四季‧悅 日本餐廳 (遠東金融中心)

營業中

休息中

同小朋友去動植物公園玩，所以佢附近嘅四季悅試下放題。一向以為放題會畀啲cheap魚生，喜出望外，佢畀嘅魚生全部都高質素！唔止魚生正， 其他串燒， 天婦羅， 小食都好滿意！ 特別推介鵝肝， 肥美但食落唔油膩， 清酒煮蜆勁有鮮味💕❤️仲有芝士焗蠔👍🏾👍🏾👍🏾 全部食物一啲都冇揸流灘， 細緻到餐前小食都唔係普通嘢，仲有清酒白酒任飲😘😘😘小朋友就有咖哩飯， 烏冬， 炸雞。大人細路都食得好開心👍🏾👍🏾👍🏾

服務欠奉, 可能因疫情影響 午餐只有餐, 無散叫（店員態度冷淡也沒再問）, 落單像去了大家樂, 只收現金同八達通（不是嘛？）1分都俾多了食物還可以但略貴, 餐只限前菜小點環境還可以低食度低, 可能自助餐會好一點呱, 2年幾前食過衛生一般 同茶餐廳差不多可能租約期將近, 又少一間

一講起去金鐘食日本菜，一定首選「四季．悅」，呢間餐廳由我做junior老闆帶我去，到而家我帶埋D細路去，今晚一試晚市放題，真係無乜邊幾間咁多年都可以keep到環境、食物質素同服務達到水準以上，忍唔住想介紹下呢期做優惠好抵食！估唔到平日夜晚放題都幾多人，好鍾意餐廳嘅環境，木系高級潢裝，有window seat，座位相當闊落。日式放題第一round點都喪叫刺身、壽司啦，比起其他放題，四季．悅嘅款式又多又新鮮（有十幾廿款），最欣賞司傅以心代客，三文魚用上三文魚腩位，特別甘香肥美，帶子鮮甜無比，左口魚壽司細軟嫩滑，仲有好多貝類海產，真係食刺身都回本！點左兩round刺身壽司，跟住試吓廚房功力，點左幾款炸物、串燒、煮物，同樣相當有驚喜，有幾樣野係必點嘅：燒牛舌燒得好香口，肉味濃郁燒菠蘿嘅菠蘿汁鎖哂入面，特別香甜，小朋友至愛鵝肝多士，呢個係必食，超超超級好食，入口溶化，油香味濃，我哋大贊不絕！仲有芝士燒蠔，用上大隻新鮮生蠔再鋪滿芝士沙律醬，生蠔夠大隻，所以燒完都好有睇頭，好味濃郁回甘味重燒大蝦原隻燒，大蝦仲長過手板，食得出用料講究清酒煮大蜆，配上清酒鮮味十足甜品不過不失，一人一支雪條糯米糍，驚喜位

以前经常去这里吃，味道不错也有宽敞环境，所以生意也还不错。但可能因为有一定人流，服务员有恃无恐，所以态度很差，时常是一副爱理不理的样子，到店找坐位点餐经常不予理会，只会在一边相互聊天。不过旁边已经开了香港地，从人流可以看出显著差距，希望管理层可以重视业务下降和行业竞争，提升服务质素，避免结业。如果不是一定要在远东金融中心吃日餐，顾客可以考虑其他选择。也希望四季悦最终服务能有所提升，为吃一餐饭要受一肚子气的时代已经过去了，希望以后到四季悦不再需要低着头看服务员脸色吃饭。

今日前往半快餐區那邊食午餐，銅物等了差不多半小時才有。進食期間有個女食客不帶口罩，從其食枱一直行咗成個圈自取茶水，除了途經不少食客及食枱，裝水期間亦分分鐘散播病菌病毒，污染其他茶杯。有客人已大聲一點對著職員說有人唔佩帶口罩，但職員扮作聽不到，可想而知全店衛生水準可以有多高?

