四寶食堂 (兆安廣場)

營業中

休息中

叉燒切得厚厚大大塊，色澤紅潤，入口嫩滑多汁，充滿肉汁，叉燒嘅蜜汁醬汁亦都好入味，唔會太甜，恰到好處。滑蛋亦都做得非常出色，蛋漿滑溜溜，蛋香濃郁，而且唔會太油膩，配埋叉燒一齊食，真係啱啱好。飯嘅份量都好足夠，米飯煮得啱啱好，粒粒分明，唔會太硬，亦唔會太軟。

都幾經常黎食早餐今日食下午茶叫左個瑞士雞髀拼菠蘿油雞髀好入味菠蘿油個包比較淋菠蘿皮唔脆但塊牛油好香油醬多塊包烘得唔夠所以唔脆西多士就好好食👍🏼如果糖漿可以成樽自己落就更好喇

今次第一次到訪呢間茶餐廳，綠色嘅外牆好吸睛，早餐都算多選擇，環境都算乾淨企理，我叫左早餐: 板燒香草雞扒炒蛋公仔麵+熱檸水都係$45，喺銅鑼灣黎講都算經濟。而且炒蛋同公仔麵嘅湯底都比想像中好食，熱檸水夠大杯，抵食👍

我見openrice有361個，諗住入嚟實冇死啦。咁就leng咗佢野。入座時間九點九，餐牌選擇唔多，想要平靚正可以揀下其他餐廳。你陣間我下面揀嘅都算係經濟實惠。嗌咗板燒雞腿黑蒜蔥油撈公仔麵，雞扒表現不錯，重點係個麵。個麵作為主食應該表現要至少不過不失，但個蔥油唔夠鹹、黑蒜又太苦，變咗個撈就好難食。奶茶表現正正常常，擺得上枱，飲得落肚，通過。姐姐表現係唯一全埸MVP，好禮貌又吹得。總括而言，嚟到就唔好嗌蔥油撈麵，除非閣下食過夜粥、捱得下苦。整體嚟講，如果俾我喺附近揀多次，我會揀返龍城冰室，至少選擇多啲。

喜哥蔥油豬扒煎蛋飯 $58豬扒又大又厚 外脆內腍配以流心蛋，賣相一流。豬扒煎得好香脆，口感腍身嫩滑，油香濃再以半熟流心蛋配蔥油撈飯，仲要好大份 啱哂鐘意食肉嘅朋友！ 我仲叫多咗個阿華田雪山 HK$28 有濃厚的阿華田味 配以雪糕邪惡得來超滿足！

個日去左書展，出發前食個飽肚嘅茶記我地叫左常餐，佢個湯底好重黑椒味但唔辣嘅， 令我好想再添食😂 佢嘅熱檸茶 檸檬都唔小， 唔會偷工減料☺️成個lunch 食得飽， 員工服務又好， 雖然人流 絡驛不絕，但唔會因為你食得慢而趕住收野！ 呢點好重要， 唔係個個人都食到咁快嫁ma 🥹

之前都食個兩次， 都想再食吓之前覺得係有heart同好食記得食過常餐係唔錯嘅 食物大份再加上味道唔錯， 今次黎到，見到個個都叫豬扒飯 就試吓啦， 點知中哂伏， 豬扒飯個豬扒肥到1個點 個個都食唔哂 ，基本全部擺抵， 成塊肉都係鬆肉粉， 無咩味同埋好腍， 事實上一d都唔好食，從來都唔寫食評嘅我 都認真寫一次 希望間餐廳睇到會好好改善。 做返以前用心咁去做嘢食嘅態度。。 。。。。。。。。。。。。。。。。。。。。。。。。。。。。。。

餐廳環境勁靚，裝潢簡約雅致，燈光柔和，座位又舒適，成間café咁。Menu有較多選擇，唔單止有茶餐，仲有小菜、西式牛扒、雞和羊等；板燒美國頂級封門柳 | $188附送餐湯和飲品封門柳七成熟剛剛好，切開裏面帶著嫩紅色，咬落肉質鮮嫩、軟腍，牛味香濃；醬汁係燒汁，味道帶甜，可帶出封門柳層次感；另配有菜心和原個香蒜，擺盤整齊精緻海鹽板燒帶骨猪扒拼意式煙燻腸 | $98附送餐湯和飲品猪扒大塊厚身之餘係半肥瘦，肉質鲜嫩鬆軟，一口咬落去就係滿滿嘅肉汁，加埋意式煙燻腸和菜心，真係食得好飽好滿足，性價比超高雞翼薯條 | $68 雞翼有六隻咁多，炸到外面脆入面好juicy，勁惹味；薯條亦炸到好脆，份量又多，抵食

呢間港式茶餐廳平民價，服務員態度熱情，快手～環境整潔舒適，Tiffany blue 既顏色又有一種比較新穎嘅感覺。————————————————————————🔸蔥油豬扒煎蛋飯 $65豬扒肉厚有微微炸過，飽滿多汁，食落非常香口~豬扒既脂肪都唔少，肉質一點都唔會乾。太陽蛋煎到焦邊，加上蔥花醬油拌飯，每啖入口都極之美味 ~🔸 香煎鴨肝黑松露忌廉汁意粉 $108煎過嘅鴨肝份量都唔細，煎得十分香口～意粉轉得啱啱好，個忌廉汁，加上黑醋嘅微微酸甜味幾好食，唔會有好脷嘅感覺～🔸 凍奶茶 & 凍檸茶

