四寶食堂 (兆安廣場)

營業中

休息中

星期日同老豆去銅鑼灣行街街帶左佢去食高質既茶餐廳 ～ 四寶食堂裝修明亮 顏色以Tiffany Blue做主調成個感覺都幾靚 幾舒服🐷 喜哥蔥油豬扒太陽蛋飯 $65唔知有冇人同我一樣次次行入餐廳坐低前都會睇吓其他人食乜見到勁多人食個蔥油豬扒飯就知唔簡單個豬扒勁厚 我諗都有5cm左右一切開就睇到熱辣辣嘅蒸氣出曬黎 好吸引豬扒食落唔會柴 反而仲好嫩滑最正一定係個蔥油配豉油撈飯一開始見到啲豉油好似唔夠咁但係撈撈下 個白飯變曬靚仔豉油顏色除左蔥油同豉油已經無得輸再撈埋太陽蛋既蛋汁 令成個飯更加香🦐 XO醬滑蛋蝦球飯 $72超大碟～勁多既深紅色XO醬係最上點綴而深綠色蔥花同新鮮粉色大蝦炒滑蛋舖哂係飯上面仲要係大大隻剝咗殼既蝦🤤第一眼睇到已經覺得色香味俱全食落去仲正惹味既XO醬同蔥花炒蛋撈飯而啲蝦大隻得黎又新鮮真係勁香 見到我老豆食到唔停口🐥 瑞士汁雞髀 $28我老豆睇到瑞士汁雞髀又話想食咁就叫左一隻試下啦雞髀都算幾大隻食落好入味 而且雞肉Keep到嫩滑好食 下次下午茶黎食個瑞士汁雞髀茶餐都唔錯☕️ 茶走 跟餐中上水準既茶走奶茶滑身 奶茶香好出不苦澀 又唔會太甜 可再Encore☕️ 朱古力咖啡 +$1

是夜捕螢火蟲，所以弄到很晚才晚飯，本來想去龍城，行經四寶，朋友說這間ok, 看環境也不錯，就入去了.侍應介紹宵夜餐，那朋友叫了牛肉丼，我叫了咖喱南蠻炸雞飯.冰檸茶ok, 牛肉硬，絕對不推介.凍奶茶少甜少冰，ok的.南蠻炸雞，我以為是韓國炸雞那種，沒料到是炸雞餅內夾火腿，感覺像合成肉，不推介.其實寫食評之前我看到是人氣食店，再看了幾篇食評，相片及內容都很吸引，為何我這個宵夜餐是如此不堪，是因為太夜轉了廚師嗎？那我希望下次來試這間的lunch.其實我以前未寫食評前吃過這間印象不差的……

四寶食堂．高汁茶記朋友在銅記工作和她吃午餐要快靚正她有一家心水餐廳就是四寶食堂每星期都最少食一次我中意呢隻綠色因為好溫柔，好舒服入到去知道是cafe與茶記的混合體朋友說到食物出品唔錯咁一定要試下啦這家茶記，好多人排隊好在今日我放假可以提前去排隊陪佢食LUNCH入去坐低發現餐牌似足CAFE晚上更有扒扒，燒春雞好吸引咁！下次搵晚來試下先！白桃氣泡茶 果香味濃，甜度適中非常好飲熱情果冷泡紅茶微甜，香香的熱情果味屬清爽的口感吞拿魚沙律紅潤鮮美的魚魚配以烚蛋沙律及新鮮菜菜子味道清新，非常開胃XO醬滑蛋蝦球飯主角：此店名物，不能不吃一吃上癮！好食關鍵：1.蛋真心勁滑2.蝦仁大大隻夠口感3.絲苗米好夠米香，飯味足！此飯飯口感味道都很有水準只有1個建議：豉油可以另上，由客人控制份量香煎鴨肝黑醋忌廉汁意粉鴨肝大大件，夠份量，好開心口感creammmmmmmmy超香滑！意粉索汁好好食，係一個不錯的有機結合小食：雞中翼薯條仲有不同口味自選識食一定係椒鹽！即點即製，熱辣辣的香脆口感已經贏左！再食厚厚的薯條同茄汁冇得輸！四寶食堂銅鑼灣謝斐道482號兆安廣場地下1-3號舖#KISS#salad#茶餐廳#四寶食堂#

