土司工坊 (已結業) 查看

7/7/2009 (星期二)今日去開奧海城，行過Food Court見到這間食店，我去新加坡旅行都有食過這間食店的肉鬆吐司，覺得唔錯，於是入去試下。我就叫咗一個肉鬆吐司套餐：肉鬆吐司：吐司表層哄得有少少脆，有很香的牛油味，而且表面鋪滿了肉鬆，非常好食，上碟時已切好了小塊，方便人客食，好體貼兩隻疍：因為唔敢食半生熟的疍，所以唔能夠試新加坡地道加豉油同胡椒粉的食法南洋咖啡：幾特別

4點半的時間人流仍不絕眼見每個人都捧著斑蘭蛋糕又或肉鬆吐司,我都忍不住走到排隊的人流中了。下午茶十分超值,二十多元就有一份吐司小食+雙蛋+飲品。肉鬆吐司套餐肉鬆厚吐司吐司的脆度剛好,包邊也脆得美味,反而成了麵包我主角之一。肉鬆下鹹鹹甜甜,牛油的鹹味香濃,忍不住要多咬幾口了。半熟蛋第一次嘗試新加坡的半熟蛋,加入黑豉油和胡椒粉拌勻食用。豉油真的不要下太多,否則過鹹反而會破壞原有的半熟蛋呢!味道鹹,啖啖充滿蛋黃的濃郁,再有滑滑半熟的蛋白,口感非常特別。我認為非常適合在早餐時食用呢!南洋咖啡不會加糖、加奶,沖泡好已經可以即時飲用了。咖啡味較甜,但咖啡味相當突出,是來自炒香的咖啡豆。芬芳馥郁,十分推介!斑蘭蛋糕蛋糕十分鬆軟有彈性, 而且非常濕潤蛋味很重, 味濃而且甜有點兒像中式的鷄蛋糕蛋糕要即時食用, 隔天就已變壞了試過便夠了食品的質素就很好,但服務方面就有待改善。指示不清晰,又不主動提供餐具。要一杯清水都要收$2, 真的不能接受呢!夾蛋糕的服務員完全不理會蛋糕的生死,用力地夾到蛋糕變形,非常差勁!又不提供膠袋,可以說亳無服務提供可言!

自從Food Republic進駐奧海城food court後，都幫襯過三幾次裡面的食肆，可是幾乎全都令人失望而回。聽老婆仔話最近食過呢度的早餐，覺得都幾好，於是趁放假來吃番個南洋早餐。這裡是food court中一個自成一角的角落，就在奧海城中庭前面，food court的最前位置，以food court來說，這裡的裝修尚算雅緻，假如人不多的話，都算坐得幾舒服。兩公婆不約而同點了早餐set A，包括一份南洋咖央牛油吐司，兩隻半熟蛋（即係日式溫泉蛋）同一杯南洋奶茶。這裡的奶茶可能因為落了煉奶的關係，味道比較甜，不過茶味就幾夠，係唔係幾夠熱呢樣嘢爭d。半熟蛋有兩隻，雖然同日式溫泉蛋其實係同一樣嘢，但係呢度建議落甜鼓油同胡椒粉撈勻來吃，就同日式有d分別。因為怕味道太濃的緣故，所以唔係落得太多甜鼓油，撈勻後，滑溜的雞蛋，用湯匙舀落口中，口感的確不錯！至於主角的吐司，甜甜的咖央味道，充滿南洋風味，吐司都算烤得幾脆，不過未算新鮮熱辣，而且牛油size較細，未能做到與咖央混和，咸甜共冶一爐的特別效果。$26個早餐，比一般茶餐廳的早餐貴一點點，不過可以吃到一般茶餐廳沒有提供的另類早餐，偶然來試下，還

TEA SET肉鬆厚土司+半熟蛋+南洋涷咖啡 ($28)肉鬆厚土司真係好好味!好多肉鬆,加埋練奶甜甜的,正!半熟蛋加左d豉油同pepper,ok,唔特別南洋咖啡: 唔特別班蘭蛋糕 ($13)質地:讚! -->非常鬆軟,但冇咩班蘭味價錢唔貴,環境舒服,野食都唔錯:會比個笑臉!

