大碟，論數量都可以。但那些肉入面不夠熱，只得暖暖的感覺。給我們感覺是內裡不夠熟透。在現時病毒肆虐的時代，實在有點害怕。之後便到「鼓椒炒硯」，這些硯殼多肉少其實不多不少都預計得到。但最嚴重的問題是在碟內可以找到不少疑似垃圾的物體，例如龍蝦鬚及菜渣，詳見下圖。試問炒硯需要用到菜花去炒嗎? 我只知道不少人食菜時都會把菜花咬開及丟棄的。最後那兩個菜「椒鹽白飯魚」及「蒜蓉炒芥蘭」都不過不失，都是大眾的水準，沒有特別比人優勝之處。最後埋單約350元左右，但以該食物水準來看，不值得

上星期五晚又係成班朋友飯局嘅日子，由於呢排打太多邊爐，所以大家一致決定食大排檔，而我就提議嚟呢度。當晚大概7:30到，比起平時明顯少咗好多人，以前訂枱都未必有位，但係嗰日反而有好多吉枱，唔知係咪真係市道咁差呢~~二話不說我就點咗醬撈八爪魚仔、 鬼馬油炸鬼、花姿釀雞鎚送啤酒先!醬撈八爪魚仔 - 仲以為係熱食，點知原來係冷盤，好爽脆又鮮甜，味道剛好，而且嗰種超爽勁脆真係一流，估佢唔到有咁嘅口感。鬼馬油炸鬼 - 以前嚟親都一定order呢味，保持到水準，外面油炸鬼鬆脆無比，裡面蝦膠又香蝦味而彈牙，正!花姿釀雞鎚 - 好香口嘅雞肉，裡面又係好彈牙嘅花姿膠，不過比起蝦膠就略遜一籌啦!之後友人再落order，叫咗:-炸釀皮蛋 - 流芯皮蛋都幾唔錯，不過外面包住皮蛋層蝦膠略薄，可能因為咁好似有啲炸過火，所以比較硬囉...椒鹽白飯魚 - 條條魚個size都幾大條，椒鹽好好味，而且又炸得啱火喉，值得再試。紅燒班腩煲 - 好普通，而且有啲覺得偏咸。豉汁蒸白鱔 - 個豉汁都唔錯，不過個白鱔就泥味好重，我就覺得好腥啦。蠔仔肉鬆煎蛋 - 味道平均，蠔仔都好鮮味，不過唔係好覺有肉喺裡面。之後再叫多個南乳唔知咩雞送

兩個人...食左:啫啫通菜煲 - 夠鑊氣...只有少許葉....莖多....但係勁爽脆....好味西檸肉排 - 個汁好味.....酸酸地....可惜個肉排炸耐左....其中幾件有D硬.....豉椒蟶子皇 - $26 一隻....爽....但總覺得唔夠大隻....或者係煮熟左縮細左好多咁....由於個西檸汁太好味....結果兩個人食左三碗飯...埋單 $15X

我地兩個人去吃晚飯, 叫了四個小棻,一個湯...... (1) 焗魚腸...... 好難吃, 勁鯹(2) 妙聖子皇.......又話聖子皇, 吳見得好大隻, 味道無特別(3) 妙通棻.....普通妙棻一碟(4) 香草豬肘脾......好野味, 值得一試(5) 胡椒豬肚花甲湯.......好味道, 花甲勁"大"隻

今日因為系附近剪頭髮其後男友話去食小炒,之後就帶左我黎增輝啦第一次黎,見佢馬路對面都有一間裝修絕對唔係大排檔格局2個人叫左4個小菜1)花枝釀雞槌 -----花枝炸得好香,但所謂的雞槌只係一層雞皮2)酥炸軟殼蟹 ----食左兩件無食....因為太油膩.佢層炸漿一放入口就成為左一啖油....3)蝦------唔記得左咩蝦,用竹籤串住黎燒.幾好肉地但唔夠惹味.男友話其實唔抵食.4)蒜蓉粉絲蒸蟶子 ----蟶子幾大隻,係4個小菜中最好的.無叫飲品~一餐食左320大元夠飽但覺得又唔值呢個數

噚晚同舊同事食飯,佢哋介紹去深水埗(增輝)話之前睇亞視生活着數台講過有底食價.8:00去到雖然月尾又係星期二都要等位,原來D人都係俾底食價吸引嚟.有乜咁底.星期一 清蒸龍躉頭腩 每份$68星期二 大大隻聖子王 每隻$10星期三 紅燒蟹肉生翅 每煲$68星期四 百花炸釀蟹拑 每隻$10每日特價龍蝦 $9.8 一両我哋叫咗上湯龍蝦加煎米底 D肉好新鮮配煎米底好食過伊面底豉椒炒聖子王 辣辣地好嘢味孜然豬串骨 面層炒得夠乾裏面夠肉汁南乳吊燒雞半隻 D皮好香脆D肉好有雞味一定係新鮮雞胡椒豬肚花甲湯 胡椒夠香好暖胃油浸大筍殼 炸得好香脆D肉好滑餃子釀雞翼 OK啦但細咗D蟹肉扒瓜甫 東瓜蒸得好入味豬潤杞子浸波菜9個餸都係收$千幾有咁多海鮮食真係底,佢吔重有優惠卷送每$500蚊有一張儲夠10張有大鮑魚同紅酒送下星期三再嚟過因為好想試個翅佢哋話D特價可以任叫幾多都得,到時一定再叫龍蝦真係好好食

