土司工坊 (創紀之城五期(apm)) (已結業)

成個APM幾乎冇乜餐廳有下午茶提供或者價位都好貴走到4樓見到toast box記得以前係有下午茶嘅但之前又停咗一排碰碰運氣點知有返下午茶新menu無左以前食開嘅魚蛋粉不過都有餐蛋麵呀以為普普通通一餐諗住呢到既餐蛋麵一定無乜特別點知就係咁先有驚喜！首先賣相真係好靚蔥花灑上面已經係加左分要求全熟蛋都真係有全熟！午餐肉濺到好香脆最喜歡呢啲切到薄薄嘅午餐肉比厚切更香而且無咁快淋麵質地麵好適中最想介紹係佢個湯底咁第一啖嘅時候點解好似有種肉骨茶嘅味道嘅？所以好特別幾乎將個湯飲晒吐司工房既南洋奶茶麵是必選這個下午茶餐成為$36好抵食呀！

我第一次寫食評，因為真係姨間野真係前所未有咁誇張收銀個阿姐對啲客呼呼喝喝，但係其實我聽到每個客都好有禮貌，唔該前唔該後，客客氣氣咁。企係水吧個妹妹仔發吽豆多過做嘢。因為杯薏米水真係幾全無味，我忍唔住問佢拎咗啲糖（期間亦都有其他客人問佢拎糖水）。個妹妹仔比完我之後，個收銀阿姐大大聲喺度講飲薏米水落乜鬼嘢糖？ 淨係見到有個出餐嘅姐姐不停係咁做同埋幾好禮貌。其實70幾蚊食碗麵飲杯嘢，唔會期望啲乜嘢，但係比起食過幾次嘅將軍澳分店真係差太遠。

係觀塘站出黎唸住食個快餐，openrice搜尋下，未試過哩間土司工坊，又見有肉骨茶，都幾懷念肉骨茶嘅味道，一出站就直接搵到間舖堂食，落單時阿姐態度都未見異常，雖然都幾惡下，但哩個係餐饮服務業常態，仍在可接受範圍內，俾錢時問，可否Alipay，佢非常之不耐煩咁答到：可以，掃完code後係砰一聲咁將部scanner掟出去，果一刻我都唔知係佢同Alipay有仇口，或與使用Alipay之食客有牙齒印，定係覺得我哩位戴住口罩嘅新客面目可憎，一定要掟嘢先可以出到啖氣。有時覺得係香港食嘢真係好可悲，又唔係食頹飯，俾錢仲要受氣，仲慘過乞食。Anyway, 自己搵位入座，上餐好快，湯本身唔夠熱，味道真係好麻麻地，肉骨茶個湯淡得黎得個咸字，少少甘咁樣啦，肉骨得兩條又唔腍，又唔香，數埋裡面最多嘅係原粒蒜頭，有四粒咁多呀！食嘢期間，都有聽到其他食客低聲下氣咁同收銀兼水吧阿姐，係咁講唔該/唔好意思，真係心唸，食餐飯嗟使唔使咁呀。仲有呀，個匙羹好似用開就無洗過咁，出晒包漿，過多幾年可以當古玩把玩添呀。總之，我的話就一定唔會再幫襯，不論apm或其他分店，bye bye。

以前一向有食開喇沙，次次都好好食！除左今次，完全唔得！我無係其他大舖食到呢間既水準！完全無喇沙應該有既咸香同椰汁味，味道淡如水，只係得辣味！真係比個賣樣呃咗！返嚟睇返以下嘅食評先知唔係只係今日失手，係失手咗好耐！價錢平可以有其他選擇。

