土司工坊 (創紀之城五期(apm)) (已結業)

上午終於完成了連續OT到10、11點，連星期六日都要回公司的個人present，雖然我和其他intern都帶了住家飯，但大家均興奮得一起外出輕鬆下～～嘆個新加坡式風情午餐我點了個娘惹麵線餐，配上個南洋奶茶，友人點了叻沙湯麵餐，兩個人分享多試點新東西。娘惹麵線麵線幼身，吸收了酸酸甜甜又微微辣的湯汁，而且有點點花生醬味，充滿懷舊南洋風味，加上乾蒜、香蔥、芽菜和柚子，口感豐富蝦仔普普通通，口感不太彈牙爽口，應該是白拾再加上去，所以需要浸浸湯汁吸吸味招牌叻沙湯麵叻沙湯麵配料多多，有兩隻蝦、多片魚片和豆腐卜，賣相頗不錯。湯底看似勁辣，但食落不太辣，反而椰汁味重，湯麵口感煙煙韌，還可以吧...南洋奶茶奶茶以煉奶沖好，但沖得麻麻，雖香但較甜，飲了兩三啖已經有點甜滯So far so good, just 口痕過過癮⋯⋯不知何時有機會再到新加坡一趟呢🤔🤔

肉鬆厚吐司套餐$34 : 套餐有一客肉鬆多士，一份半熟蛋(2隻)及一杯餐飲。吐司預先給切成9小份，上高淋上肉鬆給些少的蜜糖。 多士烘得脆身，唯吃下有點硬和乾身，若肉鬆內還有些紫菜片和芝麻粒，味道應該會更好。半熟蛋(2隻): 是新加坡的傳統早餐成員之一，先把蛋淋上黑豉油及胡椒粉，再拌均蛋漿後吃。娘惹麵線套餐$52: 麵線中有半隻雞蛋，2隻蝦及一些豆腐卜碎。 麵條屬於幼身的米粉，弄得比轉碎身，令麵條能吸收多些湯汁吃下味道甜甜酸酸的，餘味帶些辣，不錯吃的。

五月七日因為朝早要去觀塘工業大廈果邊，於是同友人就響apm 食個早餐先。黎左土司工坊，三十六蚊，雞翼蛋麵加杯奶茶。還可以，奶茶係加鍊奶既，幾正。至於麵不過不失啦。早餐既選擇太少，而且餐牌展示得唔太清楚，有啲又十一點後先有。同埋職員只得兩個響樓面，有一個仲收銀落單之餘，仲要沖埋野飲，勁！

一早去食早餐，同友人試下土司工坊。選擇唔多，價錢都偏貴，我鍾意早餐好傳統西式有蛋有包有碗粉麵。。但依到只能兩者揀一。嗌左個肉丁蛋麵 都幾好，麵質有qq，肉丁就唔算淋，我覺得再淋d好d，隻蛋正，七成熟左右 不過成餐三十六蚊。。都係有d唔開心，因為冇得食包

今日下午茶約左朋友食 Tea，所以Lunch 就唔食太飽，如果唔係一陣食唔落就唔好啦！去到Toast Box 就去試下佢的 Toast，點了傳統吐司套餐，包括咖央牛油吐司配南洋半熟蛋兩隻及美綠恐龍 (加$10)半熟蛋要食得正宗，就要加入黑豉油、胡椒粉一起食，滑溜溜的蛋在口腔內迅速地滑進喉嚨，無得頂！咖央牛油吐司，麵包烘得外脆內軟，夾了咖央醬，中間加入半溶的牛油，三樣夾埋一齊食，唔會覺得好油膩，牛油分量不多，而每啖的吐司總會有咖央醬！美綠恐龍，冰凍濃郁的美綠，面層加上一塔子的美綠粉，正正合哂我的口味！是次的 Lunch 份量不多，如果當正餐我就會好快肚餓，但吐司的味道最令我回味！

今晚我們去咗「土司工坊」喺觀塘apm分店食晚飯！我們叫咗星洲叻沙、鷄翼蛋公仔麵、娘惹麵線同花生醬厚多士！星洲叻沙嘅湯底淡而無味，蝦、魚片同豆卜都係雪味濃過鮮味，米線煮得過腍，一啲口感都無！鷄翼蛋公仔麵嘅鷄翼仲未煮熟，仲係血淋淋，真係好嚇人呀！娘惹麵線嘅湯底都係淡而無味，麵線嘅質感好粗糙！花生醬厚多士簡直係名不符實，一啲都唔厚呀！真係令我們極之失望！

今年復活節時老公給了我一個驚喜的新加坡之旅，我特別喜歡香口惹味的南洋食品，在那裡到不同的大排檔吃叻沙、肉骨茶、咖哩等等，真是一趟充滿美食回憶的旅程。香港吃南洋菜式的餐廳不是特別多，最平民級和為人熟悉的就非土司工坊Toast Box莫屬。這夜於APM Log-On選購朋友的生日禮物，順便吃晚飯才回家，決定簡簡單單的吃碗麵，就走到了Toast Box。店員即製的南洋咖啡，拉茶一樣高高的倒進杯裡，型！食品準備需時，所以先拿咖啡和號碼牌坐下等食。叻沙配蝦、魚片和豆扑，魚片或許是冰鮮貨所以沒甚麼鮮味，以湯底濃郁搭救。幸好蝦尚算大隻爽口，豆扑索了湯汁也不俗。南洋咖啡香濃，沒讓人失望～簡單的一頓晚餐，吃得滿意飽足。

下午茶時間，無人唔駛等。上一次幫襯同系列店鋪唔夠半年，無咩特別問題。但今次太太太失望。少甜少冰檸茶得7分滿，你地寧願俾1/3個檸檬落杯嘢都唔寧願個客少冰之後斟返滿少少。茶貴過檸檬，原來條數係咁計，咁真係識做生意。喇沙無椰汁，連紅油顏色嘅來源蝦油同辣都無。食緊嘅就只有overcook 浸到就爛零口感嘅米線同魚片味。就算全香港無哂喇沙食，我以後唔會再幫襯土司工坊，never !

