四湯八麵 (已結業)

朋友話食呢間台灣野，話好食過food court個間。一去到企係收銀位完全冇人理，同姐姐講想落單先問我地堂食定外賣，之後個姐姐再同個妹妹講有人要叫外賣佢先斯斯然慢慢行入廚房再去收銀位。最後Total叫左4個餐，等左一陣都好快有，仲問左佢拎返張單。返到去先發現入面得2個餐，仲要個2個餐都俾錯既，我要牛肉麵就俾左牛丸麵，咁係咩意思？如果野食未齊點解會俾左外賣我先？又唔同我講仲未齊？？係想要我每次係收銀位check清楚？真係好嬲囉我食food court都冇咁嬲

放工去APM買野，一於食埋飯先返屋企😎😎經過依家好開揚嘅餐廳，有手工麵、飯、藥膳湯麵等等健康，小清新感覺價錢唔貴試試先😎😎座位乾淨企理食物選擇唔算超級多，不過都幾彈性，套餐可以加配多款唔同嘅小食，又可以升級飲品同甜品宜蘭紅燒牛肉湯配手作麵牛展整齊排放，仲有牛丸，紅蘿蔔，小棠菜，賣相靚仔😎牛展非常入味，好食！麵份量好多，質感彈牙南洋咖喱牛肋條飯非常出色！個咖喱汁好香濃，辣味溫和，超好餸飯！牛肋條非常軟熟，而且係100%入味就連舊薯仔，裏裏外外都係咖喱味🤤🤤晚市套餐仲可以揀配一款小食。麻辣滷鴨血豆腐-分量比想像中多，唔會太過辣，過吓口癮，超正🔥🔥山椒炸雞粒-做到香脆效果，而且雞粒冇乜肥膏，啖啖肉😌😌飲品方面，選擇都幾多，可以選配豆漿，伯爵茶，薏米水，洛神花茶等等👍🏼👍🏼整體嚟講，食物簡單好食，喺APM唔錯嘅選擇

經過APM見到好多新餐廳開張，呢間餐廳設計簡約又美觀，上網睇一睇原來係一鍋堂集團旗下既新餐廳，主打自家熬製湯底，主菜就再戈有台灣、馬來等東亞菜式。🍱🐓 海南雞配雞油香飯 配藥膳湯 $78 雞油飯咸甜味兼備，唔會好油膩，雞皮呈金黃色，肉質嫩滑，可惜份量唔算多。藥膳湯以豬骨、當歸、黨嵾等中藥材熬製一晚，清甜得黎都唔難入口。🍜 福建蝦麵套餐 $89一上菜已經聞到鮮甜蝦味，有三隻大蝦，湯底呈鮮紅色，望落都幾豐富，以豆卜、豬肉丸、糖心蛋、做配料，豆卜索曬鮮甜嘅湯汁，咬落juicy又香口，油麵質地爽滑，同蝦湯相當襯。麻辣蓮藕片 (跟餐)即使本身唔鍾意食蓮藕，都會俾佢既麻味吸引到，咬落爽脆清新，🍲🥟 藥膳濃湯餃子 $42第一啖咬落呢個餃子，發覺有好特別嘅鮮味，食真啲原來落咗甜味梅菜，爽口又提鮮，飲埋個藥膳湯底就飽曬~試左兩款湯底都唔錯，味道唔算好濃郁但唔會食到重味精，但主食份量唔算多，跟車仔麵差唔多，所以叫套餐就比較抵食飽肚。

今日到APM購物，經過這間新開的，尚有位，決定一試店舖不算大，以簡約清新為主有套餐，以晩餐來計，比較抵食，$100內有主食+小食+豆漿/ 加+升級飲品🐮宜蘭紅燒牛肉湯配手作麵$78這個用了牛五香牛展肉，稔身，湯麵有牛丸及其他疏菜酸菜配料，添加台式感覺，湯是每日新鮮現熬湯底🐷藥膳燉排骨湯配手作麵$73排骨不算肥膩，有蟲草花/ 片頭/豆卜/魚丸等配菜，用料豐富，湯底藥膳味濃郁🔸私房沙嗲豬皮蘿蔔（+$23）套餐可以追加小食，估不到這個都比較辣，但很入味，沙嗲加點咖喱的味道，蘿蔔炆得很稔身及入味🐥山椒炸雞粒（跟餐）炸雞配花椒，香口💚醬油小棠菜（跟餐）💛無糖豆乳❤️桂圓紅棗薏米水（+$15）