位於金鐘嘅「四季 • 悅 日本餐廳」，係一間我book mark咗好耐想食嘅餐廳～午市主打多款日式和食/定食，晚市則提供任飲任食嘅日本放題，百多款刺身、壽司、卷物、燒物、天婦羅、主食、甜品等等無限供應，仲有多款樽裝或罐裝飲品及清酒任飲刺身拼盤先叫咗round刺身，日本直送刺身任君選擇😍點咗三文魚、吞拿魚、帶子、甜蝦、八爪魚、玻璃蝦。帶子同甜蝦都好鮮甜，三文魚腩好肥美，其餘每款都好新鮮，富有光澤，充滿魚鮮味卷物&軍艦軍艦、卷物同壽司嘅選擇都幾多～我就揀咗三文魚卷、炸蝦卷、新香卷、牛油果粟米軍艦。日本壽司飯軟熟有米香，每款都細細件，唔會浪費quota黃金烤焗蠔大大隻嘅生蠔🦪加咗蟹柳絲、芝士、蛋黃醬一齊烤焗至金黃色的，鮮甜味美，充滿蠔鮮味，略帶芝香，好高質煎鵝肝、銀鱈魚西京燒、岩鹽燒鳥羽食放題竟然有煎鵝肝，鵝肝外脆內軟，滿口油香，不得了哦🤩銀鱈魚西京燒入口嫩滑，魚肉好鮮甜，沾上蛋黃醬後食用味道更佳👍🏻鹽燒雞翼啖啖肉，幾好食雜錦天婦羅自選天婦羅分別揀咗：日本南瓜、蟹棒、蝦、日本番薯🍠外層炸粉厚薄適中，香脆可口～天婦羅蝦爽口彈牙；番薯同南瓜都好香甜串燒燒秋葵、燒菠蘿、雞肉丸、炸大腸，即叫即燒，熱

勁耐勁耐無食過日本放題！老公叫我去佢公司附近食放題，話做緊特價，放工即仆過去會合😆😆😆刺身、壽司、燒物、炸物、鍋物、烏冬飯類、甜品、飲品等等，任飲任食！🍵🍡🍱🍶🍙🦪🍣個刺身款式都好多，赤貝、帶子、榮螺、油甘魚、𩶘魚、吞拿魚、三文魚等等，全部都新鮮厚切！我叫左幾round，都絕對唔會愈來愈薄片，質素愈來愈差！非常非常好食同彈牙，出面食好多刺身都會有根同咬唔開，但呢度全部都無！👍🏻👍🏻👍🏻👍🏻👍🏻🍣壽司方面，我覺得比較值得點嘅係帆立貝壽司，出面食一件都$2x，其餘個d好一般，始終壽司都係太飽肚，少叫為妙😂😂燒物方面，值得推介，一定係鵝肝多士！鵝肝油滴晒出黎，配上脆卜卜多士🤤🤤🤤encore左好多件，真係回晒本😂😂另外，燒蝦🍤都相當唔錯，大隻同唔霉！好食！燒鱈魚非常有驚喜，個京燒汁好香，個魚好滑，皮又脆，食左兩件😆其他食物質素都好唔錯，不過已經好飽，食唔到咁多。因為唔多人，上菜速度非常快又無漏單，差唔多一點轉頭就上，抵讚！👍🏻👍🏻👍🏻環境好清幽舒服，唔嘈，早去坐卡位，仲有維港景色😊😊

今天晚上7時左右，我們一家人到餐廳晚善，我們已登記安心出行，在門口等候帶位時想去餐廳洗水間，餐廳店長竟然不批准使用及叫我們去金鐘廊洗水間，誰知那金鐘廊洗水間與餐廳距離超過50m，那店長怎能叫客人去那多麼遠的洗手間。來餐廳晚善使用餐廳洗手間是合情合理，不明白餐廳店長不準許客人使用洗手間的原因，店長那傲慢的態度亦不敢恭維。

見到呢間做優惠三人去，一人免費見咁抵就即刻去🤭先講食物雖然食物款式唔係好多但係大部份都比較高質刺身壽司都好新鮮之前去有海膽壽司今次去冇咗有少少失望😂另外有鵝肝多士入口即溶超正🤤天婦羅同炸物都不過不失豬軟骨炆得好淋，超正其他小菜都做得幾好串燒方面值得一讚嘅係蝦串燒隻隻都係大隻，啲肉都唔會霉👍🏽環境：座位比較寬闊坐得舒服服務：店員都好勤力執枱好有禮貌👍🏽呢間放題都算係食過最舒服服務最好啲嘢食最新鮮嘅一間

今日同朋友經過金鐘見到尼間日式餐廳啲set lunch都唔錯，加上環境不錯，於是就決定試下😏我就點咗個鍋燒烏冬，裡面有天婦羅蝦、獅子狗、日本叉燒、蟹棒等，都幾豐富同大鍋，食到好飽、好滿足😆朋友就叫咗個豬軟骨丼。望落個飯都幾好，但可惜食落時啲飯凍的😖,而麵豉湯又咸，尼樣就要扣減分。題外話，今日食午餐時人流並不多，但我地等咗差不多二十分鐘，再詢問職員才上食物。另外一上豬軟骨丼時看見墊住托盤嘅紙已被倒瀉嘅湯整濕咗，十分不美觀，向職員反映後，都表示會注意，並向我們致歉。畢竟這店並不是茶餐廳，算有質素，希望它會改善。

