四季煲仔飯

營業中

休息中

四季煲仔飯長龍不敗之謎,每一次路過見到門外如拿救劑金般,正襟危立之人龍,就很想去將這個"謎"解開.平日六點一刻去到,巧妙地避過人龍,乍見店內已經有九成滿,尉為奇觀.相比老廟煲仔飯老大哥的興記,一拍埋來,顯得無地自容.同興記一樣人逼人,幾個三九唔識七逼埋在一張檯.坐低看一看菜單,就先要個鴨蛋蠔餅,再來個白鱔煲仔飯.食住蠔餅等煲仔飯,但也要等上一會.此店標榜用鴨蛋來做蠔餅,理應蛋味更濃.可是一入口,蛋味並不濃.蛋內的蠔不夠肥.同少年時代吃的味道,差一截矣.四季同興記一樣,也是用炭爐燒.再等一會,熱力逼人的白鱔飯便奉上.又是同興記一樣,菜到就要先比錢.稍焗多一會才吃,一打開蓋,熱氣沖天.先吃面頭的白鱔,白鱔焗到淋.肉質沒有鱔本身的爽,但幾嫩滑新鮮.下面的飯底,炭香反而不重.其飯粒均勻分明,火喉就較得幾好.沒有一邊熟一邊生的"半生熟",但煲底的飯焦並不多.個人吃煲仔飯,是幾重視煲底的飯焦.由細到大也是如此.煲仔飯沒有飯焦,同沒有高潮沒兩樣.雖然衰收尾,吃罷還是暖上心頭.在十一,二度氣溫之下,煲仔飯的確係你好朋友.步出門口,望著手上的腕錶,時為六點九,門口的人龍,已經排到去隔離舖....

之前聽過四季個名,打算試下啦...一開始要等位,就以為一定好好食啦.我行埋去同佢講我兩位d態度已經好差,不過我心諗要食好野受下氣都無所謂,點知.....一入去本身我同朋友面對面坐,佢地要求我地坐埋一邊,我都覺得無所謂...點知佢轉頭帶3個人坐埋我張枱,佢d枱鬼死咁細張,居然要我地5個人坐一張枱...周圍大把人都係一個人或兩個人一張枱,點解一定要我地5個人一張枱呀??已經開始有d炆,諗住等隔離走左就坐過啦,叫左野食先,叫左兩個煲仔飯同一個蠔餅.另外同我地一張枱嗰3個人仲叫多我一個煲仔飯,我已經心諗,張枱點放呀??到d食物黎到一半,張枱已經full左,剛好隔離走,咁我就同朋友移過隔離枱啦,點知有個夥計一句罵我咁咪霸住佢張枱,到左呢個時候我心諗d野好食我都話忍你呀,d野又唔好食..終於我忍唔到啦,問返佢一句點解我要5個人坐一張枱呀??我仲問佢我地仲有1個煲仔飯未到,人地又有1個未到,張枱點放呀??佢聽完仲想罵我,好彩旁邊有其他夥計見到我張枱真係好過份,過黎阻止佢叫佢唔好嘈,如果唔係我一定會大發脾氣呀~~~

同友人早早放工﹐希望趁未有太多人排隊前去四季平平地食個煲仔飯。我叫左個牛肉雞﹐友人要了個鹹魚肉片﹐再加個細蠔餅。等左一陣﹐見到阿姐拎個蠔餅向住我嘅方向進發﹐稔住有得食﹐點知係俾隔離枱﹐但係我黎先& order先架喎﹐同個哥仔講下﹐好快個蠔餅就黎左。個蠔餅幾好食﹐細嘅都有2塊﹐加埋個飯就岩岩好唔太飽。稍嫌D醬太鹹﹐不過撈飯一流。我覺D飯都ok唔太爖﹐有D飯焦。廿幾蚊黎講而經唔錯。

煲仔飯煮得太醲蠔餅油味太重仲有......呀小強喺正我隻腳隔離反肚，呢度衛生非常差要食好嘅煲仔飯一定唔洗嚟呢度

$18有個排骨煲仔飯+5.5士多黃老吉...今晚晚餐味道OK...雖然平凡,勝在地道

一行6人行經油麻地諗唔到食乜, 而大家見呢間煲仔反要咁長隊, 一致通過, 一齊等下.入到去坐低, 拿拿臨一人叫個煲仔反, 有臘腸排骨,潤腸排骨,北菇鷄, 鳳瓜排骨...我就叫左窩旦牛肉反, 因為好耐無食過呢個最普通但最好味的煲仔反~~!! 我地決定先叫個蠔餅先, $40/大, 我就覺得麻麻地, 因為粉太多, 蠔仔太少了, 仲要收$40...唔係咁抵.等左一陣, 煲仔反來了, 我隻旦係自己打上去, 非常開心...食過之後, 我就覺得中規中矩, 普通了點, 要排咁多人都好d怪, 不過可能係勝在便宜, 因為雙併都只係$21. 仲有, 佢地係無飲品供應的.

同日食四季和興記煲仔飯,立分高下,興記煲仔飯,一點熱氣也冇,面頭的材料很少,底下的白飯仲未乾身.反之四季煲仔飯,夠熱有飯焦,有煲仔飯香.睇真價錢雙拼煲仔飯四季$21 - 興記$23 我之前在興記煲仔飯吃左煲煲仔飯,老婆個煲爛左冇食,我個煲煲仔飯差到死,之後兩個人行去四季再叫一煲煲仔飯,煲仔飯好食兼服務態度差天共地,我地兩個人叫一煲煲仔飯,笑口盈盈,收錢都多謝前多謝後.

