地道館車仔麵

營業中

休息中

隔咗一排冇嚟愛民邨呢間車仔麵店幫襯，皆因之前兩次幫襯經驗都唔太好，連續兩次都漏單，今日路過決定再俾一次機會佢。可能已經有一排冇食，百物騰貴之下，不知不覺又加咗價。雖然貴咗，但係食物質素比之前好返啲。不過始終份量都係比較少。例如要加錢嘅「靚靚豬腩肉」，雖然好似比之前切厚咗、大塊咗同入味咗，但只係得三塊咁大把，而白魚蛋都係三粒。反而非肉類嘅冬菇，可能因為成本平啲，就有五粒，而冬菇亦都係我覺得味道最好嘅餸。後記：食完呢碗三餸車仔麵，去到下晝三四點開始肚餓🤣 如果你係非常大食嘅話，我只能建議你點多一兩個餸，或者… 去第二度食啦…

平日夜晚到訪，人流極少。但車仔麵好高質，食落感受到店對食物的重視。兩餸麵加熱飲只需$40，每加一款餸加$8，好抵食。腸仔 / 紅腸：坊間普遍都用水煮。而這裡的腸仔及紅腸都是煎的，而且十分香脆。牛腩：車仔麵必點菜式，忟得又淋又入味。陳皮魚旦：好彈牙，另一款車仔麵必點菜式。酸齋：有點過甜，略為失色。秘製辣汁選擇了小辣，食落好香好惹味。唯獨覺得不太夠辣，下次再光臨時會挑選中辣。整體來講，食物好高質，坐得舒服。有機會一定再來。

係何文田返左約七年工 食過呢間車仔麵兩次 對上嗰次已經係一年前😶 佢唔止有車仔麵 仲有飯類同小食 午飯時間 1240 唔駛等位直入四人卡位 今日係輕食mode 所以就嗌左仲兩餸車仔麵配熱飲 $40車仔麵🥘 1.5/5落餐: 幼麵 x 午餐肉 x 蝦條 (另加$1) x 麻辣沙嗲汁個湯味重 唔會死鹹 麻辣味唔突出 算正常發揮👌個麵煮得幾淋下 有啲糊口 唔討好😓 啲餸呢 份量少得可憐😔 如圖 午餐肉得半塊 感覺有輕輕煎過既 蝦條呢 旦係一條切開所謂刁兩條 蝦條既肉餡較散 口感一般 😓熱飲: 茶走☕️ 3.5/5茶走入口奶味較茶味重 無澀味 甜度適中 其實係唔錯既🙃 奶茶透明膠杯上 都係用黑白淡奶杯更有港式味道ps: 同事嗌左豬扒蝦條飯同雞扒蛋飯 話味道頗鹹😖 我明既 呢啲價錢唔可以要求太多 旦以相約既價錢 我會推薦愛民茶餐廳既茶餐 $3X or 百分百 麻酸辣豬扒米線配熱飲 $5X

今天中午，我一個人去食車仔麵。一條長枱，四個人位，用塊板間個位俾我，面壁一樣，都算了。13分鐘食完（因為用安心出行，可以清楚看到時間），檸檬茶都未飲，就叫我坐去其他枱慢慢飲，因為剛好有三個人等位，他想把旁邊那張枱拼過去。生意當然要做，但有無咁離譜啊！？從進去、點餐、食埋，只係13分鐘，都仲要趕客走。喜歡這樣服務的朋友，請繼續幫襯！

🥢兩個餸車仔麵 包熱飲 $40 係我學校附近，仲要係黃店，真係窮窮的小妹嘅福音我揀選咗 豬紅 靚靚腩肉 配粗麵底 要咗咖喱湯底 （不過食落似少少咖喱辣腩汁豬紅係我鍾意嘅味道同質感腩仔都好入味 又淋身！ 正麵底就正常發揮🤭飲品叫咗柚子蜜，非常之濃 我自行加咗兩次熱水都仲甜甜的，好抵飲 哈哈！！同學就叫咗秘製鳳爪 都話幾好味❤️❤️服務方便都唔差 雖然一到午飯時間就好多學生同附近返工嘅嘅人，但入面嘅後生仔同阿姨都好禮貌，有人要擺袋仲會幫我哋拎凳❤️👍

