塚田食堂

營業中

休息中

將軍澳多商場，連帶餐廳都特別多，今次試咗一問聲名遠播嘅日本餐廳定食包咗前菜、味增湯、沙律等，沙律係薯仔沙律，口感綿細，間中食到粒粒薯仔，層次豐富上枱嘅時候，最吸睛嘅係外形好似布甸嘅固體雞湯，睇住熱力將佢溶化，唔使1分鐘，固體雞湯已經成為濃厚雞湯，由幼雞同走地雞嘅雞骨製而成，湯底越滾越濃稠，而且充滿骨膠原嘅黏性，認為真材實料！和牛薄身，雪花均勻且佈滿，肥瘦適中，皆因我哋都唔鍾意太肥，所以非常合我哋口味，蔬菜拼盤嘅色彩搭配得美輪美奐，例如有紅、黃椒各一塊、大葱兩段、菇類等，配襯出色彩繽紛嘅賣相，另一大優點就係易腍，同和牛一樣非常薄身，尤其係翠玉瓜，煮一陣就食得同和牛壽喜燒定食一樣，包咗前菜、味噌湯、沙律等，配料嘅溫泉蛋流心好吸引😍 蘿蔔口感同賣相一樣，好腍身另外加咗$22嗌照燒雞，肉質嫩滑，果然冇嗌錯😋除咗可以加配小食之外，亦可以選擇加$20享用飲品吧、沙律吧同埋甜品吧

又到左星期五收工後去捐窿捐罅搵野食既時間，今次搵到依間係將軍澳既塚田食堂，一聽個名就好有日本既感覺，食完一定可以解到思鄉之愁！今次叫左兩個餐， 一個係和牛壽喜燒定食，另一個就係角煮定食.壽喜燒既湯底好特別，一個似布甸既野放在係個盤入面，加熱後慢慢溶化變成湯，睇住溶化既過程都好療癒！果然冇叫錯依個餐，和牛真係好好食，放入盤內淥一淥後即刻夾來食，口感一流，簡直超正.鹽麴燒雞都好特別，肉質唔會因為燒既關係而變得好乾好柴，真係冇叫錯依個小食！至於依個角煮定食都唔錯，但因本人不太好肥豬肉既關係，加上有少少油膩，所以不是太好依個餐，但對中意食肥肉既朋友仔後講係一個唔錯既選擇！總括黎講，野食質素唔錯，值得推薦比大家👍🏻👍🏻👍🏻👍🏻

「塚田」有好多分店，今次試吓坑口哩間「塚田食堂」😋 餐廳幾大，安排坐卡位，非常闊落舒適😊👍🏻 Lunch time 都幾多人，好彩我哋早到😆 所有食物都包咗沙律bar，正😍 有幾款新鮮沙律菜，有好幾款飲品，仲有甜品👍🏻 我哋叫的定食，都包埋幾款前菜同湯👍🏻炸豬扒咖喱蛋包飯 $123賣相唔錯😍 咖哩好香濃惹味，蛋包飯的蛋好滑，飯係炒飯底👍🏻 炸豬扒香脆好味😋燒三文魚定食 $88三文魚幾大件，外面煎得好香脆，入面肉質仍然滑，好味👍🏻 滑蛋鰻魚定食 $88鰻魚好滑，好好味😍 滑蛋配上洋蔥、菇、鰻魚汁，又係好好味🤤 餐廳環境、食物、服務都好好，值得推介👍🏻

呢間餐廳一到午市總會好多人排隊，8卦睇下餐牌，原來午市定食都有好多野揀，燒魚、咖哩系列、滑蛋飯、刺身飯等等，除咗有定食嘅麵豉湯&白飯之外，Lunch仲包自助沙律🥗飲品bar，任飲任食，唔怪得咁受街坊歡迎👏🏽*滑蛋鰻魚定食 $88*滑蛋帶點甜味醂嘅味道，用嚟送飯一流，鰻魚份量都應該有一條，咁大碟餸cp值都幾高，仲有3個日式漬菜，好豐富☺️*鹽麴燒雞定食 $98*相對比頭先嘅滑蛋鰻魚定食，呢個雞扒餐cp值就無咁高喇，雞扒正常一塊大小，不過味道唔錯，夠嫩滑出面有自助飲品&沙律🥗吧，飲品都有好多選擇，冷熱有糖無糖都有得揀，有果汁、汽水、生果茶、咖啡沙律吧就有車厘茄、粟米、冷盤螺絲粉、甘荀等等甜品有兩、三款蛋糕，味道正正常常總括嚟講，如果你好肚餓，呢間日式餐廳都係個唔錯嘅選擇😆😆定食價錢最低$68已經有，入黎食一份正餐，再食沙律，同飲嘢飲到飽曬都幾抵😎