🍽️四寶食堂晚餐💰 勃根地紅酒野菜煮羊膝 $158板燒美國頂級封門柳 $188香煎鴨肝黑醋忌廉意粉$108白桃氣泡茶 +$15熱情果氣泡查 +$15呢間餐廳真係冇得輸，以前見到呢度有常餐以為係茶餐廳，但入到去你會發現事情冇咁簡單😂😂首先服務態度好好，啲工作人員好細心，招呼都好親切！裝修都幾靚，好光猛，用咗Tiffany Blue幾有氣派。菜式亦都好出色，尤其係佢哋嘅招牌菜，板燒美國頂級封門柳🥩，同埋煎蛋蔥油豬扒飯！🥘封門柳本身係一道經典的粵菜，四寶應該係選用優質牛肉，因為內裡肉質嫩滑，叫5️⃣成熟就剛剛好🤎 外皮亦煎得好香，有少少酥脆感，不可錯過！🤗剪鴨肝就十分精緻，肝質鮮嫩，味道濃郁！香氣四溢。佢嘅獨特之處係配搭黑醋汁，酸甜適中，令肝味更加突出，口感豐富。鴨肝好厚身，剪得均勻，唔會太硬或太腍😋 真係冇諗過可以整得咁好食😋絕對值得一試。整體嚟講，四寶d野食味道真係好到爆，令人回味無窮。用餐體驗真係一流！有意想不到嘅驚喜㊙️

我係新界牛，由於好少過海既關係，又唔知有咩好食，就直接入一間門面好吸引我既茶記，座位好舒服😌而且吸引左唔少打工仔過黎食飯，因為價錢真係好平民化👍📍 四寶食堂 (銅鑼灣)明太子大蝦🍤忌廉意粉勁濃厚嘅忌廉，有5隻大蝦🍤作伴，仲可以每啖食到明太子，口感好細嫩，蝦肉好爽，鹹度剛好😋叉燒滑蛋飯叉燒肉嫩多肉汁，外皮燒到起焦，脆脆地既口感，再加用3.6牛乳炒蛋🥚鋪上飯面，令每啖飯都食到滑蛋🥚加入少少蔥花，好食😋美國頂級封門牛柳（五成熟）燒到五成熟，切開少少🤏血水流岀，而且温度剛好，廚師🧑‍🍳好細心切件上碟，牛肉味勁濃，而且鎖住肉汁，好Juice，再配上蘑菇醬，特岀牛肉味道👍#四寶食堂 #香港美食 #銅鑼灣美食 #北角美食 #旺角美食 #將軍澳美食 #茶餐廳美食#香港四寶食堂#香港茶餐廳探店#香港美食 #香港茶餐廳 #香港茶記 #香港探店 #港式餐廳 #香港必食餐廳#hongkong#hkkol#hkig #hkfood #hkfoodig #852food

銅鑼灣既［四寶食堂］Menu有別於其他分店，這𥚃除咗基本茶餐廳食物之外，主打高質素西式美食，例如牛扒，燒春雞，意粉，連All day breakfast 都有得食，而且質素非常唔錯，重點價錢相宜，性價比超高👍🏻👍🏻👍🏻🐷▪️喜哥蔥油豬扒太陽蛋飯 $ 65每次都會食，四寶名物，豬扒超級大塊，煎得香口，厚肉又彈牙，最愛流心大陽煎蛋，配上蔥油，甜豉油和白飯，誰人抵擋得住，真係超級好味又飽肚😋😋🍞▪️奶醬多$28雖然間間茶餐廳都有，唔係呢度嘅奶醬整得特別好食，脆口多士沾上猶豫瀑布的奶醬，最愛🐓▪️百里香蒜香欖油烤春雞 $ 108雖然話係春雞但係超級大隻，賣相唔錯，雞皮烤得得超級香脆，雞肉好入味而且肉汁幾嫩滑，估唔到可以有呢個水準，仲有原個烤蒜頭，蔬菜，配合蒜香醬，非常好味道，推介推介🍝意▪️香煎鴨肝黑醋忌廉汁意粉 $108意粉軟硬適中幾彈牙，有大量香菇配合Creamy 既忌廉汁，口感豐富，配意粉係最佳拍檔，主角香煎鴨肝煎得外脆內軟，加埋黑醋汁，完全高級西餐廳嘅水準🧉▪️凍奶茶 & 熱咖啡奶茶和咖啡去茶餐廳喺必飲既，此外店奶茶做得非常好，奶和茶的比例剛恰到好處，入口細滑，咖啡係即磨嘅，上枱時濃濃咖啡香氣

