四川重口味

營業中

休息中

今天有點心情不好, 便約女吃飯, 多謝女女陪我吃飯. 這是新開的, 我們便來試試.首先選了個川北涼粉, 來了口感不像平日吃開的川北涼粉. 不過口感都　OK 滑滑地, 幾好味.這個香辣炒田雞，有點像廿二味的乾鍋，但它這個是濕濕地的，有少許汁，我女喜歡這個多一點，我就喜歡廿二味那個.　材料很豐富的，田雞不算滑，雖然有點諧，但還是熟一點好．味道OK.我們又點了，藥膳醉雞鍋，這個真是有點咸，這湯是可以喝的，但一來咸，二來雞油太多，但藥膳味道很濃．吃完可以做火鍋底的．雞件就點諧了.嘩嘩嘩.．．成晚嘅敗筆就在這甜品上,　這個　桃膠冰粉　真是難食到爆燈，未吃過這麼難食的，就是黑糖水（那黑糖的味道怪怪地)＋桃膠，那些冰粉是什麼，真是吃不出．十個差.

❣︎ 由深水埗起家因食物優質水準同大份超值而出名開到黎筲箕灣水準一樣保持得好好大件夾抵食知佢大份但真人係冇諗過竟然可以咁多😂聽老闆講周潤發都係常客環境裝修好精緻座位超寬闊梳化位坐得好舒服♡⋯⋯食評⋯⋯♡ ☻ 4.9/5 招牌酸菜魚$268超多件魚🤣呢個價錢有呢個份量真心收貨有兩款魚揀 我地揀左桂花魚魚肉鮮嫩又無骨湯頭唔油膩酸度同鹹味都恰到好處非常推薦✨川北涼粉$42比平時喺出面食嘅份量足足大三倍咁上下拌得好香辣惹味臘肉炒萵筍$72好有鑊氣的一碟小炒臘肉咸香蒿筍翠綠爽脆上湯豆腐娃娃菜$68首先隻碟的size大到好似火鍋煲咁唔係得隻碟大個上湯超濃郁有屋企既味道🤤係咁飲係咁飲真係好正好有驚喜 超級推薦‼️‼️紅糖糍粑$48未見過咁大份紅糖糍粑一共有12條🙀🙀糯米軟糯煙韌紅糖甜度適中份量好多但因為好好食平時1條起2條止既我今次竟然食哂🤭.

去到筲箕灣咁遠返工梗係要搵啲好嘢食啦， 見到好耐冇食過四川嘢， 咁啱呢度有間新開張麻辣雞煲，忍唔住就要試下 原來雞煲都有咁多種 ，職員介紹呢個四川騰龍雞煲 同平時食到嗰啲唔同， 會比較乾身， 好似炒辣子雞咁嘅感覺， 啲雞好滑， 味道較濃，因為比較乾身有爆香咗嘅感覺 ， 非常香口當然都要叫啲打邊爐物料，呢個靚靚肥牛估唔到咁大卷 ， 開頭仲擔心點放得入口，牛牛好新鮮油脂分佈唔錯，一落鍋就一分為二，好香牛油味另外呢個自家製鮮韭菜餃非常大件， 韭菜味好香， 而且啖啖肉另外我哋都忍唔住叫咗孜然雞中翼，啱啱炸起好脆口，外脆內滑，啖啖孜然香味，實在一流

最近天氣急凍，最好就食點辣保暖，四川菜係我鍾意食辣嘅菜式，呢間四川重口味之前喺土瓜灣食過好味，宜家開港島區筲箕灣東大街了餐廳裝潢比九龍區店更新派，仲有上下兩層地方好大，坐得好舒適又寬敞三五知己食辣我鍾意飲啤酒先夠爽，再來個冷盤小食黃金皮蛋，入口甘香濃郁再來送酒小食，爽口脆身嘅牛心頂，用上古方去炒，食落麻香中辣，陣陣蒜香同芫荽味道，底下仲有芽菜滲點麻辣香油好好食另一款古法鵝腸皇都係我至愛，鵝腸口感腍中帶爽，跟牛心頂一樣有陣陣蒜味香辣芫荽味道食川菜點少得水煮系列，呢個水煮牛肉份量好多，牛肉嫩腍又入味，食落麻中帶點辣勁，會想追住食另一款係招牌酸菜魚，有3款魚類選擇，桂花魚好新鮮，店員話係即日劏，入口嫩滑夠鮮，湯底都夠濃香所以連配菜都好好味超好送酒嘅香脆魚骨腩，本身肉質都好爽口，經走油後更脆身又惹味食咗咁多款辣菜後，最好食配清潤桃膠冰粉，有解辣作用，另一款糍粑外層酥脆內裡又夠煙韌，今餐超級滿足，而且價錢夠大眾化，約埋一班好辣朋友聚會啱哂