想試土司工坊好耐,一直以為得TST有!一search原來Olympic都有^^咁岩又想去睇果頭睇戲,順理成章一定要試下啦今次=]叫左Toast Box Set 1同Set 2 凍飲+$2都算OK啦!係傳統土司同肉鬆厚土司!可惜既係...原來叫set唔可以轉飲美綠恐龍...有d失望添>"<果個waitress有點兒冇禮貌...問佢係咪唔比轉好似唔想答人咁!!買完佢地會自己拎比你...雖然係food court...幾好呀都!!杯奶茶係南洋奶茶幾特別喎又,幾好欲!!男朋友叫左煎蛋+傳統,不過我冇試過唔知咩味,佢話個toast好甜,我怕怕!我果個係半熟蛋佢話要等10mins,OK喎我好中意食蛋王汁,加d source仲好味!戲肉泥啦!!肉鬆厚Toast!!!!不出我所料真係真係好好好食!!!!!個Toast好脆,加埋d糖漿wo好夾呀佢地!!!!!個感覺完全唔肥膩又唔會話好甜咸咸地咁真係好正!!!!!超滿足既一個早餐=]下次一完要試下美綠恐龍*哈哈最後一樣...佢d刀叉好dirty/__\

在尖沙咀總店吃過一遍,感覺是不太特別,沒有再試的必要. 而促使這次出現的是因為想在買東西前醫醫肚,再者朋友沒吃過.裝潢後的奧海城foodcourt,還是第一次來. Toast Box佔了最有利位子,在正門方位. 友人選好要傳統咖央多士,味道和上次的分別不大,只是牛油少一點,溶一點,咖央味不太濃烈.煎蛋 - 朋友對半熟蛋沒興趣,對我亦言.還是煎蛋感覺更熟悉.加了一點點醬油,就是最傳統的煎蛋哦.班蘭蛋糕 - 螢光綠色的外型,還記得同事開的玩笑.極之軟熟的蛋糕,有一點點甜,就像由細吃到大的海棉蛋糕.至於味道就不及正宗新加坡的好吃.南洋奶茶 - 上次喝凍的,淡而無味.這次熱的,加入花奶,鍊奶和濃郁的拉茶,味道不太甜.朋友喝過一口後大讚,說比的上他在新加坡喝的. 至於我,反而喜歡他所點的南洋咖啡,咖啡香濃,不太甜卻又不苦澀.最終二人交換了來喝.在銅鑼灣開了分店的toast box.一直都不太有意欲去試.這次再一試之後的感覺是,不會刻意選擇,既來之,則安之.

和老公離開Gelare後, 便走去Food Court 土司工坊吃多士餐, 由於老公不吃雞蛋, 所以只點了一份多士餐, 多士餐包一份咖央多士, 兩隻半熟蛋和一杯熱南洋奶茶, 口味食法正宗。咖央多士吃到有很香的椰味, 半熟蛋滑嫩嫩, 南洋奶茶茶味偏淡, 但份量原來幾細, 和老公二人分享咖央多士更覺意猶未盡, 不過雖然味道不俗, 但又未到很想再去, 而且等候食物時間過久了, 還是再到別間再吃過吧!

是日去Olympic睇戲, 唔拖唔水gei時間令我唔知點食野好, 友人推介土司工坊, 食過之後同大家分享一下。土司工坊係food court最外面, 佢沖咖啡手藝值得一看, 飲落須係好有南洋咖啡風味, 味道有少少似炭燒咖啡, 多少少酸味同回甘, 但係口感就薄左d, 唔得厚滑。生熟蛋係最令人意外, 佢保留左蛋gei香滑同質感(不過唔係人人都喜歡呢個texture),建議用南洋豉油加胡椒粉食, 食法特別。相反喇沙就比下去, 材料較求其, 湯唔夠濃, 唯一可取gei係蝦係生落gei, 保持住嫩滑…好特別, 令杯水係要收錢的, 雖然外國間間都係咁, 但係係香港商場內的food court清水要收兩蚊就第一次聽, 真係孤陋寡聞...

嚟過food court好幾次,都未試過呢到啲多士,今日下午四點幾見有位,特登走去買咗個多士餐($26),雖然只係星期六的下午茶時間,但也擠滿了很多人.肉鬆厚土司即叫即做,土司非常脆,熱得嚟唔會辣咀,肉鬆也很鮮亦有很多,煉奶份量剛剛好,不會搶味,整體上是一件十分有水準的土司,食過以後,其他的根本沒法比.至於隻半生熟蛋,很滑,"啜"一聲就吞咗落肚.飲品加三蚊有杯美祿,提起美祿總有點集體回憶的感覺,而且這裡的美祿亦沖得不錯.唯一要批評的,就是當出面有function的時候,這裡會很應聲.

