園林閣咖啡室

營業中

休息中

星期日全家去咗龍堡國際食buffet 餐廳地方夠大，每枱距離足夠空間感十足不過裝修的確爭咗少少有d嚇人似返左大陸食野野食方面除左片皮鴨爭d之外其他食物都好喜出望外全部都好好味！燒野食全部即燒熱辣辣，甜品都好好味雪糕係movenpick $290有生蠔，蟹腳！都掂食！

星期日同屋企人去食 見佢依家做緊優惠 又有生蠔食 所以突登book左 環境其實舒服嘅 但比起大約一年前去食比較 就真係差左好多生蠔係好大隻 但完全冇海水味 其次食物種類極小 以三百幾蚊一位尼講 有好多人地有嘅嘢食佢都冇 cold cut又冇 凍海鮮嘅螺又係有奇怪嘅味 我食竟然有粒花椒係入面 熱盤只有幾款 以前都會間中轉一兩款 依家全晚都得個幾碟 另外刺身 有一碟係拼左幾款刺身比客人自己拎 但因為有一種魚唔多人食 之後就冇再換過了 唯一讚嘅係有仼飲支裝汽水 第一次食buffet食到唔知食咩好 市面上有d價錢相約嘅酒店buffet 或者貴多幾十蚊嘅都不會有呢個問題 第一次食buffet係失望

肺炎疫情蔓延，為避免互相傳染，我們都積極嚮應限聚令，友好多月停止聚會。六月中限聚令稍放寬，我們幾個閨密立即安排飯聚，其實近日疫情又反彈，現在回想起來，我們這麽快掉以輕心的確不太適合。當天我們是到龍堡酒店園林閣咖啡室吃自助午餐，那裏價錢平宜，環境寬敞舒適，極旺場，食客多是長者，所以冷盤海鮮刺身等欠奉，熱盤居多，其中炆牛尾、椒鹽骨、牛肉炒豆㚒、炒雜菌、墨西哥卷餅、碗仔翅等都美味，即砌燒牛肉則乾癟無味，甜品及生果只是普通貨色。整體來講最值得讃賞的是食物補充很快，咖啡、茶任斟任飲，環境又的確舒適，我們每人只花百零元就可以舒服開心享用一頓午餐，很值得了。

很感激兩位好友在疫情下肯出來分享下午茶。我先到園林閣的👉一進入 UG樓便有位男服務員很有禮安排我到偏遠的枱坐下並視意我等齊人後可轉枱呢！（可能因疫情关係）我煞時很感動的；然後另外有位女服務員立即消毒張枱及分配餐紙，很衛生及妥當呢！待我另外兩位朋友到達後便轉了另外一張枱。我們点了一份兩人tea set ，一份意粉及一份炒飯。那份 tea set 很別緻👉除了炸春卷有四條，其他的鹹点及甜點各有兩件。蕉糖甜点不太甜，面層蕉蕉地很好味。Tea set 好味但份量太少噢！白汁意粉味道剛好，不錯。蕃茄炒飯有少辣但有水準呢！可能因疫情关係，整個大堂不過三張枱有客呢！整體而言，環境很寬敞，服務員很有禮貌而且食物也不錯。疫情過後有機會再來。2020年7月份

周末和朋友們再次尋找美食，在龍堡國際賓館園林閣享受咗一頓 high tea ，味道不俗，我比較偏愛鹹點，但不嗜甜的我，覺得焦糖燉蛋也相當不錯，不妨一試唷！ 😋😋😋

佐敦返工雖然好多嘢食，但食晏時間人流多， 又唔想日日買外賣喺公司食咁齋，今日同friend 去園林閣食晏，貪佢哋樓底高，而家又唔係咁多人，所以都ok。我揀咗冇骨雞翼 pizza，冇諗過雞翼都可以做 pizza。Pizza細細個一人份量，熱辣辣，餅底好脆，雞翼有少少辣，轉頭就俾我消滅咗。要提一提個沙律，宜家人流唔多但個沙律都keep住水準，蔬菜新鮮仲有甜品同食品。108蚊加埋呢個環境同食物質素，我覺得抵食

尋找好吃又便宜的自助餐！今次第二次光顧，食物水準依然不錯。冷盤的蟹腳夠鮮味，不過未有一般自助餐會供應的青口，可建議日後增加青口作冷盤(因我不吃生蠔)。甜品的馬卡龍橽，一口份量，不怕太甜，怕胖的人士可以淺嘗。場內有支裝汽水任飲，其他酒店少有，收費三百多元一位，祗是任飲汽水已值回票價！

呢間酒店係同一大班朋友食自助餐嘅好地方😁因為地方大，易book位，食物款式好多選擇，好多熟食🥘🍲🍛啱哂我，但個環境比較噪，好難先聽到朋友講嘢，傾計不太方便。當時係做緊優惠，性價比高先試下呢間。👏不過不失。😁

好耐都無食過Buffet啦，因為自己本身食唔多嘢！成日覺得食Buffet會好蝕😂不過見呢間酒店最近有優惠，假日Lunch Buffet連埋加一全包都只係💰$158😯平到咁，就一試無妨啦💕環境都幾靚，晏晝時分仲有少少自然光透到入嚟🥰整體感覺好休閒！食物款式唔算話好多，但唔會係交行貨！味道都幾好👍🏻其中有幾樣我覺得最好食，分別係:- 廚師即切豬梅頭肉排-炸魚柳-蟲草花燉湯-炆魚(卷住果舊)咁嘅價錢就當然唔會有海鮮食啦，但總括嚟講性價比都係高😎平時去商場搵間稍為裝修靚少少嘅餐廳食個Lunch都要過百啦！呢度由12點可以慢慢食到2點半🥰傾下計，坐低飲杯嘢再食都唔錯呀👍🏻

