增煇大排檔 & 增煇藝廚

營業中

休息中

石硤尾街每一天也上演"打比戰",增煇大戰小菜王也.沒來此帶一排,增煇已連對面的兩層舖位也租下,名叫"增煇藝廚",成個酒家款.做大排檔做到如此,可算是一個奇跡.雖然是坐在酒家般的室內,室外仍是大排檔格.餐牌抬頭,依然是"增輝大排檔",本質不變.這夜為友人陵兄之生日局,幾個相熟麻甩在此聚首.六個人吃了十幾味,實在不能盡錄.頭盤的酸辣涼伴墨魚,刺激十足,墨魚爽口鮮甜.第二味竟是腐乳通菜,鑊氣逼人,汁液多到流出來.吃到一條不剩.鬼馬釀蝦膠即是油炸鬼釀蝦膠,油炸鬼炸過再炸,入口很硬,唯幸蝦膠都算彈牙.三杯鵝腸味道酸甜,可是鵝腸未盡肥美.花枝釀雞槌,香口彈牙,花枝同雞肉很夾,眾人吃罷大讚.送酒自然叫多幾味香口菜式,椒鹽雞軟骨爽脆香口,但鮮魷就粉漿有點點過厚.缽仔魚腸好明顯沒有下果皮,是否的自家的魚腸新鮮到充滿信心?可是,魚腸在沒有果皮之助下,果然有點腥.沒有龍躉球,轉個蒸班腩,魚肉都嫩滑,又是有點點腥,不夠鮮之故.豉油皇炒麵太濕,此一味都係東寶做得最好.南乳吊燒雞就差矣,非用鮮雞,雞味自然不夠.外面的燒皮脆口,但香味亦不夠.吃下的雞肉,又不見嫩滑,不過這夜啤酒倒水咁倒,也送得下.黃金炸蝦餅香脆彈牙

上星期睇飲食雜誌,主題係介紹食鵝o既好地方,其中吸引我和女友來試的就是三杯鵝腸,因為一來以三杯雞的煮法來炒鵝腸,好有新鮮感,另外就係鵝腸保留了一小條肥脂,宜家好少地方可以食到留膏的鵝腸.我地叫左3味小菜,分別係三杯鵝腸,南乳脆香雞及鬼馬脆油條.或者係希望越大失望越大吧,雖然3味小菜都唔錯,但三杯鵝腸竟然係比較遜色o個味.三杯鵝腸:甜,酸,咸,辣都有齊,個汁係幾開胃o既,不過嫌略唔夠濃味,雜誌講話佢地d鵝腸會保留一小條肥脂,但唔係好覺,只係勉強見到少少(好失望),鵝腸唔夠滑.鬼馬脆油條:幾有創意同埋d油條都炸得好脆,唔錯!不過正如之前有位食評所講,食兩三件可以,一次過吃太多會好肥南乳脆香雞:即炸,好脆好香好入味,肉汁亦可以保留到,係三味小菜最好o既一味.(本身想試南乳吊燒雞,但因為要只少叫半隻,價錢又貴差唔多一倍,我地得兩個人跟本食唔晒,所以叫了脆雞)至於環境方面,雖然話係大排檔而廚房都o係街,但我地o係舖裡面食,舖面都算乾淨企埋又有電視睇,比想像中好.不過收銀o個個阿姐態度就真係差左少少,我去俾錢o個陣,佢計左二百五十幾蚊,我諗無理由架,應該唔駛咁貴架,望一望佢張單,發現佢將南乳脆香雞

呢度寫到d焗魚腸咁好味，咪帶屋企人去試o下囉，點知苦到抽筋，都食唔到，簡直係離晒譜，強記真係好食好多，面夠香，內有芫茜香味，魚腸無苦無腥味。好彩孜然骨好味d，如果唔係.....

