堅信號上海生煎皇 (青衣城2)

營業中

休息中

上次開業冇耐 晚市堂食幫襯 嘢食服務都唔錯 所以今次試吓lunch外賣今次外賣食物水平一般 生煎包幾好食 其他一般 其中一位職員態度差 無禮貌 仲話翻客轉頭 實在匪夷所思 其他同事同客人都好無奈 除非想受氣 否則no next time

這間餐廳主要食滬菜、上海包點, 還有涼菜小食、招牌點心、堅係皇牌、粉麵類、新素食、粗炒系列我們點了麻辣蓮藕片麻辣豬耳酸辣湯孜然雞翼灌湯小籠包雞絲粉皮麻辣蓮藕片、豬耳夠爽口, 酸辣湯有驚喜, 酸酸辣辣很開胃, 小籠包、雞絲粉皮正常水準, 孜然雞翼味道不夠入味, 有點失望招牌生煎包熱辣辣食, 皮脆內有肉汁店舖有點迫, 座位不多, 但服務不錯

今日細佬放假，就搵佢食下飯傾偈去青衣食用gulu 拎飛，就去行下街，去埋銀行入錢都仲未到🙄足足等左8個字…其實冇咁耐嘅🤔12:38等到1:03食物擔擔面 - 小辣我同細佬都唔太食得辣，不過叫咗少辣又幾好食喎！碗麵都好大碗下，基本上食完個面都好飽🙄小籠包 - 跟餐前菜呢個小籠包都ok，係冇樂天王朝好食，不過佢平過人哋嘛🤣都做到皮薄有湯，啲湯勁熱！招牌生煎包個包原來咁細架？🤣個底煎到好…硬🥲個涵啲肉比較實🤔個人覺得麻麻，不過佢入面有湯，幾好味！食嘅時候要小心，超熱！外婆紅燒肉菜飯我唔記得轉麵，不過菜飯都好食，但唔知點解中間有好大粒粗鹽🤣🤣碗飯又係勁大個紅燒肉好冧，啲皮都係入口即溶嘅感覺…食少少唔怕嘅🤔有好香嘅醋味！正😄雞絲粉皮嘅個都好食！不過我覺得個粉皮偏脆，唔夠滑豆漿豆腐都係熱好飲！不過我睇到，原來係一包包現成豆漿就倒入機斟出嚟..環境鋪頭細，地方會比較迫，帶小朋友就不太方便…同埋佢呢到人手唔夠，好彩係自助落單，如果唔係就不停塞住晒🥲我哋埋單都冇人理，等左5分鐘大嗌有冇人收錢先有個呀姐話:乜原來冇人睇呀？🙄🙄🙄真係走單都唔知啦

先聲明我今日冇去呢間餐廳用餐（去左對面譚仔三哥），但我用餐途中去洗手間時，見到一個大約5，60歲，頭戴鴨咀帽的男人，去完厠所冇洗手，就咁出左厠所。我行返三哥，同個男人同路，見到個男人入左呢間店，直入廚房，所以肯定係員工...今時今日咁嘅環境仲咁嘅衞生意識...絕對唔會敢再去幫襯

容忍其實有個限度🥲今次係我第五次嚟，有三次壞system/錯單😇 今次等咗45分鐘都未有得食，個經理就行過黎同我哋講個system壞咗，廚房收唔到啲單😅 問我哋仲有咩未黎，其實只係嚟咗四個生煎包，然後就無然後了😂雖然經理有講唔好意思😅但都要再等15分鐘🤯 我食呢餐普通嘅飯足足食咗2粒鐘，我真係好絕望😇好彩唔趕時間返屋企睇電視📺 咪真係好燥底😇 有人等到唔等走埋😂 如果真係有興趣食，我都幾強烈建議你嗌外賣🥡😂

我打電話去叫外賣,一開始叫我五分鐘之後打過去,打完過去諗住開始叫嘢,嘢都未叫完就cut咗我線。再打去叫佢好唔耐煩咁催我快啲,跟住叫完又一聲唔出又cut我線,究竟係咩服務態度

一直都有食堅信號既習慣，以往食開九龍灣分店，搬左屋就食荃灣果間，間唔中經過其他區都會search下附近有無堅信號。一直既評價係正常既連鎖食店，生煎包同雞絲粉皮本身係我既喜好，所以久唔久都會幫襯。但係對於一間食店，單單用食物質素去衡量性價比係無意思既，因為係人都知食材既來貨價一定平過自己去街巿買。咁究竟有咩令一間食店既價值提升呢?就係廚藝同服務。但作為一間連鎖既食店，我認為堅信號既QC算唔差，質素幾穩定，所以今日講既唔係廚藝，而係服務。今次因為工作關係去左青衣城，咁岩果到又有堅信號，所以收工就去食。收工已經係九點，所以去到鋪頭都幾多人埋緊單，面入既伙記都忙於執檯抹檯。正常情況就係呆等，直至有人得閒理你，因為你知道叫唔該佢地都無空間招呼你。令我出奇既係，係等緊既過程中，無論收銀，傳緊菜定抹緊檯既姐姐，一見到我等緊，就連忙同我講唔好意思，叫我稍等，至少我聽左三次唔好意思，搞到我都唔好意思。而呢D就真係叫做有禮貌，因為唔係一個員工有禮貌，而係成間鋪頭都有禮貌。之後到我入左坐，我叫左個餐有水餃食，但係我唔食辣，於是我想走辣。但問題係，自助落單既手機app無走辣既option，於是我就同A姐姐講想

