地中海休閒餐廳 (已結業)

在九龍塘聯福道吳多泰博士國際中心，有一間「Bistro Bon」餐廳，環境舒適，食物質素高，價錢合格，很合適朋友及家庭聚會之好地方。今次就同朋友來一個升級晚市套餐之夜，先來軟綿綿香噴噴的餐包，麵包鬆軟，加上牛油令麵包更香口。是日餐湯是南瓜湯，南瓜打的幼滑，湯味香濃，熱度十足，口感不錯。三文魚他他，燕麥，黑魚子，印度脆餅，賣相美觀， 味道醒神開胃，香甜帶辛辣，口感豐富，食材新鮮非常健康。主菜是紅蝦西班牙辣肉腸香蒜辣椒意粉，份量超多，紅蝦新鮮， 西班牙辣肉腸惹味，意粉彈牙，味道層次分明，我很喜歡。至於法式脆皮乳豬配青蘋果蓉， 乳豬皮香脆，不油膩很滋味，加上酸酸甜甜的青蘋果蓉消滯解膩，配上乳豬十分夾，味道令人驚喜萬分。

第一次到這間餐廳,看到以藍白橌為主調的牆壁,給人一種舒閒的感覺!坐了ㄧ會,已送上微温的麵包,長形是包含堅果的,味道不錯! 圓形的,没有堅果,但ㄧ點也不硬!叫了香煎安格斯肉眼和招牌法式乳豬仔配青蘋果蓉作為主食.肉眼: 冧,有牛味, 煮的時間剛好,不會太老! 配上燒汁,味道不錯! 至於,招牌法式乳豬仔配青蘋果蓉, 皮脆肉香,份量十足! 配上青蘋果蓉的酸甜清新,正好消除了豬肉的油膩感,可以再多吃幾件脆乳豬仔旁邊的車厘茄也很新鮮!這兒是ㄧ個舒適,可以與朋友聊天,不嘈吵的餐廳! 當然,兩口子拍拖,也是不錯的選擇!

美國安格斯頂級牛腹肉 9 安士配薯菜，牛腹肉唔會燒得過熟，肉里保留少少紅，配簡單海鹽添味或不加已足夠。喜歡餐廳配薯條及沙律。另一主菜挑選了軟殼蟹黑蒜忌廉汁意大利飯，軟殼蟹炸至干脆，意大利飯份量大，香香忌廉汁，配黑蒜忌廉很新鮮！加配了兩客48元的升級頭盤包括魷魚配西班牙辣肉腸沙律，兩個風馬牛不相及的配料，反而夾得很，魷魚爽脆，辣肉腸有咬口，一咸一淡，配合簡單橄欖油沙律汁很開胃。另一頭盤則是溫泉蛋配松露忌汁炒雜菌，溫泉蛋簡單調味，撈埋雜菌及麵包粒吃，啖啖麵有溫泉味的調和。

聽閒係浸會大學附近有間西餐廳環境優雅同有得食牛排🥩，一邊滿足我想食牛排一邊可以打卡既欲望🙈，除此之外，依到大家食野都比較安靜，好啱拍拖約會😍當然價錢就係中上，但拍拖約會食就好有格調。南瓜湯湯唔結身，調味上有别於平時食開既南瓜湯，多左口感，唔會話得好濃既南瓜味，偏向清甜，上菜果時會見到表面好似類似油質油既調味汁，又多左一種口感，想食下其他味既南瓜湯可以試下。63·C溫泉蛋配松露忌廉汁炒雜菌溫泉蛋好滑，可見烹調冇失誤，至於平時黑松露既食品都好味，依個松露就都出，我地將溫泉蛋同雜菌溝入忌廉汁覺得好夾到，幾好味，好快就食完。美國安格斯頂級牛腹肉牛腹肉叫左五成熟，口感適中，配搭餐廳自創既醬，酸酸甜甜咁。圖片同真實係一樣，薯條就不過不失。我覺得可以兩個人一齊食，因為肉都厚，一個人食哂就會好飽。軟殼蟹黑蒜忌廉汁意大利飯口感特別，味道有好濃既忌廉汁同奶味，飯本身係偏結身，所以食落就好豐富到味覺。至於軟殼蟹就好大隻下，肉質偏淋，好易入囗，味道而本身蟹肉味為主。依個都係如果一個人食哂都會好飽下

