營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
優惠
94折
堅信號上海生煎皇餐飲現金劵
$47
$50
食家推介
相關文章
前言果日中午響青衣有野要做，去到青衣搵下野食。眼見青衣城一期鬼死咁多人，就四周去下睇下有咩少人尐嘅地方，搵搵下居然發現青衣城二期靜蠅蠅，就是但搵間餐廳食。上海嘅小籠包就成日食，上海嘅生煎包作為賣點就小見。而且間店個名都好吸引我——堅信號……「到底信緊尐咩野呢？」「到底有幾咁堅呢？」間店就中午十二點先開嘅，有位店員就叫我先係出面等住先，都幾有禮貌。(當然我認為更好嘅選擇係叫我入去坐住先，咁樣我就唔洗係出面企。)入到去點餐係用手機點餐，(而加新開好多店都係用手機點餐，真係個上網慢小小，又或者係阿公阿婆黎食，唔識用手機點就麻煩了，不過呢個係趨勢黎都無計)但我其實係更加鍾意用手機點，因為唔洗好似有個人望住你咁，無咩壓力點餐呢間店我叫左個「早鳥優惠」嘅豬排飯，加左杯豆奶，同生煎包通常係商場食都預左至少70-80無走雞，但點知呢度叫個飯都係50幾，而且佢個「早鳥優惠」嘅餐點好似平過正常果個20蚊咁我緊係無執輸，就叫左個三十幾蚊嘅飯，不過其實佢正常價我都會覺得合理，我用呢個價會覺得真係抵左好多等緊尐野食嘅時間，坐係間店度我覺得就幾好坐，都算大地方同夠乾淨之但係實在太光，雖然我無影到相，但其實佢上面又有燈，下面又有燈，就好似去左食晚市咁我果陣係食緊中午，就咁樣會令我個人無咁輕鬆同一時間，佢係播緊一D較為輕鬆嘅音樂，本身好正正，但係突然之間佢會無拿拿播一段，佢自己間店嘅主題曲！(尐歌詞好尷尬癌，請自行上網聽，同埋首歌有解釋到點樣堅信……哈哈哈)首歌會插播係，明明播緊一尐好柔和嘅音樂之間……係真係好突兀，但係佢突兀得黎又好鬼搞笑，都已經去到好cult果種感覺上菜(圖一：野飲)好正常嘅豆漿，豆味個人認為唔濃。入面嘅仙草好Q滑(圖二：生煎包——真主角)呢個其實係主角黎，佢咬落去其實係會爆汁，而且尐汁係好鬼熱即使係店員有提醒我小心熱，但係我見佢個表面層皮唔係好熱都一口咬落去，結果係尐汁爆出黎，落左去個碟度所以第一個包我食係幾乎無連埋果湯汁黎食，食落去真係生煎包咁樣，而且佢個底係好脆好正，個味就同普通生煎包差唔多第二個包我等左陣先食，有連埋尐汁食。係真係幾好食嘅雖然佢個味都仲係生煎包咁，但係因為有湯汁，食落去唔會好似生煎包咁乾，好好食(圖三至五：飯)炸得又脆又多汁，望落已很正的豬排個飯同生煎包比係差小小，不過都好食嘅，個飯夠大，煮得好食，尐豬排夠香夠脆而且有肉汁尐豬排比較上清淡尐，我自己會比較鍾意呢種調味結論整體好食，尤其係生煎包係好好食。又好坐，店員有禮，不過佢播果首歌太洗腦，係食飯嘅過程不停播仲要好大聲，聽首果幾次都有趣，之後只係覺得好煩厭
繼續閱讀
平時都係食開豬扒粗炒 今日試下食飯～飯既份量又多 食得好飽Btw 辛苦曬員工我食飯時隔離台有對情侶，台上面啲野已經食得七七八八，突然舉手投訴話野食冇味，又唔咸又唔辣😂聽得出佢地純粹想食霸王餐
繼續閱讀
四川擔擔麵麵質彈牙 有花生醬味 個湯再杰d會更好同埋可以再濃味多少少堅信號生煎包呢個size應該係生煎叫小包包？細左小小得2節手指白菜豬肉水餃八隻可以 但餡料份量少左d都幾貴…
繼續閱讀
之前成日見到人排隊多人所以一路無試，近排見無乜人同屋企人去食，一坐底個職員已經串串咁，好啦都係食野所以都無理。點知黎到啲小籠包係凍既，同個職員講話係咁啱啱整出黎（吓啱啱就凍哂，其放左幾耐先比客人定求其翻熱？）我未試過小籠包啲汁唔係熱到辣口，而係凍既⋯仲有個上海粗炒，味道還好，但油淋淋既。其他野食一般啦，但啲員工態度真係無野好講，求其答你就算無諗住去跟進，態度又差仲要個個都係咁，我不嬲唔寫食評但呢度真係令我差唔住要寫⋯
繼續閱讀
今天是第二次來餐廳！我是因為食物同服務留下印象青衣城也不錯的唯一選擇。今天睌上來門口很多人在排隊等位，可能是星期六吧！等待途中，有兩位男士拿了號碼未齊人有位置而不能進去，我認同餐廳這樣做其實很公平對待，看見不知道為什麼神經的年輕男士一直用粗言穢語指着員工的駡，還要一直難為，口沒停駡人，問候了員工的全家人，還看見那個女孩流了眼淚說從來都沒有見過她媽媽為什麼給他這樣駡🤦♀️真的覺得兩位女員工很可憐呢，我也因為去廁所過了號碼也重新排過，這種模式很正常，未齊人不能進。其實出邊好多餐廳都是這樣，那對無理取鬧的父子企門口弄了1小時還說要投訴，我吃飽他們還在公司門口繼續駡，難道他們的嘴巴不累嗎？我覺得貴公司應該要正視員工的感受，我也是過來人做飲食，對於其他客人在這劣評，各位要三思，看見評語客人說到服務態度方面很差，其實並不是！這餐廳年輕員工比較多，感覺親民，兩次來他們位位都很親切，我兩次來吃的都很有水準，很熱和美味是有家的感覺。貴公司應該不能聽客人一面之詞，這服務性行業都是辛苦，貴公司應該注意一下員工的壓力，這一晚的回憶我深深記着，員工能忍氣。還看見她跟兩位瘋子道歉，真的很看不過眼。貴公司不要責怪員工事情經過，我覺得事情員工們並沒有錯，如貴公司想聯絡我也可以做證的。我亦都會再來光臨，要讚美一下那天比較堅強的女士！(誰是店長？貴公司可以讚美一下員工。)
繼續閱讀