四寶食堂 (兆安廣場)

營業中

休息中

銅鑼灣最多購物的地方，還有呢就是一些大商場。但是這區的物價比較高，很難才找到一些較經濟實惠的餐廳。這次來到這一間四寶食堂，就是能享有很高的的美食水準，用很相宜的價錢就能吃到！✨真的真的沒有說謊✨這一間新式的茶餐廳絕對很有誠意！對於在茶餐廳可吃到這樣的水準，我和同行家人都完全覺得很驚訝！位置非常易找，就是在SOGO附近的謝斐道。門面很光鮮，是用了很新穎的水藍色作主題。一眼就看到！進去的裝修也非常新潮，而且我最喜歡餐廳夠光猛，食得夠晒舒服安心。一打開menu，就眼見所有價錢都不貴。一個飯$50多元，一杯特飲$20多元。小食$30多元起，完全是很吸引的價錢！我們一行兩人，就點了一個主菜，沙律及小食，一人一杯飲品，最後還點了甜品share。先來的是很有名氣的主打蔥油豬扒飯！豬扒很厚！而且表面非常油亮很吸引！光看著也感到是很好吃的樣子(真的！)上面滿滿的鋪上了蔥油，飯上還鋪了一隻煎得很美的荷包蛋。賣相已拎了100分！切件吃起，帶點越式的豬扒感覺，配上蔥油香口非常，表面帶點點煙un。好！好！吃！然後上菜的是超級吸引的小食拼盤。啊，一上來的時候我也忍不住跟店員說：「好靚啊！」滿滿總共5,6款的小食，

今日約左girlfriend係cwb食brunch差不多2點既時間 等左10分鐘就有位 餐廳裝飾既好 既新叫左個雞脾撈丁既常餐 撈丁好高質 雞脾大隻 入味 撈丁有魯水汁一齊 好夾個餐跟炒蛋同多士 炒蛋好滑 多士非常厚 加牛油 烘底非常脆 叫左杯多央 多奶 好滑girlfriend叫左個蔥油豬排蛋飯 豬排非常大塊 不過有少少乾同埋肥 加埋蔥油就比較油 油味太重 同埋本身比較咸 個蛋煎得幾靚 其他都正常 合格2個人120 都唔洗 價錢係cwb已經算比較平

三人一齊去銅記行街，順便食lunch，想食餐平平地又快嘅就想起茶記，上網搵到一間四寶食堂，食物吸引一於試下，去到已有人排隊，似乎幾受歡迎，排隊時見餐牌都有不少選擇。 餐廳面積頗大，茶記格局夠實用，玫瑰花牆配合吊燈，增添美感。 餐牌，食物有港式、西式等好多野揀，招牌係蜜汁叉燒蛋飯，太想食沙嗲牛之下揀了常餐。 港式常餐B.招牌沙嗲牛肉麵，$50，配炒蛋、牛油丹麥酥及餐飲。 沙嗲牛肉麵，沙嗲牛肉份量適中，沙嗲味濃郁，牛肉軟腍，都幾入味，公仔麵質感恰到好處，味道不俗呢。 炒蛋，尚算嫩滑，正常水準，牛油丹麥酥，入口唔算好酥脆，味道甜甜地。 熱咖啡。 友人的雞脾。食物味道不俗，價格合理，下次要來食招牌貨。

好耐冇出銅鑼灣 今日難得黎到就食個lunch 先走 茶記一向都係驚喜之地 今日黎到四寶叫左個佢招牌嘅叉燒蛋飯 見到佢果刻好興奮🤣 因為我係雞蛋控 而目測佢至少用左3隻蛋 而且好滑嘟嘟 喺上面淋左一圈嘅豉油 加埋佢埋左喺蛋下面嘅 好林滑嘅叉燒 係完美組合 食落好滿足😍😍另外叫左個午餐 係日式咖喱牛肉飯加個熱狗 個組合好得意 但又好好食喎 牛肉好林而且多 汁嘅味道都調得好好 吾太咸仲幾香 而個熱狗係用熱辣辣嘅餐飽整嘅 非常軟熟 表示欣賞🤭

午膳時間試一試附近的茶餐廳，經典的叉燒滑蛋飯，炒滑蛋炒至半熟，嫩滑而且是深黃色的雞蛋，叉燒肥瘦適中，配上雞蛋是一個夢幻的組合，絕對不會錯。常餐蕃茄牛肉通粉份量十足，牛肉大塊，肉質嫩滑，蕃茄湯味道足夠，雖然是罐頭茄湯，但沒有溝了水的感覺，另外多士轉了牛角包，剛焗起熱辣辣香脆，吃下去酥皮不斷掉下，再夾上嫩滑炒滑蛋，炒蛋火喉控制得好，高質常餐。午膳時間人客十分多，大概要等5-10分鐘，但上菜十分快，且不會趕人走。