懶到出汁，總玲唔起心肝去寫食評，認真要改善一下。是日不太舒服，應該要吃清淡一點，但最後都係受唔住誘惑去左大排檔食飯。好在，人家都好就得我，不叫一些太熱氣我菜式。睇了又睇，終揀了砵仔焗魚腸、炒龍躉球、家鄉豆腐以及豬潤妃子浸豆苗，一白飯同埋啤酒小量。砵仔焗魚腸很出色，油炸鬼多，上層夠晒香脆，而下面的魚腸又香又滑，沒有腥味；炒龍躉球有鑊氣，龍躉入味，魚皮脆口，十分美味，伴碟還有西蘭花，不過較硬。家鄉豆腐清清地，豆腐吸取了醬汁精華，味道濃郁；豬潤妃子浸豆苗，豆苗好嫩口，豬潤不太腥，也不會有渣，亦是不錯。四味餸都好有水準，十分滿意。始終覺得呢度比隔離的小菜王還要好少少。下次來一定要食佢既招牌菜鬼馬脆油條。

早前看雜誌寫過這店的血淚史, 也有興趣來這裡試一試. 就趁一家人玩完之後過了來. 未夠六點半來到, 坐係新鋪那邊, 環境比隔離店稍勝.揀了四樣菜色.南乳吊燒雞$88: 7分, 見係店方推介的, 縱使係大排檔吃雞有過不少不愉快的經驗, 也要了半隻. 上臺時賣相一般, 色澤不太對勁. 但係吃落口覺得雞肉係幾嫩滑, 有點意外, 雞皮當然夠脆, 整體算不錯. 當然跟高水準的仲有段距離. 還有一點, 碟雞叫做南乳吊燒雞, 但係南乳味好像完全失了縱, 奇怪.鬼馬脆油條$53: 7分, 又叫了碟炸物, 心想應該無乜問題. 油條入面有墨魚滑同墨魚粒, 墨魚滑幾彈牙, 但係油條未夠脆, 同埋係比較油, 食食下已經慢下來, 尾段都係好難清. 其實都夠水準, 但係人多分吃會更好.砵仔焗魚腸$38: 8分, 這裡的焗魚腸係有好多油炸鬼, 魚腸不太腥, 整體焗得都好香, 送飯好好.臺面蒸龍躉頭脯$108: 8分, 要了個肥媽私房菜的人氣推介, 龍躉係幾靚, 幾新鮮, 魚肉係好猾, 不過份量不太多. 另外, 爸爸媽媽認為生菜係失敗的, 應該都要整熟先上臺. 另外侍應處理這個臺面蒸的菜色實在係好驚險, 差點就倒瀉成

身為深水土步人, 這幾家幾多人去的所謂"大排檔"都未去過, 是有一點汗顏的。一天放工9時多, 也懶得想去邊, 邊走邊想地走到這裡。舖位跟吾家的差不多, 信步走上閣樓的檯, 搵個位坐下, 空調是吹到應, 感覺不太好。如題, 這篇食評重點是沒配套, 所以主要是談其周邊而食物篇幅係會較少的。對我而言是好少可。叫了三個菜, 包括金銀蒜牛柳粒, 鬼馬油炸鬼以及魚肚漫莧菜, 飯粥各一。先上的鬼馬油炸鬼上的墨魚幾鮮甜, 切條的墨魚比全墨魚膠好多了, 可是本人不太喜歡吃翻炸的油條, 因為太硬了。吃完一整碟以後, 再來牛柳粒, 是很juicy的, 稍嫌生蒜片少左少少。魚肚浸莧菜就罷鬼! 魚肚搵竹笙濫竽充數都算喇, 僅有一件魚肚有如嚼鞋底, 浸菜的湯就幾甜, 唔要舊生膠鞋底會為整個菜生色不少! 粥就係我從來沒吃過咁難吃! 比一般潮州粥更水還水, 飯還飯, 仲要是凍的! 真係好難頂下。味道整體還過得去, 可是所以配套就不敢恭維了! 洗手間又細又窄, 洗手盤的水喉係裝假狗的(咁好心拆左個洗手盤, 唔使我去得咁辛苦啦!), 抽水馬桶也是流的, 唯一水源是廁所側的拖地水喉, 啤酒桶就用作沖水用, 真係好恐怖的洗手

