坤記煲仔小菜 (已搬遷) 新店位置

Due to the opening of the recent western end of Hong Kong island, we decided to embark on a food hunting mission on this area for one whole day. Since noon, we have been eating continually and exploring this area for some photo taking. This restaurant has always been in my food list and garnered several positive reviews from Openrice and food critics. As it was quite inconvenient to come to this area last time, I have not been able to try it always. So this time round, I must make it a point to

星期日晚去咗舊舖，冇訂位要等兩粒鐘。。。 谷鬼氣走去新舖即有位。。。個煲仔飯落咗單計等咗55分鐘先到！但絕對值得，咸魚係"梅"香咸魚，雞夠滑，飯焦唔燶，名不虛傳。。。炒蜆煎蠔烙都唔錯。。。下次再試舊舖

我有個朋友住荃灣，竟然都知坤記煲仔飯出名，今日佢專登山長水遠來食。夏天食煲仔飯唔駛等位，如果冬天嚟，又要等位又唔夠人招呼㗎 我叫左白鱔臘腸膶腸煲仔飲＋金銀蛋莧菜，等左二十五分鐘有得食 白鱔臘腸膶腸煲仔飯，米飯好香粒粒分明，加埋煲仔飯豉油一流呀 （8.5/10）金銀蛋莧菜細份左小小，味道唔錯（8/10）如果坤記有埋老火湯賣就正

第一道錯:點了椒鹽九肚魚.......變咗椒鹽魷魚.....個職員仲話"係我叫錯",佢咁好記性,間舖頭坐滿晒客人,得三個阿姐落單,佢仲咁記得啲客叫咗啲乜嘢,真係要比個叻你,算.....照食~雖然嚟咗碟椒鹽魷魚,但等待煲仔飯中,有嘢食總好過無得食,魷魚雖然炸得不夠香,脆,椒鹽味很少,但不會太韌,容易咀嚼,沾少許喼汁,都可以接受~~馳名煲仔飯.....等了55分鐘有得食,後來聽到其他客人想點煲仔飯話要等"兩個鐘".癲咗呀.第二道仍然錯........我們點了"潤腸雞煲仔飯"....又變咗"臘味雞",唔食臘肉同唔喜歡食臘腸的人會叫臘味嗎?個職員同立法會啲議員講嘢一樣,大大聲,惡過人,話"無錯',真係超差服務態度.期待中的煲仔飯到手了,雖然配搭錯了,但飯粒...粒粒分明,很乾身,豉油調教得很順口.啫啫芥蘭煲,一到枱香氣撲鼻,還有"嗞嗞咋咋"聲,真係引死隔離,基本上鐵板或啫啫餸菜都會有這個效果.幸好叫了幾款小菜,邊食邊等,如果淨係叫煲仔飯真係餓死.飯後感:名氣太大,食完都唔記得咩味,淨係記得食飽一肚氣,啲職員個樣同態度真係表露晒出嚟(無人叫你地嚟幫襯,係你地自己送上門,鍾意等咪等囉)成枱客啲面口

天寒地凍最好就係食煲仔飯，是日黎到傳說中既西環煲仔菜一試。是晚七點半，本來去的是老店但等侯的人群嚇窒了我與同行朋友，故轉到附近分店排，在搭枱情況下稍排一回就坐到了。建議大家先叫煲仔飯，亦要叫些小菜。因煲仔飯即叫即整，至少等候30-45分鐘， 叫了小菜通常很快上的，咁就可以邊吃邊等了。先來一碟椒鹽九肚魚：炸得鬆化，椒絲炸蒜令賣相更吸引，正！啫啫雞煲：雞件走油在配豬膶獨子蒜炒，如果有條菜心就very good la👍魚香茄子煲： 意想不到坤記連小菜都出色！ 呢個茄子煲魚香撲鼻，茄子量多，主腳未到就八成飽了😭主腳黎啦！大家有否記得數年前「美女廚房」的藝人基本上一弄個豉汁蒸乜乜就可以送到白飯幾碗！呢個說法其實一d都唔誇張，好吃既豉汁白鱔飯就係豉汁蒸海鮮既最佳首選！估唔到坤記滿足到！新鮮白鱔其實在街市買亦不平！這裡不出一百大洋已能食到！正啊啊～～甘甜豐潤的滋味連拖羅都無得比！識食一定食坤記飯焦： 你睇！焦而不黑，較為健康，亦顯到師傅功架！呢個煲仔飯相對不及白鱔果個咁味美總括味道一流，如不需搭抬可能更佳😜

