坤記糕品專家 (已結業)

坤記糕品專家 Kwan Kee Store紅豆糕味道︰太甜, 太軟, 紅豆少價錢︰太貴 $ ６ 一小件芝麻榚味道 ︰ 芝麻味普通, 可以接受，太甜價錢︰ 太貴 $ ６ 一小件以后不會再買

那天經過, 無心插柳地買了白糖糕以及砵仔糕數個白糖糕的價錢其實是有點貴的, $4.5可一口吃下去就不得了了一般街外的白糖糕都是酸味比糖味重, 雖然覺得奇怪, 明明是"白糖糕"又怎會如此酸?可多吃幾間也是如此後就習慣了, 還害我認為白糖糕就是很酸很酸的多謝坤記, 教曉我白糖糕是甜的!這兒的白糖糕做得很出色, 吃下去口感一流, 再加上甜甜的, 吃到最後才有點點的酸味味道恰到好處, 真正的白糖糕就應如此吧結果即場吃完還忍不住多買一個砵仔糕拿回去給蝗虫們吃就不予置平了, 但似乎是較普通的

同事經常都話深水,其實有好多好野食其實我都唔係好信,亦冇去深入了解.記得有次,她住一袋<白糖糕>回來真係好搶手,可能大家都好耐冇食過白糖糕:又香,又唔會太甜 軟綿綿,又煙韌.今次同事係同一間鋪度.買另一樣糕甜請大家食砵仔糕:有白色,有啡色,2隻既味道大致一樣. 但我覺得白色係甜D,啡色就淡味D,但都係甜甜地, 2種都一樣,有好多紅豆,全部都煮得好夠淋.而且,我將個砵仔糕放成個早上到下晝先食,佢不但冇變硬,依然都仲好軟淋淋,又煙韌.下次,叫同事帶我去,再試其他糕點.

去綠林之前先到坤記買糕點來食,路過此店好幾次,但還是第一次停下腳步一試!貪心的想點多幾款不同的糕點,但還有下半場,只能點了三款二人分享!點了正正是三款招牌糕點:芝麻榚 - 三款之中,甜度最淡的一款,十分香濃的芝麻味道,而且層次分明,十分好味道!紅豆糕 - 三款之中,甜度中等的一款,很多紅豆在其中,啖啖紅豆很棒!白糖糕 - 沒有以往的酸味,很香甜!三種甜度和口感都不一樣,價錢適中,下次還是會再一試!

紅豆糕、白糖糕、芝麻榚、砵仔糕、花生糯米糍各一個人喜好排行榜第一位白糖糕甜甜地, 有微微的酸味, 好想食多件~第二位糯米糍花生皮厚左 d , 但係, 因為皮厚, 才可以中和內涵的甜甜花生, 煙煙硬硬, 唔錯呀~第三位芝麻榚好香芝麻味, 入口即溶, 正~第四位紅豆糕冇乜味道, 麻麻地~第五位砵仔糕呢個係我食過最甜的砵仔糕, 甜到...每件一個包裝袋, 要五件共比六個袋, 好唔環保~

星期六的早上還要回校做事.. 方便上車速食早餐.. 簡簡單單在坤記買了個紅豆糕食..小小一杯仔盛惠$7, 比以前更貴更少.. 若做得有水準的也值..可惜這間老鋪實在令人失望.. 食物講求色香味俱全..這杯紅豆糕外貌不討好.. 泥紅色的也不有滿滿紅豆粒餡..加上老闊是徒手把鋁杯放進膠袋.. 未食就先扣分..而我是早上7點半左右買的, 紅豆糕可能不是早上新鮮製造的..就似是放了很久很久.. 凍冰冰之餘也沒有紅豆香.. 令人失望至於味道算不上是一流, 最初入口咀嚼時.. 紅豆味不突出.. 而糕身質地太軟.. 不過食到一半果間.. 糕身才有一些紅豆粒..紅豆粒都煮得剛剛好,不會太甜.. 滿以後是先苦後甜.. 可是食到最後.. 卻如沒結局的故事一樣..齒間卻不留一分紅豆的甜美.. 老實說. 自己在深水埗長大. 也見證住歷史的變遷(雖然只是短短的十多年)..食物的不濟.. 價格不斷上升.. 份量卻不斷減少..都可以看得在坤記沒在用心經營.. 這老鋪雖然是我成長回憶的一部份.. 但很快就可能俾其他事從新取代

坤記糕品佔盡地理, 深水埗B2出口便能一眼看見, 原本今天特意前來買芝麻糕, 可是將近新年, 她們已停了做芝麻糕, 專做賀年的蘿蔔糕和年糕, 幸好還有紅豆糕, 便買一個來試試。觀其外貌不是太討好, 可是味道却是一流, 紅豆粒煮得剛剛好, 吃落起沙, 又不會太甜, 而且這幾天很凍, 所以吃紅豆糕時冰冰涼涼, 十分好吃。不過價錢唔算平, 小小一杯仔盛惠$7, 但好吃, 這個價錢還可以接受。下次想來吃芝麻糕

今日行開鴨記, 臨走行去買幾件坤記榚嘆一嘆... 買咗芝麻榚, 紅豆榚同白糖榚各兩件... 芝麻榚真係正, 就好似食緊固體狀芝麻糊咁, 好香好濃, 完全估唔到咁正!!! 紅豆榚好香豆味, 每一啖都食到好多紅豆, 正!! 白糖榚比較清淡, 味道一流又冇平時食開白糖榚嘅酸味, 好好食!!!不過真係好多人排隊, 但係姐姐們好快手, 企一陣就買到... 六件榚都只係用咗$33, 都唔算太貴!