老友為了一洗頹風，約會增輝健康飯局團目的太美好，但應邀的四位人士大都是奇人，健康的晚飯聚會變了啤牌劈酒局廿一點、三公、十三張、咩鬼都玩哂，結果是.........朋友新買回來的袋濕哂，老友卻在抹那沒人坐的凳，九唔答八及嘈得得緊要要一提今次菜色，貝殼類勁多沙，好似沙漠炒蜆一樣，花甲入面有石仔，下次老西都唔再叫咩豬頸肉雞軟骨全無特色，蒜香雞中翼好好味，order左兩碟助興

上星期六幫襯隔離，當時奇怪點解增輝生意差咁遠，隔離坐滿幾間舖，呢邊正舖同分舖仲有位。就係唔信鏡，特登要試試。之前食過隔離o既焗魚腸，特別叫返比較下。另外點南乳吊燒雞同炒菜，簡單。等o左一陣有得食，最先上o既係焗魚腸，咁快!? 結果係失望，魚肝多過魚腸兼夾入面出晒水，完全唔得。跟住果碟南乳吊燒雞變o左燒雞(即係炸雞啦)完全唔同價喎，問阿姐點解連果碟仔南乳都唔比，出面哥哥仔仲好野: "不嬲都冇喎"。正式南乳吊燒雞梗係冇啦，查晒上隻雞度嘛，但係你果隻祗係普通炸雞，咁同搶我錢冇太大分別；不過，隻雞都仲算係肉滑少肥膏。埋單價錢同早三日隔離食差不多，要成七十蚊一個人其實唔平，但係呢邊菜式選擇少好多之餘水準仲要差一截。唔係話增輝生意差，但係點解同隔離差一截? 原因就係咁簡單。

I have had a very poor experience there.Food is OK but some of the staff were impolite. Also, the waiting time for the food was nearly an hour. Terrible~I won't go there again~~

早前又在家飲酒，決定了來這裡買外賣；我們叫了粉絲鮮魷、花枝雞搥、菜甫煎蛋和清炒豆苗。粉絲鮮魷- 鮮魷幾新鮮，炒過的茸蒜很香口。花枝雞搥- 炸過的雞肉，拿到回家已開始變硬，雖然幾入味，但還是在食店食會好一點。菜甫煎蛋- 菜甫煙煙韌韌，幾有咬口，蛋炒得幾香，可惜熟了點，偏實。清炒豆苗- 豆苗幾新鮮，但和酒好像唔多配合。今次叫的食物，麻麻。

猶記得大半年前跟大學好友嚟呢度食飯，一碟wasabi牛頸脊確係技驚四座，食到眾人(包括小弟)淚涕漣漣，嗰種攪笑情景仍歷歷在目。估唔到今次跟女友再光顧，水準卻差咁遠...金不換炒蜆--- 代替平時我哋食慣食熟嘅豉椒炒，有心思，可惜金不換葉只得幾塊，份量太少，食落真係同豉椒炒蜆冇乜分別(除咗辣少少之外)；蜆算幾肥美，可惜洗得唔乾淨，有好多沙，扣晒分...上湯荳苗--- 合格，多D蒜頭就更好...豉汁蒸蟮 --- 蟮唔靚，肉質有D脢兼腍pat pat及散嘅，只靠濃濃一pat豆豉及醬油蓋過D僅有嘅魚味，劣品；又蒸得過晒火...唉...一言難盡...埋單仲要成百七蚊，好肉痛...>.<