小時候父母已經會帶我到坤記吃煲仔飯我超喜愛那飯焦，很小數煲仔飯有飯焦但是不太燶的想不到多年後再跟父母來坤記味道依然好我們點了臘腸滑雞排骨煲仔飯臘腸是整個飯的精髓，超級香，滑雞當然也很滑，這個飯冬天吃最好不過！窩蛋牛肉煲仔飯窩蛋很出色，切開時蛋汁還能漏出來，拌入飯裡一起吃簡直一流！牛肉也能做到不太老，不太韌，煲仔飯加上他們的豉油真是超好吃！不得不提那飯焦，簡直是極品。吃過眾多煲仔飯中坤記的真是最好吃！當然這麼好吃的煲仔飯也吸引了不少人，所以也會大排長龍，不過也是值得的。

朋友介紹要食煲仔飯，我們一行六人，點了：3個煲仔飯：白饍飯、臘味排骨飯、窩旦牛肉飯；3個小菜：蜆介鯪魚球、荔芋油鴨煲、豉椒炒蜆；2個白飯。煲仔飯來說，白饍最香，窩旦牛肉的飯焦最適中。三個小菜都很好味，所以在等待煲仔飯的過程中，已經忍不住吃到很飽了。(同行的5個朋友都留肚吃煲仔飯=_=) 總的來說，這是我會想再去的餐廳。價錢我覺得還算合理。

嘩，冬天煲仔飯季節，等到傻，出名飯店，人頭湧湧，入座前，等，叫菜，等，出菜都係，等。貴妃雞，肉質都幾嫩，骨尚血紅，不會過火，但又煮熟，可能天氣寒冷，感覺不夠熱騰騰白蟮田雞煲仔飯，真係等到傻，雖說女侍應早已聲明，要等一小時，（所以我們不敢追）由落單到上檯，確實剛好一小時，上檯當然熱騰騰，廚師都做唔切, 煮熟即上，田雞腿鮮嫩，白蟮亦好好味，但條蟮細了些，有飯焦，一句熱辣辣，十個讚。

在openrice 得悉這間煲仔飯很出名，於是趁著在附近看完話劇，便立即到皇后大道西的總店，可惜被告知沒有訂抬沒有位子，於是便到它的分店（這店）碰運氣，店外仍排滿人，店員說可等位，等了約10分鐘便可入内。我們叫了白鳝煲仔飯（$85）及窩蛋肉片飯（$75），價格比一般的高。店員説要等一個小時。結果真的要等一個小時。煲仔飯熱烘烘，但不夠煲仔飯香。窩蛋是熟的，不是生的，有點失望。肉片可以。飯焦good! 鱔不會過肥，可以。甜豉油好味。味道可以，不算突出，但是性價比太低呢！

天寒地凍，北風呼呼，大部份人都想起吃火鍋，其次便是吃煲仔，早聞在西環有一間煲仔專門店，大名遠播，這晚與賢內助去試試其煲裏乾坤。來到門前，已有一眾人在等位，惟我們到達時，剛巧有兩個中間對家搭枱吉位，位置騎呢，又沒有人等兩位枱，於是給了我們。地方是狹窄的，一張細小的長檯坐八個人，只想快些吃完就走，可是臘味滑雞煲仔飯 ($70) 製作需時，服務員在寫單時已先旨聲名，約等了半小時才送來，揭開了蓋，冒出熱煙，臘味香撲鼻，有幾條菜心、臘肉、潤腸、臘腸各兩小段，斬件雞幾件，甜豉油以碗仔另上，澆入煲內，拌匀後，便和賢內助分吃，雞件雖不是新鮮雞，但吃了幾口也算滿意，而各款臘味的質素是有水準的，個人尤愛吃潤腸，那種豉味和肝的質感，最是誘人，心知對健康不好，但偶爾吃一次，也無傷大雅吧！煲仔飯，最好吃的當然是飯，尤其是煲底的飯焦，又香又脆，加上混了甜豉油，錦上添花，是整個煲仔飯的靈魂。咖喱斑腩煲 ($65)，除上了漿炸過的魚塊外，還加了青椒、紅椒，薯仔，洋葱等，咖喱汁味道不辣，較似是無椰汁版的葡汁，魚塊肉質過得去，勝在夠熱。XO醬炒西蘭花，沒有驚喜，XO醬是普通貨色，幸好西蘭花不太腍，收$50，早知叫多個煲仔