今朝嚟咗apm嘅土司工坊食早餐 早餐都主要係食土司 仲有配通粉或者米粉 烚蛋或煎蛋 同飲品☕️肉鬆厚土司肉鬆嘅份量都好多 土司都烘得好脆 亦都食得出土司係搽咗牛油嘅 最鍾意呢碟🍞芝士火腿蛋土司呢個土司就冇厚土司咁鬆脆🥪 佢比較軟熟一啲 煎蛋有啲過熟 我期望切開會有蛋汁流出嚟 芝士嘅味道有少少酸 唔係我喜歡嘅味道🧀煉奶花生醬厚土司呢個正正常常 冇咩特別 主要都係厚土司好鬆脆😂火腿通粉通粉份量唔多 湯底亦都比較鹹 唔係太推薦😮飲品係由收錢嗰位店員負責沖 有少少擔心衛生嘅問題🤣餐廳嘅土司係有水準嘅 不過價錢偏高 加上其他食物唔係太出色 應該都唔會有下次😮‍💨

我想講今次係我喺商場餐廳食嘢以嚟最差最差嘅一次😡😡😡首先其實我未食過土司工坊，啲人話佢哋吐司同蛋糕幾好食，咁唸住晚餐去食下啦，去到佢同我講話冇晒吐司，咁我就唯有叫個麵食啦，其實一入到去嘅時候，樓面個阿姐已經有少少燥底，佢沖嘢飲掉野已經睇得出，但佢對客人冇野既，態度都ok之後排隊叫野食，其實係排緊隊嘅時候樓面個阿姐已經同廚房喺度嘈交，聽落應該就係叫多一個人出嚟樓面冇人佢自己一個做踢晒腳咁上下，但其實出邊起碼至少有五至六台客，但係佢哋嗌交嘅聲線係成個餐廳都聽到，連出邊經過嘅人都聽到🙁🙁算啦，唸住食完快啲走點知，我叫左個炸咖喱雞湯麵，其實比想像中hea,同喺茶記食冇分別，個炸豬扒一咬落去果時都冇乜嘢，好普通炸豬扒一塊，當我食到一半既時候，feel到咬去質感怪怪地，望一望原來慘緊血，未熟🤮🤮🤮得，唔洗多講，唔會再嚟，你地唔好中伏🤢🤢最尾我連同佢講都冇講換都冇換，點解？因為拎碗嘢出嚟嗰個阿姐，佢似係洗碗姐姐，放低碗野濕既，叫佢拎牙籤，濕既，所以放棄吧😡😡😡

It had better quality 2 years ago. The portion sizes and quality have decreased.Got the laksa, curry chicken wing rice, hot milk tea, lemon barley water, barley water.The laksa soup is mild spicy with diluted creamy flavor, absolutely no coconut flavor in soup. The noodle texture is fine, not overcooked. I suspect the soup has been diluted due to cost cutting measures.The curry chicken wing rice has no flavor in the curry and chicken, the two main aspects of the dish.The barley water has no barl

一直都好鍾意食喇沙，以前有段時間幾乎每個月食一次，後來隔咗好似差唔多一年都冇食，今次再去，覺得好似貴咗好多，一碗喇湯米線加薏米水就要$70，而且食完都唔算好飽...味道係ok嘅，如果平返少少就更好！

e間分店，不論食物和衛生都吾吸引。 收銀員姐姐一腳踢，收完錢💰，就去製作飲品🧋和輕食🥪，袛手冇洗，冇帶手套。。。疫情下😰？!  可幸我叫肉骨茶set $80, 要厨房製作，杯薏米水佢用羹畢。。。我見前面個客有pouch egg, 由佢襯手打開隻蛋， 倒落隻碗，手指先吃🤪e家連鎖店嘅肉骨茶曾經食過，味道吾算正中，但材料足，味道也可以。今回？! 似有胡椒味的水🙄， 當歸花椒八角肉骨味稍為貧脊。 薏米水，正常。客人自己找位，入座。