在佐敦附近，突然想吃煲仔飯，於是去廟街。去到的時候，隨意走進一間吃，我想應該沒分別吧！叫了一個臘腸掛骨飯、滑雞牛肉飯和油菜。吃後只覺得是有少少燶味的蒸飯，因為沒有煲仔飯的精髓–飯焦，同埋飯不夠乾身，所以結論是：一般，好失望，上次去另一間比較好，加上這間的阿姐見你舉手就掉頸走，叫了好幾次才落單，因此，下次一定不會再來這間。

上兩個星期六想食煲仔飯, 當然食之前就去左openrice做research先啦..見到lee間咁多人話好味, 咁梗係要想啦..帶左男朋友黎, 見咁多人都冇所謂啦,好野梗係多人排隊嘛..咁都係排左一陣, 15分鐘左右就有位..環境當然唔expect好好啦, 兩個人叫左臘腸排骨同臘腸牛肉...等左一陣咁啦..主角終於出場啦..我地真係好期待, 唔知係咪因為咁, 就好失望囉..兩個煲仔超普通, d豉油又冇味, 又冇飯焦..雖然$18一個好平, 但係我覺得真係唔好食囉..=_=""好似比人厄左咁...好對唔住男朋友呀, 仲諗住好好味架嘛...唉...

粗製濫造！！永不光顧！！免費都唔會雁再食！！一點煲仔飯嘅香味都冇．．仲燒焦曨！！真係唔明點會有咁多人排隊？？

天氣凍....尊登揸車過去食好少見有店用炭爐煲...為名堂來一試...甘就衰左人就真係好多la我要了個窩旦牛煲仔飯...等左一個鍾但比我ge feeling 係粗制濫做冇飯焦...看來煲ge時間唔夠.我等左甘耐...比d甘ge野我.是旦一間都好過佢真係浪費我d時間....

要了最簡單的牛肉煲仔飯,通菜先說通菜$7通菜很老又不夠熱菜面上有一些白色的汁不知道是什麼沒有味再說牛肉煲$18都是不夠熱牛肉沒有牛肉味環境方面逼之餘台又細想要可樂更要自行出外面的士多買這裡的賣點只是一個"平"字

蠔餅($20)-好港式!勁多脆漿,蠔仔好細粒,唔覺加左蛋!有d醬會好味d, otherwise係麻麻白鱔煲仔飯($30)-都有6舊左右,如果厚d口感會好d,都有飯焦,但係味道唔夠!雜菜豆腐湯($18)-好普通,d菜都ok新鮮,豆腐得3舊細的p.s.我prefer 大快活o既煲仔飯多d...

** 此食肆的第四個OK**尋日(15-12-2007 Sat)同女友人CK離開沙田後,o黎呢o度食晚飯.大約7:30pm到o黎,嘩!!!!!!!好長龍呀!煲仔飯一車車咁推過o黎,不過我o地大約等o左半個鐘就有位喇,我o地坐o係最入面女廁門口o個張,幸店員過話女廁壞o左,對我o地o黎講係好消息,因為唔駛咁核突咁,不過對客就唔方便啦.我o地o係排隊時早已諗定食咩,於是一坐低就order,叫o左下列食品.大約8:13pm,先o黎細蠔餅CK話唔知係咁樣,而係薄’礃’o個款(我媽整得好香呢),我o地未食已經覺得佢好油膩好漏,因為啲酒’益’味真係幾勁.食落,真係食油咁囉,蠔仔又唔多,只可以讚佢係幾脆.通菜走油CK話冇預期亞姐會記得走油,呢個冇乜特別吖.等o左好耐,白鱔煲仔飯終於到,CK加好多豉油同o係蠔餅上o既莞茜菅去焗一焗佢,好,開蓋可以食喇.不過點解冇咩香咩o既?啲飯被全被豉油染晒食,我重擔心會好鹹添,點知食落,冇咩o既?飯焦好少,白鱔一般啦.我o地最後係食唔晒蠔餅同飯.覺得都唔係好好啫,都應該冇下次lu.我o地8:45pm左右走,條人龍依然係咁長.服務:都幾好禮貌,OK吖.

想食煲仔飯好耐,但太多唔知點揀!?唯有睇下食評幫下手...我打"煲仔飯"就只出左2個比我揀~見呢間無咩喊面所以揀呢間同男朋友去一"嚐"心願!!等左5分鐘唔駛就有位,裝裝隔離好似無咩人去食咁,好冷清,入到去有一張6人位坐,但只係同2個人搭檯,算是幸運,唔駛逼~order左細蠔餅、滑雞煲同臘腸排骨煲!在場無汽水供應,只好去外面買番黎,響檯上既杯同水壺都只係用黎洗碗~蠔餅先上,我同男朋友都唔食蠔,但炸左又係蠔仔應該接受得到,而個餅都只係得數隻蠔仔,唔知算唔算係幸運!?2個煲於十0分鐘黎到~我懷疑係咪上檯後係要焗一焗佢??但因為只係懷疑,所以並無咁做到,我地每人一個煲,加左豉油,對我食得濃味既人黎講係淡,料亦普通,所以男友幫我拎左一碗點蠔餅既豆瓣醬比我調調味~而個醬其實都幾咸...最最期待既黎喇~咦?飯焦呢?(呢個就係點解我要懷疑既原因了...)而我男友果煲係有飯焦,但係燶的...好苦~:-(整體黎講有點參差!所以食一次就夠了,下次再去別的地方發掘好吃既煲仔飯~同埋去到唔好揀風扇底坐...