地茂館甜品

營業中

休息中

原本對中式甜品沒大好感, 但基於朋友想食, 於是無奈入去入去見到menu選擇不太多, 於是點左芒果西米露, 朋友點左燉奶好有驚喜, 芒果西米露都好多芒果, 好冰凍, 好味！試左少少燉奶, 麻麻地, 但朋友話好好味, 可能見人見致但最緊要係好抵食, 十幾蚊就有得食, 學生都負擔到出面好多糖水店貴到食到碟飯值得再食

本來和Yan都是傾向于西式甜品，先后拜訪了金滿堂、甜蜜居和皇室甜品，通通叫我們吃了閉門羹。無計，熟悉龍城的朋友就帶我們來到這間中式糖水店。上次食這間的芒果班戟都已是兩年前的事，不知那時幫我買芒果班戟的老朋友如今可好？因為特殊時期不敢食凍野，乖乖的點了熱的香草綠豆沙。豆沙煮得起沙，帶點清甜與香草甘香，還有不少蓮子作伴；不過豬油似乎不太夠，總感覺作為一碗綠豆沙來說少了點什么。另外幾個食友則分別食了凍燉奶、芒果布甸、蜜瓜西米露和加湯丸，似乎反響都不差，不過始終沒有試，不予評論了。人總會改變，來到香港變得更多，而你就成為我勇于實現自我的犧牲品了。或許若干年之后我真的會回到起點，認清某個事實。

跟大少在九龍城找吃的，天氣熱想吃凍品，放棄了其他甜品店來了這間中式的。2個人同時都要凍蛋白燉鮮奶，好抵，14蚊一碗。好滑，夠凍，已經足夠形容這一碗，掂!!!!

... get the worms，說得沒錯。　食完泰菜午餐，在龍城一逛，發現金滿堂、皇室甜品、甜蜜居、小店等，全都要等三點才開門。沒辦法，就來了已經開門做生意的地茂館，食中式甜品都好過冇嘛!　蜜瓜西米露-友人的糖水，小試一口，感覺清甜但不特別出色，沒留下深刻印象。芒果布甸-沒試，據講不錯燉奶-沒試，觀其質感應該很滑溜綠豆沙-也是沒試，又是觀其濃稠度與色澤，應該不錯合桃糊-合桃糊煲得很好，夠香夠濃之餘，甜味剛好，絕非一般溝粉貨色；加$4可有兩粒湯圓，這就失色了，湯圓皮厚又太稔久韌度，芝麻芯亦不夠香甜有油。　很開心又同小食友食多一餐，她真的太可愛了。另外雖然今次十分開心，下次還是希望去到有西式甜品的甜品店!　

六月八日(日)食完串燒去左地茂館度食糖水，試左燉蛋，老婆則叫了我最愛的腐竹糖水～燉蛋($13)比起燉奶舖的略為遜色，蛋味香濃但輸在唔夠義順澳牛尼D滑，不過同D頂級比又好難看齊，加上尼度較平所以覺得都唔錯～腐竹糖水($11)味道和之前相同一樣很好喝，清甜～　但今次渣多了不太合心水，下次還是叫小渣～想試芒果班戟但實在太飽，唯有下次再試～

揸車經過買甜品俾女友同未來外母食,買左一碗什果涼粉同緑豆沙加湯丸佢地食完,雖然無閙我,但係印象只係普通,因為個什果涼粉無咩味,糖水落得唔夠,什果都比較淡味,可能佢地個做法係唔加工,我都知好多糖水舖都會把生果浸糖水令d生果食落甜d,不過如果d甜品食落無咩味不如唔好食緑豆沙加湯丸味道反而唔錯,緑豆沙煲得夠火侯,湯丸幾煙靭,唔錯今次俾ok,希望多多改善啦

睇openrice知道呢間好出名食過幾次都係食腐竹蛋糖水同芒果pancake腐竹糖水煮溶晒d腐竹，有d似豆漿的味道加上薏米'、白果等等材料，又香又滑，非常好味試過叫凍0既，不過感覺果種香滑感都不及熱食來得好芒果pancake係另一必點美食17蚊三件，比一般西餅店仲抵佢芒果同cream是1:1的完美比例看到厚厚落足料的芒果肉，絕對是誠意之作

08.06.02 晚飯後經過地茂館，剛剛食飽都要外賣返屋企 榴槤Pancake($25) 皮唔算薄而cream都幾多，之不過榴槤肉絕對唔少，而且超香且甜，係我黎地茂館必食既甜品 凍芒果西米露($13) 亦係我老公既至愛，芒果肉香甜西米露滑溜，絕對係甜品既必食之選

