四川重口味

營業中

休息中

筲箕灣/深水埗美食攻略2023川式風味餐川菜 (四川)火鍋 粉麵/米線 中菜館要麻有麻要辣有辣,原來食辣最細係BB辣,上次食小辣已經幾乎頂唔順,但佢既辣真係好惹味好回味今次食雲吞雞,口水雞,酸辣粉,炒通菜,最後食埋冰粉收工環境裝修走新派明亮舒服路線2個人都係坐卡位但食完就要閃人,因為好多人排隊呢,建議6點半前黎,無咁多人先黎川味口水雞,雞件嫩滑,個汁大約係細辣小辣,雞皮薄個汁香而帶辣流曬口水~雞份量有例牌或半隻或一隻,2人食例牌已好足夠,酸辣粉都係好香辣帶酸粉爽彈牙料有肉碎,酸菜等等,雞肉浸湯食岩岩好~炒通菜,微辣,豆腐乳加辣椒絲,炒得岩岩好,仍脆綠香口,好吃雲吞有8隻,湯係鮮雞湯,先飲湯,再食雞再食雲吞,夠鮮甜鮮味,加個粉絲底就無敵喇! 份量夠大,足2-3人用平均消費$200/1人評分8/10#四川重口味筲箕灣東大街132號地下G/F, 132 Main Street East, Shau Kei Wan

全新形象，裝修別具風格！港島四川菜式，主打麻辣小菜，招牌酸菜魚、泡椒酸辣大蝦、惹味雞煲，亦有多款唔辣菜式可供選擇！飯店共分兩層，座位空間感十足，設有卡位雅座。蟲草花豬肚雞煲 雞煲用料十足，真材實料，雞湯清甜鮮味，喝後不口渴，雞肉肉質嫩滑涼拌涼瓜涼瓜清熱解毒，切至薄片，配搭滕椒調味，口感清脆甘口而不太苦紅糖糍粑 糍粑炸至外脆內軟綿，有嚼勁，加上紅糖甜到適中，必點桃膠冰粉桃膠爆珠冰粉，冰涼感覺有助舒緩剛才的辛辣感，解油膩解辣下次會試試它的烤魚鍋和其他廚師推介香辣菜式😋@heavytastehk四川重口味 (筲箕灣店)🔸網址: https://s.openrice.com/QrbS0yl45W0~udBcBAA🔸地址: 筲箕灣東大街132號地下筲箕灣站C出口步行3分鐘) #四川重口味 #重口味 #筲箕灣美食 #筲箕灣 #火鍋 #川菜 #雞煲 #打邊爐 #酸菜魚 #水煮魚 #foodie #hkfoodie #foodporn #foodblogger #blogger #hongkong #hk

屋企人鍾意食辣野，見到筲箕灣開咗新嘅川菜「四川重口味」💗裝修雅緻，價格親民，一於去吃餐飽～依到樓高兩層，下層有大卡位雅座，坐得好舒服。🔶麻辣小龍蝦 $178🤩大大碟好有睇頭，紅噹噹一上枱令人垂涎欲滴。小龍蝦辣道十足夠晒惹味，食到唔停🫶🏻底下仲有索盡麻辣精華嘅芽菜同Q彈寬粉，食到好滿足。🔶川香麻辣鴨舌 $98超推薦！鴨舌入口爽彈肉滑，十分入味，麻香辣度有層次，越食越滋味。🔶藥膳醉雞煲$248/1隻飄來藥膳香氣🥳雞入口嫩滑有酒香，湯頭甘甜充滿鮮香，飲咗好幾碗。份量可以揀一隻or半隻，我哋叫咗一隻，雞好多好足料🤩另外，有好多邊爐配料可以order ,食完醉雞再打邊爐。🔶靚靚肥牛$108捲得好靚🤩每捲有2大片，依個價錢真係抵食。肥牛厚薄適中，入口嫩滑有牛香。🔶甜品點咗桃膠冰粉 （$28）和紅豆燒仙草 （$28），兩款都大大碗好抵食。桃膠冰粉解辣一流，冰粉入口彈滑有質感，加埋養顏桃膠，正 ！紅豆燒仙草有香甜紅豆蓉，又係另一番風味。🔶酸梅湯 $42自家製酸梅湯，清熱氣最啱。打邊爐食辣嘢fit 晒，清甜解膩。