觀塘APM開了一間特色，粵菜小店，價錢非常大眾化，晚餐人均消費大約$100左右，性價比高福建蝦麵 套餐 麻辣滷鴨血豆腐它是由豆腐和鴨血混合而成，并以麻辣味道调味。它味道鲜美，质地紧实，麻辣味道非常出色。也具有很高的营养价值，对于身体健康非常有益。福建蝦麵傳統的中國美食，配以美味的大蝦，加了特色的醬汁，湯底充滿濃濃的蝦味，連湯帶麵一齊食用，份外美味🤤🤤🤤凍高山 烏龍茶 口感清爽🧋🧋🧋海南雞配雞油香飯 配藥膳 湯海南雞配雞油香飯 白滑的海南雞配香噴噴的油香飯，充滿了椰香味。麻香辣味雞腎片雞腎片、麻辣醬汁、辣椒粉、蒜頭等調料製作而成。口感鮮美，特別適合在冬天享用。凍-桂花烏龍茶

17.2 20:21叫左個炸脾同牛肋條套餐外賣 到20:55先拎 有20:40入坐吾夠10分鐘既客人已經食緊主食 係20:40催左一次 話差吾多可以拎 到45分我再問：係未真係整緊呢？吾係跟落單次序處理嫁咩？點即煮即炸 都吾等34分鐘掛5分鐘距離番到食 啲飯凍既……

由於天氣不佳，今日決定近近地去左觀塘地鐵站附近嘅apm覓食。四湯八麵的麵食吸引了我的目光，店中面積不算大，座位數目不多，大約可同時間容納二十多人，繁忙時間可能需要排隊等位。四湯八麵中的午市套餐主打的是每日新鮮現熬湯底的宜蘭紅燒牛肉湯配手作麵，我當然要試一試，下單後約5分鐘便可上枱，外表正常，是傳統的紅燒牛肉湯底，入口微辣。牛肉則表現正常，較薄身帶點牛鮮香。配料除牛肉外，有牛肉丸、紅蘿蔔、白蘿蔔等。當中的蘿蔔，咬埋軟熟，吸盡湯底的味道，是令人有驚喜的位置。另外我加點小食私房沙爹陳皮魚蛋，表現令人驚喜，沙爹汁濃厚，可厚厚的包裹著魚蛋，魚蛋的肉質本身入相當入味，而且帶點陳皮香，令人相當開胃。

今日放工去咗APM行街買嘢，逛着逛着見到一間新開業裝修唔錯嘅餐廳，主打手作麵和多款特色台式，四川麵食、小食。藥膳燉排骨湯配手作麵晚市套餐套餐包括指定飲品，主食和小食，價錢由$83起。藥膳湯反而比較接近肉骨茶嘅味道，唔會好濃郁好鹹，啱啱好。超大件排骨，夠稔不柴。手作麵質地入口好滑，帶點彈性有韌度而且唔會碎，雖然有啲似油面，但感覺有蛋香。福建蝦湯麵套餐橙紅色嘅蝦湯非常吸引！有濃郁嘅蝦殼香味😊麵條同時吸滿湯汁，好吃！材料有蝦肉、豆卜、糖心蛋、魚丸、扎肉，和筍乾，相當豐富。筍亁夠粗，非常入味。推介喜歡蝦湯底嘅朋友。小食反而最後上。麻辣滷鴨血豆腐台式小食，麻辣風味十足，不過稍嫌太濃嘅八角味道有點苦澀。鴨血基本已經好入味，加上麻辣特別刺激。山椒炸雞炸雞唔乾，不過山椒味道唔算太突出。套餐包括嘅「無糖凍豆漿」，豆味香濃，厚身亦不會水汪汪~自家伯爵檸檬茶～竟然有錫蘭嘅茶葉香，加咗甜味又有檸檬酸😋👍🏻提拉米蘇杯（跟套餐+$26）幼滑香軟好creamy ，蛋糕層切成小方塊，酒香亦恰到好處，估唔到有咁精美嘅甜品作結尾。❣️