講到明叫土司工坊 入到去梗係去試下佢啲土司正唔正啦一去到坐底就叫左舍傳統吐司套餐 即係咖央多士+2隻半熟蛋+南洋熱咖啡或茶 就HK$30白面包外脆內軟 而咖央既份量均勻適中 唔會太多亦唔會太少 啱啱好啊 牛油油得黎又唔會太膩 小小鹹卜卜脆 仲有啖啖都係有餡料既南洋熱咖啡 同普通既咖啡有小小唔同 咖啡同煉奶既配搭唔錯隻蛋就梗係一半熟一半唔熟既半生熟蛋 另外再加小小豉油同加小小胡椒粉就PREFECT啦 成隻蛋白SPEED一聲滑入我既喉嚨裡面 無得頂啊!

呢個真係唔錯,首先個黃薑飯真係夠晒香口,未食落肚已經聞到陣香味, 同埋唔太辣,左面個兩塊係蝦片黎, 夠脆但係冇咩特別,至於D牛肉就唔錯, 唔會話好UN, 幾都幾夾個個汁,唯一唔好就係貴左少少, 要50幾蚊

去apm睇戲, 未夠鐘, 又未食晏晝, 就周圍行下睇下有咩食, 友人提議食呢間. 果時係晏晝, 已經坐滿曬人, 但係個turnover rate好高, 好快就有位. 本身好鐘意南洋風味的食物尤其係喇沙,所以見到menu 都幾期待, 個賣相幾好, 但係唔夠熱同椰漿唔夠多同香. 而佢嘅咖啡其實做得幾好, 可是建議飲熱.

接近晚飯時間就想下呢間既星馬湯麵，叫左碗人氣商品叻沙套餐，個賣相相當吸引。可惜湯還湯，麵還麵。個味道完全融入唔到！！我種要食到一條好生既芽菜。 不過跟餐熱美祿就沖得幾有水準，香濃不太浠公仔麵 要食都係去返港式茶餐廳食啦！蛋煎得過熟，午餐肉係白烚，要煎先可突出到佢既香同外脆內軟既口感，都係差，個湯頭好味精但唔香！真係好唔亂叫公仔麵有件意外發生係我身上，當時有個侍應執緊後面個位時，托盤上面有個咖啡杯成個跌去我背隻，我feel到好重既撞擊，好在裡面無熱飲！燙傷都似。然後玻璃跌到一地都係，個侍應完全無道歉既意慾。雖然無心之失，但整到人都應該禮貌地道個歉。 之後收我地碗，問我地仲要唔要個態度都好差！

嚟呢度食嘢，我通常都會揀臨打烊嘅宵夜時間，大概晚上十點左右，因為太早嚟嘅話，呢度會人多位窄，坐得唔爽之餘仲恐防畀人撞。由於早就打定底等睇電影，餐牌上嘅套餐對我哋嚟講太飽，於是乎我又發揮為食小宇宙，作為一個專業嘅食鬥士，我總係有時能夠點到餐牌上明明唔存在嘅食物 ，而我今次要點嘅就係 印度飛餅 ！唔信？ 餐牌上只有配咖哩雞賣四十三蚊嘅印度飛餅，而我肥仔奇就係可以叫到單一份飛餅！ 任你點搵，餐牌上都係冇嘅！ 嗱係咪呀！酥脆鬆化煙韌微甜滿口麵份香嘅印度飛餅登燈瞪凳！ 再嘆埋呢杯茶味突出，煉奶香甜嘅熱奶茶，飲啖茶食件餅咪就係咁樣囉！ 以為我故意唔影咖哩雞玩炒作？畀埋張單你睇嘞！收據有，餐牌冇，唔信？你又試吓啦！

小魚椰醬飯配炸雞腿，幾乎是每次光顧的例牌選擇，太喜歡小魚的甘香，花生飽滿又香口，雞腿皮脆內軟，保留肉汁，再加靈魂所在的招牌辣醬，將全部材料攪勻後伴飯同吃，每吃一口，都感到無比幸福。未知是否特式做法，每次皆發現椰醬飯是凍冰冰奉客，而且椰子味非常低調，感覺整體上食物味道欠了一點點，好期待日後能吃到熱辣辣及帶重椰子味的飯。店主推介的叻沙套餐，湯底非常淡，材料亦切得極薄身，特別是魚片，透薄如紙，盡現刀法。心思思想吃叻沙，Killiney會是更好的選擇。

約朋友食早餐，APM早上十點好多食店未開，唯有食呢間~服務真係差到無朋友~ 早餐得一款，但又唔寫清楚原來有得揀午餐肉或雞翼，通粉或公仔麵。職員亦都無問，是但咁落單，個餐來到先知。個早餐叫蕃茄濃湯系列，但得D色，完全無味，連咸味都無，真係勁難食...以後唔會再去~