Openrice外賣叫午市套餐，要排骨湯麵，生煎包兩隻同凍豆漿，拎到返屋企就發覺成袋嘢都錯嘅，俾咗排骨菜飯，粉皮同杯熱茶我，完全唔係果回事！我肯定我無拎錯，個袋痴住我張單T006同有我電話。落單同執嘢果條友炒得啦！叫三樣嘢全部錯曬，淨係得件排骨係我本身想食嘅，離譜！希望有關方面留意一吓。味道方面正常嘅，排骨唔會炸到又乾又硬，而菜飯味道都唔錯。 粉皮方面就普普通通咁啦，原先想試招牌嘅生煎包今次就試唔到啦。

新開嘅餐廳🍴 打破咗難食嘅宿命😂 之前開兩間都無乜生意，現加佢成功吸咗譚仔三哥嘅生意🤪 今次其實係第二次食，上次外賣生煎包都好好食😋 所以今次一家人叫咗三個餐，仲加咗嗰灌湯小籠包，$282找數‼️4個人食，青衣城嚟講真係非常平😳 仲有呢到嗰個staff啲服務態度都真係好好👍🏻 一個餐有3樣嘢配😋 A+B+CA類叫咗涼菜雙拼 - 青瓜配蘿蔔 - 好普通，唔太值得食😅紅油拌水餃（3隻) - 唔太特別好食，但用”前菜”嚟講就算有心👍🏻酸辣湯 - 正常水平💁🏻‍♀️ 無乜特別B類就叫咗椒鹽脆黃魚菜飯白飯 - 空口食，唔太送到飯，但都好食甜酸上海排骨菜飯白飯 - 正常水平，無乜特別，茶餐廳水準回鍋肉上海粗炒 - 必食推介，好好食😋 唯一扣分純粹係略為多油，但好好食😋C類嘅必食推介一定係招牌生煎包‼️外脆内軟多汁🤓 雖然我仲叫咗雞絲粉皮，但係不了，份量細同埋味道麻麻😂仲會跟杯熱嘅茉香綠茶🍵，熱或者凍嘅豆漿就加兩蚊灌湯小籠包（4隻) - 同生煎包水平都相若🤪

晚餐到堅信號吃，因為是會員，用績分換了六個生煎包，招牌菜式，當然好吃。生煎包熱辣辣，要好小心吃，否則一定會燙傷嘴。 咬了一口，湯汁便流出來，要快點喝下，不要浪費。每人一次過吃三個，好像太多了！再點了一個魚麵，條魚炸到脆卜卜，很好吃，魚肉新鮮，香噴噴！配上上海雪菜麵，絕配！雪菜很好味，麵很彈牙，好味！最喜歡吃這店的豬扒，很有肉汁，味道很好，每次來都會必點。配上菜飯，菜飯的菜略嫌少，如果多些的話，便更好！

平時很多人排隊，至少等1小時，午餐不用排隊，非常之好。午餐點了套餐，包括有生煎包、豬扒菜飯和綠茶。生煎包非常熱辣辣，要非常小心吃，否則會燙傷嘴，很好吃😋！招牌豬扒菜飯，豬扒好好味，味道調得很好，肥瘦適中，回味無窮！水準非常高！而且煎得很香，有少少似叉燒。午餐包一杯綠茶，味道OK，健康之選！職員很有禮貌，每次入去都會說：「堅信號歡迎你」感覺很親切，點餐時亦很有禮貌，職員質素非常之高，下次會再來幫襯。

見到青衣城開咗堅信號分店，諗住今日下午放假去試下。今日搭車出去青衣城，去到店舖門口，見到都幾多人排隊，於是轉買外賣，order 左4個佢地嘅招牌生煎包。等左20分鐘後，終於等到外賣了！搭左巴士回到家後，原本滿心期待的我，一打開外賣盒後，即刻好憤怒&失望！因為盒中竟然得三粒生煎包，但我明明係買左4粒！（有收據為證）唔知道呢間店一向係咁扼人，還是只係我唔好彩？難道堅信號要每個顧客拎外賣前，打開盒檢查一下先？不過要等咁耐，兼數量貨不對辦，大家要光顧前要三思！而我，就唔會有第二次了。

我地叫左2個午餐，除左麵同小籠包，其他野都唔係熱既...擔擔麵 - 超正、又熱又大碗秘製排骨 - 勁似差燒陽春麵 - 好鮮甜既味精味生煎包 - 唔熱但有肉汁小籠包 - 熱同有肉汁，好味! 熱茶 - 勁熱好香, 為左啖茶我會返黎豆漿 - 正常青衣城大把野食，應該唔會再輪到去食佢。另外，我用左20分鐘等位，個waitress搞錯晒D人數. 混混亂亂咁入左坐，應該係新既關係，員工好迷惘, 又比錯左外賣既餐具我地用. 我地入坐時已經25分，所以慌忙點菜，好在係用電腦入，如果唔係會加重員工負擔，亦可以減少爭辯。

終於等到有新店開張，店員算很有禮貌；但外賣執單有甩漏。幸好，拎完邊行邊望發現好似點數也少了個酸辣湯，立刻番轉頭追問。之前有睇過不同分店的食評，也是抱住一試的心態。基本上，此價錢和此質素，好難會有衝動再去幫襯。這客酸辣湯，只夠辣不夠酸。生煎包包底夠厚夠脆，肉汁也算多。但此餐廳以生煎包做主打，連四星也無，真是很失望。但點失望，也不及此湯麵。究竟是煮得不夠耐，還是這款上海麵是偏硬，口感好差。幸好有一客正常的炸排骨，夠軟身，尚算安慰。