天氣太熱冇煮飯，懶懶哋去咗附近東港城「 塚田食堂」。週末晚市和平日下午完全兩種狀況， 人流較多。提供多款定食：有刺身，炸雞，燒魚，咖哩，火鍋等等。 其中比較吸引嘅係佢嘅飲品沙律甜品吧。晚市最低消費每位要order一款定食， 沙律吧每位加$20。 用餐時間75分鐘～座位好闊落張枱特別大，放多少少嘢都唔會逼。沙律吧 有幾款蔬菜： 青瓜絲，蘿蔔絲，紫洋蔥絲， 粟米粒， 車厘茄還有已調味嘅芽菜，腸仔沙律。。 都幾啱鍾意食蔬菜沙律嘅朋友。飲品方面有多款自家調製嘅果汁，美人水。試了美人果茶，菠蘿青瓜水，都是很清新唔會太甜。 另外還有罐裝，盒裝的飲品。日式咖哩飯屋企人想食咖哩， 今天唔食肉。 日式咖哩醬汁香濃， 微辣中帶香甜， 配日本米飯令人吃不停口。定食的味噌湯好夠熱， 有豆腐，昆布，都是傳統嘅味道。其中一款漬物是牛蒡絲， 切得幼細，入囗清爽。日式滑蛋鰻魚飯蛋好滑，鰻魚肥美肉夠香， 份量不少， 醬汁也是非常濃郁，偏甜， 適合喜歡壽喜燒那種甜度嘅朋友， 配白飯唔錯！👍飲品吧還有熱茶，咖啡。估唔到佢啲咖啡味道唔錯， 有炭燒嘅風味， 沖一小杯配幾件甜品也是種享受。

用家感受，不是打手！8️⃣5️⃣CP值，2人埋單$227(已包加一)，平均每人$114，平日午餐時段，人算多，坐滿晒，好彩等10分鐘就有位，下次記住book位，7月只是半個月已去左2次，我真係好少可。7️⃣0️⃣位置，坑口地鐵站上商場，算易搵。6️⃣5️⃣環境，感覺舒服，乾淨企理，坐位闊啲就更正。7️⃣5️⃣招呼，友善有禮貌，QR code落單，上菜快。7️⃣0️⃣燒血鯛定食$98，好味。8️⃣0️⃣滑蛋鰻魚定食$88，好味。5️⃣0️⃣南蠻炸雞$20，有啲乾。所有午餐定食送沙律吧、甜品及飲品，真係超正，晚餐要加$20。朱古力甜品好味。上次食個銀雪餐及咖喱雞飯超正。

今日我終於出城由大埔去到將軍澳找朋友食飯，朋友帶咗我嚟呢間日式餐廳，我佢話呢一間餐廳好食仲抵食添，因為佢加$20就可以仼飲飲品及仼食沙律甜品，我叫咗個滑蛋豬扒定食，個餐仲配有麵豉湯、兩個日式漬物、薯仔沙律，炸過嘅豬扒比滑蛋包住而且充滿着壽喜燒汁，每一啖都好Juice，而且豬扒仲好鬆軟又夠厚身好好食，日式漬物用來配飯好開胃，成碗飯都可以食晒，沙律吧提供左芝麻醬同埋柚子醋，而且仲提供左沙律專用夾好衛生，飲品方面選擇都好多，有好多果汁類嘅飲品，我試咗美人果茶，味道有啲似雜果賓治又幾好飲，唔知飲完係咪即係會變靚啲呢？仲有兩款甜品提供，我覺得香蕉蛋糕係最好食，我仲食咗四件添，朋友果然冇介紹錯

