塚田農場 (已結業)

已經有段時間冇外出食日本野，今次相約朋友去左沙田塚田農場食飯。Order左照燒雞&免治雞肉碎丼、清酒(結)味噌燒銀鱈魚定食，甜品有綠茶&焙茶雪糕。照燒雞扒燒得恰到好處，表層金黃香脆，雞肉就好嫩滑，免治雞肉好入味，成個丼飯都好有雞嘅感覺味道。銀鳕魚定食有豆腐做前菜，好滑，點埋芝麻醬食好好味，仲有三文魚腩刺身，同樣出色好新鮮，主菜銀鱈魚魚油足，煎嘅時間拿揑得剛剛好，魚肉極滑，配上沙徫醬回味無窮。綠茶&焙茶雪糕好有日式風味，味濃但不過甜，正！