夜晚諗唔到食咩，又唔算太肚餓，就諗住簡單食個喇沙米線。 呢間係要自己搵位坐，買嘢食就自己出去買，買完收銀員就會沖埋杯嘢飲俾你拎個牌埋位等嘢食♥ 星洲喇沙米線 $66 🍜➕熱美祿 +$4 坐埋位就會有人送餐，湯底算少，材料有魚片、豆卜、蝦、蛋都算足料唔會得一兩舊，味道可以接受啦。 但係米線實在係太淋，好冇咬口😖 美祿就太甜啦😂不餐廳冇熱水，淨係有自助凍水，加埋嘢飲都要$70真係諗唔到食咩好先會去食😅 唔算好抵食

我呢個喇沙控，之前朋友介紹土司工坊既叻沙都好食，咁就去咗Apm 既試一試，入座時沒有人招呼，唔知係先購買食物，再找座位，職員送遞餐盤。購買食物時，職員態度惡劣，沒有禮貌，我點了星洲叻沙套餐，問我要什麼餸，我已經2次答要海鮮（蝦的那款），她還是聽不到🙉。 購買後坐低，5-10分鐘，食物送上，叻沙湯少，蝦感覺只有淥熟，完全沒有喇沙味，豆卜唔新鮮，魚片只有兩三塊，湯底偏辣沒有椰香味。另外叫了凍薏米水，飲品完全唔凍，薏米少，總括嚟講，非常失望，不值一試。

11點好多餐廳都未開，唯有是但簡一間，就入左黎，三個人叫左個喇沙米線、咖哩雞排麵同椰漿雞扒飯，叫左三杯咖啡。喇沙米線個湯都正正常常，但D米線真係煮得太耐，太淋，淋到係我相信無牙嘅婆婆都會食得到，d米線喺個碗道已經爛晒。咖哩雞排麵個湯底係濃嘅，整體黎講都好食嘅，因為佢個湯真係好重咖喱，面D麵都正常D，起碼唔係淋到食唔落。椰漿雞扒飯算係幾好食，d飯真係好重椰漿味，加埋個好似沙嗲醬係幾好食嘅，不過佢d配菜，魚仔乾真係咸到好似食咸魚甘，完全食唔落。

今日下午同朋友去 Toast Box 食下午茶，點知食物和服務態度都差咗好多。食物方面，以前 Toast Box 的食物好好味，連杯咖啡都好味過其他餐廳，但今次的咖啡非常難飲。而且以前的喇沙好好味，但今次的喇沙冇上次的好味，喇沙味道好淡，只有少少辣味。多士份量比以前少好多，我兩啖就食完，根本唔飽。服務方面，服務態度勁差，尤其是那個女收銀員。即使她見到我站在收收銀櫃前，她仍然不理我，只顧着跟其他收銀員聊天，搞到我在收銀櫃前站了很久。總之，Toast Box 無論在食物質素還是服務態度方面都很差。奉勸大家，如果你去APM吃飯，千萬唔好去Toast Box 食飯!

First off, ToastBox has really good dishes and food - simple but tasty. They have branches all round HK and they deliver consistently nice food. We ordered the Kaya toasts and the egg ham with egg benedict toasts. As always, the kaya toasts are awesome. The egg benedict with ham toasts are relatively new but they are very nice and the egg was half boiled as expected, hence juicy. Good job to the chef!

某日要食下午茶，因為周圍的食肆不是九成滿，就是味道不適合我這個要清腸胃的人吃，最後唯有揀土司工房！掙扎了一會，蛋糕、土司還是南洋魚蛋河，最後選了較清的魚蛋河。伏來了...... 魚蛋好難食！味道方面是沒什麼味的，口感上還可以；魚片，雖然味道較魚蛋濃，但仍是差的。到最後，我只有河粉是吃得完，魚片餘下兩片，而魚蛋我只吃了兩粒。這碗加了南洋在名字中的魚蛋粉，比平日吃到的港式魚蛋粉差天共地，賣$4x定$5x，包普通飲品，實在太貴了！已經忘了第一次是否在新加坡吃的，但香港這一品牌，近幾年真的越來越差！