結左婚私人時間唔多,不過間唔中都會同D兄弟食下飯.SSP增輝絕對係其中一個適合地點,渣車易去易走唔駛同人迫,最多係等位者!男人老狗唔係唔等得下嘛?亦增明佢地真係好好生意.佢地既胡椒豬肚浸花甲絕對要試,不過如果兩丁友去就唔好叫飯,淨係飲湯同食D花甲都坐底飽一半,四個人分都嫌多. 不過事實上呢個價有呢個質素同份量絕對係抵食. 另外D小菜如花枝釀皮蛋, 中式牛柳, WASABI魷魚圈, 送飯同埋送酒都唔錯.不過佢地D鮑蔘刺肚我未試過,唔知好唔好味. 淨叫小菜同湯,位位百幾二日都有找.可以坐底慢慢食下好野傾下計,值得值得.

在好友介紹下，到了增輝大排檔光顧。雖說是大排檔，其實附近幾間地舖已收歸其下，可見其受歡迎的程度。鮫子雞翼：去骨雞翼裏饟了蝦及豬肉等食材，味道ok，size略為細隻了一點。豉椒炒蜆：幾大碟，夠惹味，唔錯。豉椒炒聖子皇：忘記了要蒜蓉粉絲蒸，結果都是豉椒炒。聖子皇本身都ok，味鮮甜，和豉椒醬也很配合。不過熱騰騰的聖子肉竟放在凍冰冰的聖子殼上，感覺不大好。南乳燒雞：燒雞肉質一般，不過層皮的確很薄很脆，唔肥膩，沾上南乳醬吃，幾好食。啫啫芥蘭煲：夠惹味，ok。

feb 06, 09,15人來dinner聚餐,叫咗1圍+散叫 : 1) wasabi魷魚 x 2-散叫-唔好睇佢白"劇劇",wasabi味都唔弱喎,真喺唔知佢點樣上到wasabi味落去-魷魚質感軟腍 2) 辣酒花螺 x 2-散叫-食得辣嘅友人們就嫌佢無料到-我就嫌佢有沙-最後店員親自試過,只收1碟價$$$ 3) 鬼馬油炸鬼 x 2-散叫-呢個喺鎮店之寶-油炸鬼喺脆口,墨魚膠亦結實足料 4) 炸大腸 x 2-散叫-炸得幾脆,不過我還是食到有少少"押"味,所以1件就算 5) 上湯龍蝦-散叫-好似有成3斤幾-唔知喺邊度產地,但鮮味只屬1般,但勝在啖啖肉 6) 豉椒蒸蟶子-散叫-呢個幾新鮮,大部份都幾大隻添 7) 黃金花枝丸-咬落都少彈-合格有餘 8) 5福喜臨門-其實喺幾款炸物 - 鬼馬油炸鬼,炸大腸,炸釀雞翼,炸豬扒等-隻雞翼勁炸後都少乾吓-而炸豬扒都幾味精吓 9) 富貴明蝦象拔蚌-正常 10) 翡翠金錢鵝掌-見到成pat獻,無試到11) 發財好市大利-無試到,只喺食咗菜啫 12) 清蒸大海石斑-懷疑額外+咗1條-但都幾新鮮,亦無蒸老到 13) 金瑤螺頭燉雞-勁味精,所以只飲咗1-2啖

I have had dinner in here since 2006. But sadly to say that this place has become a very highly priced restaurant but producing low quality food.-They introduced 10% service charge recently!-Even the cleanliness is always at a lower expectation as it is suppose to be a "大排檔", but I found their bowls, glasses, and even chopsticks were very oily. Be honest, I never want to visit their toilet. Otherwise, I would lose my appetite for that evening. -How can you expect that they do not have any 姜蔥 sou

我是該店的老顧客了,大約由02年開始食佢老實講,我同老闆同老闆娘都好熟的,未開分店前一星期至少兩晚係度開左新店後質數大大下降了,以前朋友搵地方宵夜,係九龍的話非熷輝莫屬最愛必食的是避風塘炒蜆 , 皮爬蝦 , 清湯腩前幾個月去食,避風塘炒蜆兒家個師傅唔識炒,皮爬蝦無貨 , 夏天無叫清湯腩, 最後唔記得左叫咩, 黎的野又唔太慢,不過真係好一般,價錢比出面起碼貴2成,仲要加一......想比意見老闆,不過佢太忙, 唉,算啦,短時間都唔會再黎了熷輝美味的棻色只能在回憶中尋找