塚田食堂

營業中

休息中

好多時我而家都係鍾意買外賣返屋企食~~所以次次買炸野都好怕嘅，因為怕啲食物會淋哂，變到一patpat🤫😢//但係呢間餐廳嘅炸詞語完全冇令到我覺得好失望，因為炸池魚拎到返屋企竟然仲係脆卜卜，而且仲要有成三大舊😍😍，可以話淨係食啲魚都已經夠晒飽🤣🤣🤣池魚嘅魚肉都好多，佢係偏紮實嘅魚肉，而且食落去完全冇腥嘅感覺，如果下次再想食炸嘢一定會諗起佢👍🏽👍🏽我見呢度仲有魚生嘅定食，都好有興趣～

平時經過見到呢間日本定食餐廳都想入去試吓，於是見今日放假，就捉咗我朋友去試吓。😛〈半自助任食沙律吧、飲品吧〉🥗🍵☕️每分定食都包一位半自助任食沙律同飲品吧，有各式各樣嘅飲品可以揀，仲可以自製沙律同醬汁選擇。〈生薑炒豬肉定食〉🍱🐷雖然我唔鍾意食薑，但係一見到生薑炒豬肉我都會唔使諗就揀咗，豬肉炒得好入味，肥瘦均勻。我加錢升級左做明太子飯，明太子份量好多，鹹鹹地，都好容易送飯。〈照燒三文魚定食〉🍱🐟三文魚嘅份量比我想像中大嚿，燒得啱啱好，唔會乾身之餘，肉質仲唔會太乾，三文魚嘅油脂味好出，正！白飯轉咗做熱烏冬，煙煙韌韌，值得推介。買單嘅時候先知道原來一點前結帳嚟坐仲可以有九折優惠，等我下次都早啲過嚟食晏先。🤩

將軍澳的塚田食堂同佢其他分店（農場）唔同，佢主打定食，而且佢有飲品及沙律自助吧。和牛🐮壽喜燒定食 $198佢本身會跟一碗珍珠米飯，不過我加左$10轉烏冬。上枱時，湯底係啫喱狀。利用電子爐既熱度熔化，變成一個壽喜燒湯底，幾特別湯底唔算好濃，味道適中，和牛油花分佈唔錯，入口口感好正，即使配壽喜燒湯底，都食到牛味。和牛漢堡扒定食 $128和牛漢堡扒煎得唔錯，唔會煎到肉質變「鞋」，而且每啖都食到肉汁。沙律🥗甜品及飲品🥤吧 $20相比其他分店，將軍澳店加$20就可以任飲同飲食沙律甜品，相對下CP值較高。我試左美人果茶同水蜜桃🍑果茶，個人比較鐘意水蜜桃果茶，好濃既水蜜桃香味，而且唔算太甜。美人果茶就像熱情果茶，甜了一點。沙律配菜選擇都唔錯，我地都食左3碗😆

中午午飯時間比較匆忙，兜兜轉轉又返去東港城「塚田食堂」， 喜歡那裏的自助沙律吧， 食飽飯可以飲杯咖啡提提神。十一點半就開始午市。平日這個時段人也不少， 餐廳 正做早鳥優惠一點前結帳有九折。😍✨選了兩款定食。喜歡這裏的食材和味道不會過份花巧， 吃到食材本身的鮮味。照燒三文魚定食$88厚厚的三文魚扒， 香煎過後竟然一點也唔乾， 有魚油香， 三文魚以照燒汁略醃過特別香甜美味～ 伴菜也十分美味！醃菜還有牛蒡絲～ 👍😋 蟹棒豆腐， 都是傳統又美味的前菜。沙律吧有多款自家製健康飲品， 今次試咗😁：菠蘿青瓜水，美人茶，石榴汁， 味道唔錯幾清新又唔會太甜。 沙律吧都以蔬菜為主， 雖然款式唔多不過都擺放得整齊乾淨， 新鮮為主。自助沙律吧還有兩款蛋糕， 軟熟， 底層是海綿，面層是慕絲，精緻小巧， 配一杯炭燒咖啡即可叉叉電～豚肉味噌湯定食$88以三款味噌湯熬煮，加入大量蔬菜， 湯底味道好豐富清甜， 加上豚肉片也很入味。 還包括炸池魚， 香脆可囗有魚味。＋$10 白飯轉蕎麥麵， 可以一試爽滑的蕎麥麵， 但還是白飯才最適合。😋👍