每次繁忙時間經過銅鑼灣 都見到排晒長龍👥👥👥👥👥今日唔知係咪太熱呢 得幾個人排隊 就一齊排 試吓係咪咁好食 🔎安排入座 坐喺最近門口張枱 然後個自動門不停又開又閂⚠️有得揀千祈唔好坐呢度 不停出汗💦凍飲黎到無耐啲冰已經溶晒 要叫🤵‍♀️整多杯冰先搞得掂叫完嘢食好快就到👍2碟都大大碟 飽到頂心口🔹️蔥油豬扒太陽蛋飯蔥油撈飯 唔使講都知道正啦豬扒夠晒大件頭 🤪但肥膏就多咗啲食到底全部都係油🛢肥死🐖🔹️黑蒜油叉燒炒蛋飯聞得到嘅黑蒜味🧄炒蛋滑嘟嘟 但好似無乜蛋味叉燒就唔會太肥 🤗唯一❌2碟嘅白飯都硬咗啲 同埋唔夠熱如果唔使排隊都可以再試吓其他嘢食嘅 🤓

♡ —————— 𝗗𝗲𝘁𝗮𝗶𝗹𝘀 —————— ♥️【餐廳】四寶食堂【地區】#Dr_eat_銅鑼灣【價位】中價位【用餐時段】晚市 星期五【餐廳主打】#Dr_eat_港式 #Dr_eat_多國式────────────────────【環境/服務/衛生/讚一讚】餐廳氛圍充滿濃濃既港式風情，裝潢簡約雅致，燈光柔和，而店員效率快，可以快速提供良好服務.【食堂招牌熱狗 $28】好食之餘更多的是帶住一份小時候回憶既味道。熱狗包微脆，加上中間兩條熱狗腸同沙律醬，簡單但好美味既小吃之選.【菠蘿油 $28】同樣都係招牌之一既菠蘿油，長期係人氣之選。鬆軟既波蘿包配上一塊牛油，入口係菠蘿包既脆甜同牛油既鹹香.【板燒美國頂級封門牛柳 $188】。鮮嫩既封門牛柳經板燒後，保留左牛肉既原汁原味，肉質鮮嫩多汁，吾會嚡口，沾上燒汁食，突出牛肉既層次感~.【北海道咖哩豚肉飯配唐揚雞中翼 $88】每日廚房推介MENU都有數款抵食套餐，價錢約80蚊。北海道咖哩味濃厚帶微辣同豚肉既鮮嫩完美結合，再加上唐揚雞中翼既酥脆口感，推薦比中意食炸野香口野既你.【凍奶茶/凍檸茶 +$3】.【整體用餐感/價錢】比起一般茶記價錢係略高但勝在

1. 煙三文魚凱撒沙律配特色薄脆（$88）80/100沙律菜好新鮮，煙三文魚有4大片，作為starter好開胃。2. 炸魚薯條配tartar sauce 及黑松露醬（$78）80/100炸魚好夠脆，魚質保持嫩滑，份量好多，好抵食。3. 板燒頂級美國牛析（$188）88/100估唔到呢塊牛扒質素高過好多西餐廳，牛味香濃，肉質軟嫩，做到要求嘅5成熟，非常推介！4. 奶油多當甜品作為完美嘅句號，係我最愛嘅厚切，好正！總結嚟講，呢間茶餐廳比一般茶餐廳嘅質素高，食物多選擇之餘質素又好，環境舒服企理。見到下午茶餐有好多選擇，下次一於試下個西多士！

四寶食堂，門面係湖水綠色嘅茶餐廳，感覺幾摩登，看看餐牌，唔係一般茶餐廳嘅食物，走西式路線，座位都幾寬敞。見到好多枱都有食招牌推介嘅喜哥蔥油豬扒太陽蛋飯，望落去豬扒好大塊，三心兩意下，點了另一招牌推介🥢 XO醬滑蛋蝦球飯及百里香蒜香欖油烤春雞。🥢XO醬滑蛋蝦球飯$78📝雞蛋好滑，蝦球夠爽口，配飯一流😋🥢百里香蒜香欖油烤春雞$108📝好大隻春雞，淡淡的百里香味，春雞皮脆肉嫩餐飲可加$15 轉特飲朱古力咖啡西柚氣泡茶

店內光猛又整潔，用了湖水綠作裝修的主調，以港式茶餐廳來說環境的確不錯，坐得舒服，而且食物定價合理，店員友善，所以經常大排長龍。午市經典常餐 $55🔹️招牌沙嗲牛肉公仔麵湯底加左沙嗲醬汁，沙嗲醬汁份量足，味道濃厚，仲食到一粒粒碎花生粒，花生味香濃；牛肉份量足夠，肉質唔會過份軟腍有嚼勁；公仔麵煮得爽彈。🔹️煎蛋蛋白中間包裹著一顆流心蛋黃，將整個流心蛋黃放入口，好滋味。🔹️提子酥牛角酥片包裹住葡萄乾，啖啖香甜鬆軟香脆，酥底也不會油淋淋。🔹️熱檸水跟餐飲品，熱檸水有足足4片檸檬，足料！

第一次去呢間四保食堂其實呢間睇門面睇都係一般普通茶餐廳當然入到去都係普通茶餐廳嘅裝修格局啦我哋去都係叫咗兩個餐食嘅首先佢有個餐湯仲有一份黑松露薯條薯條唔算揸得趣味道可以嘅其中一個叫咗個叉燒蛋飯叉燒蛋飯就啲蛋唔算話好滑叉燒去到半肥瘦算可以接受另一個餐係叫咗個封門柳呢個風門樓比想象之中好大驚喜封門柳有口感又用咩整得幾好食雖然佢冇分住幾多成熟但我覺得佢整得都算恰到好處呢個係呢一餐最大定係因為覺得幾好味最後兩杯餐飲每人埋單$100