忘記寫食評上個月係我同朋友生日一行四人嚟第一次試，一入到去個環境好似好舒服唔會太侷促，我個人最鍾意食生蠔我第一時間就去睇見到啲生蠔好大隻好肥美仲有其他海鮮都唔錯，最值得一讚就係員工見到無哂野就會好快加返上去，好少見到自助餐有樽裝可樂佢竟然有真係好有驚喜，我朋友話呢間唔錯值得帶朋友嚟食

其實自己都有好耐未食過自助晚餐， 今晚同屋企人一齊試下呢間酒店食自助晚餐， 其實呢間酒店compare其他酒店佢食自助晚餐其實唔係話算太貴， 其實係抵食， 咁又介紹下佢啦，其實呢度都有好多嘢食，例如牛扒、雞軟骨、串燒、壽司 、生果、同各式各樣嘅中西式食物佢都有，而我見到佢都有好多cakes同埋好多甜點畀我哋選擇， 最重要佢有我超鍾意食嘅moven-pick ice cream。 同埋overall佢食物嘅質素 都有番咁上下，幾新鮮， 廚師亦都好努力咁樣製作一啲食物畀我哋食 ，所以呢間酒店嘅自助餐我誠意推薦。

我們一行共七位雅虎年代的舊博友，相約在柯士甸道龍堡國際閣樓，園林閣咖啡室吃自助午餐聚會。裝修後的園林閣咖啡室，進餐區和食物區都更方便。自助午餐連加一服務費是$143，65歲長者是$113。雖然食物選擇不算很多，但都足夠了！環境和服務頗不錯，我可以推介給大家：炆牛尾，不太腍也不靭，有些咀嚼口感，炆牛尾味道濃郁美味且不咸。此外推介，楊枝金露比較重椰奶味、甜度適中，芒果肉和柚子肉也非常豐富，如果喜歡甜酸味道的楊枝金露，會較失望。中式老火湯：蟲草煲雞湯，有蟲草、雞塊和姜，味道清甜帶姜味。大家愉快地渡過兩個半小時的用餐。

此店向來價廉物美，可惜不斷退步。惜日走中檔路線，不過近兩三年面對放題對手，開始唔理質素但求平價吸客，愈做愈差。以前粉葛鯪魚湯一流、西湯同煲(呢個有湯水飲)令人滿意，今日是淡淡的青紅蘿蔔魚尾湯、只有金筍味的金筍海鮮湯.......個煲還可以。以前壽司係正常一舊舊比人拎，今日竟然係用透明膠紙包住，喂！我係咪去錯超級市場？以前有燒牛肉或火腿，而家得meat loaf，係唔錯的，但廚師成日走開，根本冇意思分比人。以前沙律吧有正常沙律，今日只得番少少菜......根本成不了沙律。甜品整體上好食，紅豆糕正，職員也會夾走稍整爛的蛋糕，有要求，唔錯。

今晚靚靚表姐約我食生日飯，這間酒店自助餐有醫護人員優惠，星期日至四每人＄288，而且不收加一！咁抵當然要試下啦地方比想像中大，有好多枱。但因為我地係兩人關係，安排了其他二人枱的中間，所以感覺有點迫！食物方面記憶中有:生蠔 - 估唔到這個價錢會有生蠔食，而且生蠔比想像中大隻可惜refill得慢，－出好快比人拎哂長腳蟹 - 供應足，蟹腳有肉，不過略咸！凍蝦 - 爽口鮮甜刺身 - 只有三款，希靈魚，白身魚，三文魚，可以自己任拎，可惜吸引力不大！壽司 - 每件用透明膠袋包住，感覺似爭Ｘ外賣壽司，味道—般！熱食有手切牛扒，片皮鴨，蒸魚，咖哩，炆鴨，炒菜等等，湯類有兩款中湯，－款西湯。其實款式不算太多。不過最驚喜竟然有枝裝（玻璃樽）汽水任飲，有齊可樂，雪碧，芬達，忌廉之前食過其他酒店自助餐都無架！甜品方面，估唔到有ｍ字頭名牌雪糕還有其他蛋糕仔，椰撻仔，啫喱等，好彩每款不太甜至於水果有西瓜，菠蘿，火龍果等等，味道清甜總結-以這個價錢有生蠔，長腳蟹，ｍ字頭雪糕，枝裝汽水，刺身等，食多轉已值回票價

補祝朋友生日今次二人行食下自助餐先入到黎見到都好多人，差唔多座無虛席。熱食方面好多選擇：有日式、燒味、幾十款特色熱盤、湯～冷盤、刺身、生𧐢、海鮮仲有幾十款甜品第一樣試三文魚 三文魚幾夠肥 仲係厚切的確有驚喜...冷盤方面有長蟹腳，凍蟹，凍蝦，青口等等長腳蟹都好大條夠粗 ，厚肉...主角生蠔雖然細細隻，不過都幾肥美，同埋都鮮美，就算唔落調味，齋食都好味。燒牛肉夠腍有肉味...服務算係有水準，清理枱面污糟碟的效率好高，值得讚三百蚊黎講，以今日今日嘅buffet 價位，佢算係咁