早幾日去了將軍澳搵朋友食飯係東港城見到塚田食堂消費滿 HK$58 就可以免費享用自助飲品和沙律吧咁抵，就入去食個晏喇 !!!點餐後，就出去自助飲品和沙律吧取沙律和飲品 ...自助飲品和沙律吧任飲任食 ...飲品有果汁、果茶、咖啡、玄米茶、綠茶、罐裝飲品 ...沙律有蔬菜、粟米、蕃茄仔、紅蘿蔔絲 ...原來還有甜品，是兩款蛋糕仔 ~~儍媽的 ... 炸池魚定食 HK$78定食附有味噌湯、前菜、冷豆腐、白飯有 3 大塊炸池魚，炸得好香脆，池魚大條啖啖肉啱哂喜歡香口食物的我 !!!朋友的 ... 滑蛋鰻魚定食 HK$88滑蛋和鮮嫩的鰻魚加上帶點甜味的醬汁，配白飯一流 ~~最後，嘆番杯咖啡和甜品就完滿喇 !!!** 以上分享是以我的口味、體質和情況作出分享及感受，一試 / 合用與否請自行決定

約開飲早茶(中式茶)嘅朋友留意啦，如果想改變下，可以試吓日式早餐啊，聽住日文歌，如果想坐耐D，仲可以每人加8蚊就有自助飲品任飲，成10幾樣咁多。『塚田食堂小鉢朝食』是個好吸睛的早餐，有九宮格的小食+飯+湯。九宮格内有三文魚，鯖魚，豆腐，茄子，蕃茄，蟹子波菜，黃豆，炸雞……『燒鮭魚朝食』就有燒三文魚，有配菜豆腐，又係跟白飯一碗及麵豉湯。『洋風炒蛋朝食』配厚多士，有腸仔，煙肉，有炒蛋，有乳酪，超豐富，而且好高質。除此之外，仲有20幾蚊30幾蚊的麵食選擇，仲又唔使加一，超開心。

第二次幫襯坑口呢間塚田食堂，之前食過食物質素唔錯，所以又再黎食喇！今次見到餐牌有更新到，幾有新鮮感，唔怕食到悶! 每款定食都成個餐盤送上，好日式，有晒前菜同麵豉湯！前菜有三款：牛蒡、凍豆腐、酸瓜漬物，每款分量少少地，啱晒做餐前小食！🆙+$20 升級可任食沙律吧🥗🍹🍰價錢唔貴，而且都好多野食，在場好多人都有加！除左沙律菜之外，仲有好多款飲品同兩款蛋糕仔食，好值得升級！▪️燒花魚定食🐟花魚都幾大條，燒到條魚好香好好食，附上碟醬汁，我覺得唔使點已經好夠味，魚味濃郁！而且佢嘅米飯係用日本米，令整體感覺更加日式，米飯粒圓潤飽滿，帶點黏度，仲有少許微甜味道，非常好味，平時唔太食飯嘅我都成碗食晒！▪️豚肉泡菜定食🐖呢個係惹味之選，醬汁味道濃郁，豚肉份量都幾多，有咬口亦唔會好肥！連埋泡菜食好夾，伴碟仲有啲沙律菜配芝麻醬，幾清新！最尾再出去拎兩件蛋糕食，非常滿足的一餐😛

經過見到塚田食堂呢間日式餐廳好多人排隊🤤特別係個和牛壽喜燒定食好吸引～決定試一試！ 整體評分：6.9/10環境：6.9/10人均消費：$100-200地址：塚田食堂 (將軍澳)將軍澳坑口重華路8號東港城1樓181號舖和牛壽喜燒定食 （$ 198）：睇個menu好好吸引！上到枱和牛肉質鮮嫩，油脂分布均勻🤤好正！不過如果可以多幾塊和牛更好，醬汁方面壽喜燒汁偏甜。另外擺盤好靚～有前菜同蔬菜拼盤～擺得好靚💖蔬菜都幾新鮮評分：6.9/10燒血鯛（+$44）：另外加左個燒血鯛做小菜～血鯛有驚喜！完全唔腥，肉質緊實好味唔錯評分：6.9/10

之前去日本嘅時候第一次食炸池魚～返到屋企嘅時候簡直係對佢念念不忘🙈所以一路都好想尋覓一下邊度有炸池魚可以食～❤️-點知就比我搵到喺屋企樓下嘅呢一間餐廳😍自此就成為左呢一間餐廳嘅常客啦～我最鍾意佢嘅炸池魚咖喱蛋包飯😋😋佢有2塊池魚，啖啖肉，兩舊都好夠食呀！！佢嘅日式咖喱味道亦都做得好好，有淡淡的辣味，但係又唔會太甜🤗🤗佢弱鹼亦都做得超級滑👍所以三樣食材加埋一齊簡直係冇得彈啊❤️😆😆

呢間新開嘅餐廳成日經過都見好多人等位，今日終於同囝囝去咗食滑蛋鰻魚定食 $88鰻魚冇骨，入口軟腍，滑蛋帶有甜味，撈飯食一流，另外定食入面配埋味噌湯同前菜，豆腐好香滑🤤親子丼 $78嘩！份量好多，雞肉嫩滑得嚟仲大大舊，滑蛋滑lu lu，仲有隻溫泉蛋，好正呀！S̺͆e̺͆m̺͆i̺͆-̺͆B̺͆u̺͆f̺͆f̺͆e̺͆t̺͆ ̺͆S̺͆e̺͆t̺͆食滿$58以上就可以出去拎嘢食包括自助沙律、甜品、飲品有沙律菜、粟米🌽、車厘茄、青瓜絲…飲品都有好多種類，水果茶、美人果茶、美人水仲有罐裝飲品甜品有兩款迷你蛋糕仔，唔太甜，味道都唔錯