重回校園， 已經相隔一年，以前地中海餐廳開既時候都冇食過， 對於當時貧苦學生而言，日日都食頹can. 衣家自己賺錢，尼到校園最高質既餐廳食野，可以話係衣錦還鄉。 餐廳主打既有西班牙臘腸沙津，西冷牛扒， 軟殼蟹risotto. 前盤有熱烘烘，脆卜卜既烤麵包。 可以等主菜一齊食，或者配牛油都咁好味！頭盤係西班牙臘腸沙律，臘腸同中國既唔同，味道咸咸地，帶有蒜香， 配沙律同魷魚，充滿地中海風味。比較有特色創意既咸蛋黃烤魷魚，口感同味道都好特別，配生菜食又減少油膩感，唔錯！肉眼扒配薯菜係呢到晚市推介，九安士先168 蚊，牛肉味道較淡，扒太薄， 食唔到牛扒既嫩滑，呢碟有d失望 軟殼蟹黑蒜忌廉意大利飯都值得推介， 陣陣蒜香味令人垂涎三尺，食指大動，個飯好香好味， 加埋脆身既軟殼蟹， 口感豐富。 又係好快被處理掉既一碟。 今日餐廳平日但人流都非常多，除左教職員學生都有其他食客， 食物等候時間較長， 但餐廳既食物質素唔錯， 行過九龍塘都可以尼試試

大學唔一定得頹can嘅！出哂名得大家樂集團canteen嘅浸大原來有間隱世地中海菜餐廳係度🤫浸大同學又幾幸福喎！今日食厭左又一城啲餐廳，於是專登搭架小巴黎試一試呢間傳說中嘅高汁大學餐廳環境十分舒適，藍白色裝修好似去左希臘小島咁嘅感覺，最緊要係坐得好舒服又唔會嘈餐飽熱辣辣有兩款，都好好味！呢個黃金洋蔥圈加黑松露蛋黃醬簡直係現合得天衣無縫，尤其喜歡個醬，超creamy得黎又解到炸洋蔥圈嘅油膩感，balance得非常好呢個南瓜risotto都煮得有水準，飯唔會過硬/過軟，南瓜嘅香氣滲透左入啲飯度very good呢個法國脆皮豬個皮都好金黃酥脆，好有豬味（literally）而青蘋果蓉可以再多啲就好喇整體感覺良好，下次可以試佢其他野！

自從N年前畢業之後都好少會再踏足校園，估唔到今次係為左食而入去浸大，一入去見到唔少學生行黎行去，好掛住當時唔會有太多想法的那個自己一踏入餐廳有眼前一亮既感覺，估唔到地方咁寬敞同裝修的確好唔錯，走清新路線，有唔少一家大細都黎呢度食晚餐有唔少晚餐選擇，最抵食就係牛扒餐，而家做緊DISCOUNT，連好難整既威靈頓牛柳都只係$388餐包都唔係HEA貨,熱辣辣有兩款，外脆內軟，牛油塗上即時溶化STRAWBERRY FORM YOGURT (+$10)、PINEAPPLE FORM YOGURT (+$10)套餐只係加$10就已經有咁吸引既特色飲品，賣相好吸睛，有高級餐廳質素，而且係健康飲品，只係$10強烈建議要加錢ORDER頭盤套餐 ($48)加$48就可以有頭盤加飲品，頭盤竟然唔係是但俾D菜沙律俾客人，而係溫泉蛋磨菇沙律，將溫泉蛋切開拌勻整碟食物，蛋黃汁同磨菇味道好配合，仲有麵包粒增加口感湯套餐 ($38)另一個DINNER SET我地加左$38，就會有湯同飲品，是日餐湯係南瓜湯，南瓜味道濃郁，質感杰杰的夠足料，飲完都有少少飽肚感美國頂級安格斯肉眼 ($168)安格斯肉眼有9OZ，例牌叫左5成

有朋友讀浸大， 帶我去左佢宿舍玩之後， 就落樓下嘅餐廳食晚飯～ 無諗過浸大咁偏僻，都有間地中海菜餐廳喎！😂 我地叫左兩個main dishes， 分別以優惠價加左個頭盤同轉為套餐， 好抵食喎！👍🏻 頭盤我地揀左63°C溫泉蛋配松露忌廉汁炒雜菌， 原價為$78， 不過而家加配，只需$48， 都幾抵呀！ 食法係可以刺穿溫泉蛋， 然後伴其他沙律菜和雜菌一起吃， 味道層次感更香滑更豐富～☺️ 是日餐湯為大蒜薯仔忌廉湯， 大蒜味道唔會太強烈， 反而原個薯仔打成粒粒狀， 湯質濃稠，又相當有口感！ 仲有配送免費熱辣辣餐包～ 🌟推薦❗️軟殼蟹黑蒜忌廉汁意大利飯（$158） 呢個意大利飯相當出色！ 個汁真係有好香嘅黑蒜味， 入口creamy， 而且意大利飯炆煮得軟硬適中，又夠入味！😋 軟殼蟹係原整一隻，相當足料！ 咬開仲要爆汁，鮮香十足！ 必試！👍🏻 美國🇺🇸安格斯頂級牛腹肉（9oz）（$168） 原價為$228，不過而家期間限定優惠價低至6折， 梗係唔可以錯過啦！😍 牛腹肉五成熟， 鮮嫩多汁，肉香味美！ 配以份量十足嘅薯條

