四季‧悅 日本餐廳 (遠東金融中心)

營業中

休息中

之前星期六同朋友行完山，之後去左金鍾食日本菜。 一進餐廳，感覺環境十分清幽，好像置身在日本。坐位亦十分寬敞，最適合三五知己暢談。 我叫左一個角切魚生丼，魚肉十分新鮮，果然是位於金鍾區的高級日本餐廳。再配上前菜及麵豉湯，令此午餐更為圓滿。 是次恬靜日本美食之旅，最適合三五知己在美食下歡聚。

環境太過嘈，食物多元化但質素都幾高性價比一般有些留單丶可以刺身OK丶甜品很少選擇及冇生果選擇飲品好少選擇丶我本人去好幾次光顧自助晚餐首次可以有eip攞但今次就要安排大房給我令到好嘈吵食得唔安喇

因公事或上課好多時都經過這裏，但從沒有機會光顧一來看門面似乎貴嘢，二來通常都吃飽才行到這裏今日適逢下午放假，又未吃午餐，辧完公事來到差不多2點半，就試試這裏的下午茶選擇都算特別，有海鮮叻沙又有香茅豬扒，咁嚟日本餐廳就一定要試壽司烏冬啦！咁＄89一個下午茶（不需加一服務費）係唔平，不過有6件壽司、兩件反卷加埋烏冬同咖啡，我就覺得都扺食嘅（午餐要＄125）食物不過不失啦重點 -沒有人來人往，沒有時間限制，可以靜靜地坐在一角享受這悠閒的下午

勝價比極低，折扣後平均每位$400多，以放題來說，應該不算屬於那些平價放題質素。不期然就有一種期待期望。可是這間食物種類選擇少，而且我想不到一種食物會令我想再加單。以為是一間高級放題餐廳，刺身壽司質素應該唔會差得太離譜。但是刺身一上枱見到它暗淡無光，刺身毫無生氣，壽司的飯是懂得應該做了一段時間。食刺身一啖，是凍冰冰的，應該是解凍時間不足。好的，冷盤唔得一於轉熱食，熱食唔熱就已經好大問題，不講天婦羅一類高難度食物，就以茶碗蒸，蒸出來也是偏硬身，入面配料極少及不夠熱。其他食物都只屬一般以下。佢比轉優勝之處是服務員態度，表現新切有禮。而且夠4位，就會送一個魚刺身。還有清酒、梅酒任飲。你問我會否再來，我相信有很多更好的選擇。

絕少在 Openrice 寫食評，今次是不吐不快。星期日一家三口12點壁球中心打波，上 Openrice 訂枱食13:30 午飯，大部份餐廳客滿，只有四季還有枱。沒有期待，因為在附近居住和上班，以前已光顧過好多次。Lunch set 和 放題都食過。入座，忘了給我們 Menu，要追幾次才有人理我們。再追幾次，才有人幫我們落單。鄰座剛好兩枱老人家，一枱一對 Uncle Auntie，另一枱兩位 Auntie。餐廳的另一邊，有一大枱是前司長老人家。見到 Waiter招呼他們又頗勤快。可能我們打完波個樣唔夠四正？我們點了兩客 Sashimi Lunch Set，一客 Curry Pork Chop Lunch Set。我們落單後不久，鄰座 Auntie 才入座，她們也 order 了 Sashimi Lunch Set。大概十數分鐘後，Auntie 的 Sashimi 到，其實是我們下單再早一點，但心想讓她們先，不去計較。再過十數分鐘，Uncle Auntie 們都吃飽了，我們一份都未有，追。又追幾次才有人理我們。第一個 Waiter 過來，隨口答了一句，「你們落左單？」，點呢，有誰會沒有落

和你去四季食個早餐？ 以為去四季洒店，非也，比餐廳坐得更舒適，景觀更廣闊，一試難忘， 值得推介的早餐好地方！今次帶個朋友來，我們一起選個港式招牌早餐，沙嗲牛肉公仔麵，炒蛋配厚多士，這是最吸引的早餐之選，配埋凍奶茶，作為全日開始序幕，做到香港人習慣嘅要求，食物夠熱， 奶茶大杯到飲唔晒！今次去，可惜坐不到窗口位，所以冇法影到立法會外車水馬龍的繁忙馬路景觀相，在這裏嘆下午茶也很寫意的，靜靜地享受寧靜下午茶，非常寫意！

Lunch食來食去都係嗰幾間，有時真係唔知食咩好，行過見到呢間日本餐有外賣自取有88折，見又未食過就試吓。入到去收銀位叫外賣，見到都多人堂食，可能依家做緊優惠買三送一。原來中午堂食係order食物後再搵位坐，有店員拿食物到你坐的位置。鐵板炙燒牛柳粒飯，肉嘅份量都多，肉質軟淋，醬汁味道適中唔會好鹹，整體不過不失。