專登出坑口去塚田食堂食日式料理set 餐廳裝修充滿日式風情，座位非常寬躺，我哋一行四人坐得好舒服。點餐用QR code落單我哋揀咗燒花魚定食 （$93）其中燒花魚真係超好食，條魚本身有醃製過，鹹鹹香香的，而且燒得比較乾身香口，最重要冇乜魚骨，小朋友都適合食，我媽媽直頭想啲骨都食埋🤣米飯是正宗的珍珠米，跟在日本餐廳食分別不大。定食有兩個前菜、豆腐冷盤和麵豉湯，大圓滿。剌生4點定食 （$128）魚生片很新鮮，入口很好吃。雞照燒定食 （$98）雞照燒燒得也不錯，不過相對燒魚更出色晚市可以加$25 食自助前菜、甜品和飲品，但我哋太飽無加到，經過見到都唔錯。一餐飯就將我哋帶到去日本，好掛住日本，希望可以快啲飛過去食啦。

高CP 半自助日式料理😍滑蛋鰻魚定食 $88鰻魚無骨軟淋 滑蛋帶有甜味 適合拌飯 白色嗰舊係薯仔沙律炸池魚定食 $78出乎意料 炸池魚足足有三大舊 份量感人 而且非常脆 必食推薦 白飯為珍珠米配有日式拌菜任食沙律、甜品及飲品+$15沙律吧整體高質 有蕃茄菜同螺絲粉等選擇當日有三款蛋糕：最喜歡香蕉味蛋糕 唔會太甜，又好鬆軟朱古力蛋糕比較甜 粉紅色嗰舊唔記得咗係咩味 不過麻麻哋飲品有凍有熱 我就選擇飲茶選擇好多 15 蚊真心抵PS 可考慮叫少飯，切勿浪費食物

首先介紹個滑蛋鰻魚定食，呢個餐＄88，有少少前菜，今個麵豉湯，放埋一個 tray 上，都算大方得體，鰻魚份量一啲都唔少，加埋滑蛋起鐵板上菜，感覺良好，味道亦好香滑同入味，所以算唔錯！另外嗰豚肉定食，味道係好嘅，豚肉夠入味，但係嫌肥膏太多，係香口嘅，不過可能可以煎耐少少，迫返多啲肥膏出嚟，感覺就冇咁油膩。另外個燒魚定食，鍾意食魚嘅朋友，一定會好鍾意，因為條魚又大條，肉質結實，而且自己煮好難有呢個效果，所以鍾意食魚嘅人，其實燒魚餐真係值得推介。以上嘅食物都係跟個麵豉湯同前菜，如果想加飲品，就要再加錢，自助飲品區、沙律和少量甜品。至於餐廳環境，地方闊落乾淨，感覺良好👍🏻

呢日收工去坑口食飯，同朋友一齊聚會，咁啱見到呢一間以沙律吧同任飲水果茶做主打嘅塚田食堂，餓餓就同朋友入去醫肚。我哋每人各自叫咗一個套餐，分別係燒花魚定食同埋炸池魚定食。雖然兩個都係食魚，不過味道分別就好唔同。花魚烤得好香口，鹽燒嘅方式帶出魚油香，味道簡單但係魚味好濃。跟餐仲有一啲配菜漬物，牛蒡同青瓜，送飯幾好。薯仔沙律都唔錯，不過一啖就食晒，有啲唔夠喉。至於朋友嗰個炸池魚都好香脆， 有成三條咁多，加埋他他醬食，夠晒惹味，好啱鍾意食熱氣野嘅朋友。除此之外仲可以出去沙律吧拎唔同蔬菜，整自己口味嘅沙律。亦有唔少飲品選擇， 有好多款嘅水果茶、果汁、同罐裝飲品。今餐都食得真係幾飽，人均都係百零蚊， 都真係幾抵食。

最近多咗好多和食料理，第一次去塚田農場，首先覺得好有新鮮感！飲品、沙律同甜品都擺設得好整齊企理，感到可以食得安心！黑醋炒雞肉野菜定食$88，醋味不會太濃，雞肉份量多又嫩滑，配菜嘅南瓜酸酸甜甜，勁好味，送飯一流😍😋燒花魚定食$93，無論去邊間和食屋我一定會叫的，大條之餘又厚肉，超抵食，魚肉滑溜，食完這份定食，完全滿足哂😋😋之前去些老牌和食屋，價錢要多20%！所以真係好抵食，真心支持💪🏻每人加$20有任食沙律，任飲汽水果汁，任食甜品，雖然種類不多，但已覺得非常超值👍🏻，