早前收到朋友送嘅禮券，剛好係附近就去試下，雖然食物選擇唔算多（魚生、燒物等各有1x樣選擇），但每一樣食物味道唔似出面啲放題將貨就價，魚生除咗擺得靚靚，味道跟出面專做日式料理一樣“好鮮甜”燒物都好有驚喜，尤其係燒大蝦我叫咗起碼1x隻（牛舌、雞翼、甜薯都好正），平時要加澱粉質打底今次連汽水都冇叫，下次準備好個胃就唔擔心蝕俾佢，食夠本🤤另外呢度除咗食物ok外，環境俾我好有驚喜。落地大玻璃隱約見到尖沙咀維港燈飾，客人之間唔似出面啲食肆街市咁嘈（可能係金鐘所以感覺高級啲）如果想食餐舒舒服服飯呢度應該俾到你

早前收到朋友送嘅禮券，剛好係附近就去試下，雖然食物選擇唔算多（魚生、燒物等各有1x樣選擇），但每一樣食物味道唔似出面啲放題將貨就價，魚生除咗擺得靚靚，味道跟出面專做日式料理一樣“好鮮甜”燒物都好有驚喜，尤其係燒大蝦我叫咗起碼1x隻（牛舌、雞翼、甜薯都好正），平時要加澱粉質打底今次連汽水都冇叫，下次準備好個胃就唔擔心蝕俾佢，食夠本🤤另外呢度除咗食物ok外，環境俾我好有驚喜。立眼睇大慨有7枱客，但啲人好靜唔似出面啲食肆街市咁嘈（可能係金鐘所以感覺高級啲）如果想食餐舒舒服服飯呢度應該俾到你

由我初初入職到而家, 四季經歷過裝修, 餐牌都好多變遷, 但依然屹立不倒, 可見其實力.同以前一樣, 餐廳分左2部份, 一邊係自己搵位堂食, 另一邊就係訂位入座, 食既野當然係好有分別.今次食簡易定食個邊, 12點半起行等位, 都要等20分鐘先有位坐, 再加上排隊買餐, 都要預返一段時間.好耐以前有味叫做芝麻汁吞拿魚蓉飯, 由當時$45, 不斷變遷, 加價至$100, 最終係餐牌上消失, 真係非常可惜.不過為解刺身之癮, 叫個角切魚生丼, 刺身量都算多, 有三文魚、吞拿魚同劍魚, 不得不提既係佢既甜蛋, 個心居然係比較軟滑, 唔會全粒又老又鞋咁, 但青瓜既量都好似多左D, 可能想保持清新既味道. 飯既量唔算多, 但配埋沙律同麵豉湯, 就剛好夠飽.咖喱豬扒飯, 每一樣野都係主角, 唔會有一樣野獨大, 咖喱微辣之餘, 帶點日式咖喱常有既甜, 仲有好淋既紅蘿蔔. 豬扒雖然稍為乾身, 但係外層炸得好脆口. 白飯既量相對較少, 所以最後反而咖喱汁係有淨.

假日帶姨甥仔去香港公園玩，玩完之後當然要搵一個舒適嘅地方食餐好。依間餐廳前身叫四季日本料理，以前好多日本人光顧，係一間好高級嘅日本料理。不過近來轉型變成快餐，好耐未嚟過，所以去試吓。門口見到餐牌有日本烏冬，都好似幾適合小朋友，於是我哋一行五人就入咗去試吓。我選擇精選壽司配湯烏冬$125，魚生新鮮，飯和烏冬都好滿意，湯底好清，充滿京都風。屋企人選擇左精選便當配御飯$128，呢個套餐裏面有好多唔同種類，天婦羅、豚肉、烤魚都好出色。姨甥仔鍾意食蒸蛋，所以特別叫咗一個茶碗蒸俾佢，大約$25（我記得$30有找），小朋友食到舔舔脷。不過餐廳服務有待改善，侍應有時語氣唔係咁好，而且餐廳環境有點嘈。

幾年前食過，念念不忘。有海膽、大部份魚生的質素是高質的。幾年一別，店內用餐環境依舊不錯，服務水準也保持得到。可惜，食物水準大幅下降，不單止再沒有海膽供應，魚生也普遍帶有雪味，最出色的是油甘魚，在沒有太多選擇下，只能不停encore。熱食相對是可以的，天婦羅做得不錯，尤其是炸番薯、炸蝦，上的時候熱乎乎的，算是有點安慰。燒物部份，燒牛舌、燒銀雪魚等都可以的。但是我是為吃魚生放題而來，不是幫襯居酒屋。魚生質素一般、選擇不多，以這個收費，就算參考三人同行，一人免費的推廣，性價別也實在太差。可惜了得來之不易、多年建立的良好口碑。