其實呢間之前已經有幫襯開，D食物水準係OK既，但係第一次遇到咁差既態度同對待，有日同屋企人入去叫咗兩份晚餐+ 兩杯凍飲，食完跟住好快咁埋單，埋單都係用八達通公比完就走，離開咗唔夠3 分鐘屋企人就問點解成$200 蚊咁貴，唸唸下怕真係收多咗唔知我就即刻返轉頭問嗰收銀阿姐攞張單來望望，跟住戲肉來啦！我：阿姐唔好意思想睇返啱啱$200 蚊嗰張單阿姐：（臭串的嘴臉）咩單呀，咩$200 呀我：（好聲好氣）頭先啱啱用八達通比完個張單，就啱啱兩三分鐘前埋既單阿姐：（好唔情緣既口面係旁邊拿咗幾張單pat 係我面前）係呢度你自己搵丫！我：（快速睇完）呢度無張係阿姐：（態度極差&敷衍） 得啦..得啦..得啦然後就係部收銀機襟咗幾下就reprint 咗張單比我我想表達既係成件事其實好簡單，純粹攞返張單望一下個 breakdown, 唔明點解個阿姐要態度咁差咁臭串好似欠佢錢咁，嗰下成個人真係躁咗😡本身呢D茶記/冰室都唔會期望有任何既服務，但係咁簡單一件事都咁既態度同x口x面，D嘢食幾OK都好我以後都唔會再幫襯😤

下午茶餐好多選擇，而且好抵食，係會不停想encore嘅茶餐廳。1. 西多士（花生醬或紅豆餡）（$38）90/100我覺得呢間西多士炸得麵包夠鬆軟，麵包夠厚身，餡料又多，絕對係高過一般！茶餐廳嘅水準，必食推介2. 芝士流心蛋安格斯漢堡菠蘿包（$52）90/100我本身鍾意食甜甜鹹鹹嘅嘢，見到菠蘿包加牛肉漢堡，諗都唔使諗，即刻揀咗呢個。蘿包皮脆麵包軟熟，牛肉又香又多汁，再加上流心蛋，真係好好食，絕對係必食之選必食之選！3. 流心芝士炸雞配咖哩汁（$52）80/100咖哩汁都好食，炸雞入面只夾咗一塊芝士，所以嘅芝士味唔夠出，不過雞炸得好脆，幾好食。4. 鴨肝忌廉汁意粉（~$108）88/100鴨肝外面煎到好香脆，裏面好香軟，忌廉汁煮得好食玩，估唔到茶餐廳可以煮到呢個水準。

百里香蒜香欖油烤春雞🍖呢個係最有驚喜， 雞肉肉汁飽滿，沒有想到雞胸肉位置亦都鮮嫩多汁，而且百里香蒜烤春雞有百里香和大蒜的味道，加上橄欖油烤出的春雞香氣十足，口感豐富。板燒美國頂級封門牛柳🥩 我就叫左7成熟，大廚煮得啱啱好👏外焦內嫩，牛扒非常新鮮，肉質細嫩多汁，每一啖口中湧入牛肉嘅香味，配上焗蒜頭，仲有蘑菇汁美味更上一層樓。經典卡邦尼意粉這道菜品的特色在於使用溫泉蛋，蛋黃的質地濃稠，與香煎的培根和意粉搭配，味道濃郁，而且麵條非常彈牙，非常美味。輕食—脆豬 （奶醬）脆豬金黃酥脆，而且奶醬濃郁，花生醬也非常香，搭配起來口感酥脆香甜，香氣四溢，如果您喜歡脆皮豬肉和奶油醬汁，這道脆豬奶醬絕對值得一試！無論價錢份量擺盤非常之好比起其他餐廳，非常推介「四寶食堂」。

Honey 自從食過一次宵夜之後，就迷上了，幫襯再幫襯，同埋成日都見到有人排隊。今次晚餐Honey叫左 T骨豬扒腸套餐，包湯同餐飲，豬扒真係有驚喜，大塊厚身之餘半肥瘦，食落好軟滑，仲有Honey 鍾意食既蒜 餐湯就正常啦，似罐頭湯，多少少調味會好啲我見隔離檯叫左兩碟黑蒜油叉燒炒蛋飯，我就跟住叫，睇落賣相唔錯但係我比較鍾意半肥瘦既叉燒，佢係全瘦，滑蛋都算滑，但係唔係食過最出色，Honey 就覺得唔夠蛋香不過總括而言，係值得推薦既好茶記