筲箕灣東大街出曬名好多選擇，好多美食。今日適逢重遊舊地，見到呢間四川菜新開張，天氣又轉冷，急不及待要試一試。餐牌好多選擇，基本四川名菜、冷暖熱葷都好齊全，亦好似好吸引。幾經掙扎之下，叫左四川龍騰雞煲，酸菜魚，同埋冷盤萵筍。四川龍騰雞煲叫左小辣，但濃香味重，雞件數多，肉質都好嫩滑，入面仲有惹味既洋蔥同蒜頭同埋索曬辣汁既薯仔，真係食唔停口。酸菜魚呢個菜式理應唔洗再多介紹，但係重口味既酸辣調味調到剛剛好，食完唔會口乾，鮮嫩既魚片多到2個人都食唔曬。冷盤萵筍特意叫左呢個，可以中和食雞煲同酸辣魚嘅辣味，2個人食都好夠飽。其實餐牌仲有好多好野食，例如孔明烤魚等，舖面積都好大，分兩層，啱曬同成班朋友或者約屋企人再嚟食雞煲打個邊爐。

放工走到筲箕灣和一眾前同事聚聚，來到東大街這家新開的四川重口味食晚飯，天氣凍凍地，食辣嘢最啱。這間川菜餐廳新到連門牌招紙都未撕，但晚市已經子熱鬧。原來呢間四川重口味已經有分店，筲箕灣是新開分店，樓高兩層。不過都未試過，今次人多正好食多啲野！牛心頂$88古法鵝腸皇$88都係爽口彈牙之選。小辣味道夠香夠麻，加上蒜蓉和芫荽，作為佐酒小食，的確越食越想食。招牌酸菜魚$268選了桂花魚，魚片的份量夠多，配菜也不少，這個魚味道偏酸，酸辣度已經預先調配好，當然可以因應個人喜好加辣。魚片夠嫩滑，湯頭也濃，送白飯最適合不過。水煮牛肉 $148又是大大一盤，牛肉爽滑，有牛味。份量也夠多，這個價錢來說太抵食了！剁椒魚頭$188是更大的一盤，上枱俾份量嚇親，因為魚頭好大個，上面鋪滿了紅卜卜的剁椒和籽。下面是滿滿的粉絲和娃娃菜。魚頭魚雲好滑嘟嘟，加上剁椒的辣，好惹味。高山雪裡紅$62名字好特別，是芥菜的嫩莖葉，將其切碎炒粒粒，混入紅辣椒，萬綠叢中一點紅，簡單好味。黃金皮蛋$40晶瑩剔透，滿滿的蒜蓉、辣油，將皮帶的層次提升。川北涼粉$48透薄晶瑩的一條，帶上了麻香和辣椒油，煙靭有致，食落好有口感。香脆魚骨腩$88

好耐無去過東大街，今次一嚟到發現有間新店，樓高兩層幾有空間感，就同愛食辣嘅朋友一齊去食個晚餐。入到去果然好闊落，好適合三五知己聚會。我地點咗啲四川必食嘅菜式，滿足吓久未嚐辣嘅味蕾。招牌酸菜魚係必點的，有三種魚可以選擇，我地就揀咗桂花魚，魚質鮮甜無刺，湯底酸中帶甜，係外面比較少食到嘅風味。水煮牛肉紅當當，係我期待已久嘅美食，鮮牛肉厚度適中幾腍嫩，內裡大豆芽特別好送飯。剁椒魚頭好澎湃，兩大塊魚頭放置於粉絲上，魚肉都幾多同埋滑嫩，特別係近魚眼位置嘅部分。本身以為唔太辣但被吸晒剁椒風味嘅粉絲殺個措手不及，但愈辣又愈忍唔住係咁夾嚟食。小食中我最愛係牛心頂，口感好似火鍋配料常食嘅黃喉，但部位有啲唔同。食落幾脆口，唔會太薄，而個汁蒜同辣味幾平衡。古法鵝腸皇超邪惡，爽脆中食到中間油潤嘅肥膏位，甘香得讓人愛不釋手。高山雪裡紅用上切碎嘅芥菜炒成，翠綠有口感。黃金皮蛋外層晶瑩剔透中間溏心，愛皮蛋嘅要一試啊！川北涼粉係涼拌版嘅寬薯粉，煙韌度適中，香辣帶勁，讓人愈食愈過癮。香辣炒大腸我地幾人分享都好夠，幾大份！大腸外皮炒得帶點焦香，中間保留到肥腸嘅口感，朋友特別愛佢獨有嘅膻香。最後當然要點啲特色甜品，我鍾意食桃

見張口張貼新開張期間晚市有85折優惠就去試試，叫左重慶雞煲和筍殼烤魚煲，雞煲先到好惹味夠晒麻，筍殼魚好滑香辣好夠味，最後加左薯粉和蔬菜打邊爐。成餐都食得好滿足，好耐未食過咁夠辣味嘅一餐😋如果鍾意食辣嘅朋友可以一試鋪頭分樓上樓下，因為有屋企人行動唔方便，職員好好人幫我們再即刻安排，座位之間都算闊落，可能每個菜的碟都比較大，所以都唔喺好夠位置放。當日可能因為晚市比較多人，廚房做到踢晒腳，叫左40分鐘雞煲先出到，希望之後可以改變💪🏻