塚田農場 (已結業)

入黎叫我掃 QR code 自己落單，好既，依家好多地方都係咁，用部電話掃完， 點知 load 空氣，好，可能我個台唔得，用第二個電話再掃，竟然話叫我結帳，最後都係要人手落單。食物質素都 OK, 不過切魚生個師傅真係要攪攪把刀，四片三文魚竟然切唔開，全部都切唔哂，我同個侍應講完，佢比把切牛扒既刀我自己攪掂佢。

下午茶時段，發現佢嘅有個Tea set好似幾吸引咁，78蚊就有一個刺身丼飯食，從來都未幫襯過佢，因為佢除咗下午茶時段之外，午餐、晚市同啲主食都唔平吓，係新城市大把選擇，average嚟講唔會揀佢，今次見到佢有個價位合理啲嘅餐，就試下佢。醃漬吞拿魚刺身丼 ($78)赤身，有明顯醃漬，但唔會太鹹，唔乜點洗點醬油都可以，魚肉同一般醬油漬嘅魚一樣唔會有彈牙口感，有啲淋身嘅，成個丼飯分量比較細，絶對係一個下午茶嘅size。炙燒三文魚牛油果丼(78)炙燒三文魚係半熟狀態，有丁點餘溫，三文魚本身係瘦嘅，炙燒後把魚油釋放咗出嚟，有魚油好食咗，牛油果就都多嘅，雙重油分，但唔會令到你覺得滿口油，加埋清新的菜苗同食，配合得幾好。作為一個輕食，佢絶對合價，但如果你係住攞嚟醫肚就唔好試喇，包你唔夠飽。今日一試後其實食味都係普普通通咁，如果正價食，我會維持之前咁諗係新城市大把選擇，average嚟講唔會揀佢。

Hello Summer☀️ Lets Chill here🍸🍾💫..來自日本宮崎，係全國已經超過150 間分店既日式居酒屋🏮，部分食材由日本直送確保優質呢。而係香港已經有4間分店既塚田💫，呢晚趁入左黎沙田，突然想吃，就相約住附近既朋友一齊吃個quick dinner呢。ll $83Salmon & Salmon Roe Salted Seaweed Fried Rice使用自家製碎蔬菜醬油來做隱藏味道，味道融和又帶出咸鮮香，連同半熟蛋漿拌勻同吃，惹味很下飯。l壽司卷]l $78Eel Cream Cheese Salmon Row Sushi Roll美人壽司🍣 Bijin Sushi 🐟 過過口癮都可以。ll $78美人雞尾酒 Bijin Cocktail美人系列飲品用上：水果 & 水果糖漿，飲品外觀美美，味道清潤又爽口，好岩夏天☀️ 飲番杯呢。而呢一款加入荔枝 & 桂花香氣既浪漫雞尾酒，加上Pineapple🍍 做裝飾，含豐富維他命C. 甜甜味道中又打卡able。ll $58Stone Ice -Matcha Chocolate香滑雪糕🍨 用上冰冰涼涼既石鍋，加上濃郁誘人既芝士蛋糕

真消費非打手今日黎到沙田搵食,見到塚田農場唔洗排隊,望下餐牌覺得唔錯就入左去試下啦午餐定食有好多選擇,炸豬扒,燒三文魚,三色刺身定食等等最後決定一客三色刺身定食加刺身什錦飯定食 單看價錢稍貴,但食落滿意,之後覺得幾值包麵豉湯,日本米飯,小菜,漬物小食係炸肉,配沙律醬,普通,麵豉湯夠濃,日本米飯夠光澤,入口香甜刺身三文魚厚切四片,吞拿魚,鮭魚籽夠大粒又飽滿,刺身厚切入口肥美有口感點少少芥末已經好好食,仲有冷豆腐都幾開胃,擺碟又靚,影出黎係有美感另一份套餐都係包湯,但轉左沙律菜,三色刺身飯,同樣都係吞拿魚,三文魚組成,仲有玉子燒粒,青瓜粒入口3重口感,有脆,有嫩有飯既味道,份量好似比三色刺身差不多一樣沙律菜無加醬同油,食落清爽開胃總評:單價稍貴,但食物有水準,賣相亦靚,可以一試評分7.5/10平均消費$155沙田沙田正街18號新城市廣場1樓105號舖Shop 105, 1/F, New Town Plaza, 18 Sha Tin Centre Street, Sha Tin平均消費$120評分7/10