見OpenRice咁多好評又咁啱係銅鑼灣搵嘢食咁就當然要試試佢啦雖然全場爆滿 但大部分人才都食完就走所以都好快就有位 環境就係普通茶餐廳 講下食咗咩先嚟到呢到梗係要試佢兩大招牌啦招牌蔥油豬扒飯，真係唔係浪得虛名，豬扒炸得外脆內軟，淋上熱熱既蔥油再加埋豉油真係好惹味。另外仲有一隻半生熟既太陽蛋，啲蛋黃撈埋啲返同蔥油，好味到痴線。另外一個招牌滑蛋叉燒飯，蛋同叉燒既份量超多，叉燒燒得啱啱好唔會太燶。滑蛋真係煮得好滑，每一啖飯都有滑蛋同叉燒，好出色。當然都有靈魂豉油配飯，好好食!!!!!!呢間大推薦呀真心

同媽咪過開海行完街就嚟到我好鍾意的餐廳「四寶食堂」食晚餐，銅鑼灣店係第一次幫襯裝修同樣以湖水綠為主調，配搭花花牆==========🔹板燒美國頂級封門牛柳 $188配熱飲，凍飲+$3先奉上奶白色的黑松露忌廉蘑菇湯，湯夠熱，稀稠度適中；忌廉及黑松露比例恰好，蘑菇非常滑身，飲落軟滑creamy又唔覺膩配菜澳洲西蘭花新鮮爽嫩封門柳叫咗7成熟，切成6小件，脂肪比例低；肉質軟嫩有嚼勁，牛味不錯推介指數：8/10==========🔹XO醬滑蛋蝦球飯 $78配熱飲，凍飲+$3滑蛋蝦球飯上鋪上不少XO醬、香茜及蔥花蛋炒得非常嫩滑帶淡淡蛋香；蝦球體積不少，有7-8隻，爽彈而保留鮮味白飯乾濕度適中，粒粒分明，配合XO醬食幾滋味推介指數：8/10

整體用餐感受良好！首先地方好夠大，當日帶埋bb車去都放得到，坐得都算舒服。食物方面，叫左個蔥油豬扒配煎蛋飯，賣相好吸引，豬扒係厚切而且大過手掌另外一份係薄牛扒配肉醬意粉，呢個就不過不失，勝在份量夠大，不過附送既餐湯就麻麻地

今日再去多次四寶食堂食飯😋 佢雖然係一個茶餐廳形式，但係估唔到佢居然有 全日早餐，而且仲有唔同類型嘅意粉我就叫咗一個美式全日早餐配炒蛋，而佢嘅生菜係配醋作為沙律汁，所以唔會話好肥，而佢嘅腸仔係司華力腸，裏邊仲有芝士，再加上佢嘅炒蛋好滑，所以食得好滋味🥰而我嘅朋友就叫咗香煎鴨肝黑醋忌廉汁意粉，本身忌廉係一個比較肥嘅嘢，好容易食到好膩，但係加咗黑醋之後就會比較開胃，令到人好容易食晒成碟，完全唔會覺得太膩然後我哋仲叫咗一個瑞士雞脾同埋冷泡茶。雖然佢嘅冷泡茶係加糖漿，但係都有得叫少甜😆

銅鑼灣人多車多，閒閒地食個飯都要等半粒鐘以上。要食快飯就唯有食茶餐廳。今次嚟到一間好正嘅茶餐廳，裝修好靚，一d都唔似老茶。標準茶餐廳嘅菜色，合理價錢。我地叫左黑蒜油滑蛋叉燒飯、瑞士汁雞脾、脆炸雞中翼薯條同菠蘿油，每一樣都好好味！黑蒜油叉燒滑蛋飯佢嘅叉燒半肥瘦，好稔好juicy。滑蛋炒得啱啱好，蛋汁同熟蛋比例恰到好處，香滑得嚟唔會令個飯太濕，伴隨住黑蒜油，令味道更加香，我都係第一次試黑蒜油炒蛋，估唔到效果係咁好味瑞士汁雞脾佢嘅汁好濃郁，唔會過咸，雞脾煮得剛好，好嫩好滑，單叫嘅價錢合理，加餸一流。脆炸雞中翼配薯條雞翼炸得好香脆，外層酥脆，內裏嫩滑，而且仲有6隻咁多，一d都唔輕食。厚切薯條即叫即炸，熱辣辣。仲配埋沙律菜中和一下，啱晒唔想食得咁heavy 嘅人。菠蘿油菠蘿油係香港茶餐廳嘅特色菜，酥脆嘅菠蘿皮，鬆軟嘅面包，內裏軟綿，配上鹹香嘅牛油，令人食到停唔到口。茶餐廳係本土特色，每一間都有佢嘅特色。但四寶嘅裝修同環境相對舒服，食物水準高，但價錢又相宜，性價比高。