堅石燒 (已結業)

好抵食 食左最平 最少 嘅個份牛 (美國大理石200g)但一d都唔細分！好抵食 食肉獸表示好滿足🥰牛好厚，有牛味 好滿足！ +$30小食吧都好抵🥰🥰🥰有湯、飯、意粉、飲品、雪糕！個雪儂湯幾好有飯飽肚正正子雪糕幾多味🥰大推玄米茶味，海鹽味都好食！剩返嘅味好普通 個咩牛奶糖味根本係普通雪糕🍦韓式炸雞🍗普通。整體來講十分抵食！但個牛扒真係un，食到我好攰，我下次食貴d嘅牛/食其他。好樂意再嚟食嘅一間黃店 燒生👏🏼👏🏼不妨一試的餐廳😚

我向來都喜歡食石燒牛， 聽聞蕭生開咗呢間更加要去食， 我同friend八點半去到， 職場walk-in攞籌都等咗半個鐘， 喺我之後嘅人就冇得攞籌。 而是先入去嗰陣時都話已經冇曬沙律，不過唔緊要我哋依然加咗任食小食吧。 一入到去整體環境唔錯，有啲簾隔住。 本身我同我朋友想食大理石， 落單嗰陣時居然話冇哂，sad，咁唯有轉咗做牛板翼， 希望佢下次可以早啲講。 同埋張枱同地下好油好跣， 希望可以改善下。 我哋九點三落單， 九點半就有肉上到嚟， 但佢九點九就小食區全部收曬， 所以最提醒大家要早啲去攞。 而落單方面， 本身我哋係嗌咗 兩個200 g一個300g嘅牛板翼， 點知佢嚟咗兩個300 g一個200g, 所以我哋就話唔得， 後來佢同廚房講，廚房嗰邊話肉都切咗啦， 所以就照收返我哋兩個200g一個300g嘅價錢， 希望佢下次落單嗰陣時可以睇清楚。 而肉質方面， 我呢舊就幾好食， 而我啲friend就話佢哋嗰啲比較多筋， 比較難咬開同切開。 但我最欣賞嘅係佢哋嘅配菜有乾蒜，蕃茄仔 ，仲有牛油畀你燒， 係一個比較西式嘅石燒。 而佢嘅雪糕， 強烈建議港式奶茶 同牛奶糖味， 非常

今次其實無諗住打食評，但係我發覺原來我身邊既人都對蕭生既舖頭感到陌生，所以要打個食評介紹一下好日唔出旺角，所以擺了一個大烏龍堅石燒位於銀座廣場，但我傻更更去了銀城廣場⋯⋯好彩兩個地方距離不遠，唔需要帶住媽媽行好多怨枉路因為位處LG 所以要行樓梯落去，無LIFT的所以如果行動不便就真係SORRY了不能幫襯蕭生因為今日去食午市，所以我同媽媽就各叫左午市套餐，再加個自助吧自助吧一係就全檯加，一係全檯唔加，當日既價錢唔記得係$12 定$ 18了，但都唔算貴自助吧有湯、飯、沙律、飲品同醬汁，仲有雪糕任食我地拎左沙律同埋一碗大醬湯，大醬湯都好多料，媽媽第一次飲大醬湯都覺得好味媽媽飲熱茶，係茉莉茶，佢話茶包味好濃，包可以沖到兩次我就斟左雀巢檸檬茶，完全無溝稀好濃味套餐就有一塊肉同埋半塊丹麥多士（但無影到＞。＜）雞扒已經係熟了，但係話明係堅石燒嘛梗係要有舊石俾你燒啦呢塊巨型雞扒真係好大，可惜因為本來無打算打食評所以相片不多雞扒已經有調味，但媽媽就略嫌淡，所以佢係自助吧拎左D胡麻醬汁點黎食因為雞扒好大塊，加上我ON DIET，所以我同媽媽都無拎飯／意粉食，雞扒＋沙律其實都好夠我地食了！有個石燒住幾好玩，

Just fair~ 叫做去觀摸下hahasalad bar同想像中有啲分別，只可當係果腹after eating your steak/fish/chicken/pork~ 意粉🍝飯 ok salad veggies fresh, 但食個啲唔satisfying gar ma~送的～尼個係丹麥麵包，加左牛油焗，非常香又脆！ok la, 但係最後嘅結論都係嚟呢度一定要揀牛肉！一定要揀大理石！又好味又大份又抵食雖然我冇影到大理石嘅相，因為太想即刻食唔記得左影😂試吓就算Lu 支技下

