四川重口味

營業中

休息中

酸豆角肉末，肉沫不算太酸。菜式相對來說形式少了一點，可能是午餐時段。晚餐會更多可能多選擇。水煮牛肉，芽菜足夠，蒜末我也叫多放一些。辣度足夠，適中。新的裝潢比較方便家人聚餐。

今晚約了好朋友吃飯，她很愛吃四川菜，便來到這裏一試。四川騰龍雞煲半隻158，這個雞煲比較乾身，不會像其他雞煲一樣，有非常多的醬汁，因此如果喜歡乾身一點，這個便是最佳選擇。配料非常之多，其中以薯仔的味道最為配合這個雞煲。高山雪裏紅62，非常爽脆，帶點甘甜的味道，這個小菜是北上必點的一個小菜之一。炒土豆絲$62 ，雖然這個小菜很簡單，只是爆炒土豆絲，不過除了非常考刀工之外，亦都考廚師掌握爆炒的時間，所以整體來說，算是很好了。獅威啤酒$18，吃川菜一定要配合冰凍的啤酒，這裏連杯都雪凍，非常有誠意。紅豆燒仙草$28，紅豆味道不會過甜，燒仙草的香味十足，兩者配合得非常適中。

返工咁大壓力最好嘅減壓方法就係食麻辣🔥😋🔥🔥四川重口味🔥食物選擇好多冷盤、鑊氣小炒、麻辣香鍋、烤魚、水煮系列、雞煲等等樣樣都麻辣重口味 啱哂我🤩🐟招牌水煮魚～桂花魚用上整條桂花魚切片肉質鮮嫩 味道鮮甜 麻辣香味好入味鍋底有薯粉同芽菜 川菜必點👍🏻🦞麻辣小龍蝦小龍蝦肉質彈牙爽口小龍蝦索咗麻辣汁好惹味剝殼後再點多啲麻辣汁 正呀 😍鍋底同樣有薯粉同芽菜🦑麻辣魷魚鬚魷魚鬚好爽口 連洋蔥大蔥蒜頭等一齊炒連配料都好入味 👍🏻🐮夫妻肺片每次食川菜必點小食 煮得夠腍滷汁牛肚及牛脷索哂辣汁 微辣 好入味🥚黃金皮蛋皮蛋晶瑩剔透 蛋黃流心質感用蒜蓉、辣油調味 好食到停唔到口🧊桃膠冰粉桃膠滋潤養顏 冰粉夠冰凍 黑糖甜度啱啱好食咗咁多重口味食物最後一定要食冰凍嘅冰粉清下口氣

最近在網上得知這間川菜已經在筲箕灣內開了一間旗艦店，今晚便專程來到這裏。招牌酸菜魚168，有兩種魚片可以選擇，脆鯛魚片、海鱸魚片。平常都已經吃了很多海鱸魚片，今次便嘗試脆鯛魚片，魚片的口感有點像脆肉鯇魚，帶點爽脆，魚肉味道鮮甜。酸菜魚魚湯味道鮮甜，酸菜味道適中，加上不會有太多油，味道非常正宗。臘肉炒萵筍$72，萵筍爽脆鮮甜，可惜因為油比較多，芡汁比較濃郁，加上臘肉沒有煙熏香味，影響了整個小菜的感覺。肉沫酸豆角$72，酸豆角的酸味非常開胃，爽脆重大點甜味，加上肉沐的味道，非常有四川特色。桃膠冰粉$28，桃膠軟淋可口，冰粉爽滑可口，飯後吃了這個甜品，可以解除辣的味道。

筲箕灣電車總站旁既四川餐廳， 我地食得辣既都點到小辣，因為想長食長有。上湯娃娃菜68娃娃菜切法獨特， 成三角形，所以煮得好入味。 原來豆腐肉末炒四季豆走辣。 四季豆同肉末好入味。川北涼粉不過不失，溫度夠低。爽口彈牙。濃湯雲吞雞肉 雞件同雲吞有蝦， 好大份。古法鵝腸王椒絲腐乳通菜泡椒蓮藕尖炒雞腎雞腎硬硬爽爽，蓮藕尖口感好特別。桂花招牌酸菜魚可以揀兩條唔同嘅魚，我哋加錢揀咗個貴價啲嘅桂花魚，少骨肉爽滑。晚上再去附近避風塘夜遊，發現香港晚上其實好靚。