要治療不愉快情緒，主人與奴隸獸覺得食甜品是最佳良藥。所以二話不說，直闖『地茂館』。點了；1. 凍蛋白燉鮮奶（HK$14）：奶味濃郁，不太甜，滑不留口，轉眼間，碗底朝天。2. 椰汁黑糯米（HK$13）：黑糯米加入椰汁，香氣撲鼻。足料又有咬口，奴隸獸邊食邊讚。果然食咗糖水，心情好番哂。

口痕想食湯丸又想食 d 糊類糖水, 今日托人落街幫我買個熱合桃糊 + 湯丸 ($18).一打開就聞到好香合桃味, 合桃糊質地杰撻撻, nut 味濃郁, 甜度剛好, 非常好食! 兩粒湯丸係麻蓉, 層皮咬落幾煙韌, 芝麻餡雖然唔似得福元0個 d 咁狂瀉, 但又香又甜, 味道絕對比福元0個 d 唔甜唔鹹芝麻餡勝一籌, 唔錯. 而且... 乜咁似新三陽 d 出品的? =P早排亦買過芒果及香蕉 pancake 食, 皮夠薄, cream 份量適中, 芒果又香又甜, 正! 香蕉就因為未夠熟的關係, 帶少少澀口, 無咁好食.都寫過好幾篇食評俾呢間糖水鋪, 不過都想再講多次, 呢度絕對係我的九龍城首選糖水鋪, 會繼續支持! =D

四月廿六曰(六)幾耐之前同老婆黎過尼度食腐竹糖水，大家都非常鐘意，本人更小由小到大都非常喜歡腐竹糖水。此行黎九龍塘，有一半是為了腐竹糖水而來~ 但由九龍塘到九龍城間不斷的吃，吃過晚餐後實在已經非常非常之飽，散步到達地茂館時實在沒有空間再吃糖水。但一場黎到又好似好可惜咁，於是就o念到買一碗外賣番到去先食~因為唔鐘意蛋，所以叫左淨腐竹糖水，仲慳番$2，外賣亦唔使加錢只係$11都幾抵~ 等外賣一陣已經見阿姐舀左成三四碗都係腐竹糖水，睇黎大家都識貨haha尼度腐竹糖水係煲到連腐竹的唔見埋，非常厲害。本人一向認為吃糖水主要是喝不是吃，這裡的真是非常合心水，而薏米、白果等渣亦小，整碗都是糖水精華。味道方面當然充滿香甜腐竹味，加上白果、薏米等煲來濃度適中，非常清甜!沿途行去搭車走時候發現九龍城真係一個美食天堂，街同街之間有各式各樣唔同種類食店任君選擇，不過真係太飽，連平時非常鐘意食既串燒見到好想食但真係食唔落，惟有下次先再食過!

同女友一入到去就有一種好莫名其妙既親切感?_?嗯...可能因為所有店員都係Auntie啦... xd我地叫左芒果豆花...凍燉奶... 芒果斑"Cake" (唔識寫-.-) 大部份既甜品都係10幾蚊咋... 好鬼抵啊!!!!!!豆花好滑... 不比同區既義香遜色芒果斑"Cake"... 好creamy... 芒果好鮮甜... 個人認為仲好食過滿記個d...! (仲抵D添喎...!!!)相反凍燉奶就麻麻地... 唔夠滑... 還是澳洲牛奶公司的好事後睇番食評先知道... 原來呢度出名熱既糖水既-.-... Sassyfamily又碰釘了.......拿... 原來師奶唔打牌唔睇電視... 仲可以煲糖水賺錢架~~~ 阿媽學野啦~!!(可惜... 媽媽連煮一味可口既菜式既本事都沒有... －.－a )

食完泰菜,跟住搵甜品食完先竹戰!我食左碗紅,綠豆兩溝,donut同maggie都係腐竹旦,rose就食燉奶加隻旦!我食嗰碗紅,綠豆味道唔錯,火喉夠,所以易入口,因為唔會硬,甜味又適中!腐竹旦佢地話一般,隻旦唔得,但係腐竹糖水煲得幾靚!呢d只係轉載donut既意見,同本小姐無關,rose就話燉奶都唔錯!竹戰結果係我打和,rose一家win!

回想去中學個陣..成日走去食..芒果西米露好好味!!哈雖然唔平..但好味咪得。

2/3(日) 8pm吃過松記,踱步到福老村道的地茂館喫甜.地茂館,起碼光顧了廿年,小時父母已是此店的常客,給予食評還昃首趟.是次點了腐竹蛋糖水$13,桑寄生茶$11.腐竹蛋糖水的腐竹是全溶的,甜度剛好,這才合乎男友要求.而我的中式糖水至愛桑寄生茶水準如一,茶味並不濃;蓮子入口鬆化,可惜不是我杯茶!親民的糖水店!