四季煲仔飯

營業中

休息中

第1次打食評!!嗌左蠔餅,臘腸雞煲仔飯,白菜,金銀蛋豆腐肉片湯...煲仔飯冇乜飯焦...白菜勁難食...!!!!個湯其實都幾好味...不過d豆腐"宿"的!!!!!!!!!!!!!!!!!!!見佢咁多人以為好好味...點知....下次都係去番興記!!

其實都食過四季好多次, 因為覺得厘度既煲仔飯又抵又好味~~ 每次都會食"臘腸滑雞"或者"北菇滑雞"飯, 不過當然"臘腸滑雞"好味得多, 因為個"北菇滑雞"既冬菇真係少得可憐.... 個煲仔飯好食之處就係個飯好有炭爐燒既味, 好感受到傳統煲仔飯既味道! 不過如果係假日, 多客既話個飯就冇煲得咁耐, 就冇飯焦食... 不過冇飯焦食都已經好好味~ $21真係好抵~ 至於個蠔餅都炸得好脆, 都係好好味~ 而且新鮮炸起熱辣辣真係好香口美味~~ $20細既都已經好滿足!! 另外, 有菜食都好好, 腐乳通菜係我既首選~ 哈哈~~ 雖然環境衛生真係差, 但係咁平食咁多野, 環境已經唔重要~ 最緊要好食!~~

好好味20蚊only臘腸滑雞飯, 條臘腸係等於個煲ge 直徑, 好正.好好味.蠔餅正常, 唔識分好唔好味沙DEI粉絲肥牛煲, 好味, 偏辣, 但係仲yeh味好好味. 不過好細煲, 25$ only.真係好抵食.衞生唔好就真係預左, 腸胃好無有怕~服務都幾好呀~

8個人落油麻地搵食，試試食後巷煲仔飯。住附近既fd話呢間出名，結果真的很多人，不過我地等左都唔知有冇2分鐘就有位。黎得呢度食，當然食煲仔飯，加多個大蠔餅。先講蠔餅，雖則熱氣，但勝在夠香口，都算多料，而且味道跟豆瓣醬很夾。煲仔飯我order左膶腸滑雞，一開蓋，心想咁鬼少料既？d料都遮唔哂d飯，食落口，又幾好味喎，d雞好滑，膶腸唔肥唔臭，好夠味，d飯唔會太林，不過冇飯焦。$21真係幾抵。本來想飯杯茶，之不過隻隻杯都好污漕，污漕到點洗都冇得夠，見到都有d反胃。

前兩日同朋友去食野﹗一心諗住去食個好o既煲仔飯﹗間舖真係好多人﹗但...無奈地所謂帶位o既阿姐，叫左我地入舖﹗但自己就去左做野﹗又無話比我地知坐邊喎﹗坐低左但又無人問我地食乜﹗ok啦﹗起左手一陣終於有人應我地啦﹗叫左煲仔飯﹗但...問佢\﹗煎蠔餅大同細有幾大﹗得返黎o既答案︰「細o既就係大o既一半」咁...即係咩呢？加多句︰「你叫個細先囉﹗唔夠食叫多個細咪即係一個大囉」聽完有點無奈，黎多兩碟菜，但...黎左野但唔叫唔會幫我地開蓋\﹗我覺得比之前差左﹗無咁好食丫﹗最大問題...食食下野d阿姐無啦啦係我個fd後面個盤開水落大水桶度﹗原來係拎黎再沖水比客人飲﹗你敢飲嗎？

星期五同朋友去呢到食飯..等左陣就有位..但個呀姐ONLY叫我們入去又唔帶位..無奈*之後叫野食..問蠔餅大小有咩分別..個呀姐狂叫我們叫細食- -" 都要知道個大小掛!?等左好多終於有得食,放低就收錢走..又唔開埋蓋*好唔掂D服務!! 下次好難會去食!!

老實說,跟太太第一次約會,就是故意帶佢去後巷食煲仔飯,睇下會唔會嘰嘰桔桔!竟然若無其事喎,好野!今日就做左我太太!當日後巷開張檯,今日已入舖,仲要大排長龍,個個扮次文化,唔駛呀?十年人事幾翻身,有邊個估到?六點幾仲未有人龍,一支公霸住張檯又食唔到幾多,就簡簡單單要左個北菇雞飯,係度十幾分鐘期間,不斷有人入座,飯未到,已經要伙計帶位,有無攪錯?主角终於上場,明顯地是即叫即煲,冬菇切成絲狀,與平日見到厚切或者唔切有所不同,雞肉不多,就連飯面都'傘'唔曬,個人而言,雞肉是配角,雖然肉質嫩滑,豉油亦唔太咸,主角始終都係白飯.飯粒分明,每粒吸滿水分,煲底飯焦微燶,火侯掌握得洽到好處,所以一食完,故意兜過去睇下邊個煮,果然係個六,七十歲老人家掌火,薑是老的辣真係無錯.

3月19~ 2人食~ 915pm晚上9點幾都仲係咁多人~~不過唔夠5mins就可以入坐=]叫左2個煲仔飯>滑雞>梅菜滑雞飯黎左先叫埋細蠔餅五十幾蚊好滿足~好飽=D抵食~d ar姐服務都ok~成日問你差d咩未黎~不過..本人認為...個老闆好惡...

