四季‧悅 日本餐廳 (遠東金融中心)

營業中

休息中

初初揀呢間係因為有齊我鐘意食嘅鵝肝、銀雪魚、海膽、帶子同埋梅酒。點知去到原來無咗海膽，真係有啲失望。不過其他都ok, 帶子好鮮甜不過係壽司所以食埋舊飯就好快飽。銀雪魚好味encore咗3次。鵝肝好明顯係炸嘅唔係煎，又係有啲失望。攪到食咗幾舊就已經好漏。梅酒飲咗一瓶就唔想飲，因為太甜。其他嘢食中規中矩，無乜驚喜又唔會難食。買一送一嚟講就值囉，但如果得7折8折之類就唔抵幫襯。我本身唔食紅豆，但雪糕類3款入面有2款都有紅豆，我唯有主力食雪米茲另外有個牛奶紅豆雪條都好味，不過我剩係食咗牛奶嗰part.

抗疫期間放寬晚市堂食的買一送一日式放題，急不及待去品嚐，每枱之間全間了板，兩人一枱坐非常舒服，剌身依舊很鮮味，尤其鮮蝦刺身ichiban,燒鵝肝也很正，但唯一冇了海膽壽司，燒銀雪魚西京燒及雞翼及荔枝煙串燒推介必吃！眼看都差不多滿座！香蕉天婦羅也好味，個人喜歡南瓜天婦羅多過番薯天婦羅，壽司細細件易吃又不會太飽，軟殻蟹手卷吃了一個又一個！飲品方面個人覺得梅酒太甜所以加了雪碧中和下！最尾吃埋個生果盤加雪米糍

原先一心諗住為品嘗海膽軍艦去試嘅日式放題, 訂位後通知沒有海膽軍艦供應都算, 都諗住去試一下其他食物例如鵝肝多士, 燒銀鱈魚, 刺生, 壽司....睇下餐牌食物種類比一般日式放題已經少選擇.點了刺生只有雪味, 帆立貝壽司又薄又無味, 象拔蚌壽司有腥味, 鵝肝多士點了沒有來過, 牛肉鍋好咸, 飲品方面沒有椰子水供應, 甜品方面雪條可以成條溶的, 雪米糍個皮勁硬, 其他食物都非常一般. 另外Openrice上寫接受AE付款, 店員一句AE唔收, 態度差沒有禮貌.極之沒有誠意嘅日式放題.

知道有買一送一優惠，預約6:30但早了半小時到達，可惜要等到6:20才能入座。 電子落單，用手機掃描QR code便到達落單版面，一次最多選擇30件，落完可即刻再落。放題提供免費清酒，梅酒及汽水。第一轉刺身：甜蝦，玻璃蝦，油甘魚，希靈魚，吞拿魚，魚生新鮮，夠光澤，味道鮮甜。第二轉刺身：馬刀貝，赤貝，北寄貝，立魚，魷魚，墨魚，八爪魚。刺身與第一盤一樣咁有質素。海膽軍艦壽司滿滿的海膽鋪上壽司飯上蔥吞拿魚茸軍艦，超多吞拿魚茸，滿滿的。清酒煮蜆芝麻雞翼及炸蠔：剛剛炸好，熱辣辣。天婦羅件件新鮮熱辣，超好味。蒜蓉燒帆立貝：每隻入邊有兩粒帆立貝，一食再食。燒鵝肝，鵝肝雖然細件，一淡一口剛剛好，高成本甜品，樂天糯米糍，樂天抹茶紅豆牛奶雪條（高成本甜品）

舊同事約我食午餐，喺金鐘，佢話想食呢間四季悦，呢間四季悦分開兩邊：一邊係坐得舒服，有服務員，會收加一服務費；另一邊係自助形式，買完會有一個編號，然後有店員送上午餐，但午市套餐價錢就實惠啲，我哋兩個梗係揀後者啦。芥末角切魚生丼定食$98呢個定食已經包埋麵豉湯同埋餐前小食。商業區食午餐，呢個價錢不過不失。先講個麵豉湯，冇乜特別，不過不失。但係個魚生飯，賣相幾靚，雜錦角切魚生份量唔少，配上軟滑嘅珍珠米，不失為一個填飽肚的午餐。

呢度原來星期一至五有早餐，仲要唔加一，今日特登去一趟，九點到其實已經坐滿晒客，探完熱有位自己坐，枱面有菜單，日本餐廳吃早餐都係第一次食。今日先試西式早餐，找天試港式，兩人埋單$100非常抵食一定會再嚟。煎雙蛋火腿茄汁焗豆配多士$45。蕃茄湯通粉餐$55. 坐窗邊仲有靚景睇。

回想對上一次黎食 都2年前既事主要因為佢地既海膽 因我地一家四口都很喜歡一來到當然先叫來吃海膽仍然好吃 唔腥 但包住的紫菜就十分失色 唔脆 感覺唔新鮮 好似放左好耐咁 但想不到 (但都encore 左3次 看看會唔會只係第一次先係咁 結果每次都失望)其他方面 沒太特別 刺身 只覺油甘魚好吃 其餘只是一般想吃 糖心蛋 竟然冇牛舌都幾好味 又夠腍飲品方面 梅酒好好飲 其餘我喜歡他家的咖啡 椰水都唔錯甜品都一向沒期望 因沒些選擇不過父亲節有買一送一優惠 都可以接受不過我估我應該好耐都唔會再去食啦

六月做緊父親節優惠買一送一，$498買一送一好抵食，有燒鵝肝入口即溶，海膽壽司鮮甜無比好新鮮，甜蝦比起其他放題店大只而且好甜，仲有我最鍾意嘅燒銀雪魚同鰻魚都大大件好肥美，基本上都好正用了新鮮上成，只係款式比較少，但好在就係take幾多嚟幾多而且上菜很快，沒有漏單