自從美人鍋轉手為塚田食堂今次係我第一次食，餐廳用手機落單都幾方便，我見到餐牌介紹和牛壽喜燒個湯底由幼雞同走地雞嘅雞骨熬製溶化到湯而成，我就被佢吸引左，決定試下呢個和牛壽喜燒定食$198，另外再加左$20食埋個沙律及飲品吧沙律及飲品吧設有消毒酒精讓客人可以在拿取食品前消毒雙手，值得一讚飲品選擇很多，有八款由餐廳特製而成嘅果汁，仲有茶及咖啡，雪櫃仲有不同嘅罐裝飲品，我想飲熱飲所以我就揀咗茶，餐廳有四款茶包提供，包括煎茶、紅茶、玄米綠茶、茉莉綠茶，沙律吧亦設有幾款蔬菜提供，客人可以先食沙律做前菜和牛壽喜燒擺盤好精緻，有一大盤蔬菜，和牛質素亦很好，油花都算多，仲有小配菜、薯仔沙律及溫泉蛋一隻，火鍋入邊見到有一球固體雞湯，加熱的時候會慢慢溶化，整體黎講火鍋嘅質素幾高，牛肉真係好好食，湯底香甜，侍應亦都很貼心表示唔夠湯嘅時候可以加湯，雖然睇落份量唔算好多，但係食落去嘅時候發現都幾飽今日佢有兩款甜品，我最欣賞嘅就係香蕉合桃蛋糕，香蕉味夠仲要食到一粒粒嘅合桃肉，我仲encore左一次添，一定要試！ ！

將軍澳人口越來越多，所以越開越多餐廳🍽今日去了坑口附近做嘢，順便去東港城自己dinner，未去到7:00pm已經好多間食店門口排緊隊，沿途見到間食日本嘢🍣🍤🍡😋比門口沙律bar吸引咗，見餐牌又多選擇，所以選了呢間入到去店員都好有禮貌，講解番用QRcode點餐，晚上點定食再(+$20)可以享用沙律吧🥗甜品吧🍰飲品吧🥤☕任飲任食仲有介绍埋飲品吧有8款餐廳自家制果汁，真係多到唔知飲邊款好😆仲有各款汽水，熱飲，真係好多選擇我點了6色刺身定食🍱 有刺身，味噌湯，飯，沙律同漬物,刺身非常新鮮，色澤鮮豔，红潤，定食已經非常豐富🤤不過我都+($20)享用埋出面三個吧😋呢度都抵食，又多種類，環境座位又坐得舒服，下次去開坑口都會再來幫襯👍

/ 芝麻醬油火炙三文魚配鱈魚子丼 $78 /算係餐廳比較平嘅選擇，價錢包沙律吧、飲品吧、甜品吧，飲品有包裝，亦有特飲，沙律吧都有唔同配料，都幾多選擇。原先感覺上都抵食，但甜品吧只有2款唔好食嘅芝士蛋糕😂，扣咗少少分。講返個丼飯，跟餐有味噌湯，味道有啲鹹。個丼飯嘅芝麻醬油無芝麻香，三文魚有火炙香但薄切，食落唔太滿足，鱈魚子就比較鹹，要撈勻哂啲配料食先啱啱好。[ 6 / 10 ]塚田食堂 (將軍澳)將軍澳坑口重華路8號東港城1樓181號舖

魚魚魚都係魚🐟位置坐得舒服枱比起平日嘅餐廳大，滿意。仲有個籃俾你放袋，同埋用code落單。西京燒定食 $128我見到有一台叫咗魚，個樣幾吸引就打算叫，而佢個定食嘅飯你可以揀要普通飯定係其他款式。我今次揀咗熟三文魚碎（+15）。仲有得俾你揀解唔加其他小食。我覺得自己冇叫錯，西京燒好好食。啲飯係珍珠米，比起平時食日本餐嘅珍珠米更加粒粒分明又易入口，最緊要熟嘅三文魚同平時出面食有啲唔同，佢食落去唔會話好鞋身，同埋佢啲三文魚食得出有調味。定食有兩個前菜，沙律同埋麵豉湯，我覺得麵豉湯同出面唔同嘅分別就係唔會好似出面咁咸。個沙律係薯仔沙律我好鍾意。油甘魚 $38 （5片）刺身來講去都尚算新鮮，而且呢個價錢就有五片來講都幾抵，而且唔細片，都唔算薄。午餐有最低消費每人$58，但就包左自助沙律吧同飲品吧。沙律種類都唔算少，而嘢飲來講就更加多，仲要有埋兩款嘅甜品。雖然呢度用自助式，但勝在坐得舒服枱面唔會細，除咗魚係需要耐啲時間整，上菜都唔算慢，我見佢仲有其他魚，下次我會想試埋其他。