Just a few days after clay pot rice at Ser Wong Fun, I went to Kwan Kee's (坤記煲仔小菜) branch restaurant, just a few blocks away from the locally famed original shop, offering hungry diners an alternative from bitterly waiting in the cold for their clay pot fix. The food, I personally find, is still of superb quality and very agreeable prices. We were lucky to find seats immediately, as a short queue formed just after we were seated.You can tell they take their clay pot rice seriously here, it takes

冷風將至,呢個冬天都未正正式式去食煲仔飯。倆口子興致勃勃就要食,兩年前朋友帶左我黎西環坤記,當年去左舊舖,今日見到有間新又唔多人等,就無再行去新鋪喇。好好彩啱啱有人走唔駛等位先上小菜熱辣辣,拎出黎仲係JAJA聲咖!芥蘭有揀過既,唔老,肉碎都好足呀。中意食呢個餸既黎到小菜館實會叫,因為小菜館做得特別好味!試過係酒樓叫個粉漿好似成個殼甘⋯呢度幾乎無炸粉,入面依然好滑慢慢食哂d餸,個煲仔飯終於黎到喇!應該都等左9個字⋯叫煲仔飯點能夠無臘味?一黎到加埋煲仔飯豉油撈埋佢。起筷飯夠乾身,豉油都好味,偏甜。食到底,當然輪到飯焦啦好脆呀1d都唔痴牙!個飯完全無痴底,不過油就落多左少少。食完9點,隔離有人坐低食,職員竟然話個飯要等1個至個半中⋯想黎食都係早d好。最後,食完呢餐竟然無特別口渴,少有

Originally I planned to make a table reservation on this coming Friday night.  However, when I told the staff on phone that I wanted to book a table for two persons.  She replied me that you both walked in without booking... Then I raised a question..what if there was no table for us when we showed up....She just hang up the phone.   Only if you do not mind their service and willing to be mistreated by such ill manner, then it is fine.P.S. Last time, I walked in this restaurant on Saturday but

秋意來，添起涼意，人人也必定想食暖笠笠的邊爐、羊腩煲、煲仔飯來暖一暖肚子。位於西環的坤記煲仔飯店，即使天時暑熱，每一到晚飯時段，門外總排著一堆人龍慕名來吃煲仔飯。還記得上年冬天，一班同事十一人原本也想預約來吃，但得回的答覆是＂人太多，很難預留位子＂而拒絶我們的訂位。可見，就算有錢也買不到心頭好，同時亦證明了煲仔飯的矜貴。是日上班的同事又聊起去吃宵夜，繼上年未能有機會親身品嚐，今次唯有再續未了緣吧。黑椒牛仔骨（$70）酷愛牛肉的小妹，專程叫了一碟黑椒牛仔骨。可惜，以煲仔飯的煲來盛著的牛仔骨只有三分一，就要索價七十大元，較不化算。而且鑊氣不足，拌碟的洋蔥也偏少欠爽口；牛仔骨的味道像吃京都骨般偏甜，但肉質尚算軟糯。不過，黑椒味不夠濃厚，整體欠缺了刺激新鮮感。沙嗲肥牛粉絲煲（$70）計前兩天由朋友介紹之下就吃了這個沙嗲肥牛粉絲煲，實在美味得今天要再來encore一次。肥牛薄身熟透而不老成，粉絲完全吸收了沙嗲汁的精華，香濃味美，香而不辣，再混有金菇，青椒，菠蘿粒作配料，酸酸甜甜，十分開胃，單純靠這道小菜已叫人添多一碗白飯呢！枝竹羊腩煲（$180）這店除了馳名的煲仔飯外，羊腩煲也是它的名物。不過，

今期想介紹兩個煲比大家, 一個係店鋪主打白鱔煲仔飯, 另一個係小菜馬來蝦醬雞煲~首先講下為人熟識o既煲仔飯, 用料只有白鱔,豆豉,薑,蔥同辣椒絲, 再加埋一個無敵豉油汁, 令人無法抗拒, 無論上至白鱔, 下至飯焦, 都係無得挑釁, 白鱔醃得入味兼且入口即溶, 而飯焦香脆可口, 同以前蔡san出品o既暴暴飯焦比較不惶多讓, 我就算有多飽都堅持食到底.至於馬來蝦醬雞煲, 一上枱就散發一陣蝦醬香氣, 吸引到連相都忘記影, 我只可以用"超正"嚟形容, 除咗太油令我有點抗拒之外... 雞斬得細細件易入口, 而且可以吸晒蝦醬精華, 芡汁唔咸較得啱啱好, 再加上蒜子,蔥,薑,青辣椒同紅辣椒, 惹味非常, 值得推介!兩個煲加埋都係百二,百三蚊, 簡直平靚正