堅信號上海生煎皇 (青衣城2)

營業中

休息中

人生第一次寫食評，一直食開深水埗個間，下午行青衣城見到就打包外賣，叫佐一份回鍋肉加二個菜飯，個收銀落佐二份回鍋肉菜飯，我同距講返，距態度超惡劣話下次講清楚，唔會再食

🍽 堅信號上海生煎皇 (青衣城二期) 📍地址: 青衣青敬路31-33號青衣城二期1樓197號舖💰只供參考💰人均$50-$100😋小籠包出色 爆汁 佢仲有教法教你點食先唔爆汁 就係先咬一口 跟住吸曬d汁 再食個包 咁就可以完美ko隻包而又食到曬所有湯汁 真係好正佢仲有晚市套餐 包野飲同埋前菜 前菜有餃子同青瓜蘿蔔揀 我揀左青瓜蘿蔔 酸酸地幾開胃外婆紅燒肉 肥瘦均勻 食食下仲見到其中一粒有粒的係到 笑死 係紅燒外婆乳頭🤣擔擔麵 多肉碎 少少花生醬味好味指數: 3.5/5性價比: 4/5環境: 3/5

I was craving for this bun for so long and finally I walked pass one of these shops. The restaurant wasn’t full when I went in. I immediately order through my phone as I was so hungry. The famous pan-fried pork bun arrived in no time, I was amazed as it was hot. I had a bite through it and lots of soup came out. The pork filling was delicious, it was meaty and juicy. The pastry was crispy and crunchy. The spicy dumplings came with the dinner set that I ordered. It was warm and spicy. The pasty w

青衣城本身都唔係太多餐廳選擇，一日又想口水雞。所以揀咗呢一間。生煎包+12 有兩個，味道不錯口水雞菜飯：菜販偏硬，雞幾滑，但如果躲點口水雞醬就好了價錢偏貴，性價比一般。

今日同兩老落青衣城諗住嚟個early dinner🥢行行下發現呢間堅信號個下午茶做到6點🤩即刻拿拿淋衝入去！好在兩老同我一齊都可以用手機落單，唔駛驚叫唔切🤣3個人亂咁撳，撳吓撳吓叫左成5個餐😳再追加2個小食🥰1️⃣生煎包2️⃣小籠包3️⃣豬扒湯麵4️⃣蔥油雞菜飯5️⃣上海粗炒6️⃣追加小食-雞絲粉皮7️⃣追加小食-酸辣湯1️⃣生煎包肉質勁juicy勁爆汁嘅🤤2️⃣小籠包皮太厚😵‍💫3️⃣豬扒湯麵無咩特別，不過要讚下個豬扒並不是油淋淋，唔錯唔錯4️⃣蔥油雞菜飯 - 菜飯就好一般，菜還菜飯還飯嘅味。但個蔥油雞都算有d驚喜，蔥油汁好入味又唔鹹，雞都係滑滑的唔鞋口5️⃣上海粗炒就唔okay喇🤨入口唔熱，麵條又乾又硬6️⃣雞絲粉皮粉皮勁爽口芝麻醬份量啱啱好7️⃣酸辣湯味道適中，唔太酸唔太濃味道啱啱好每個下午茶餐都會包一杯嘢飲同埋可以追加小食。整體上下午茶嘅價格都唔算特別平，本人認為食一次就夠，試過就算，唔會encore😅

係openrice 叫外賣，系統話20分鐘有得拎，結果我企係舖等左75分鐘，食咩都無味。我只係叫左12粒生煎包加12粒小籠包。接唔到單好心唔好接，母親節快樂攪到個個都唔happy. 我眼見絕大部份外賣客都要等成一個鐘以上，安排極亂，有個仲俾人拎走左個外賣。排排下聽到有人等堂食，等咗一個鐘先發現原來佢截咗堂食，嗰時7:30都未夠，話太多單接唔到，唔止一台起碼兩三台客喺度投訴，跟住店務員又放返佢哋入去堂食，好質疑店務員有冇受過訓練。

好耐之前食過佢第一間店，嗰陣仲勁細間舖，有個上海人喺度包緊生煎包，感覺非常地道，估唔到而家開左咁多間，仲開左間喺青衣城二期，今日再去食，叫左個午餐，有外婆紅燒肉，生煎包，上海湯麵同豆漿，另外再追加兩隻蟹粉小籠包。紅燒肉一共有三件，都幾大件，肥瘦適中，紅燒肉同百頁如果入味啲會更加好。上海湯麵俾我想像中好味，反而生煎包比之前遜色，可能唔係人手即整，質感爭啲。小籠包即叫即蒸，所以要等一陣，包面鋪上金箔，熱辣辣，但蟹粉味唔重，同普通小籠包差不多。