因為屋企人好喜歡吃酸菜魚，一開張我們已經連續幾星期買外賣午餐回家吃。第一星期酸菜魚飯是$58，仲好多魚；第二星期已經改了$68，又小了魚。當天下午有時間去堂食試試。午市餐牌酸菜炒大腸飯(小辣)，大腸爽脆，但有一倆件未洗得乾淨。回鍋肉飯(小辣)，肉太肥，味道ok，略油了點。酸菜魚飯，魚滑，味道唔錯。蔥油雞飯，有好多件雞，雞滑，葱油夠香。古法牛心頂，這餸是主餐牌的，不是午餐。牛心頂爽爽地，下面墊了很多芽菜，但碟餸暖暖地，我本人覺得暖暖地令味道有點奇怪。整體味道唔錯，但餸看似好大碟，其實主菜不多，配菜為主。不過蔥油雞份量好多，價錢又平，好抵食。

四川重口味 (筲箕灣).筲箕灣呢間真心平靚正，唔好以為得辣野食，就算我地唔算好食得辣都無問題💜.烤荀殼魚- 呢到本身以為得川菜，點知原來都有烤魚食，酸辣夠開胃，愈煲愈辣。內有大量配料，洋蔥，海帶，豆卜等。我地另外再叫娃娃菜，薯粉同埋冬瓜！.川北涼粉- 入口滑溜，出乎意料地又唔算係好辣.濃湯雲呑雞- 推薦必叫，一上枱就比份量嚇親。入面有成八粒雲呑，我地四個人人均有兩粒。雲呑仲要非常大粒，肉多仲有一粒仔蝦！.蒜蓉炒時菜- 通菜生菜油麥菜，蒜蓉炒，必叫菜，炒得好香！.四川重口味 (筲箕灣)筲箕灣東大街132號地下

四川重口味 (筲箕灣).筲箕灣呢間真心平靚正，唔好以為得辣野食，就算我地唔算好食得辣都無問題💜.▪️酸辣烤魚▪️.貴少少叫左筍殼魚食，魚煎香過再食，湯底酸酸辣辣，內有豆卜，海帶，洋葱等配料。個人覺得筍殼魚肉質好滑，又索味！.▪️川北涼粉·涼拌小黃瓜🥒▪️.個涼粉好滑溜易入口，本身以為會好辣點知又唔會。小黃瓜夠新鮮爽脆.▪️濃湯雲呑雞🍲▪️.呢個真係性價比之選，咁大鍋先$108，我地四個人每人有兩粒雲呑，前後八粒！入面重有雞件同生菜🥬.▪️蒜蓉炒時菜▪️.有通菜油麥菜等，不得不承認佢炒得好好食.📌 四川重口味 (筲箕灣)筲箕灣東大街132號地下.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

同事今日請咗我去東大街四川重口味食川菜，餐廳是兩層高，有數千呎的高質四川菜館，裝潢設計別緻，富濃厚中國特色。招牌酸菜魚脆鯛魚：辣度揀咗BB辣，酸菜魚的魚片是用魚骨、雞骨和豬骨的濃湯浸熟，魚肉爽滑，味道酸酸辣辣，好惹味，仲有好多酸菜、娃娃菜和薯粉，吸收咗湯的精華，美味極了！濃湯雲吞雞：濃湯清澈中呈奶白色，味道鮮甜。雞已經切件，雞肉嫩滑有雞味，雲吞皮薄肉鮮，餡料有蝦肉十分爽口。香脆魚骨腩：魚骨腩炸至金黃色，因為用咗脆肉鯇魚做，所以魚肉特別爽脆，送酒一流。

位於筲箕灣的四川中菜館，九龍本身有兩間分店，而這間位置則在港島區。樓高兩層，樓上雅座， 地方寬敞，座位舒適。主打各款四川菜式、麻酸辣小菜、水煮系列、酸菜魚、麻辣香鍋、火鍋、雞煲等都有，種類繁多。廚師推介：招牌口水雞例牌的份量，雞件蠻多，浸著紅油，雞皮連著雞肉，肉質很嫩滑。涼拌菜式：夫妻肺片夫妻肺片有牛肚及牛舌，大片且薄塊，味道帶微辣。還夾雜了青瓜絲，提升爽口感。涼拌菜式：涼拌三絲三絲分別有粉絲、海帶絲及青瓜絲，味道酸中帶辣。開胃涼菜，口感爽脆不膩。蔬菜：高山雪裡紅這個菜式是不辣的，翠翠綠綠的，芥菜連莖部，經醃製調味，不過也不會太鹹或重口味，口感爽脆。粉麵：重慶酸辣粉湯底濃厚稠杰，酸中帶辣。紅薯粉份量多，麵條很掛湯，口感煙煙韌韌。餃子：上湯餃子一大盤上湯，共有8隻餃子及生菜，餡料選了韭菜豬肉的。皮厚，浸著熱湯也不易爛掉。

