四方城 (已結業)

今日第一次幫襯所謂既「隱世」車仔面店，入到去拎起張餐單睇，有一半既餸都冇，牛腩、豬皮、雞翼.......正常車仔面要有既野佢就乜都冇，算，求其揀左個3餸攞走，至於出貨速度屬於正常偏快。之後拎到返公司先見真章，中x晒伏，間野叫「四方城」，唔知係咪老婆娘尋晚麻雀輸大左，叫3個餸入面得返2個不得止，成碗野份量少得可憐，最難譜係加配果杯$5蚊可樂得半杯，加加埋埋$45蚊，食7仔既營多撈面餐仲飽肚過佢，唔洗旨意以後再幫襯佢！p.s. 濱海街巷仔有間平過佢、口感同份量又多過佢既車仔面店，食友可以去試下

對上一次食四方城已經幾個月了，已經好混亂比錯晒啲嘢咁諗住一段時間冇食就去買下外賣啦。唔知係咪轉左老闆，今次仲衰一早打電話去買外賣去到仲要等四個字。拎到返公司打開個盒，先發現啲餸少得可憐，明明order左時四個餸，以下就係個賣相叫咗響鈴卷，雞翼，生菜同埋燒賣。生菜得三小塊葉?!?!? 唔知以為係送嘅! 響鈴卷得一舊仲有,大家有冇留意到呀啲湯完全唔夠!!! 食食下要加熱水真係好離譜我有同事明明叫咗麻辣，當然係冇比到啦總結: 真係好混亂!!!! 味道亦唔特別，唔會有下次

今日下午茶時間路過，睇到一間叫四方城嘅車仔麵，見佢個名咁得意就入去試吓，可能因為四周圍都係啲商業大廈，呢啲時間冇乜人食，所以叫個麵就送野飲，店內裝修簡潔，最特別就係有幅麻雀牆，唔同數量嘅餸就用唔同嘅糊名黎代表，啱晒啲鐘意打麻雀嘅人麵底叫左馬拉喇沙撈油麵，餸就叫左咖哩魷魚、豬紅同糖心旦普通喇沙就成日食，用喇沙撈麵都係第一次食，估唔到喇沙同油麵好夾，3個餸味道都好好，水準高過一般車仔麵嘅餸，加埋啲炸蒜仲惹味，真係食到停唔到口，絕對值得再食

攻打四方城-雖然唔知呢間舖既名同d野食有乜關連，奇怪在係鰂魚涌想搵間平民車仔麵都幾難下，係咁既大前題下想快快食個quick lunch 上open rice睇好快就搵到佢，試左個每日限量既慢煮牛舌粒（只可以話好軟冧），雞翼同豬紅加中辣辣汁，um..怕辣既朋友試下小辣就好喇，但個隻辣又幾野味wor（非常加分既醬汁），不其然要加番個$10凍飲唔知係唔係策略之一呢？其他款汁料要另加錢架，唔知係咪秘製醬汁，如果揀埋揀埋可能要成$5x先落得樓，食個車仔麵我又覺得太貴，唯有下次再試。

愛吃麵食的我尤其愛吃車仔麵，喜歡它多選擇，多花款，經常吃也不會悶。這一家麵店叫四方城，一開始我還在想難道跟打麻將會有什麼關係嗎。果然，一進去，那一幅由麻將鋪成的牆吸引了我的眼球，再看餐單，三餸麵叫混一式，五餸麵叫小三元，真的是有夠創意的。

公司附近最近可以食到車仔麵既地方就係呢間 - 四方城。我見評語唔多, 所以唔會抱什麼期望, 只係好渴望可以食到車仔麵咁簡單。從大街轉入冷巷便會見到, 唔難搵用麻雀砌成既牆, 對於鍾意打麻雀既我嚟講, 都幾buy門口有個牌會寫住今日沽清左啲乜同埋有啲咩優惠。今日係人日, 餐飲免費, 另附餐送嚮鈴一小卷外賣自取又唔想企係條後巷食風, 建議你打電話去叫定先, 行到去就比錢拎野走人叫左: 小三元, 油麵, 馬拉喇沙, 一口牛腩, 牛筋, 雞中翼, 魚肉燒賣, 娃娃菜油麵有陣鹼水味, 喇沙湯同平時食既喇沙味既分喇係得個辣, 牛腩牛筋夠稔, 雞中翼入晒辣味, 魚肉燒賣大粒, 菜都係菜咁囉