《要治本必須重口味🔥》———————————————-#四川重口味 🌶️-東大街多好野食就人所共知，最近有間新餐廳開張，主打四川菜式，樓高兩層，有成幾千呎，空間感十足👍🏻-🐠招牌酸菜魚叫得做招牌當然厲害，有脆鯛魚同桂花魚兩款選擇，我哋就揀咗鯛魚，魚肉大大塊，肉質帶點爽脆，湯頭香氣濃郁，鹹中帶鮮，雖然只係嗌咗少少辣，已經食得好爽，酸香突出😆-🐽 梅菜扣肉唔止淨係食辣，其他小菜同樣出色，梅菜扣肉份量十足，肉香而不膩，入口溶化🤤-🥟 古法龍抄手紅油抄手好大粒，沾上辣油後充滿光澤，搭配蔥花入口瞬間香氣滿溢，內餡鮮甜，香麻風味突出🌶️-最後我哋仲嗌咗兩款甜品解下辣，桃膠冰粉同紅豆燒仙草嘅味道都好清新，甜而不膩🥰 尤其冰粉口感滑溜，桃膠滋潤養旗🥰-⭐ 參考價錢︰（另收加一）招牌酸菜魚： $168梅菜扣肉： $88古法龍抄手： $48桃膠冰粉：$28紅豆燒仙草：$28-🍌抵deal指數：7/10💰人均消費：$200

港島人發現新開嘅“四川重口味” 個名咁正一定要入去啊！招牌水煮魚 有幾款魚可以配搭 我揀咗脆鯛魚，老闆話冇骨！上台發現真係好正啊，爽口彈牙，仲真係一條骨都冇嫁！湯底選擇中辣 都唔算好辣，d魚仲點食都未食完咁 底下配埋芽菜同紅薯粉 好好味啊！蟲草花豬肚雞煲冬天暖暖地真係好舒服啊~~ 材料十足！湯底農香，豬肚都好乾淨！泡椒蓮藕尖炒雞腎好驚喜啊，香港好少地方有泡椒蓮藕尖~ 而且用泡椒炒雞腎真係完全唔洗怕有怪味！酸酸辣辣好鬼開胃啊！店鋪裝修中式風格 卡位都闊落 坐的好舒服，價錢仲非常美麗啊！下次同朋友一定要再黎食啊！

一向無辣不歡嘅我，見到筲箕灣東大街最近新開左一間四川菜餐廳！當然要試下啦！「四川重口味」一睇菜單 真唔錯wor！款式好多啊！唔少出面都冇嘅菜品都有得嗌！招牌水煮魚（脆鯛魚）湯底香濃 冇想像中嘅刺辣，第一次試脆鯛魚老闆推薦！真係好正啊，鐘意脆肉皖嘅朋友應該都鐘意，而且冇骨頭嫁！麻中帶點辣，仲好多件魚tim啊！川香麻辣鴨舌真係我嘅推薦~~外面買鴨舌就好貴！而且自己好難煮得好味！呢度價錢實際 仲好多件tim啊！麻麻辣辣 又夠香~ 配啤酒冇得輸啊！古法鵝腸王好驚喜啊，香港真係好少有大大條鵝腸 仲好爽口添啊！！又洗得好乾淨~完全唔怕有怪味！肉沫四季豆好開胃~~ 四季豆都好新鮮！今餐真係飽到呢！