港島嘅食街唔多，其中一條就係筲箕灣東大街，今晚就特登去食飯，地鐵一出幾分鐘就到。呢間兩層高幾千呎，空間感十足，今日就坐下層嘅卡位坐，四個人坐寬躺有餘。個餐牌有好多麻辣小菜，辣同唔辣都有多個選擇，又可以選擇辣度，走辣都得！招牌酸菜魚、泡椒酸辣大蝦、惹味雞煲等等勁多選擇，真係令人有選擇困難症，樣樣都想食！招牌酸菜魚 $168揀咗用脆鯛魚，大盤酸香惹味，魚肉多又嫩滑，入面仲有薯粉，入味彈牙。涼拌三絲 $42即粉絲、海帶絲、青瓜絲，清甜爽口帶麻香，好正～上湯餃子8隻 $55揀咗白菜餃，本身以為只係普通八隻餃子上枱，原來係一鍋連埋清甜嘅湯底，因為餃子好大隻，肉餡大粒好足料，肉甜又多汁，正。川味麻辣豬手 $88麻辣好入味，豬皮同肉口感實在，筋位特別爽口。紅豆燒仙草 $28最後點個甜品平衡一下麻辣感。口感清甜滑溜。呢間好食，會再嚟！

東大街出名多野食，而家仲開埋戲院喺附近，去睇戲前後去東大街食飯就啱晒，夜晚少人搭叮叮又有一番風味～我哋睇你之前就揀咗呢一間新開嘅川菜館，真係估佢唔到，原本有成兩層高加埋幾千呎！空間感十足，卡位闊大又坐得舒服。呢度雖然係川菜但係可以選擇（走辣、小辣、中辣、大辣），所以唔食辣嘅朋友都可以嚟一嚐川菜！** 免菜芥，有加一 **小龍蝦都係百幾數真係真係好想食，可惜朋友唔食有殼類海鮮，唯有嗌酸菜魚再加兩樣小菜啦。《 招牌酸菜魚 脆鯛魚 💲168 》走辣但留有麻香，入口香麻惹味，魚肉又多脆口嫩滑，湯中亦多酸菜又有Q彈薯粉。《 農家咸雞半隻 💲108 》推介！雞斬得細緻，全隻都咸香入味，肉又嫩滑，雞皮無咩脂肪食埋都唔覺膩！《 川鄉麻辣鴨舌 💲98 》走辣有麻香，入味又份量多，鴨舌肉彈牙～《 自家製酸梅湯一杯 $15 》甜品點咗《 桃膠冰粉 💲28 》同《 紅豆燒仙草 💲28 》～ 滿足！

愛食惹味野既我路過呢間重口味，望個門口menu主打野川菜，二話不說就直衝去食🤣入到發現有上層同下層，我就坐係下層卡位，位置闊落舒適，紅色系既style好襯川菜🌶古法牛心頂 $88微爽加軟綿嘅牛心頂配上爽口芽菜做底口感豐富，微微辣味吊起牛心頂味道😋川北涼粉 $42涼粉夠滑又有少少咬口微微彈牙，微酸小辣，味道岩岩好涼拌萵筍絲 $52唔同平時清炒，係有d蒜香炒嘅萵荀絲，一絲絲夠爽口孔明烤魚鍋(全側魚) 麻辣味 $168魚都唔算細條，肉質正正常常辣佢仲有其他魚揀，味夠引唔會太搶，配料都幾多，有蓮藕 雲耳 豆卜，吸哂d汁幾好味，唔會太油自製酸梅湯一榨 $42唔會太酸，都有酸梅香，一榨剛剛好2個人食一餐飯😋2個人食完以上既野食都超級飽😆今次我地冇特別request辣，我覺得佢身預計好既小辣味岩岩好