2016年最後一日返工的日子, 早上因為有要事在身所以外出工作, 返到工作地方已經接近午飯時間了, 於是相約了同事到四方城食午飯... 數數手指好像很久沒有來到四方城吃午飯了, 因為位置與公司還有一段距離. 幸好同事們一call即到, 十分難得這裏的菜單上有數款套餐可選擇, 套餐明知取材於麻雀, 一台花, 混一色, 小三元, 清一色 以及三大元, 名字什有特色! 個人選擇了一個小三元套餐＄50五餸選擇了滷水牛腩, 汕頭牛丸, 滷水辣豬皮, 瑞士雞翼 & 菜脯 撈油麵撈麵來說的確甚少店號有油麵選擇, 這方面令我很有驚喜的! 而醬汁方面選擇了豉油汁 & 用上秘製麻辣上枱後自行撈勻便可食用, 撈麵以豉油汁&秘製麻辣混合在一起, 醬汁份量適中, 每條油麵麵被重重豉油汁包圍住, 吃落味道濃郁的, 而麻辣(中) 的程度個人可以接受其實食過一次已經知道他們的滷水食品味道甚佳, 來到已經必點是滷水牛腩, 滷水辣豬皮及瑞士雞翼所以今次都不再作介紹了! 反而今次想特別介紹的是這裏的菜脯, 未知餐廳是否有將菜脯事先調製過, 吃起來脆身的口感並不是其他餐廳可以做到, 極之富有口感, 與撈麵一同食用的話吃起來

在網上睇到幾間車仔麵介紹 一直對車仔麵冇乜要嘅我 主要係俾佢嘅佈置裝修吸引而去。環境乾淨企理 平日下午去 所以冇乜人 食物都唔洗等好耐呢個係小三元 有麻辣豬皮 蘿白 自制燒賣 牛腩。揀咗小麻辣湯底 呢個係喇沙湯底 有溏心蛋（必食）牛筋（必食）沙律丸 唐生菜 配油麵 等差唔多飲哂個湯底 ！ 食到每款菜都用心整 冇馬虎呢間閃可以再去的車仔麵檔

Décor is trendy and the clean, new, funky design attracted us to try out the food, but we must admit that the flavour of the food is not to our liking. It must be for the brave people who want to try adventure tasting. The service was friendly and welcoming and it is also possible to sit outside and enjoy al fresco dining and observe local life. Very good place to people watch. The mushrooms were good and the drinks were also good. Los que quieren tener una experiencia culinaria de aventura debe

之前見到呢度做埋早餐就已經有啲想試，呢日last day之後都唔會特登黎呢度食早餐，所以呢日食埋佢相比lunch time要等位，早餐竟然冇人黎食，可能真係冇乜人知，又或者口味唔啱啦早餐比較港式，都係腸粉、燒賣、魚蛋、炒麵呢類平時嘅早餐都係一個包或者三文治，今次黎到就試下腸粉+魚蛋燒賣坐係度等左一陣就食得腸粉套餐 (2款配料) $20魚蛋燒賣係中午食車仔麵嘅配料，所以食落都係差唔多，純粹係因為想食飽啲所以叫埋 (同埋自製燒賣好大粒魚肉真係幾好食 ) 腸粉整得幾滑，而花生醬同甜醬都及格，加埋芝麻做topping，食落都幾好味 而價錢黎講都幾吸引，$20已經一碟野食可以食得飽，間唔中食下都唔錯