7:00 到, 剛有一張吉枱, 以前常見有條龍排隊, 今天真好彩, 叫了臘腸排骨煲仔飯及冬菇滑雞煲仔飯+蠔餅, 都係$70, 蠔餅炸得鬆脆, 比隔離x記好味, 飯亦比x記多料, 有少訐飯焦, 雞好滑, 可惜這裹的煲仔飯店全都不興落蔥花, 否則更野味

上次去過興記,唔打算encore住..試第2間黎呢間同樣用炭爐同樣幾出名既四季因為6點零左右就黎到..所以唔使排隊但係入面都已經聚左好多人煲仔飯款式唔及興記多不過簡簡單單又未嘗唔係一件好事-鴨蛋蠔餅一上木台,熱辣辣..心急過頭舌頭受罪煎得好香口,唔會太粉..而且d蠔仲幾多下tim不過我唔中意點埋d辣醬,我覺得就咁食好味d-八珍豆腐湯最算出街食飯都要食下d菜落肚既...果然係煲仔湯..一大煲湯上木台材料都係得白菜,豆腐,雞笠同普通滾湯無分別,不過勝在夠清淡...可以balance返-潤腸滑雞飯煲仔飯黎到,緊係淋d豉油再焗一焗佢啦再打開之後好香..唔知係咪因為用炭爐煲..食落d飯有小小煙味飯笠唔會太濕,唔錯潤腸唔肥膩,潤腸味道都幾濃郁而滑雞的確好滑..而且有雞味,唔錯每煲飯既精華..飯焦不過四季d飯焦真係好唔掂>"<飯焦少就不在話下而且d飯焦真係好燶!!!食落去好大陣燶味同煙味完全無飯焦的香估唔到敗筆係呢到煮野食同食野係分開2個地方架....上次係廟街都搵唔到佢食野既地方所以走左過去美都食不過走個時都係6點幾..所以都冇人排隊但聽聞7點打後條人龍源源不絕架要食趁早呢一餐都好

昨天與朋友看完電影.就來到附近食煲仔飯.因之前一都很想吃.但每次都很多人.今次7時多.人流比之前少.就直接入去兩人分別叫了一個煲仔飯.我叫了臘腸滑雞煲.朋友叫了潤腸滑雞.雞肉很滑,沒有雪味.但分量比以前食少了.而且飯焦也比較少.不知是否時間的關係另外叫了一個雜菜豆腐湯.但只有白菜和生菜.味道淡得好像沒有味比起以前.的確好像退步了看到有幾台人落了單.等好耐食物都未到.之後退錢走了

個到啲人服務好差，我叫左一個蠔餅同一個煲仔飯結果等左成粒鐘。我問佢："姐姐我碟蠔餅同煲仔飯LA??我等成粒鐘LA!!"我超無禮貌同我講"煲仔飯唔洗煮呀!等多陣LA!!"結果等了１個鐘頭２○分鐘先有得食，原來啲野都唔美既!!我以後都唔會再COME HERE!! 大事件：記得仲有一隻小強!!

除左打邊爐,冬天又點少得煲仔飯呀!蠔餅係必食item!炸得夠脆,蠔仔又多,唔洗點野都好好味道!黎過咁多次發現單餸係抵過雙拼,試過一次嗌左鳳爪排骨,打開點知得一隻爪=='',不過排骨醃得幾好!牛肉煲仔飯都係一個好選擇,牛肉夠多,夠焾(據恆爺描述)飯底時好時壞,真係睇你彩數!但以價錢論,當然值得一吃喇!加埋支大可樂..正呀!!

看戲前要找吃，但下午吃了個味道很濃烈的午餐，令到食慾大減，但都不想求其吃M記，便來了女朋友喜歡吃的四季，最重要是它賣的食物都很平！等了不消5分鐘，便從頗長的人龍中入座，真快。店內衛生質素很差，是真的很差，坐得很逼而且頭上的冷氣機槽很恐怖，之前女朋友就目擊到了有隻大老鼠「尾」在上面。果真是一路吃一路驚，想起都怕怕。說回食物，點了蠔餅、排骨煲仔飯及生菜。蠔餅先來，炸到難得的靚，是用了鴨蛋的關係？當然沒有關係吧。之不過，都是吃不出和雞蛋有何分別，但都頗好吃又有幾多蠔仔。生菜後來，都是不值一提，因為是普通油菜罷了。主要想試試煲仔飯質素如何。放入口，第一印象是飯的炭香，後是飯粒夥粒分明，最後是排骨有肉味。各樣都是水準以上，但只賣$18，真是無懈可擊！配合士多大可樂，今餐可算是食得滿足...但是要吃多次都要再想想，因為環境實在太差！

一般吃煲仔飯都要比D時間等,但四季煲仔飯有樣好的特點就係叫完後好快會有得食,我知道好多人都鍾意食飯焦但我自已唔係太鍾意,剛好佢o地唧出品無咩飯焦o岩自已口味,煲仔飯、蠔餅、湯唧品質OK唔算差但唔算好.講真係到食飯都好難一人食到四十蚊真係好抵,咁唧價錢無可能要求好好食,食物如果5分滿分我會比2.9分.