Bijin combo 湯底有幾種選擇蕃茄鍋、美人辛辣鍋，而美人鍋、和牛鍋同澳洲牛肉鍋就要另外加錢我地加咗$78轉美人鍋即係黃金骨膠原雞湯一睇個名就知係含豐富骨膠原蛋白質😝湯底有別於其他一般店舖係呈啫喱狀咁送上放上電磁爐上面滾一滾就可以飲得落料前緊係先試下個湯先真材實料 味道夠濃郁一啲都唔似味精湯滾起之後我哋就開始落埋雞,肉丸同其他蔬菜一齊食🔸蔬菜盒有靈芝菇、蕃茄仔、生菜、紅蘿蔔、翠玉瓜等等擺盤夠晒色彩繽紛食落又夠新鮮🔹三文魚牛油果美人卷薄薄米紙包住牛油果同三文魚同蔬菜絲好清新又爽脆🔸忌廉芝士三文魚子壽司卷一啖一口都幾好食芝士同三文魚子上面仲有少少金箔成個感覺高級左🤣🔹乳酸梳打兩杯飲品正正常常不過不失

好方便可以用QR code點餐落完單之後唔使10分鐘店員就已經好快將我哋點嘅嘢送上🍽三文魚牛油果美人卷米紙卷包埋三文魚同牛油果一齊食夠晒清新不過略嫌少少唔係好食得出三文魚味🤏🏼🍽忌廉芝士三文魚子壽司卷忌廉芝士再配上粒粒三文魚子👍👍幾夾壽司卷好精緻 上面仲有金箔tim 😂🍽美人鍋(加$78)即係黃金骨膠原雞湯感覺就似飲咗成碗骨膠原蛋白咁夠晒滋補養顏忍唔住都飲咗幾碗😂🍽雞件、手打肉丸雞件好嫩滑 唔會好肥肉丸調味都算幾好 🍽蔬菜盤一入嚟嘅時候已經留意到有店員好細心咁將蔬菜組合多種蔬菜併埋一齊夠晒色彩繽紛咁精緻嘅蔬菜盤真係唔係成日見到💬值得一提嘅係座位間好闊落店員又好好禮貌下次都要再嚟試埋其他

每次行過新城市廣場地下都想試這間塜田農場，聽朋友說他的菜是日本運過來的。有格調的餐廳裝修是與灰色木材為主，富有現代感。座位上還寬敞，但是聲音比較困聲。今日放假便過來食個下午茶。我們兩點半到達，等了五分鐘便被安排位置。看了他的lunch set 和下午茶餐，決定各點一個。鹽麴大蒜燒鹿兒島天然豚里肌肉定食，套餐會有飲品和沙律。他的前菜有豆腐上面有些蟹柳蔥花，沙律上面會有兩片油甘魚，油甘魚鮮甜味美。豚肉比較有嚼勁，帶著肥膏的一半還好，中間的全瘦的要花點力氣去咬開。喜歡他的麵豉湯，不是沖劑沖出嚟的，裡面有金菇。日本米飯比較冧，好像用多了水份。比起午餐價錢，下午茶都好抵食，有六款美人丼飯任揀，我揀了鰻魚玉子丼，玉子有三大片，鰻魚新鮮彈牙，配上日本米飯非常好食。另外我跟午市套餐加了40蚊一個迷你抹茶餡蜜巴菲。一碗滿足曬我所有願望，他有甘粟、紅豆蓉、蕨餅、綠茶雪糕、小丸子、綠茶啫喱，另外他還配上綠茶汁給你自己添加。如果下午茶想食日式甜品也可以多款選擇，但我覺得跟餐的甜品已經很足夠。滿分為10分(1分最低，10分最高)食物：8環境：8衛生：8服務：8價錢: 8舒適度：8總分：8

今日屋企冇飯開，所以放工就食埋飯先返屋企，有啲掛住呢度個甜品，所以就入去放低啲錢。海老天婦羅壽司卷 ($128) : 炸蝦卷熱辣辣，非常新鮮脆口。😋雙拼年糕薄餅 ($88) : 雙拼呢個款式真係唔錯，可以品嘗到雞肉同明太子，一次過滿足晒兩個口味 😋 將年糕整成薄餅相信唔係好多地方有得食，口感煙韌又脆口。抹茶餡蜜芭菲 ($68) : 呢個甜品每一次嚟都會叫，除咗有抹茶雪糕外，重有蕨餅、白玉、茶凍等等相當豐富，如果想抹茶味再濃啲，旁邊仲有抹茶醬供顧客自行添加。離開嗰陣時勁多人排隊，好彩唔係撞正晚飯時間，如果唔係就等死我。😌