今日有新同事到，成team黎呢間新舖試下間舖係巷仔入面，lunch time要小小時間等位，職員比左order紙我地睇住先呢間舖嘅主題除左可以係舖名度顯示出，order紙亦都好明顯，套餐同自選麵都有名堂入座落單之後，等幾分鐘就有得食混一色 (3餸麵) $48 (其中咖喱沙嗲汁加$2，另加一餸$7)今次揀左自選，因為套餐啲餸嘅配搭唔係太啱口味自選係揀湯底/撈麵汁底+麵底，再加指定餸/自選餸，今次我就食咖喱沙嗲撈油麵、台灣花枝丸、咖喱魚蛋、自製魚肉燒賣同魚皮餃印尼撈麵食得多，但係撈油麵真係第一次試，個人黎講食麵鐘意油麵多過粗/幼麵，粗度適中，咬落有口感咖喱沙嗲汁嘅味比較獨特，兩種味本身有啲似，而撈落油麵都食到果種唔太濃亦都唔淡嘅味道自製魚肉燒賣嘅size比起平時食嘅大粒小小，而且魚肉都幾大粒，食落軟淋淋咁幾正 ，可惜食麵就得兩粒 魚蛋同花枝丸就一般，特別係魚蛋有小小老嘅感覺😂不過係食得落肚嘅至於魚皮餃真係有小小失望，塊皮有小小濕，變相食落冇左乾乾地果種口感不過碗麵有小小topping，特別係塊炸雲吞皮，口感豐富小小 可能因為新開張，所以員工做野都唔算熟手，不過食物都算唔錯，如果有機

知呢度開左間新車仔麵檔，Lunch 同同事一齊去左試新野。小三元（指定五餸）$46評分：3/5滷水牛腩，豬皮，蘿蔔，豬紅豬皮同蘿蔔醃得幾入味豬紅幾好唔會一咬就散牛腩都唔錯，炆得都幾入味而且不失口感整體唔錯！不過呢個價錢食碗車仔麵都幾貴慢煮牛舌煮得超林超軟身完全唔似食緊牛舌咁，好入味！另外不得不提佢地個「自製魚肉燒賣」，同出面果d好唔同，咬落啖啖都係魚肉。好食！

三餸撈麵.一間以麻雀作主題的車仔麵小店☺️ 點了秘製麻辣醬自選三餸撈幼麵 不能吃辣的人要注意啦 因為這裡的小辣辣度大概是其他餐廳的中辣 不惹小啊😈 餸點了溏心蛋 滷水牛筋 鮮蝦雲吞皇😌 溏心蛋做的出色 從相片都可以看到有溏心效果 還有少量酒香 推薦😋 滷水牛筋入味軟腍 但略嫌太過細碎 雲吞就沒任何特別 不點也可😉 每碗粉麵也有一塊炸雲吞皮😚

嗜辣的我專登來試這裡的麻辣車仔麵。中辣湯配河粉，麻辣湯底略嫌夠辣不夠香也不夠鹹。共點了六個餸（貪心了一點）：咖哩魷魚 - 只是一水魷，咖哩味淡咖哩魚蛋 - 炸了的魚蛋，算彈牙自家燒賣 - 魚味粉團，大大粒蝦膠油炸鬼 - 凍了後少少硬，但浸在熱湯裡尤其是辣湯就 OK瑞士雞翼 - 好差，無味，連普通鹵水雞翼都不如 （看照片就知）豬皮 - 夠火喉，合格 朋友點了懷舊豉汁撈麵，撈汁味帶甜，因為大部份餸味道偏淡，所以拼起來不太好味！豬紅 - 算入味魚皮餃 - 普通慢煮牛舌 - 算林，但不用慢煮都做到這效果瑞士雞翼尖 - 算吧啦，一啲瑞士汁味道都沒有 有別於一般車仔麵檔，這裡的枱櫈、食具、碗碟和食物都很乾淨，吃得安心。* 最近晚巿試業，開到 20:30* 此店位置在橫街，不好找。

見雜誌介紹，又係公司附近就去試試佢。開張一個多月，lunch time仍然較少人。小小一間店，選擇算幾多，小編今次就試左4餸車仔麵。油麵配秘製麻辣小辣都已經好辣，都幾誇張。餸方面叫左⋯鮮蝦雲吞皇：大大粒，入面塞滿蝦肉，爽口！炸雲吞皮：每碗附送一塊，夠脆，還不錯! 老友鬼鬼：個人認為應該分開上🤔油炸鬼浸得太耐，唔夠香口 自家製燒賣：又係大大粒自家製，略嫌過稔。糖心蛋：最失望！一咬落去⋯酸嘅？再試真啲，完全係糖醋蛋味⋯到底係變壞左定真係咁~特別整體味道不過不失，份量感覺上少，男生們未必夠飽。另外朋友建議⋯蘿蔔、牛舌、牛楠、豬紅都值得一試，超入味而午餐肉就真係要三思，味道怪怪地，$7得半塊好唔值。可能小店開張無耐嘅關係，人手各方面安排上明顯未夠好，希望日後會改善下