表弟就讀於九龍塘浸大，極力地推介這裡的學生飯堂地中海休閒餐廳。今個傍晚時分就去品嚐一下吧！環境真的清優雅緻，可以約同三五知己共進晚餐，好似去左外國咁，遠離塵囂的鬧市👍。睇完menu, 主菜另加$68 配是日餐湯、頭盤、咖啡或茶。熱辣辣既麵包配上南瓜忌廉湯🥣，色澤金黃，味道清甜，口感軟綿幼滑。雞尾酒好大蝦🍤沙律配玫瑰醬，爽滑大蝦鋪放在含豐富纖維的沙津菜上面，是不少女士的至愛。主菜是美國頂級安格斯肉眼燒汁配薯菜$168，牛肉太熟會韌，今次試吓 medium rare ，生熟程度拿捏得剛好，煎封表面，內裡肉汁豐富，咬入口慢慢咀嚼，滲透著牛肉濃厚的鮮香味。配上剛炸好既炸薯條，點埋茄汁，另有一番滋味。最特別係法式牛肉他他配黑魚子印度脆餅$98，刺破蛋黃滲入法式魚子肉醬之中，好 creamy 放上脆餅一齊吃，味道剛好，唔會太咸，好特別的法式他他。再來一杯凍檸水及熱檸茶，果真遠離煩囂，減減壓的好地方☺😋✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

上星期同事同我講，佢個女帶她去浸會大學內既吳多泰博士國際中心地下，有間隱蔽的餐廳十分好食，而且價錢不太貴，仲環境很寧靜舒適，好適合慢慢傾慢慢食，不同其他餐廳要限時90分鐘就要交枱。今日係星期日，於是我就約很久不見的朋友出來叙下舊，果真座得很適舒和寧靜，地點就不是太方便，九龍塘MTR出口都要行10至15分鐘左右才到達。我們Order 左2個晚餐，如果加$68可配是日餐湯、頭盤、咖啡或茶。今日的餐湯是：南瓜忌廉湯，南瓜蓉很多南瓜肉攪拌成湯底，加上忌廉好滑，又香又滑的湯加上新鮮熱騰騰的包，可以點湯或擦牛油都一樣咁好味。頭盤：魷魚配西班牙辣肉腸沙律，辣肉腸只是微辣，而且仲暖暖地薄薄一片片，味道剛好不會太鹹，有一些鮮嫩魷魚圈，爽口、彈牙又嫰滑，沙律菜好新鮮配黑醋，十分健康。晚餐：自家手打安格斯牛肉雙層芝士漢堡配薯菜$148，漢堡包🍔人手切碎一口是無法食到，因很高身又大個，都是切開慢慢品嚐，果然是安格斯牛肉，肉質有牛肉鮮味不會韌，而且肉質仲好嫰滑 juicy，包內有芝士和一些生菜、芥末同茄子，食落口很清新，旁邊都有很多熱辣辣既薯條配茄汁，$148這個價錢食到這款安格斯漢堡包好抵。另一個是：招牌法式

As a foodie, I love trying out different restaurants.Recently I have been trying out canteens, restaurants and other joints located at different universities in Hong Kong like OBC grill, AC2, etc.Bistro Bon is a spacious yet secluded one so it is nice and quiet in the evenings.They offer steaks and pastas even though it is advertised as MediterraneanStarted with bread which was piping hot as well as the plate so I wonder how the guy managed to bring it over.The mushroom soup we had was creamy an