叫咗一碗車仔麵，一碗淨餸，兩個小食返到屋企打開先發現個車仔麵煮漏咗個油麵😂所以變咗兩碗淨餸，兩個小食打左去同餐廳講，佢叫我下次提返佢俾返錢我，可接受👌🏻先講第一碗走湯，腩汁，秘製辣汁，多汁豬大腸，酸齋，蝦條，豆卜，腩肉，豬潤唔知係咪走咗湯，剩係得腩汁同秘製辣汁，所以我覺得好夠味，好好味豬大腸十分爽，酸齋都好夠味，蝦條同豆卜正常，個腩肉再淋啲會更好食豬潤係我估唔到咁好食，好嫩好爽第二碗腩汁，秘製辣汁，多汁豬大腸，咖喱魷魚，牛柏葉，陳皮魚蛋，蘿蔔，豬皮，腩肉Roommate嘅評語唔知係咪因為有湯，所以溝稀左，略嫌個湯底淡咗啲啲餸都可以係個陳皮魚蛋冇陳皮味，蘿蔔好似有少少酸咖喱魷魚好味小食Juicy豬扒，鹽酥雞我冇空位食，太飽😂😂Roommate就試咗，話雖然凍咗，不過食得出如果佢熱食嘅時候係好食嘅，等我落咗格後再氣炸返佢啦唯有兩碗麵仲送兩杯嘢飲總結不錯不錯

呢間車仔麵性價比極高，首先三餸車仔麵加杯嘢飲都係四十幾蚊，食物質素仲要唔錯。車仔麵來講都算多選擇，我自己就偏好要牛腩、豬紅同蘿白。佢麵嘅分量都多，女士可以叫小麵。味道方面我覺得唔錯，湯底有腩汁，好夠味（偏好淡味嘅我覺得濃咗少少），幾個餸都算好味。柚子蜜就甜咗少少，我自己加水溝淡左就ok. 因為預先電話落單，所以一去到店舖已經有得拎，唔使等，方便好多。堂食嘅話，中午時段有時都人多，要等一陣。總括嚟講，呢間車仔麵性價比好高，會keep住幫襯。

🍁2021.10.18‼️呢間係#foodny黃店‼️🍽 店舖：地道館車仔麵 (何文田)📍地址：何文田忠孝街60號愛民廣場地下G2號舖🌕營業時間：星期一至日(Mon~Sun): 07:00-21:00♾♾♾♾♾♾♾♾♾♾♾♾♾♾‼️三餸一麵連熱飲 $44‼️⁡🌟油麵(腩汁)➕豬大腸+$2➕豬紅➕陳皮魚蛋👅腩汁係滷水向👀有八角！好濃厚🤤但五會過咸👅油麵好爽滑😚感覺五油膩😛亦無爛pat pat👅豬大腸—好入味😚但無爛身爛勢♥️👅豬紅—入口即化😍小小咸左😛滷奈左👅陳皮魚蛋—好陳皮😂魚蛋✅煙韌❌實的的⁡🌟油麵➕靚靚腩肉+$2➕麻辣豬肚+$1➕豬皮(小辣)👅腩肉—真係一舊舊肉🐷有手指闊咁厚😆又好滷到好入味😚入口即化😆👅豬肚—好軟身但無爛蓉蓉咁樣♥️一樣入味🥰👅豬皮——好堅挺嘅身軀😌軟糯的內在😘➖➖➖➖➖➖➖➖➖➖🐽小編的話🐽舖頭嘅位置同小編學校好近😆佢可以做我飯堂🤤真係好好食😋所有野都係入味得啱啱好😍Btw今次係細細粒帶小編去😌😉小編提提你😉-舖頭係7仔轉入去-座位較少，非繁忙時段去會有卡位坐‼️🙆🏻‍♀️回頭率(10分為最高分)🥢10/10 地方就腳😛😂😋CP值(5🌕為最高分)🌕🌕🌕🌗🌑 ➰➰➰➰➰➰➰➰➰➰

地道館💛滷水雞翼 蘿蔔 冬菇米線 咖喱汁 $45金菇 蘿蔔 紫菜幼麵 清湯 $44配熱朱古力 同荷蘭谷古(三餸面 $44滷水雞翼 +$1)-金菇一大炸👻蘿蔔偏大舊夠份量都多不過有渣紫菜就冇沙份量都比較多😆幼麵偏向似上海婆婆嘅嗰啲面清湯有啲似豉油加水但又唔會話冇味嘅🤣佢另外送咗2 3條生菜整體來講都一般啦不過都好味嘅🤤·朋友嘅嗰一碗車仔麵👆🏽冬菇偏林 多汁 較甜·荷蘭谷古(右手邊深色啲嗰杯)有啲似冇落糖嘅朱古力大人版嘅朱古力💁🏻‍♀️好濃可可味飲晒佢即刻變咗大人🧑🏻-29/6 eat-好味程度：🌕🌕🌕🌑🌑抵嘅程度：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌑🌑

一星期總會有一日過愛民食車仔麵做lunch,因為呢間好味大份又抵食呢間餐廳除左車仔麵，仲有碟頭飯，早餐，下午茶供應今次叫左最愛河粉，陳皮魚蛋，牛腩，同魚腐（腩汁）配涷檸茶河粉係幼身果款，煮得岩岩好，唔會一夾就爛，而且份量多，女仔都未必食得曬。陳皮魚蛋有5粒，都彈牙，但陳皮味就唔出牛腩同魚腐就正常總括而言，呢間係抵食之選

今次朋友推介好食的車仔麵😋地道館車仔麵環境冇咩特別，但味道好出色👍🏻👍🏻招牌豬扒蝦條蛋飯$48豬扒冇雪味，唔乾，醃得好夠味，好配飯😆三餸一麵連熱飲$44經典車仔麵湯，油麵 生菜 秘製辣汁😍😍湯底加左腩汁，無添加味精，喝下去濃郁，油麵吸哂湯底，經典之選，好正，我和朋友都好喜歡👍🏻滷水豬紅😍豬大腸👍🏻👍🏻👍🏻呢間滷水好入味，煮得夠綿，食過好多間的豬紅入面完全無味，但呢個食落去有好重滷水味，份量也很多😍正辣醬牛柏葉😋食車仔麵都必點牛柏葉，份量也不少入口彈牙，爽口，配上辣醬更惹味，吃下去辣辣的好過癮👍🏻☺️另外叫左款小食，鹽酥雞$32，份量多，香脆😋食得好滿足，食完整體都感受到用心製作👍🏻👍🏻支持小店，下次會再光顧

三個人坐屯馬線去何文田試呢間車仔麵，入到間店去都好多人，好彩有位，三餸一麵加熱飲44蚊，凍飲🥤要加3蚊，。另外如果唔食麵可變四個餸。呢度最好就係麵夠熱，送菜，又夠大碗。湯底除左清湯，其他都有牛既成份。涼伴海哲；超級大碟好味，秘製醬汁正。個度個姐姐介紹真係信得過。😊😀😌蝦條好味，好香。

☞ 今次嚟到何文田愛民邨一間賣車仔麵嘅小店，我之前喺油麻地已經食過覺得好好食！（油麻地店已結業）佢哋嘅蝦條係必食㗎😆今次嚟到愛民再次encore😋🍴 三餸車仔麵 - 紫菜、酸齋、蝦條 配米粉及秘製醬汁 ($42)/ 食得辣嘅朋友一定要試吓佢地嘅秘製醬汁！超級惹味🤤🤤/ 餸方面我就揀咗紫菜、酸齋同埋蝦條。紫菜無咩特別啦，酸齋索晒個湯底同秘製醬汁真係好入味😋蝦條係即叫即炸，所以就算佢浸咗落湯都唔會話好淋，大家記得趁仲脆嘅時候快啲食～

愛民邨呢個地方，如果唔係工作需要，我諗都冇乜機會過嚟😂。最近兩次上去做嘢，兩次都幫襯碩果僅存嘅黃店地道館車仔麵。第一次好肚餓，食車仔麵驚唔夠飽，於是叫咗個招牌豬扒蝦條蛋飯。叫得招牌，總會有啲期望，呢個飯最特別嘅當然係蝦條，味道就似一條長形嘅炸蝦丸，蝦膠鮮甜，不過肉質略嫌唔夠彈牙；豬扒原塊上，中間切咗幾刀，方便進食，呢個窩心舉動有分加🤗；味道方面，豬扒煎得香口，肉質嫩滑唔嚡口，真心唔錯👍。餐飲我叫咗而家好少見嘅荷蘭谷古，可可味好濃郁，飲得出真係谷古，唔係普通朱古力。第二次終於叫咗車仔麵，我揀咗麻辣豬肚，蘿蔔同魚皮餃，最好食嘅係豬肚，味道偏甜唔太麻辣，煮得又腍又入味，完全冇一般豬肚嗰朕除，非常唔錯；其餘兩個餸就正正常常，無甚驚喜，反而個腩汁好出色，除咗腩味濃之外，湯底入面仲有唔少大大粒牛腩，超正😍。最後想講嘅係，呢度嘅車仔麵每款餸份量都好多，好抵食。

😋之前午餐幫襯過幾次車仔麵，都覺得唔錯，所以今日經過見到有下午茶，價錢仲好抵，叫埋朋友一齊去試吓🍜😚我選了咖喱魷魚🦑魚蛋🐟米線，飲熱檸茶✌🏻雖然說是下午茶，但份量都唔算小。🍲湯底加左滷水汁，香濃得來又帶少少甜甜地，好味😋🦑咖喱魷魚的咖喱味唔算好入味，帶少微辣，好彩選用魷魚的部分夠淋，加番少少分。🐟魚蛋係用左我最愛的陳皮魚蛋，好食🤟🏻😍朋友說都幾好食，價錢又抵，經過開會再幫襯。