謝菲道一向都多餐廳，所以決定今天響呢頭搵食，經過見到四寶食堂的 tiffany blue 門面吸引了，就決定去食你啦！餐牌很多選擇而且圖片好吸睛，竟然中西菜式都有。所以決定叫一個中式，一個西式啦，可以試曬2種。蜜汁叉燒滑蛋飯 $58份量好大，賣相極吸引😍 滑蛋超滑有蛋汁，入口即溶。叉燒有咬口啖啖肉，我至愛的蔥花又夠多，將所有一大啖放入口，十分滿足！ 大推薦，一定要試❤️特選美國厚切西冷配陳年黑醋汁 $128好大塊西冷😍 仲大過我手掌。西冷可選 3、5、7成熟，而呢個喺5成熟，肉質好唸又juicy, 帶少少黑醋汁一齊食能帶點酸甜更惹味。還有另一個食法，與焗過嘅蒜頭一齊食，加上蒜香味更好食😋 跟餐可配飯、意粉、薯角，我選的薯角份量極多，飽到極點🤣紅豆冰 $7 (跟餐價）突然想飲紅豆冰，當作飯後甜品😋 紅豆蓉好唸，可以連細冰一起食，好爽快！餐牌還有意粉、pizza 等西式菜式，下次再去試下其他款式先。

有黃藍傳言，但佢可能係全香港最好食既叉蛋飯🤩🤩😭😭！-呢度最出名就係呢個蜜汁叉燒叉蛋飯，我想講真係好食到叔叔不行了要尖叫😍😍！由第一啖食到最尾，我講咗不下廿次「嘩，真係好好味😲！」佢啲蛋係超嫩滑、又有蛋汁同啦又極濃蛋味，佢係點做到的😱？！跟住啲叉燒肥瘦度係攞得剛剛好，食落肉質唔乾又帶點甜味，加埋啲甜豉油撈飯食真係好食到極致！！！我宣佈四寶既叉蛋飯暫時係香港叉蛋飯之首🌟佢地個蔥油豬扒都好好食！塊扒大過我塊面，啖啖肉好滿足！-見到黃藍list入面佢係黃，但我見唔到佢社交平台有仼何表態，有冇人知佢做咗啲咩🤨？

餐廳用上搶眼的湖水綠為主色，而且更有一幅花牆襯托，與一般茶餐廳格局截然不同！餐牌上除了一般茶餐廳菜式外，更包含了不少西餐廳才提供的菜式，連薄餅也有，款式真的令人花多眼亂！香煎喜哥蔥油豬扒配招牌炒蛋、冰火菠蘿油豬扒肥瘦適中，肉質彈牙又醃得入味，配上油泡過的香蔥更香口惹味，不愧為餐廳推介菜式；炒蛋嫩滑，不會炒得過熟，仍保留著蛋汁；菠蘿包溫熱，而且外皮酥脆，牛油則放在冰上另上，免得菠蘿包的熱力令牛油溶化而影響口感，非常講究！奶油脆豬麵包烘得金黃香脆，簡單配上煉奶和牛油就已好吃到停不了口，個人認為味道比某知名連鎖經營茶餐廳的好！瑞士雞髀銅鑼灣鬧市餐廳堂食叫價$25，心想雞髀應該偏小，但意想不到的是份量絕不欺場，而且肉嫩入味，這價錢配這質素絕對超值！柚子氣泡茶柚子茶應混入了梳打水，有少少柚子果肉又不太甜，冰凍又解渴！雪糕紅荳冰紅荳粒不但多，煮得又夠腍，而且粒粒分明，雲呢拿味雪糕混入紅荳冰後，變得更奶滑！餐廳環境新穎舒適，食物款式多樣化，質素又高，價錢更是大眾化，在銅鑼灣鬧市有此等高性價比的茶餐廳真的不多，值得回頭幫襯！

星期六日出銅鑼灣唔知食咩好？喺銅鑼灣二期附近就有一間四寶餐廳，佢嘅叉燒滑蛋飯真係好值得食。非常足料嘅雞蛋同叉燒，雞蛋非常滑，加咗少少豉油同蔥油，又香又滑又好食。真心推介，唔食唔得！！！比起一d 連鎖店既咩暗然銷魂飯，佢嘅叉燒肥而不油膩🥰🥰🥰🥰而且叉燒一定比連鎖店既新解，唔會得個鹹字。佢個店名同裝修，令我以為佢係一間普通嘅茶餐廳。起初我以為佢只係做中式茶餐廳嘅食物，但係佢又有唔同種類嘅意粉，仲要全部都好有特色同埋心機。唔係hea 你既menu。最後，佢地點又近，選擇又多，價錢又唔貴，用料新鮮，大件兼抵食，服務好，效率高，大家不防一試！做人最緊要有良心，佢絕對係良心小店。