最近留意到APM開了一間新餐廳叫四湯八麵，餐廳名好特別，好容易令人留意到佢，而且在APM來說價錢相對便宜，所以和朋友就決定到這間餐廳，平日晚上餐廳已經好多人，都接近坐滿。餐廳可以用手機落單，我和朋友一人點了一個套餐再加蔬菜。福建蝦麵（＄89）配料很多，有蝦，魚蛋，豆卜，筍，糖心蛋，洋蔥湯底帶有微辣，豆卜吸收了湯汁很滋味筍很爽口，魚蛋彈牙蝦有鮮味，而且有4片糖心蛋蛋味香濃，帶流心很美味麵質軟硬適中，份量亦很多藥膳燉排骨湯配手作麵（＄88）藥膳湯底藥材味濃得來帶有肉味的香甜排骨大大件而且帶軟骨，亦煮很很腍，肉味濃郁麵質很彈牙，煮得剛剛好，吸收了藥膳湯底很滋味套餐本身配有小食，我地點了麻香辣味雞腎片雞腎份量很多，麻辣味很香麻辣蓮藕片蓮藕很爽脆，帶有絲絲口感，而且辣度適中，亦辣得香口醬油小棠菜（＋＄23）小棠菜很新鮮，帶爽口口感，醬油帶有甜味，亦不會過鹹無糖豆乳豆乳可以解辣，無糖相對更健康，亦更能飲到豆香味餐廳免加一服務費，性價比亦高，上菜速度亦快，下次有機會再試試其他麵。

一連串突發嘅安排，搞到 #小秘書 呢兩日有啲手足無措，就連正餐都無時間食😏 所以放咗工，點都要搵啲 #美食 慰勞吓自己😉 聽朋友講 apm 樓上開咗間 #新餐廳 #四湯八麵，嗰度除咗有靚嘅 #湯底，仲有唔少 #特色小食 … 聽起嚟已經夠哂吸引🤩 #四湯八麵 就開喺商場4樓，扶手電梯旁邊。餐廳設計屬於開放式，雖然鋪面唔算太大，但係設計師都用盡每一個角落，有方枱、有高凳… 適合唔同組合嘅顧客嚟幫襯。除咗朝頭早個杯 #咖啡 ☕️，呢餐竟然係我嘅第一餐… 當時肚餓到真係覺得自己成隻牛都可以食得落🤭 本來我都諗住破例試吓佢哋嘅 #湯麵 㗎，不過咁啱俾我見到，原來佢哋嘅食物都唔一定要配 #澱粉質 嘅，淨係嗌半隻海南雞 配 #沙律 一樣掂😃 落咗單大概10分鐘，#食物 同 #飲品 陸續上枱🤩 無骨嘅 #海南雞，食起嚟特別爽神，雞肉非常嫩滑，味道仲好鮮味，真係 #好難得 會喺 #小店 搵到呢個質素，而食得辣嘅大家，記住一定要配埋廚師特製嘅醬汁，酸酸辣辣咁好惹味🤤 而朋友仔因為當時唔係太肚餓，佢只係叫咗碗 #濃蝦湯餃子 做 #小食 😏為食嘅我，忍唔住先幫手試味🤤 啖 #濃蝦湯 超甜，襯埋特製肥嘟嘟嘅 #韭