今日約咗朋友喺新城市廣場食飯，朋友話想食塚田農場，雖然知道呢間嘅美人鍋好出名，但係自己實在太醜樣，相信食幾多個美人鍋都變靚唔到 😂 所以叫咗其他嘢食。鰻魚忌廉芝士美人卷 ($42) : 份量啱啱好價錢又合理，可以當餐前小食，米紙卷包住鰻魚、芝士、玉子及其他蔬菜，口感同味道相當唔錯，連朋友都讚好。梳乎厘玉子燒 ($88) : 梳乎厘玉子燒有五款配搭比顧客選擇，我哋揀咗配明太子，切開時見住啲明太子湧哂出嚟，睇到都流哂口水，玉子燒口感軟嫩多汁 😋 必食之選。三文魚親子鹽昆布炒飯 ($83) : 就眼睇好似好細個，但撈勻後發現份量都幾多，兩至三個人食都足夠，食材有木耳、雞蛋、魚籽、紫菜、三文魚等等，飯粒煙煙韌韌之餘帶點脆口。

上次去完APM食過塚田農場，不過是食這家的小菜散叫，還記得周邊的食客都係食火鍋，所以今次行去沙田新城市商場，就試試這家主打日本火鍋的餐廳！幸好晚上7點前入座，不用等位呀！繼上次吃過美人餐，今次點「美人鍋」！不過，最基本的火鍋套餐只是一大籃蔬菜，沒有肉丸，所以就升級至雞肉火鍋套餐！鮮菜盤「美人鍋」有提供超過4樣蔬菜，包括︰金針菇、生菜、菜心等等！每款份量都算2人輕量版，除了菜心之外，所有蔬菜都很爽甜，新鮮呀！美人雞多加大概$80，就有半隻雞和肉丸幾粒，份量的確很少，但味道算有水準呀！雞肉非常幼滑，而且有新鮮雞肉的香甜味，在火鍋中釋出的雞油也不算很多，值得一試！至於肉丸方面，口感QQ，墨魚丸帶有濃厚的海鮮味，非常好味呀！可惜得兩粒！Overall，塚田農場主打南日本的精緻菜式，不要預期會食到好肥肥，但至少會令胃部剛好足夠，可能美人就是嘴巴細小吧！呵呵~

去新城市廣場行街食嘢，兜咗成圈係呢間最多人，見下午茶有飯有定食仲有甜品，都幾吸引，於是乎我哋又去㩒張飛仔，點知唔洗等好耐就有得入去食😍下午茶餐比午市套餐平少少，但係問咗職員，啲飯份量係會細少少，而且冇沙律，大胃王都係揀咗午市套餐🤣之後加下午茶甜品餐😍炙燒豚肉丼，$78朋友要咗豚肉餐，我見好吸引，所以夾咗兩塊豚肉嚟食，真係好好味呀，燒得好香，佢上面有少少Wasabi，撈埋係飯度食勁好味，豚肉上面仲有一層紫菜碎，一大塊肉包住一大啖飯好過癮。雞肉碎炸茄子丼，$78佢嘅雞肉係雞肉碎，份量勁足，啲飯多到我要分一啲俾朋友食，上面有一層蓮藕做配菜，好好味，茄子我就覺得淡咗啲，不過加埋啲雞肉同飯，就啱啱好，好鍾意呢兩款丼。長崎蛋糕法式多士， $58呢個多士勁好味，脆脆地甜甜地，好香牛油味，可惜細塊咗少少，兩個人分有啲唔夠喉，朋友都話好好味，上面係雲呢拿雪糕，好正。甜紅薯泥丸子冰淇淋， $58呢款上面有雲呢拿雪糕，中間夾住好甜嘅番薯，下邊係八粒小丸子，小丸子加埋番薯一齊食就啱啱好，因為番薯真係好甜，雪糕筒上面嗰款雪糕係一樣味嘅，我自己就鍾意法式多士多啲，不過呢款都好味嘅。全部餐都有配嘢飲嘅，咖啡係自己加

