地茂館甜品

營業中

休息中

同男朋友&朋友食完晚餐就去在呢間甜品鋪我地叫左腐竹糖水,芒果西米露,芒果pancake..芒果西米同芒果pancake d芒果好甜腐竹糖水都不錯而且價錢唔貴,選擇算係幾.想食傳統糖水的話係一個唔錯ge地方!

中式既糖水係一間甜品舖既基本，每一間都會各自發展，自創一系列有特色既甜品，但係仍然只保留傳統既都有不少，九龍城內起碼都有幾間，例如：合成同地茂館等等，合成賣既係潮式糖水，地茂館賣既係廣東糖水，例如：芝麻糊、燉蛋、桑寄生蛋茶。而我個人比較喜歡廣東糖水，合桃糊同芝麻糊更加係我至愛，每逢晚飯後，都會提議到來食糖水。雙拼永遠都係我既首選，只鍾意杏仁糊拼合桃糊，好可惜的是這裡沒有杏仁糊〝只有杏仁茶，杏仁茶不能雙拼，咁我唯有退而求其次，選擇芝麻拼合桃，糊身夠杰，而且幼滑得黎又帶少少粒粒，芝麻味好香，合桃食落都有好香既果仁味，而且唔太甜，岩岩好。另外，紫米豆腐花，豆腐花夠滑，黑糯米既甜度適中，唔太硬，又唔會煮到淋哂，唔錯，唔錯。其實呢到既D班戟幾好架，因為夠凍，忌廉夠多，香蕉夠甜美，榴槤味重，夠軟滑，兩款班戟都好好味，只是晚飯食得太飽，未能再食。不過下次黎到，一定要食下，平均來說，中式糖水保持水準，OK的，不過服務或某些糖水需要有改善既空間。更多資料：http://hk.myblog.yahoo.com/zysk-c/article?mid=1054

日前路經九龍城,本想來試試這間多人排隊的糖水店等左大慨10MINS左右就入去就點左合桃露同燉蛋一試以上兩樣我最愛所以必定一試!!!合桃露.....來到攪了幾下幾好,,,不太稀點知食落去合桃味冇咩.....好睇唔好食.....失望!!!燉蛋.....夠滑但味淡溝得太稀所致....一蛋味都沒有何來叫燉蛋本來想試試其他糖水.....不過食完依兩樣冇晒意慾試其他煻水而走人九龍城大部份糖水店比這間還好....

尚是中學生時，去同學仔屋企玩，同學介紹呢處食甜品。以後每次到啟德送機接機，也愛到地茂館食甜品。地茂館主打傳統中式甜品，即係乜糊乜糊。星期日與太太幫趁，我點了合桃拼芝麻糊，太太點了杏汁蓮子百合加清心丸。SHARE一個蛋白燉鮮奶。太太話蓮子好鬆化，杏汁香濃，係水準之作。我碗合桃拼芝麻糊都OK。蛋白燉鮮奶都好香奶味。店內的裝修多年都冇變，環境清潔光猛，令人食得放心。以前鍾意食渣渣，不過人老消化力弱了，整碗的豆都係少吃為妙。另，呢處的湯丸是出名的。

泰菜後必要食糖水要從正規中式的開始希望食轉九龍城 紅豆涼粉 : 爽脆涼粉夠大粒, 紅豆有點不濟….無紅豆香味既? 甜味多小小會更佳,話明甜品, 唔甜點叫甜品呢 ? 鮮奶燉蛋白 : 奶味香濃不足只餘下淡淡的蛋白味, 滑溜度一般, 絕對未到合格水平 總結 : 糊物未試; 還有下次

星期日專程和朋友去九龍城食飯，臨回家前又想食甜品..捉了朋友陪我去食... 椰汁西米....哈哈..西米好淋...唔會好硬... 進步了﹗服務員說話多過做...=.=" 自己搵位沒人招呼...希望改善下員工.....上班不要談天太久。

第1篇食評星期6放左工,見OR咁多好評,咁就去試試啦地點唔難搵,入到鋪頭都幾光猛,可能下晝關係,成間鋪都無乜人叫左個$10寧波湯圓(即係薑汁+芝麻湯圓),唔駛30秒就拎到埋黎,但略嫌唔太夠熱薑汁底,係ok的,但辣味唔係好夠.但都算啦最弊係個4粒湯圓,,皮厚皮韌都算啦(真係好大量度ga啦~!!)最慘係d芝麻餡完全都無芝麻味!!仲要係得好少芝麻餡!!!可能真係$10ge關係,,所以將貨就價啦...人地講得咁好味,,,但我又確實食唔到好味在邊度....可能其他食物會好味d啦,,不過我就唔會再幫襯啦...BTW,,d阿姐ge服務態度係唔錯ge,而且成個menu入面d野食都幾平,最貴都係$32