17-Nov-2006星期五晚去了增輝吃晚飯，豉油王游水墨魚、椒鹽游水有羔賴尿蝦兩大隻、豉椒炒聖子、椒鹽九肚魚、鬼馬脆油條、蒜茸蒸勝瓜、蒜茸西蘭花、炸蝦餅、蒸豆腐。蒜茸西蘭花非常好食，豉油王游水墨魚因為新鮮所以好正，鬼馬脆油條一般，其他椒鹽的餸菜都有水準，不過我就不太喜歡樓上伙計的面口(雖然只是大排檔)。個人認為同小菜王各有千秋，下次試強記先。

2/10(日) 7:30pm男友親友行畢又一城,想近近地吃頓簡便晚飯,我這地頭蟲立時致電此店訂座.一行7人7點半到達,被安排坐樓上,環境反比樓下及坐出街舒適,最少冷氣充足.一行7人點了蒜蓉粉絲蒸扇貝$98七隻,雞蛋焗魚腸$38,鹽焗雞$140隻,美極炒雞軟骨$48,紅燒大斑尾$384,避風塘炒雙蟹$284;肉蟹$7兩,膏蟹$8兩,金銀蛋肉鬆浸莧菜$43,蒜蓉白菜仔$33,芥蘭頭炒飯$33蒜蓉粉絲蒸扇貝--扇貝體積談不上巨型,幸而爽口彈牙,亦屬鮮甜.雞蛋焗魚腸--有點失準;味道偏鹹,魚腸帶苦澀,幸而面層油炸鬼尚算香脆.鹽焗雞--肉質細滑,雞味頗鮮,唯雞隻稍肥,雞皮略油膩.美極炒雞軟骨--食味平平,未能將美極的鹹鮮徹底發揮.雞軟骨也欠缺鑊氣.紅燒大斑尾--大斑尾足足重27兩,賣相派頭已令人嘩然.斑尾肉質難得地細緻嫩滑,魚味鮮濃;加上鹹香的火腩,味濃而鮮的冬菇,及滑溜得很的豆腐,口感豐富,絕對極其水準的一道菜,令人回味!避風塘炒雙蟹--另一佳作!炒得相當乾身惹味,沒半點油膩.蟹雖不算肉質,但肉質皆鮮甜結實!金銀蛋肉鬆浸莧菜--莧菜嫩綠鮮甜,而皮蛋及鹹蛋皆份量十足,鹹度適中.蒜蓉白菜仔--炒得

三個人都不知食什麼好..本來想介紹爸B 到類近的食店吃飯,順便等佢試試新菜, 惜佢本人實在太怕等位食飯, 最後便提議到此店品嘗大排檔的美味:曾經有本雜誌介紹一定要試食: 鬼鬼馬馬...以為佢是什麼普通菜, 原來大有來頭....廚師用了墨魚+ 豬肉打碎, 然後再用炸粉炸到外皮鬆脆, 咬落啖啖脆, 好似油炸鬼一樣, 再加酸醬..OH !! 好味道, 不過, 質地實在有點油膩, 不宜食得太多.而爸B 亦大力推介: 豉椒鵝腸, 本身對呢款菜不甚欣賞, 或者因為賣相不吸引, 但鴨公都覺得幾好味, 只嫌不夠豉椒味.而最欣賞也是美極蝦, 估不到如此普通的菜色, 令我感到份外驚訝, 用美極汁炒蝦原來肉質是很好..下次親自煮菜時, 都要試試.再加上大千蟹, 入口有少少辣味(因為飛滋仍未好, 點了少辣), 蟹肉尚算新鮮, 味道亦很好....當然也少不了, 蒜蓉炒通菜啦, 其實在大排檔食炒菜, 永遠都夠火氣, 真是不可缺少的一道菜.估不到, 原來爸B 都有如此好介紹....難怪媽咪時時跟佢四圍食飯啦....

今日四個人去,叫左幾個小菜:<br />1)鬼馬脆油條-----非常難食,不知所謂!<br />2)蒜蓉炒西蘭花------呢碟菜炒得好一般.<br />其他都係好一般,都唔明點解咁多人讚好食?