見到咁多食友介紹，又經開深水埗，就黎試下呢個好評如潮既芝麻糕啦！正如大家所講，芝麻糕係九層既，可見製作過程係落過一番心機，一盤芝麻糕好快就俾人買晒，真係賣糕都會發達喇！咁當然要好食先得啦雖然芝麻糕係凍既，但食落口真係有種難以形容既清甜感覺，仲食得出有芝麻碎添！平時食開齋舖賣既卷豬腸型"硬掘掘"芝麻糕簡直冇得比哩！而且一件細細既糕食完竟然有飽肚既感覺，最衰要繼續行街，唔係買啲返屋企做手信都好！呢度既缽仔糕都好多人買，下次都要試下先得！

昨日全日只吃過早餐, 到晚上6時就很肚餓了... 出深水埗斬料回家吃, 順路經過想吃砵仔糕, 怎知只得無豆糕>< 但我就是愛吃紅豆! 所以當然沒有買....見到白糖糕仍在pack袋中, 所以一試~ 清新香甜的白糖糕, 讓我對這款傳統中式糕點改觀, 因為以前只吃過酸的... 所以以為這種糕就是這麼難吃... 到很大個才知道那是已變壞的白糖糕~ 所以我食歷不多, 不能多加評語.. 但我就頗喜歡這兒的白糖糕, 那種清甜不是一般死甜的甜品可以比較, 而且糕身也很軟熟, 是討我歡心的一件糕點下次可以買芝麻糕給我家的兩老~

去親深水埗都一定會到坤記買糕番屋企食，白糖糕我一定買，另加芝麻糕、馬蹄糕或紅豆糕任何兩款，每款半斤。電腦節最後一天，今次買咗芝麻同紅豆，本人愛馬蹄糕夠爽口，但老豆鍾意紅豆糕多豆又唔會太甜，芝麻糕又夠香，買晒三款又太多，所以今次唯有捨棄馬蹄糕啦！今次買嘅芝麻糕覺得無以前咁香，不過佢嘅九層心機，仍然值得欣賞。白糖糕買咗兩件，一件ｓｉｚｅ正常，一件就偏細但比正常厚番少少，賣相差ｄ。最正都係紅豆糕，雖然又覺得紅豆少咗，但仍然好好味！仲有覺得ｄ糕要擺入雪櫃雪吓會好味ｄ，即買即食都比較黏，無咁爽，總之日後仍然會繼續邦趁！

真係好多謝友人竟然咁有我心 , 知道我一直都想試下坤記d食物水準 , 友人行開SSP就去左坤記買糕點比我食 , 感激== 砵仔糕 ~ 呢個糕點唔係特別好食 , 味道唔香不特上 , 而且唔夠出面買到個d砵仔糕多豆 , 有少許失望。 芝麻糕 ~ 好濃郁既芝麻味道 , 一層一層咁食起黎又方便 , 仲食到有微粒既芝麻 , 好正呀!!! 白糖糕 ~ 真係唔同出面食到既白糖糕咁有酸味 , 坤記既白糖糕的確係最有水準 , 甜度適中 , 食完之後個口又唔會有一陣奇怪既酸味 , 值得一讚呢!!!

作為紅豆糕食家食過最多間係呢間最令我食得開心大大件,多多紅豆好好味,無論單件定買一斤都得~唔會限死買幾多價錢同食味算係正比新年一定會黎訂紅豆糕~真係好香好多紅豆!!唔信大家可以睇下D相架

嚟到深水埗當然要去呢間嘢買下手信比屋企人啦紅豆糕，馬蹄糕，芝麻糕，糯米糍　($29) 芝蔴糕好好味, 好香芝蔴味呀,反而其他就一般呀 @@ 雖然貴喎~ 但係好多人買架

路過這街口，看見有很多人圍在店前，原來是一些中學生在進行歷史科課外活動，課題是文化與傳統，民間傳統美食歷史遊，由著名資深記者兼美食專欄作者梁家權先生做義務導賞員，他們還邀請這店舖這一代的傳人傅先生做訪問，適逢其會，於是聽埋一份。內容大致是他們是順德人，父親／祖父（不肯定，因站的位置在學生後，聽不清楚，如有寫錯，請諒！）因戰亂到處打工，因而學了不少做傳統糕點的手藝，到在香港做士多，有鋪位之利，可兼賣糕點，結果大受歡迎。我買了小型砵仔糕$4.50和九層芝麻糕$6。價錢覺得比同類的店子貴，如長洲新照記賣十二元三件，坤記要六元一件，體積又像小了一點。賣糕的阿姐，不知是要均真還是不熟手，切了一件芝麻糕後，要放落磅，磅一磅重量，見不夠秤，再切多些少放入膠袋，結果原本件糕已經不是很大件，攪到甩皮甩骨，碎濕濕。味道方面，有芝麻香味，糕也很滑，可見到九層，甜味剛好，如與長洲比較，長洲的較粗糙，但較香，就如吃花生醬，看你喜歡粗粒或幼滑；砵仔糕不黐牙，但體積較一般細。整體來說，品質會有一定水準，唯上述所提服務有待改善，其次是價錢略貴，試一次無妨，若是平宜一點，如收四元，則較合理，亦會多些光顧。