放工唸住去筲箕灣買少少野順便食個晚飯原來係深水埗起家又出名既四川菜係筲箕灣東大街開左新分店近排天氣又凍凍地，食川菜暖下身都係一個唔錯既選擇餐廳環境裝潢清新明亮，空間寬敞，座位舒適，而且仲有兩層，有大量卡位，用餐環境舒適小店食品選擇非常多，精美冷盤，鑊氣小炒、麻辣香鍋、烤魚、水煮系列、雞煲等等，應有盡有食物方面:招牌水煮魚 (桂花魚):  用上成條桂花魚連骨切片，肉質鮮嫩，味道鮮甜，加入薯粉同芽菜底，麻辣香味十足，非常有四川特色麻辣小龍蝦 : 小龍蝦肉質爽口，小龍蝦浸入麻辣汁吸收曬辣汁嘅味道，再加埋薯粉同芽菜，非常惹味，食到 lam lam 脷麻辣魷魚鬚 : 麻辣鮮香、魷魚鬚脆嫩爽口，連配料都好好味，美味小炒夫妻肺片 : 最鐘意食既川菜小食，有滷汁牛肚及牛脷，夠曬入味軟腍，味道帶微辣，再加入爽口青瓜絲提升口感黃金皮蛋 : 皮蛋晶瑩剔透，仲有流心質感，鋪上滿滿的蒜蓉、辣油，將皮蛋味道層次提升 桃膠冰粉 : 桃膠有平民燕窩之稱，配上Q彈的波波及晶瑩透亮的冰粉，入口冰凍，煙煙韌韌，黑糖甜度恰到好處，食完一餐麻辣餐，解辣一流

之前曾到訪土瓜灣的一川菜館於東大街開了新店，下班後立刻前往捧場新店裝潢比九龍店新穎，到店時地下樓層已滿座，被安排上一樓兩層加起來面積偌大，座位之間有一定距離，空間感十足有卡坐亦、圓桌及方桌，適合各種不同類型的聚會前菜泡椒雲耳夠辣夠爽口，食到不停口，十分開胃孜然雞中翼炸至皮香肉嫩，絕對是佐酒小食的好選擇清炒萵筍絲極其講究刀工和火候！條條粗細均勻、鮮嫩清甜麻辣魷魚鬚麻辣鮮香、脆嫩爽口，又一下酒佳品水煮牛肉辣度比較明顯，讓身體馬上熱起來大青島啤酒選用優質大麥、大米、上等啤酒花釀製，細膩而持久大藍妹啤酒味道較為清新淡雅，啤酒花苦味偏淡

上星期六同朋友去筲箕灣行山，出發前緊係搵定呢區有咩好嘢食！網上見到呢間四川重口味係新開，之前喺九龍區嘅時候都有食過，味道幾好，所以我地就決定喺到食晚餐！去到餐廳，估唔到都幾大，有兩層！裝修雅致，座位闊落好舒服。先來個古法鵝腸皇，嘩好爽口！食落麻麻辣辣好開胃，而且蒜香十足，唔錯！再來個招牌酸菜魚，有幾款魚選擇，侍應推介桂花魚，最滑同埋最少魚骨！一上桌，估唔到又幾足料，超大一盤！湯頭酸酸味味，我地叫小辣，個辣度都岩岩好，唔會太over！鍾意食辣嘅可以叫大辣！魚肉食落真係好滑，啖啖肉。我地一人叫左碗白飯撈嚟食，勁正！剁椒魚頭呢個真係好震撼，上桌個煲大得好誇張，魚頭份量超勁，鋪上大量剁椒！食嚟勁惹味，魚肉滑溜，底層仲有唔少粉絲同菜，可以撈埋啲汁食，唔錯唔錯！仲有香脆魚骨腩 呢個勁推薦魚肉勁爽口，外層炸到脆薄，味道勁香口，送啤酒真係一流！香辣炒大腸呢個又係大推！大腸炒過後好惹味，火喉十足，肥而不膩！入面仲有唔少配菜，可一齊食更加滿足！我哋叫咗兩款甜品，桃膠冰粉同埋糍粑。桃膠冰粉食完仲可以養顏，甜度適中，冰粉質感幾得意，可以再食多碗！糍粑呢個真係幾好味，糯米粉炸得香糯，咬落仲好有彈性，記得要叫！

阿女話天氣凍，要食啲辣野暖下胃，筲箕灣新開咗一間叫四川重口味就啱晒佢，餐廳坐近窗口還可以望到電車總站。烤魚鍋，有多種味道揀，魚亦有三種選擇，我哋揀咗香辣味嘅小辣，和海鱸魚，上檯一大盆，份量十足，魚已經開邊，上面放咗芫荽蔥和辣椒，海鱸魚肉質嫩滑鮮香，用咗香辣味湯底滾住食，特別惹味，另外還有爽口的蓮藕和雲耳，豆卜索左湯汁甚美味！回味雞煲，雞煲用咗百種香料烹製，有齊麻、辣、鮮、香，雞件嫩滑入味，味道一試難忘，令人回味不已！

