影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
食家推介
喺呢附近活動過嘅人都知道，呢附近食嘢嘅選擇非常之少。 領展商場之內，大部分都係嗰啲見慣見熟嘅連鎖店。 呢間已經係少有嘅車仔麵小店。舖頭唔大，座位唔算闊落，冷氣都唔係好勁。 但店員見有人食得太熱，會拎把風扇仔擺枱面幫幫手，可算係先天不足後天人手補救。車仔麵湯底同配料選擇豐富。 揀咗秘製辣汁湯底，湯底七分香三分辣，啱晒追求惹味既車仔麵。 油麵軟硬適中，幾吸到湯底嘅味。配料方面，要咗蝦條。 兩條大大條，幾彈牙。咖哩魷魚爽口。牛腩切成細細粒，都幾入味。另外加咗個招牌豬扒。 豬扒幾厚，咬落有質感，半煎炸到香脆。 值得推介。飲品叫咗唔係好多地方有嘅荷蘭谷古，幾有趣。
繼續閱讀
愛民商場入面嘅餐廳多數都係食到厭嘅連鎖餐廳，喺街市對出見到呢間門面新新哋嘅車仔麵店就入去試下。除咗車仔麵之外餐牌上仲有十幾款飯類、炒烏冬同小食，車仔麵配菜大概有三十款，食物選擇非常多。三餸一麵只係$48，有咁寬敞嘅環境坐喺冷氣之中慢慢食，喺而家嘅車仔麵店嚟講算抵。腩肉、墨魚丸、蘿蔔粗麵 ($53 連凍檸茶) ★★★★✰一個好掛湯嘅粗麵麵餅，配合鹹度適中嘅腩汁就啱啱好。腩肉對我嚟講對算肥瘦適中而且好腍；墨魚丸食到有咬口嘅墨魚肉，唔係最cheap嗰款元；蘿蔔雖然已經唔係最當造(用餐時已經係初夏)，不過都無渣同埋煮得幾腍。凍檸茶嘅檸檬同茶底都唔錯。整體而言，餐廳環境還算舒服，當日客人唔多但有好多位，店員都有laid back嘅感覺，而且呢個價錢食到呢碗麵都算ok抵。
繼續閱讀
d位好逼成日漏單 上錯餸 野食還可以既但係！！！！！！！！！！！！今日着住有校徽既運動服 寫住學校名 有學生證都唔肯比學生優惠店員：“我睇唔到窩 我唔理窩”（平時都已經差）唔係為果幾蚊 但個態度真係差到....
繼續閱讀
下午茶餐豬扒粗$27完全街坊價豬扒入味，軟淋淋又沒有雪藏味，湯加了辣汁很惹味，如果收多幾蚊加幾條菜就perfect!裝修就是街坊餐廳的裝修，職員很nice。有機會再去附近會再去試他家車仔麵。
繼續閱讀
今晚入愛民村練波，大約7點45分到地道館 💪裡面人唔多 平日夜晚愛民村較舒服嘅選擇呀~嗌返（實際：剔餐紙）以往好鍾意嘅碟頭飯~招牌豬扒蝦條蛋飯 + 凍荷蘭谷古（濃味朱古力）$55豬扒飯印象以前上碟有塊生菜“吸油”，以前望落會精緻啲食落第一啖味道口感 解餓一流！！！豬扒軟腍，有肉感有嚼勁，鹹香有微微椒鹽同五香粉味道，油脂分佈均勻，唔會好多碎骨豬扒邊邊有塊肥肉加味（好多時唔覺意我會食左 😂）煎蛋蛋汁留落鬆軟白飯，同鮮味十足嘅豉油汁拌飯一流 🤤招牌蝦條外皮鬆脆，裡面蝦膠彈牙，有蔥/青豆係裡面令口感有層次 每次食碟頭飯都會希望可以多兩條蝦條 😋凍谷古同平時一樣，保持水準 🤩比平時朱古力味道相對會濃啲，奶味唔咁重，朱古力味更香濃調製應該有落淡奶，飲落好似食緊半黑半牛奶朱古力嘅感覺，十足十懷舊冰室味道 🤤希望呢間有得長做啦，每次經何文田都會諗起呢間餐廳架~飯麵全部都掂 😍
繼續閱讀
您可能會有興趣的...