今日一早book咗夜晚食飯準時去到，同reception個哥哥講話book咗枱，個哥哥見好多人，問咗個男性化嘅女侍應點處理，女侍應大大聲話book咗枱都要等，俾咗張飛我，我初頭以為係特別飛，結果都等咗幾個字！我真係嬲到發咗癲！🤬🤬🤬如果你唔俾人book枱，唔該你唔好喺OpenRice set有得book枱又叫啲客喺度等😡😡😡我大可以唔食你間餐廳，我唔係一定要老奉幫襯你！😡😡😡😡😡平心而論，佢啲嘢食係OK，魚嗰個定食係好食，但刺身唔係特別新鮮，其中見到有舊三文魚有血我換咗，其他同事態度都正常，沙律吧略嫌少種類，但係加$15冇乜嘢好值得討論同挑剔。所以如果間餐廳食物質素係唔錯，唔該你間餐廳諗清楚係咪要請態度咁臭檔嘅員工，提供啲咁垃圾嘅服務比顧客，否則只會趕走哂啲客😡😡😡😡😡😡

見新開的塚田食堂評價不錯，就約埋飯腳去試下。能夠係openrice book午飯時段既枱真係打工仔福音，唔駛趕頭趕命咁周圍排隊等位，搵食輕鬆好多。午飯時段無lunch set,不過沙律bar, 飲品和甜品都可以都自助任攞，唔駛加錢。友人話沙律bar既蔬菜好新鮮，但我去到大部份沙律料都被人攞晒，只剩栗米粒同蕃茄仔，所以轉去攞野飲同甜品。飲品有4-5款可以選，甜品係迷你芝士蛋糕同紫薯蛋糕，兩款蛋糕都幾好食，不過紫薯比較漏，食完有d滯。我個定食係豚肉味噌湯配炸池魚，份量十足。池魚魚肉炸得嫰而不油膩，流心溫泉蛋，一口食落去，超滿足，好有幸福感！豚肉片都唔會煮得過熟，但味噌湯既味道帶點澀味，可能係加入酒糟既關係，本人就唔係太鍾意。餐廳地方唔算大，但坐位設置唔會好迫，卡位仲好闊落。整體而言，食物質素不俗，價位不算低亦不算高，如果想午飯食得好，坐得舒適，塚田食堂係一個好選擇。

塚田食堂最近轉了新菜單，所以帶左朋友來試下新menu有什麼特別-銀鱈魚西京燒定食🐟新出的銀鱈魚西京燒是油脂很豐富的部位，望落比較細份但實質上很厚身；相比起之前吃過的鰤魚較多魚骨，但口感和味道都算是十分出色。-滑蛋豬扒定食🐽豬扒和滑蛋都夠嫩滑，豬扒厚度適中不多根；但醬汁略咸，要下飯才能中和一下味道。之前+$15就有自助bar，現在而要+$20一直念念不忘塚田食堂既朱古力蛋糕，為了吃朱古力蛋糕我地二人都分別加了沙律吧！朋友都極力推薦這裡的蛋糕，朱古力蛋糕濕潤綿密，入口即化的口感，加面層有浸朱古力慕絲，非常濃郁朱古力味

好掛住日本嘅美食，特別係一啲家庭小菜，所以今次嚟到呢一間日本餐廳。睇嚟好多人都好掛住日本， 7:00嚟到已經排緊隊。成個Menu都係日本嘅家庭菜，選擇好多元化，而且定食價錢都合理。以前我喺日本住過兩年，都好鍾意食豚汁。豚肉味增湯帶炸池魚定食（+$15明太子飯）好懷念喺日本食到嘅豚汁嘅味道😭湯入面有大量豚肉同蔬菜，好健康嘅感覺。池魚炸得剛剛好，厚肉，配埋個醬汁，正啊～加$15轉左明太子飯，起初都會擔心會唔會得好少明太子。嚟到之後就覺得$15真係抵俾。有好多明太子，少少辣，好好送飯，食到停唔到口。照燒和牛漢堡扒定食漢堡扒夠實，食到好濃嘅牛肉味。仲有炸南瓜同菇做配菜，中和照燒汁嘅甜味。另外加配南蛮炸雞，熱辣辣好juicy! 再加$33配燒花魚，好大條，肉質又鮮，好抵加！