近年四川風味直捲香港，麻辣酸辣開滿街～我都被這刺激深深吸引～筲箕灣東大街一向多美食～而家又多一間四川美食進駐！舖面四正，簡約舒適～🌟涼伴萵苣 $58先來個前菜醒醒胃，淡淡辣油香伴著爽脆萵苣絲～可口😋🌟招牌酸菜魚（脆鯛魚$168 / 桂花魚$268）揀咗鯛魚，肉質帶點爽脆～金黃色湯頭～酸香麻辣互相輝映～伴飯也一流！🌟泡椒酸辣大蝦 $148啱晒我唔剝蝦殼嘅人，連殼食香脆惹味，大蝦新鮮爽甜～🌟天府辣子雞 $108見到個堆辣椒，唔好比佢嚇親，其實係香多於辣😆#四川重口味#重口味#川菜#酸菜魚#水煮魚辛香麻辣#筲箕灣#美食#雞煲#火鍋#heavytaste

💛好味指數:4.6/5💛💜回頭指數:4.8/5💜同朋友講起酸菜魚諗起啲小炒，搵咗間餐廳可以滿足我地兩個願望😊餐廳價錢親民，主要做街坊生意🏠✅川北涼粉$42本身諗住當小食細細碟，出乎意料之外嘅多，涼粉入味好食😋✅川式手撕包菜$62 、炒土豆絲$62、臘肉炒萵筍$72小炒中土豆絲同手撕包菜係我最愛，選咗微辣開胃到停唔到😍😍雖然只係簡單菜式，但自己係整唔到咁好食😌✅招牌酸菜魚$268肉質嫩滑無骨，一般平時食酸菜魚都中意食桂花魚，呢度嘅份量同價錢都好相宜，雖然我個人偏好覺得呢款酸啲，但整體都唔差😌✅上湯豆腐娃娃菜$68見到之後真係令我覺得震驚🤯碟娃娃菜同酸菜魚差唔多大盤，每人可以飲幾碗湯，娃娃菜嘅份量亦好多🥬✅紅糖糍粑$48紅糖糍粑一份有12條，平時出街食都係得4-6條左右，份量又係100分，味道仲要唔差，食到糯米香😋🐻總結大份又抵食，適合多人聚餐👍🏻唔怕無餸食！另外老闆話我地知有明星成日過嚟食有機會可以撞下🤭🤭📍四川重口味 (筲箕灣)筲箕灣東大街132號地下

筲箕灣東大街最近新開左一間四川菜餐廳叫「四川重口味」餐廳裝潢富有中國特色，午餐選擇多仲好抵食，份量同晚市散叫差不多，但價錢就抵得多，以後有多個飯堂啦😍🌟酸菜魚飯 $68午餐係一大窩酸菜魚配一個白飯。魚肉大大塊，滑溜無骨，非常入味。湯頭香氣濃郁，鹹中帶鮮，麻中帶點辣，食吃來不覺油膩，愈食愈惹味! 🌟麻辣豬手飯 $48豬手大大件，膠質豐富的豬手皮，加上香辣調味料，酸辣爽脆又開胃。🌟口水雞飯 $40嫩滑雞肉和爽彈雞皮，麻、辣、香和潑辣紅油，加上惹味的香料，口感層次更豐富。🌟涼拌萵筍絲 $52清脆爽口的萵筍，本身並沒有太特別的味道，配上紅辣椒，蒜頭，醬油，醋和麻油的調味料，最適合涼拌食用。🌟涼拌小黄瓜 $40小黄瓜同樣清脆爽口，清爽又能提振食慾，作為前菜一流!🌟桃膠冰粉 ＄28冰冰凉凉的冰粉，口感滑溜，很Q很有韌勁，加上紅糖汁和桃膠，又清涼又滋潤。🌟紅糖糍粑 $48糍粑煎到表皮酥脆，內裡軟糯口感，非常煙煙靭靭。紅糖味濃郁，口感和味道都非常有層次感。🌟飲品: 大話七 @$22以往飲鹹檸七都要先用湯匙把檸檬戳破，讓鹹檸檬的味道流出。但呢間餐廳非常貼心，一早預備好鹹檸檬醬，只要倒入七喜，攪均後便可以