唔洗糾結喇，呢度有cafe嘅環境，茶記嘅美食，cafe嘅選擇，仲有女仔至愛打卡花牆，男朋友終於可以食翻d男人味嘅食物同女朋友撐枱腳喇👫 😎蔥油豬排飯炒蛋菠蘿油餐$62翻左成日工一定好攰，食d飽肚野就岩哂，蔥油好多夠哂香，豬排又厚切，仲有菠蘿包，牛油仲好細心下面有冰鎮，唔洗怕佢咁快溶。加多$10仲可以配蔥油/麻辣公仔麵。🥰港式x西餐之選：香草紅酒腐乳汁燴羊膝（$98）伴碟有心思，呢個配搭亦好有新意，個汁好香濃建議配白飯，羊膝好滑，份量亦好夠，加$35仲可以配四款小食其中一樣，我就要先凱撒沙律，真係原份上唔係細細份得幾條。🥤🍹特飲先加$10仲好大杯，雪山系列阿華田同朱古力都好出色，平日至愛朱古力嘅男朋友就讚佢好香濃唔係得個甜字。加配左咁多野，晚餐只係225，又坐得舒服，係CWB都算係好選擇！

好耐無同老公兩個出街,行到肚餓就試下我地眼中既「新野」望一望個餐牌就決定入去食！1. 沙嗲牛肉麵+滑蛋拼多士沙嗲牛肉麵: 牛肉夠滑同鎖水👍🏻不過就好咸下.麵煮到岩岩好!唔太硬又唔太林👍🏻滑蛋拼多士:滑蛋超級正!食到咁既樣😆多士唔好食.太甜,但陣唔係煉奶隻甜..怪怪地,食左一啖就無食到2. 牛肉菠蘿包拼薯角+凍奶茶牛肉菠蘿包:個牛肉完全唔好食薯角:好香口好好食🤤凍奶茶:唔好飲,茶味唔夠濃環境+服務態度:卡位夠闊落裝修令人覺得舒適服務員都係重視客人,一有人舉手想叫野食,坐收銀既工作人員會即大叫話邊張枱需要落單野食上得快同夠熱

星期日早上，未夠鐘上堂，不如去食返個早餐先！上openrice一找，見呢間食評好好咁，一於去試下！環境唔錯，招呼亦殷勤，價錢可以。不過食物就..... 失望😑牛扒蛋面，牛扒薄了一點，好咸好咸，應該是醃了太久？個面就好淡好淡，唯有用D好淡嘅面湯洗下塊牛扒先食。成個餐，無一樣得。奶茶一般，好過一粥麵嘅，不過而家所有茶餐廳的奶茶都好高質的，呢杯真是麻麻。咁嘅價錢配咁嘅食物質素，在銅鑼灣有好多選擇。唔需要有下次。

工作至晚上10點多 想吃一點點食物，找了一輪終於找到這間新茶餐廳，宵夜時段更有特別菜式！自家制吉列豬扒湯讚歧烏冬 $45豬扒炸得好透，份量都幾大，不過略顯比較實和油膩了一點，點了沙律醬後還好，至於烏冬也頗大碗，口感未夠爽口，只是要填肚的話其實可以接受。蜜汁叉燒滑蛋飯 $58聽說這個是餐廳招牌，上桌一刻果然聞到香濃蜜汁叉燒味，滑蛋幼滑的程度令人充滿驚喜，蛋味也相當突出，整體組合很調和，果然是招牌，下次只吃這個好了。

銅鑼灣返工，食晚飯都幾頭痕。一係就好貴，一係就好悶。今次食嘅四寶食堂算係食完可以再食之選。店內座位都算闊，坐得好舒服。而且食物整體來講熟水準之作。今次叫咗厚切牛脷意粉，個牛脷有驚喜。厚切牛脷好似午餐肉咁但咬落有口感，而且煎得好香脆，外脆內多汁。一碟有三碟大大塊牛脷，食完都夠飽。配上港式磨菇汁意粉，分量好夠飽。好抵讚嘅就係，配上好多沙律菜，而唔係求其烚幾舊西蘭花俾你就算數，有誠意耐且夠健康，杯凍檸茶就中規中矩。呢個係宵夜套餐，買單$51，喺銅鑼灣區算係合理範圍，以唔錯嘅質素性價比都幾高。

四寶食堂 - 招牌蜜汁叉燒滑蛋飯！雖然名叫四寶食堂，但其實呢度都好多嘢食，有常餐、西式意粉、pizza、招牌滑蛋飯等等。蜜汁叉燒滑蛋飯（$58）： 份量大大碟，雞蛋落得好足料，流心的蛋汁，加入味的叉燒，而且叉燒半肥瘦，三扒兩撥已經KO了整碟飯！鹹牛肉炒蛋三文治（烘底）（$34+2）：厚厚的雞蛋餡料，非常有飽肚感！咬落去蛋汁爆在口腔內，好正！糯米釀雞翼（$68）：雞翼即炸好香口，餡料有糯米飯，口感更豐富！阿華田雪山（$28）：用忌廉做成雪山效果，好滑。凍檸賓（$7跟餐價）