我唔係因為新店才食，諗住新年後返工堂食，點知一肚氣，新年流流開佢年！一個炆豬手飯，一個炸髀飯，炸髀即炸都等左20分鐘，算，至少即炸，但炆豬手一早炆定一煲啦，等了25分鐘時問侍應呃人話整緊，走左去，本身已經想取消。40分鐘，真係極限，午餐個個得一個鐘，由等位開始已用左一個鐘都食唔到，最後取消走人。同桌分單的人有碟菜得幾棵都等左半個鐘，臨走黎左佢地個飯俾我，我話唔係我們，佢即走退入去廚房，睇都唔睇係分單，又唔睇下有冇錯單，然後又突然咁「快」識同佢講冇油飯，即係佢系統唔識同桌分單啦。新店和新年少人手唔係藉口囉，唔識見廚房冧檔即取消已下的單和唔接新單咩？

又試下新野🍜Apm開左衣間唔係好耐既台式餐廳, 不收加一, 自助QRcode下單晚上7點到, 這是晚市套餐Menu🥢另這是午餐套餐Menu🥢以牛肉麵計單點和套餐只差$11, 有小食和飲品🧆🥤但套餐小食類雖有5款之選, 但只淨得山椒炸雞🍗其他也售罄了😟🏅🍲紅燒牛肉手作麵 套餐(連小食和飲品) $89🥢湯底濃厚😋每日新鮮熬製～味道特別鮮味！特別欣賞手作麵麵質～口感彈滑👍🏻牛丸也不錯👍🏻滿滿肉汁一點也不乾😋套餐小食和飲品 (山椒炸雞🧆無糖豆漿🥤)炸雞味道充滿著胡椒味, 少許椒的辣, 少許像胡椒豬肚湯的胡椒味道, 而朋友就覺得少許藥膳味, 賣相少許炸過頭, 但裡面肉質都很juicy。另叫店員拎醬汁蘸, 味道少少辣, 有點似生蝦刺身酸酸辣辣的。🍗🍚私房烤雞髀配雞油飯溏心蛋 套餐 $83🥢雞油飯不算太油, 但雞髀🍗就烤得有點乾, 溏心蛋賣相有待改善, 1/4還是半隻？邊緣不規則像吃過似的而有點實。套餐+$32 追加小食 (泰式炸豬頸肉條)🥢主要都是同一共通點吧😬而口感彈牙爽口👍🏻

呢幾日又凍左好多🤧真係想食啲熱辣辣暖身嘅嘢‼️呢間主打食湯麵，真係岩哂👍🏻我就係比門口menu上寫嘅「藥膳排骨湯」吸引左湯底加咗黨參、當歸呢啲補身藥材熬製，果然非常足料，藥材味濃而帶清甜，唔係味精嗰種甜，係排骨湯嗰隻甜所以整碗湯我都K.O.晒排骨肉質一啲都唔韌，好容易咬開❤️手打麵好Q彈，完全係我鍾意食嘅口感有啲似稻庭烏冬，但偏淋少少！「宜蘭紅燒牛肉湯手打麵」牛肉湯味道非常濃郁，湯底一定係熬製咗好耐時間，連啲蘿蔔都勁入味牛肉肉質軟腍而有口感❤️炸墨魚餅

今日黎觀塘apm , apm四湯八面正常味道，但唔正常份量，唔會再黎啦，好似冇食過咁，份量少，女仔食量都唔夠飽，做咩要你地嘅野，又唔係特別平，點解要接受，你地真係認真諗係唔係要黎食啦

APM 新開了這間四湯八麵，環境光鮮，價錢合理。餐牌簡潔，有四款湯麵，八款拌麵，還有些客飯。蕃茄麻辣烤雞脾配手作麵$72, 份量都頗大碗，很濃郁的蕃茄湯底配上麻辣湯，令湯底有麻香、辣勁、酸甜三種不同的味道，麻辣酸比例剛好。幼身的手作麵很Q 彈。配上一大舊豆腐同一大舊鴨血。烤雞脾烤得外皮脆卜卜，醃得入味。另外點了一份晚餐，包一杯飲品，一份小食及主菜，主菜點了海南雞配雞油香飯配藥膳湯，海南雞雞肉嫩滑，雞油飯乾身，粒粒分明，有雞油香，還有些炸乾蔥舖面，令飯粒甘香惹味。藥膳湯不油膩，帶有淡淡藥材香。小食的墨魚餅都頗彈牙。飲品有無糖豆漿。