南洋早餐係唔係食呢Ｄ就真係唔清楚！但我早餐食呢Ｄ就第一次！難得假期早起，唔想又去茶記食早餐Ａ，就揾到嚟呢度喇。半熟蛋----加豉油同胡椒粉撈埋食又幾好味,隻豉油又夠晒杰!正！辣蝦米軟包----中間的蝦米咸咸地辣辣地幾惹味,麵包烘得夠熱,內裡軟熟.凍南洋奶荼----味道幾似去馬拉飲過果種拉茶,淡淡地不太甜飲完條脷唔會嚡!半熟蛋正就正喇!不過都係耐唔耐食一次好,唔係好快膽固醇爆廠！友人問呢間舖正唔正宗？問都多餘！Ｄ嘢好食你理得佢！係問先？

已是上年的食評了.這一個早餐, 也許可以是食到接近一頭煙的... haha.話說星期日全日冇飯開, 剛巧專兄又未食早餐, 咁就過左黎食早餐.這裡星期日有一大班屋苑客, 十一點過後就開始多人.剛好十點半, 可以叫一碗喇沙, 再要杯熱咖啡. 專兄要了個肉鬆 toast + 半熟蛋 + 凍咖啡.這裡很騎呢, 要用筷子要去返 foodcourt 撻人地 d 筷子.要了熱咖啡卻是沒有給煉奶, 要煉奶個伙記就俾左一碟煉奶, 用膠匙都很巧功夫... ... 可好的是加添了煉奶的南洋咖啡味道又不錯的.喇沙樣子很對辦, 配料也幾齊整, 但味道和莎巴差天共地, 粉又碎濕濕的, 味道層次很單薄, 一般的一般.土司不可取, 切得不齊, 又冇刀. 看食評應該有厚厚牛油的介央多士會好一點? 也許...半熟蛋冇咩味, 勝在滑滑和黑豉油的味道.試了一次, 都夠了.

15/1(四) 7:30pm繼Fusion Rice及PHO後,冒著脹破肚皮的危機,讓肚皮不留一絲空間,嚐Toast Box的多士套餐$26:牛油咖央多士,波蛋及南洋咖啡.牛油咖央多士--焦脆厚多士內夾著混上咖央醬的半溶牛油,徹底滿足口舌之慾!波蛋--如初生嬰兒的波蛋配黑醬油;最後再撒上古月粉辟腥,口感一絕!南洋咖啡--富濃郁椰香的南洋咖啡!包君滿意的多士餐...

友人食拉麵，我就選擇再戰toast box，一來是想吃肉鬆厚多士，二來此店有較靚的獨立用餐位。食客稀少下，問過店員不介意朋友搭單坐進來，當然事後我們有自動清理掉不屬此店的碗碟。　肉鬆厚多士-看完Oli的食評，對其厚身程度沒抱任何期望，故其即烘的脆熱香多士已經應付到我，當然最值得愐懷的是肉鬆+煉奶的咸香滋味；不似獅城/內地，香港真的很少有肉鬆包點類出售，所以願望達成我已經很滿足了。南洋奶茶-沒有尖沙咀店有濃濃的南洋椰香，更似是一杯淡口的茶記奶茶，水準久奉。煎蛋-不再信任香港店的半熟蛋出品，改要較穩陣的煎蛋，但結果還是煎得過火變老了。　有食友講此店水準比另外兩間分店差，看來是真的，不過看在而寧舍舒適好坐的環境分上，大家也可以考慮來幫襯其不需廚藝、只是現烘的多士、麵點類。

十二月二十日 (星期六)看完荒失失,係時候TEA一TEA來到奧海城的大食代,琳瑯滿目,我們選了選,我決定試土司工坊選了傳統咖央土司餐加凍南洋奶茶咖央土司不算大塊,麵包烘得剛好不太燶,因為不是用多士爐焗的入口鬆脆非常,厚厚的咖央醬,又不太甜,Yummy!!!當然,若要與獅城相比就不可能了南洋奶茶是煉奶沖的拉茶,香甜滑溜比港式奶茶少奶,較著重茶味很香濃的茶味,因為沒有加糖,會略帶澀味,但仍是不錯的選擇土司工坊是值得一試的地方特色小店

下午茶時間, 唸住嘆杯茶, 食少少野..去到food court, 都幾多野食選擇.toast box 的咖啡最香, 所以入左去幫襯Order 左個傳統土司餐加杯hot coffee. $22.Coffee 好正呀, 加左練奶..好滑傳統土司裏面係咖央加牛油, 好好味, 多土熱辣辣的塊牛油好香, 半溶咁.會再去食