昨日5月1號黃金週, 喺旺角區搵嘢食, 見到一間石燒牛肉餐廳咁多正評, 所以試一試。六點喺 The Gulu攞定籌, 到達時都等咗15分鐘先至有位。等位時, 越嚟越多人攞飛, 所以有好大期望。於 openrice 見好多人推介頂級牛小排同埋大理石, 所以點了呢兩款。但可惜兩款牛肉都比較韌, 而且冇牛肉味, 好失望。

今日出旺角行街，記得蕭老youtube成日宣傳自己呢間堅石燒，就去試一試先～職員探過熱，領位，見到大部分都係年青職員，蕭老真係出心出力，單係呢點已經要多多支持～～睇餐廳普通價位豬牛雞扒有，素食扒又有，要靚既有美國牛小排，韓牛～～今日先試大理石燒牛排～加$12任食沙律吧、飯面飲品refill~必加我沙律都食左3盒，有2種醬任加～新鮮！！清潔～～入口哂一份份放入櫃有飲品機即沖coffee奶茶呢個機沖奶茶有驚喜👍👍👍👍👍呢個牛 選了最平的肉質唔錯，但肉味唔算濃，畢竟只是平價今餐加一$99我覺得都值，因為一set成枱野都要處理，有石燒體驗都有趣下次再黎食好西選韓牛試試😋😋😋

蕭山進攻飲食界，我自己就係記得佢之前喺中環開咗嗰間食韓牛嘅木槿花，不過後尾執咗。最近聽到佢有又開間餐廳，係以平價做主打嘅堅石燒。 聽聞口碑不錯，我就專登黎試下。餐廳裝飾又幾新潮喎入座仲送一支搓手液俾你因為我嚟之前已經鎖定左食韓牛，咁我朋友呢佢就叫左美國牛板翼， 我哋一齊分享。首先想嘅係呢一個牛版翼，咁佢嚟到嗰陣已經燒咗一陣㗎啦，我哋就再煮熱啲同埋熟啲。我覺得個細心位係佢就有乾蒜頭同埋RoseMary，令個牛會更加香。不過講真，肉質又無特別，都偏un.食完牛板翼就黎韓牛！肉質相比下好大分別， 真係軟好多同有油香！ 我地都好後悔無叫大份量啲食完驚有燒烤味，佢仲有部機去味。但我就覺得無咩用...總括來講，我覺得如果你淨係想過下鐵板燒過癮，咁可以平平哋喺度食牛都得。如果你想要味道嘅話，佢嘅韓牛都可以滿足到你嘅需求。所以都值得一試～

今日佛誕難得放假，見已經係連續五日零確診，咁係時候出街振興一下經濟啦！成日睇YouTube見到蕭生啲廣告，一路都好想黎佢呢間餐廳試下，今日終於有機會啦！我叫左一份美國牛板翼300g（$178），而我朋友就叫左美國大理石400g（$138），我地大家都加左$12任食飯，意粉，湯，沙律同埋雪糕。意粉落左蒜蓉牛油整，好香口湯好似係會定期轉，今日係雪濃湯🥣我以前飲過好多次雪濃湯，味道通常都好淡，但呢次有驚喜😍牛味濃，牛肉粒鬆軟，湯頭香甜！

👩🏻‍🍳平民美國大理石🇺🇸-大食嘅我揀咗中號嘅300g，上到嚟好大份❤價格好親民😉-啖啖肉🥩$108+12小食吧🥩切開自己慢慢煎🥩小食吧都幾多野🥩沙律湯意粉飲品🥩覺得沙律最好味

油麻地堅石燒我好早期已經想食，但我啱的時間成日都冇位😅，今日好意外地行過入去問吓意然有位✌️😋。美國大理石300g$108✨廚房輕輕燒過牛排就放上熱石出菜，好讓客人可燒出自己喜歡的程度👍韓式厚切鰻魚飯🐠$98✨果塊鰻魚大到見唔到飯😂韓式清酒煮豬軟骨$38✨呢個上枱時只是微暖，唔夠熱😭

一路都好想試下燒山間堅石燒，午餐黎到發現佢幾抵食！石燒巨形雞扒($48)雞扒份量好足夠，用咗全隻去骨雞脾，肉質嫩滑，不過味道就比較清淡，加少少岩鹽就剛剛好啦～有啲失望嘅係佢用石板上，係你面前打開蓋，但石板係凍嘅，雞扒亦唔算熱。如果溫度可以改善就Perfect啦!小食吧(+$12)沙律一罐罐裝好，非常衛生，加埋和風醬好好味！西洋菜蜜當佢係西洋菜湯係唔錯嘅，幾有屋企嘅味道，飲唔出蜜味，因為真係唔甜，但啱晒我XD雪濃湯好足料，勁多牛肉同蘿蔔，飲咗3碗仲食晒啲渣！