成日去筲箕灣東大街食嘢 🧐🧐 今次嚟新開嘅四川重口味試吓 !! 食店光猛闊落 , 有 2 層 , 今次我哋坐喺窗邊位置 , 店員話呢個位置望出去有電車經過 🚋🚋 風景一絕 ! 餐牌圖文並茂 😛 岩曬我呢 d 唔想睇字嘅懶人 , 選擇豐富 , 重點係呢度嘅菜式全部都可以揀唔辣同埋辣度 👍🏻👍🏻 一大班朋友嚟的話 , 怕辣或者食到好辣嘅朋友都容易點餐 ! 抵讚 !! 👍🏻👍🏻招牌酸菜魚 (脆鯛魚) ($168)最鍾意食酸菜魚 , 價錢合理 , 份量都幾多 , 入邊除咗有白滑嘅魚片 , 仲有海量嘅酸菜 , 娃娃菜同薯粉 😲😲 娃娃菜索曬 d 酸菜魚湯 , 超好味 !!涼瓜炒蛋 ($58)呢個係食店嘅推介菜式 😋😋😋 同埋嗌咗辣嘢 , 食苦瓜可以減辣 , 所以試吓 ! 果然冇推介錯 , 好好食 !! 苦瓜爽脆唔硬 , 亦唔會好苦 ! 蛋有蛋香 , 調味啱啱好, 唔會太鹹 , 重點係超級滑 😳😳 真係好好食呀 !! 大家一定要試吓 !!麻香辣牛肉 ($58)份量超多 , 牛肉用咗牛展 😁 性價比十分高 ! 麻辣重口味 , 越食越過癮 !!古法龍抄手 (韭菜餃) ($48)有 2 隻大大的 + 3

本來一家人開開心心一齊去食野，點知一落單，樓面話唔得閒，但係明明冇爆場，然後要我地顧客自己寫，比張紙，再比支筆，真係O左嘴，咁好啦，寫完 另外一個後生樓面話唔識睇字，差唔多每個字都問係咩，喂 大佬，宜家我做樓面吖？洗唔洗做埋你個份？然後態度又差 又西面，真係有一次 冇下次。我真係唔明白呢間野 有咁嘅服務態度，可以點做落去。仲有一個比較老嘅樓面，真心覺得少少嘔心，佢又唔帶手套，但係手指又插左落啲食物度，你想我地顧客點食？唔好意思，真係搞唔掂。

同鍾意食辣嘅好朋友偶然都會周圍去食下辣，之前見到呢間餐廳個名好正，就去「重口味」一下！原來餐廳有成2層，所以無論多人/少人去都好適合！🐟烤魚鍋 （ 筍殼魚）$248-烤魚鍋會有電磁爐熱住食，可以慢慢食。選了比較少骨同大條骨嘅筍殼魚，外皮薄薄地炸過好香口，入面肉質軟嫩juicy，粒粒魚肉都好滑好彈口！😋😋😋值得一讚嘅係麻辣味做到好夠，無論係麻同香同辣都俱全，暖暖地食，正！- 配菜如豆卜、芽菜、蓮藕等完全入曬麻辣香，雖然少少辣，但幾過癮🌟肉沐炒四季豆 $68 - 無諗過係炒到好香口，好有鑊氣！四季豆每條都好爽脆，入面甜甜地，配上炒香肉粒，的確幾有水準🌟 泡椒蓮藕尖炒雞腎$78- 雞腎幾有嚼勁，蓮藕仔爽得來辣得刺激嘅酸酸辣辣，鍾意重口味嘅可以一吃。有機會再來食暖暖烤魚！

今日來到筲箕灣，在東大街最近新開了一間兩層高數千呎的高質四川菜館：「四川重口味」🏮餐廳裝潢設計別緻，帶有濃厚中國特色，食物用心！酸菜魚皇牌產品特別推介🤤❤️ 一大窩酸菜魚🐟塊塊的魚肉鮮緻彈牙，滑溜又惹味！湯底麻辣香噴噴！家常扣肉十分有驚喜，同我平時食的梅菜扣肉更美味，扣肉肥瘦平均，薄切大大件，配上大量梅菜十分開胃。肉碎炒四季豆炒得十分有鑊氣，四季豆又爽口，使我食慾大增呢！桃膠冰粉這甜品感覺特別，口感煙韌，加上紅糖汁和養顏桃膠，女生大愛！📍四川重口味 筲箕灣東大街132號地下