每次去完浸大的研討會，朋友總愛喜歡去Bistro Bon用餐，因為Bistro Bon的食物質素好，環境舒適，價錢比又一城的餐廳相宜，作為朋友在九龍塘的飯堂確實是不賴。雖然餐包只是餐前的小配角，但Bistro Bon的餐包卻為晚餐揭開美妙序幕。兩款餐包均是餐廳自家烘焙，拿上手時仍然可感受它的溫暖，芝麻餐包用料不手軟，撒滿香噴噴的芝麻，非常可口。我們加了68元升級至套餐，因為我超想喝餐湯和吃頭盤嘛。是日餐湯是薯仔忌廉湯，湯頭散發濃厚的薯仔香，忌廉的順滑帶薯仔沙沙的嚼感，滋味在嘴裡久久不散。頭盤我點選了三文魚他他，藜麥，黑魚子，脆餅，三文魚他光從外表已令人食指大動。三文魚他他油脂完全化開，而黑魚子把三文魚的鮮美發揮得淋漓盡致，藜麥和脆餅增添三文魚他他的口感，十分討喜。主食方面我們想一同分享，故吃薄吃最好不過。德薩斯州式BBQ烤雞薄餅邊緣酥酥脆脆，中間餅底薄薄的，撲滿配料，雞肉軟嫰得很，熱融的芝士還會牽絲，加上惹味的BBQ醬汁互相融合，味道極之平衡，果然沒讓我們失望。美國安格斯牛腹肉一上桌，那牛肉香味四溢，我們肚子一直咕嚕咕嚕的叫，迫不及待要大快朵頤一翻。我們挑了五分熟度的牛腹肉，外層微焦，

今日難得放假去揾好朋友食晏，地點選好左係九龍塘🤪🤪🤪諗左好耐究竟九龍塘有咩食，諗諗吓俾我諗起之前想黎BU既哩開餐廳😘😘😘每次想黎食既時候因為太遠所以最後都冇黎到，今次一於的起心肝黎食先，一點黎到座無虛席，仲要有好多人排隊因為兩嗰人既關係好快就有位啦🤩🤩🤩我哋兩個都帶咗廚師推介既菜式，「BBQ豬肋骨伴薯條」「全日早餐」話咁快就上枱啦，「全日早餐」大大份，一啲都唔吝嗇，包埋嘢飲都係$78蚊，性價比好高呀，炒蛋好creamy💕💕💕各方面都高質「BBQ豬肋骨伴薯條」又係不錯的，啲豬啦骨已經焗到好淋，肉同肋骨係完全可以分離到，BBQ醬味道好正，配埋薯條🍟好正！過咗午市時段就小人好多，我同好朋友繼續keep住傾計，唔錯喔❤️❤️❤️

重返母校，每次都會去「地中國休閑餐廳」。呢間喺讀書個陣，跟大學同學傾project嘅聚腳地。晚市其實比午市貴好多，仍然保持水準，高質到完全唔似學校canteen (一般人對canteen印象喺抵食之餘又頹頹地🤣)首先，頭盤喺雜菌溫泉蛋，有趣嘅配搭水牛蕃茄Pizza不論賣相、味道、口感，完全可以媲美中環高質素餐廳，絕對要encore！最後食咗中西合璧嘅五花腩意粉，呢個組合就不太喜歡…始終覺得五花腩撈飯好食啲，不過，意粉都符合基本西餐廳嘅要求，唔會煮到好淋

約左個朋友食飯, 一早已經搵定餐廳, 費事等位丫嘛估唔到無意中就BOOK到呢間位於浸大裡面既餐廳距離地鐵站大概10分鐘路程左右, 唔算好遠位於大學裡面既餐廳比人既感覺一向都係快餐式同茶記FEEL D今次呢間地中海休閒餐廳真係改變左我既諗法混色既木地板以及木製枱凳, 簡單又好睇食物以西式為主, 有頭盤, 小食, PIZZA, STEAK, PASTA, RISOTTO, BURGER選擇既種類都好多落單後都會上面包先, 面包好鬆軟, 唔錯頭盤: 三文魚他他 $88三文魚他他用左藜麥墊底, 個面仲加左黑魚子, 個他他醬幾好味, 連埋爽口藜麥一齊食, 食落好清新小食: 黃金炸魷魚 $68咸蛋黃味幾香, 用左沙律菜墊底解膩, 魷魚唔會一陣雪藏味同唔會韌, 幾好味主菜: 軟殼蟹黑蒜忌廉汁意大利飯 $158有原隻酥炸既軟殼蟹, 個蟹仲有羔架, 但驚喜既地方係個黑蒜忌廉汁估唔到忌廉汁配黑蒜個味道係咁香咁夾美國安格斯頂級牛腹肉 $168牛腹肉出面都較少地方食到, 肉味好香, 仲食到grill既味道配埋厚切既薯條, 幾出色飲品方面除左普通既奶茶咖啡, 我就加錢轉左杯lychee foam yogurt清