朋友咁啱見到openrice coupon有買一送一優惠，於是去左試下。人大左其實好少再食放題，始終認為放題普遍質素一般，但今次見到有無限點海膽壽司，覺得都幾吸引，結果試完後，我認為係我食過咁多次放題中最好食最有驚喜既一次！海膽份量一啲都唔姑塞，而且食得出海膽係新鮮既，我自己一個都食左八件！非常好食！另外佢既蔥吞拿魚腩同左口魚壽司都有質素👍🏻👍🏻刺身選擇唔係話好多，但都夠滿足。重點推介係燒銀雪魚！平時出面食都要差不多一百蚊，呢度係任食！而且十分入味，叫左足足三次！天婦羅都好味，就算你叫一舊，佢都會俾個汁你，相當貼心。甜品就一般般，但有新鮮水果揀。同埋飲品有椰子水，都好大方。買一送一後埋單每人三百左右，非常抵食！

本著期待買一送一優惠兼鍾意食海膽所以去試，點知好失望。茶碗蒸、甜薯- 味道唔錯，同出面日本餐廳差唔多刺身- 除左三文魚同油甘魚，其他都唔好食，係嗰種雪左好耐，雪到冇晒味嘅感覺。口感係有嗰款刺身應有嘅口感，但食落係冇乜味。熟食- 燒蝦 都係冇蝦味 未試過食燒蝦要點豉油食；汁燒魷魚勁難食，口感係帶有麵粉嘅質感，完全冇魷魚味。清酒煮蜆味道唔錯。壽司- 海膽壽司算係全晚最正常嘅嘢食，本身驚會腥/苦，食左咁多舊都冇呢個情況，味道都算唔錯。左口魚壽司都係出奇地冇香味，平時食係會有油香，但佢係有油冇香，得面嗰陣面頭灸熔咗嘅鹽味。飲品- 種類好少，睇睇下先發現全部都係四洲自己出/代理嘅飲品，再諗諗下就知佢地啲軍纜都係用四洲紫菜嚟包。總結係大部分食物味道令人失望。

The admiralty shop has good view and no time limit from 6:30 till 10:00.I doubt if over 100 choices as promoted.Sashimi is okay. Fried oyster is hot. Somehow, you don’t worry time when you are rush. ‘Cos foods are just a bit warm onlyFor any others, what you paid what you get.If you want spend some time in a convenient place, why not here. Justified.

水準一如以往嘅好，重要五月份有買一送一優惠，十分抵食。 有海膽軍艦，叫幾多黎幾多唔會自動減量,食客都多，座位8，9成滿，但唔會逼，食物種類唔叫多，但勝在優質。同埋鍾意佢食野時間長我地7點半食都10點幾關門先叫我地走。聚舊一流!

好耐之前食過呢一間, 覺得以放題來講, 質素唔差~呢排佢而家做緊買一送一優惠, 所以就去食 抗疫期間分枱都做得幾足海膽軍艦+刺身💕燒牛舌平時放題嘅燒牛舌多數都係好硬, 同埋調味都係孜然粉 不過呢一間叫燒牛舌算幾高質, 係牛舌心食落去軟熟, 略帶脂肪, 就連平時唔鍾意食肥膩野嘅我都忍唔住食返幾舊整體質素唔差~ 第一輪點嘅食物質素幾好, 上菜都算快又冇漏單 不過之後嗰幾輪嘅水準就有啲參差🙈 不過始終係放題, 大家唔好要求咁高😆 重點推介:海膽軍艦燒銀雪魚燒牛舌油甘魚, 甜蝦刺身

約了在金鐘上班的朋友吃飯，中午在金鐘，要找個方便聊天的地方吃飯，殊不容易。朋友介紹了四季▪悦。這家餐廳在遠東金融中心閣樓，雖然是自助式，食物須自購及自取，但環境舒適，適合傾談。可能因入口較隱閉，在繁忙的金鐘商廈地區中難得自成一角，地方頗濶落，設計清雅，光猛開揚。天婦羅烏冬/綠茶蕎麥麵定食 ($98)附小食、餃子2件小食是中華沙律， 酸甜微辣有蔴香，是穩妥的醒胃前菜。烏冬或綠茶蕎麥麵，二擇其一，選了後者。麵質爽滑，有綠茶的口感，鰹魚汁底，灑了青葱，清新美味!天婦羅有蝦、青椒、南瓜等，顏色偏黃，有別於一般日式脆漿偏白而輕盈。賣相雖然稍遜，但外皮香口，內裡飽滿有汁。餃子外皮金黃，餡料也不錯。美中不足是蘿白蓉和酸汁等都欠奉，向服務員要求，原來不是漏給了，而是沒有提供，只能無奈地乾吃天婦羅和餃子。其實酸汁、蘿蔔蓉只是簡單而成本不高的材料，但用以配天婦羅和餃子，有濕潤、防上火、解膩的效果，而且令食物更美味，這是日式料理的智慧， 難以理解為何不提供?整體來說，以環境、食物、價錢，原本屬於性價比高之選，足以評為笑臉，但就只差這一小步，暫時只給了OK 臉。如能改善，日後會再給顧的，希望下次可給評以笑臉。

I noticed the nice pictures of the restaurant and food, so I decided to have dinner with my family here. However, Upon arrival, we were seated by the rudest waitress I’ve ever had. She was mean and rude to us for no apparent reason. The food is Not recommended. I will definitely avoid coming again.