八月份，星期天龍城一帶甜品店不少，但數有水準而價錢合理的中式甜品店則廖廖可數，這天下午海與朋友們大戰了三百回合（當然是指在球場上！），活動完後五人來到這裡歇一歇。雖名“地茂”，但環境不錯的，樓底高有空間感，光猛舒適，裝修是一貫的老式，對八九十後年青人來說，感覺是頗懷舊的。最重要的是，在炎炎夏日，開得異常強勁的冷氣確實是無懈可擊！海雖然是八十後，但很喜歡吃中式糖水，特別喜愛紅，綠豆沙，而這也是母親的最愛，已經弄不清這是遺傳還是耳儒目染了，哈哈！ 要了碗凍綠豆沙，不消十秒便送到，用藍邊白碗盛著，不要說笑，我認為吃甜品器皿也是重要一環，像滿記用黑色方形碗盛糖水便不是我那杯茶，膠碗更不用說。凍綠豆沙果然很冰凍，吃下立時透心涼，暑氣消了一大半，夠味夠濃郁，綠豆全都起沙，是關海最討厭水汪汪的糖水，這裡的，我很滿意。吃著的同時，閒起來是滿有“臭草“的香氣，非常不錯。朋友吃大路的芒果涼粉及腐竹蛋糖水，各試吃了一口，芒果是很甜美的，而且此品看起來便很消暑， 也不錯。腐竹蛋糖水稀稀的，不是我杯茶。埋單12元，價錢公道，說是公道，因為糖水成本本身就很低，我輩也是“草根地茂”，敢收30元的話便要大叫回水了！

吃完晚飯當然要來個飯後甜品。走遠一點到這家店就是為了等個胃落格。傳統的糊類糖水常常癡，但就有幾年沒吃杏仁豆腐，就點了一碗。此處的杏仁豆腐似是用大菜而不是魚膠粉的，所以並非彈牙滑溜而是爽口硬身的。杏仁味是香精的杏仁味，配上罐頭雜果，味道對我來說真的麻麻。勉勉強強吃掉全部'豆腐'就算了。我想下次還是穩陣些要回大路糖水吧。

食完飯去食糖水可能今日落大雨去到得2張枱有人..我地叫左豆花芝麻糊, 楊枝金露, 芒果pan cake, 腐竹蛋糖水全部都好稀, 好似溝左水咁...楊枝金露唔係落椰汁既..好似花奶咁...芒果pan cake 好似食緊cream only...好怪一定要講最好味既..只可以講豆花芝麻糊

好耐都未嚟食九龍城食飯,今晚食完小曼谷就再去食糖水原本想食桑寄生茶,但睇唔到MENU 有wor 結果叫咗合桃露丫,男友係芝麻糊呢度既糖水夠杰,(我最鍾意丫)合桃露內有合桃粒...(唔知係咪因為未磨好呢?) 合桃好好味~ 芝麻都OK~ 有芝麻香...又平又好味丫

什果涼粉($12)(走甜走奶) - 什果只係一般罐頭什果,但涼粉重藥味,真材實料,清熱氣,價錢唔貴,值得一試同行友人既外賣芝麻糊(加湯圓)聞落亦好香芝麻味,亦夠黑,睇黎唔差

寧波湯圓:糖水:好重薑味，好好味，好香甜。湯圓: 內裡有好味的芝麻，好味呀！！！ 我最喜歡佢地用的碗，有條龍形圖案，好特別。我唸這間地茂館甜品 一定有很久的歷史呢！

舊地重遊，地茂甜品館。舊派式甜品，價錢超平到低至 $10 有交易。E 花對此店的燉奶情又獨鍾，每次都獨孤一味，但我覺得不什特別。我點了糖不甩，8粒一碟全部大大粒，熱辣辣，好味好味。糖不甩 $ 10 ，燉奶忘了價錢，大概是 $12。

呢日又來到九龍城，在德昌吃過魚蛋粉當晚飯後，經過這間傳統中式糖水舖，老婆仔話想食糖水，於是入去試下。老婆仔要左個腐竹雞蛋糖水，我就要左個芒果椰汁黑糯米。兩個甜品的水準都ok，雖然未至於話真係好好味，不過在茶餘飯後，假如來到呢頭，整番碗冷熱糖水甜品，都唔錯呢！