晚市放題，OpenRice 訂位三送一，$498/位，三位埋單約$1150（送果個只俾加一$50）有服務，日本料理嘅裝修，坐得舒服唔迫。經理會嚟問下你啲嘢食如何，有冇漏單之類。連加一冇優惠要$550 一位，但6:30 開始，8:30 就last order，可坐到9:00 左右，雖然訂位嘅時候已經講明，但係唔明白點解要咁做，明明都做唔到第二輪生意，唯一解釋就係唔想客人食太多野。冇咩回本嘅食物，冇海膽，冇赤海蝦（已經取消咗，即係將貨就價，兩個人食就好唔抵。）2百幾蚊嘅大x屋都有呢二樣嘢。甜品得好難食嘅雪條，雪米糍清酒梅酒任飲，都幾難飲吓，清酒得酒精味，梅酒得糖水味。熱食有幾樣幾好，例如金菇牛肉卷，白酒煮蜆，天婦羅，放題之中算係幾好。唯一可以回本嘅鵝肝，名副其實係鵝乾，好dry。銀雪魚好鹹，鰻魚有啲腥。因為食得太趕時間，所以相片唔多。刺身不過不失。總括來講，坐得舒舒服服，買二送一都可以，正價一定不會去。～報告完畢～

非常高質日式放題🍣 超級好味，刺身、鵝肝、燒銀雪魚所有野全部都係任食，重點係連放題質素都可以咁高水準，食到好開心😆 仲有獨立房間，服務又好👍🏻🍭 四季．悅日本餐廳📍遠東金融中心💰人均 $500(晚餐)

適逢星期一可$1賺一里數，便約人一齊去食下日本放題。以前都有嚟過食晚上放題， 買點之一係任飲清酒、 梅酒， 可惜我唔太飲酒😅。嚟到就先嚟個刺身先， 水準可以。跟著一系列串燒（感覺有啲唔係燒、 而係油炸）蒸蛋（😑冇食過咁冇味嘅....元X都俾佢好）天婦羅....個人認為油很重要，師傅手藝好、 鍋油一陣油「益」味係會減分㗎.....相對比以前、 質素明顯下滑， 真心失望😞.....去到埋單、 兩個人一千多啲， 始被告知， 放題唔可以賺里數😱⋯⋯之前啲餐廳、酒店都係食過某一個數， 唔可以同其他優惠一齊使用...真心冇想過冇特價放題都唔得......

今日有新同事返工，上司好自然就請個Welcome Lunch。 同事就訂左四季 悅日本餐廳。打開餐牌，果然夠尊尚。個個餐都2百以上。 好在有老細埋單，唔係都幾肉赤。 一行4人分別叫左吉列A4薩摩西冷和牛配御飯，照燒A4薩摩西冷和牛配御飯，精選手握壽司，極上魚生丼。吉列A4薩摩西冷和牛配御飯，吉列牛d顏色深左，以為出事啦。 點知咬落去，脆到不得了，和牛又多肉汁又軟又林， $388 真係值，好味。 另一款和牛同吉列一樣，顏色亦深，但更加林同軟。 食材無得頂。手握壽司，海鮮真新鮮，魚生更鮮甜，似足日本壽司，飯細細，魚生夠大夠厚。最後就係魚生丼，亦都係同上，好味同好好味。 今餐真係無得輸

難得一見的3小時高汁放題，最近疫情有不同的優惠，算是比較抵食。.環境本來就很闊落，手機點單又方便，連海膽軍艦都可以任吃，淨吃海膽都心滿意足。.放題連sake都有，冷食熱食都有好多款式。.除了海膽，不得不提還有雜錦天婦羅。友人在吃得飽飽時，還堅持要叫2客雜錦天婦羅，結果還是吃光了！.食物都算不錯，不過店員服務就真係麻麻地，之前book過一次，但因為無堂食關係要退款退訂金，但店員堅持退款要親身過去餐廳拎(比錢個陣係無親身去比)😂 態度仲要都無乜禮貌，成件事扣晒分

疫情之下晚市又開返！ 今日唔知明日事， 快快手手食餐好嘅先！金鐘的四季日菜已經好多年， 門口經過好多次， 但係從來未入過去， 今晚膽粗粗試下啦。疫情之下真係有影響， 七點鐘入場， 我哋係第四張枱， 好靜， 其實週邊嘅食店都好靜。 服務很好， 很貼心， 可能因為客人數量小吧。 我們點了一客牛肉燒鍋套餐， 一客銀雪魚西京燒套餐， 再加多個帶子刺身。帶子刺身先到， 隨後兩個套餐的前菜都同時到達。 帶子很鮮味， 一客兩隻共四件， 雖然不是特大size， 尚算抵食！ 前菜的磯燒鮑魚， 海膽豆腐， 牛蒡， 支豆及沙律賣相及味道OK!牛肉燒鍋夠味道， 牛肉嫩滑沒有渣及肥膏。 銀雪魚西京燒十分正， 脆口又juicy， 銀鱈魚的油分充足， 夠曬熱辣辣。其實最驚喜嘅就係個甜品， 雖然只係細細嚿嘅年糕仔， 但係做得夠熱， 芝士流心又夠味道， 真係回味無窮。 一件或半件都可以， 但係一次過食得多就唔矜貴。 下次一定要再食流心年糕甜品！

訂位和walk in menu是不同的，而且訂位seats 有限...如果無預約就只可自助形式叫單...職員見有卡位便把我們位置調上十分滿意！食物味道OK...都幾抵食， 在附近工作十分方便！😊😊

好少去港島食飯～同朋友去開金鐘就順便食埋個lunch~🍛咖哩吉列豬扒飯 $112炸豬扒炸得好脆好香口🥰配上濃濃既咖哩汁好夾～唔會太過辣☺️仲要大大份係金鐘既抵食之選🍚鰻魚丼 $138大大條既鰻魚 仲要係暖笠笠架～煮到好淋身好入味～絕對推介😌