星期日的新城廣場非常多人, 地下一層的餐廳間間爆滿, 只有呢間唔使點等位, 一兩張檯就到, 咁就試試啦點了兩個午餐1.      鹽麴大蒜燒鹿兒島天然豚里肌肉定食 $188個名睇落非常吸引, 但一上檯睇就知貨不對辦·       調味不足, 表面同入面都唔夠味, 連簡單的咸味都不足, 完全嚐不到 “鹽麴大蒜”·       以“燒”黎講, 火力不足, 表面沒有焦香2.      自選框飯定食套餐( 蟹肉魚子+燒牛肉) $178·       框飯用的是類似糯米飯較粘的飯, 似乎你喜好, 個人不大欣賞·       燒牛肉- 如圖, 好乾好柴, 欠調味·       蟹肉魚子- 欠調味·       蛋絲乾硬·       炸天婦羅: 炸粉厚, 油膩 (讓人想起小食店的煎釀三寶)3.      定食配菜冷豆腐: 質地較味一般刺身沙律菜: 魚生和沙律菜都新鮮4.      餐飲熱咖啡: 不過不失凍咖啡: 不過不失服務: 待應態度較差, 說話沒有尾音, 問到八達通付款方式時, 硬繃繃掉下” 唔可以”總結: 質素一般, 調味未到位, 服務有待改善 ---以這個價位, 有更多更好的選擇P.S.

Lunch 同同事黎呢度食最鍾意lunch time 時間都可以book 枱既餐廳唔洗等👍佢lunch time 都爆滿友人叫左個吞拿魚刺身井配味噌湯我唔左食生冷野，就叫左個美人框飯御膳其實佢個吞拿魚刺身個様真心頽同menu 張相有啲距離同我個餐爭勁遠可一次過試晒5様野❤️❤️❤️佢個糯米飯聲稱用日本米 (雖然唔係好食得出）但係個飯好熱好軟糯😋😋😋天婦羅粉薄脆身👍再加個豆腐冷盤同2⃣️塊刺身好滿足🤩🤩有機會會再試其他Set

有得訂位,真係好，因為沙田食嘢其實都幾難等位, 我一行8人, 如果要老人家等唔係幾好呢間集團我之前有食過佢個美人鍋好好食，所以佢嘅定食都要試下先, 不過我仲專登放假唻食, 原來佢星期一至日嘅餐都係一樣價錢😅我地叫咗7個餐, 上菜嘅盆係用一塊木托盆，好有日本感覺, 食物方面：佢其中一款用木/竹筒飯(美人框飯御膳)嘅質地好淋身, 我唔係咁鐘意食, 無咗日本米應該有嘅米質, 我咗蟹肉三文魚籽及牛肉時煮嘅味道, 小食揀咗天婦羅, 仲有刺身前菜一Set, 因為又有小食, 前菜我地鐘意有好多樣細細份嘅感覺。不過個天婦羅就唔係好脆, 真係可以再炸得薄身D同脆D, 你睇到相食開天婦羅你知我講緊佢嘅炸漿點先係正宗日本天婦羅, 可以一讚係佢個刺身前菜嘅刺身真係幾好食其實我都揀咗好多唔同嘅SET, 你可以話好掛住日本想好似日本咁好多細細碟又有飯嘅餐, 呢間係幾好嘅, 但唔會係你成日都會想唻食嘅, 佢唔係唔好味, 係正正常常可以間中唻食下, 不過題外話佢地地下都真係幾痴痴Lup Lup 就唔係咁好

之前去過尖沙咀海港城的店吃下午茶，沒想到和朋友去沙田 New Town Plaza 新城市廣場 也有這間餐廳 - 塚田農場見沒人等位且看著那鍋物套餐好像頗吸引。套餐包括了卷物、刺身、鍋物和甜品，兩個女生吃也夠吧 話說好多餐廳都用QR Code下單，這間都是。✦ 美人鍋套餐 ($598) - 用和風米紙卷包着的美人卷有三款可擇其一。選了三文魚牛油果~滿滿的蔬菜，份量十足又鮮美另外刺身都幾新鮮，有三文魚、吞拿魚和帶子而且這裡的 wasabi 很刺激，夠辣夠嗆鼻呢 (笑)鍋物的話，如果想吃牛肉那些就需要加錢不用加錢的美人鍋亦有三種~基本、番茄、辛辣的 ...選了基本～上桌時呈果凍狀的湯底，在加熱後就溶化囉那是骨膠原雞湯，所以湯喝起來有點黏黏的配的是雞肉~有三種醬汁，但我覺得不沾醬吃都夠味另外還有手製雞肉丸，很嫩口~而且十分入味！既然是"美人鍋"，當然少不了蔬菜盤，顏色很豐富最後配了烏冬，下鍋不用很久就應該要吃了~不然會很稔甜品則是 - 石鍋雪糕新地，有兩款口味可選芒果 or 抹茶朱古力 ~ 前者其實是加了芒果醬的雪糕!?放在石鍋內的雪糕好像比平時吃的更冰一點 .. 還有芝士蛋糕，所以整個套餐