Cashier had horrible attitude, she kept snapping at customers and complained that they were telling her their orders too fast...?! Food was just okay. Chicken wasn't particularly tender, but I guess that's what you pay for

第一次食飯係間餐廳一個鐘 食飯食13分鐘 等個飯等左47分鐘😃如果你覺得人生流流長 有時間無野做既可以去下 間野仲要學人用自助點餐 真係笑大人個口 單都幫你落埋 都仲要等咁耐 真係不知所謂

📍「堅信號上海生煎皇」- 青衣今次食食食之旅黎到青衣😌👧🏻諗唔到食咩好，但又見到多人等位，就諗住試試佢😋📷餐廳座位唔算多，枱與枱之間有少少逼，不過見佢價錢都比較平民化（對比青衣城其他餐廳🤣）🍴秘製豬扒菜飯💰HK$62✨推薦指數：7/10豬扒嘅顏色偏深，有啲似炭燒咁，都算幾大份😇食落味道偏甜，肉質都幾入味，口感算爽😛；豬扒表面搽咗蜜糖，似食緊叉燒咁😂菜飯就正正常常，菜飯比例合理，算係比較健康嘅選擇🤗🍴蜜椒雞扒菜飯💰HK$56✨推薦指數：6/10雞扒煎得幾靚，上面淋有一大pat黑椒汁，👧🏻覺得太多汁啦🙈食落黑椒味好重，有少少咸，但都算嫩口唔會太乾咁😂

Juicy 生煎包——外賣仍然保持到水準既美食。環境再壞都要食得好、追求自己想要的生活！🥢生煎包🥟：第一次食係公司到會，估唔到外賣都保持水準，香脆外皮包着暖暖的肉湯😍。今次外賣一樣咁正，阿媽食過都讚!🥢糖醋黃魚：黃魚塊冇骨香脆，糖醋汁醒胃，送飯一流，而且菜飯份量幾多。🥛熱豆漿：食上海菜配豆漿就完滿啦！味道：🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

作為一個快餐，店內環境企理，坐得舒服今次點左3樣食物，包括咗生煎包，小籠包同埋擔擔麵生煎包同小籠包入面都有好足夠嘅湯，湯味比較清，而3款食物所用既肉，口感同味道都非常似，好似食緊同一樣野或者食上海野既感覺就係咁🤣

年初三行完山，與友人兩家人有大有細吃午飯，我介紹朋友去這家深水埗很好吃的店吃，結果在這青衣分店吃到的只有凍上海粗炒，凍生煎包，凍而皮厚的小籠包，凍的湯汁由包標出來，凍的菜飯，像是吃解凍微波食品，感覺上這分店廚房師傅巳經放棄了這店，出品衰過平價2餸飯，完全不尊重堂食顧客。埋單時，還要被不斷的外賣執錯的投訴阻住，看來店員執單都無心做這分店。當老闆的不能視若無睹，要不是用心做好這分店，不如結束這分店吧，顧客應該得到尊重。

生煎包係好食既但跟住黎個上海粗炒，好明顯係預先炒左一大盤 ，收到單就夾出黎。上枱嗰時只係微暖，則邊個幾條仲係凍架。個菜飯仲離譜，生哂冷降（佈滿飯焦，係硬崩崩兼黐牙嗰隻），食一淡已知唔掂，要求轉碗白飯（職員態度是良好的），可惜白飯都一樣係生冷降，再換都費事。湯麵則尚算正常總結： 整費食物質素快餐都不如，唔會再黎堂食，最多只會外賣生煎包

青衣城堅信號女經理服務態度真係好好！！！我打電話自取外賣到店後對號碼後才發現我原來自己打錯分店電話，她立刻幫我重新打單，還幫我打去另一間分店取消訂單，其實我都覺得不好意思，等食物嘅時間都好快就預備好給我了，雖然很多人要叫外賣，但她不會顯得不耐煩幫我，我見她忙不停還會教我用手機落單，但我點餐都不太熟悉，她都都好細心一步一步教我。喺青衣城食飯從來未遇過咁好服務態度嘅餐廳。我覺得值得讚揚。一定會再嚟！生煎包都好好味😋希望堅信號繼續越開越多分店😉