疫情其間都好少再出街食，但因為有睇開蕭生，所以試下食佢其下嘅堅石燒。叫左個78蚊美國大理石加12自助吧，90元(加一後99)。先講個美國大理石，因為係咁多之中最平，所冇好大期望。明明叫左200克但係佢一上塊牛就嘩，超級大塊！上面遇包理唔同香料加牛油，煎的時候好香！(建議先落牛油，因為可能會痴住鐡板)。而塊牛雖然有筋，但用刀好易切走，剩下的牛都很嫩，而且有油香味，由其我個人喜吃五成熟，所以會先把整塊牛加熱到3成，再切出一塊塊慢慢再加熱 (因為佢有多一個碟子for你裝未熟的牛)！另一邉亦有岩鹽/胡椒，可以自行調味，建議加！當中有一點，我認為做得最出色是鐡板，非常耐熱，大約半小時都沒有明顯冷郤，不用換板！(但温度又不會很高，不會把外層焦了) (以前在其他的地方吃過，要換板，但還是很快涼了)有塊好的鐡板，就完全可以控制進食速度。哈哈，可以控制到半生熟~~還有自助吧，蒜蓉牛油意粉，白飯，飯料，雪糕，湯，任食！蒜蓉牛油意粉，推薦度4/5星！好入味！適合喜歡重口味的人(筆者係...)雪糕一般，只有雲呢拿合比較好飲料則中規中矩，主要是氣水機和自制菜蜜，建議可以加入多些韓國飲料。每人99元，牛有這樣的水

琴日去試左呢間堅石燒，好多人排隊等左我好耐我諗應該好好食啦一到去果然無令我失望，呢塊美國大理石都係$78加$12仲可以有沙律任食，汽同湯任飲，白飯同意粉任裝，最重要係連雪糕都任食架！好高汁又抵食，排幾耐都願意

餐廳岩岩開業果陣已經想黎，但因為人太多而擱置左，時隔半年終於搵到機會去試。book左星期五晚6點半，估唔到去到果陣已經有唔少食客。一入去就味到好香既燒肉味，真係令人食指大動!!我同友人都點左美國大理石牛配任食配菜set，牛肉分別點左200g同300g，另外加個小食。落完柯打之後，職員表示可以去自助區拎野食，餐飲除左汽水之外，仲有有氣水、茶包、咖啡、同埋自家製既涼茶(牌仔寫住為疫情而設，認真有心)；沙律菜都一樽樽蓋好放係雪櫃，菜亦都夠新鮮。意粉同飯都由職員裝碗，唔駛擔心其他食客接觸過餐具而引起衞生問題；職員裝梗意粉果陣，即使距離50cm，我都聞到好香既蒜味，食落亦無令人失望，濃郁蒜味，不過比較油，意粉亦因長時間焗住而淋左少少。美國大理石牛200g $78先加入牛油，並將rosemary、蒜片放係牛扒底部，等大理石既熱力燒香rosemary，令其香氣滲入牛扒，之後再灑上少許黑椒同鹽調味，香氣十足既石燒牛就完成~~雖然價錢唔貴，牛扒又幾瘦，但其實幾有牛味，而且又唔韌，整體幾好。韓式清酒煮豬軟骨 $38一向都中意食豬軟骨，所以特登點左呢個小食試下，但都幾失望。軟骨位仍然好爽脆，白蘿蔔同甘筍更係

早兩日有人話請落旺角食Lunch😏…咁就摷下有乜野好野食…突然醒起老蕭嗰間“堅石燒”…因為之前都想黎幫襯晚飯…不過試左兩次都full house黎唔到…所以黎食個lunch睇下係咪咁堅先…餐廳係油麻地黨鐵站附近一棟商業大厦既basement…一落到餐廳門口就已經聞到好大朕Grill味…嘩…一陣返office個個都知我去燒烤石燒只係N年前試過Stone Grill…不過印象中都幾貴下…堅石燒應該算係石燒既親民版。 望一望餐牌…價錢又確實親民…由幾十蚊(雞扒)起已經有交易…朋友就建議食豪d點左美國牛板翼(即係牛既邊忽？🤔🤔)…3條友仲要好土豪地點左400g…再加$12個大洋任飲汽水…沙律同湯沙律一兜兜放係雪櫃自己攞…幾企理…仲有大醬湯塊扒黎啦…Waaaa！好鬼大煙…服務員好快手咁將三塊扒排成一條直線放係檯中間…已經離我地最遠既距離…不過D油彈到呢…紙巾都攞唔切…眼鏡…手…身…仲有一褲都係油🙄🙄🙄 大家見到張相係真實份量既一半…點解？因為兩塊扒都好古惑地摺起左。 3條友望到都覺得叫大左…而我…雖然抱🐑在身…“型”然以最佳時間K.O.左兩塊扒…加埋沙律同湯加3杯野飲…真係好飽…牛肉質素以$21