四季煲仔飯

營業中

休息中

上星期五同埋男朋友仔一行兩人唻到呢到食煲仔飯.. 聽聞因為已經俾扣十分所以唔可以再響門口加台.. 令到一早已經出現左人龍等位.. 不過因為之前食過覺得唔錯都值得一等既.. 等呀等.. 等呀等.. 終於到我地啦.. 叫左一個牛肉煲仔飯.. 一個滑雞煲仔飯.. 一碟煎蝦餅.. 一支大忌廉.. 加埋都只係六十三蚊.. 以dinner唻講都算平啦.. 或者我地叫個d唔係海鮮類卦.. 等既時間又唔係真係算好耐.. 講下d味道.. 唔... ... 個飯"淋"左d.. 唔夠乾身囉.. 相信如果乾身d.. 一定會好似我之前去食咁.. 應該會好好味既.. 蝦餅就始終都唔夠蠔餅好食.. 唔夠惹味啦.. 不過都只在乎試下d新野je.. 但其實都唔差既.. 整體唻講.. ok啦.. 係比以前遜色左d囉... ... 不過係好味既!!!

3人order左:煲仔飯x2 = $42蠔餅x2 = $40豆腐湯= $18生菜= $8通菜= $8汽水+啤酒= $19好抵個煲仔飯d飯略嫌腍左dd飯焦又少左d最正係個蠔餅~要追加不過waitress十問九唔應service扣左分不過呢d地方係咁架啦唔通要5星級服務咩...p.s.走果陣條龍成半條街...

同朋友食咗個臘腸排骨煲仔飯同蠔餅。蠔餅好脆但確實好少蠔，個煲仔飯就無咩特別。我覺得同出面食差唔多，又唔係特別香，總之無人地講得咁正。

食完牛雜返黎再等都差唔多到我地入到去感覺好迫唔係好舒適叫左個鴨蛋蠔餅同每人叫左個煲仔飯蠔餅好脆沒出面d蠔餅咁厚粉不過好少蠔係入面臘腸排骨飯聽朋友講係用炭爐燒但食起上黎唔覺同出面果d有咩大分別飯焦又唔多只係好抵食$21蚊大大煲

經過牛雜既洗禮，令排隊既感覺不期然減少了，等多一會就有位。坐低後隨即落order,叫左每人一個煲仔飯($21)再加一個大既鴨蛋蠔餅($40)。原來冇飲品供應，見其他食客都自攜飲品進內，所以走出對面既士多買二枝青島送飯。幾分鐘後，「炸」蠔餅上檯。光是看已知蠔餅香脆非常，入口後，香脆既蠔餅沒有厚厚的粉，非常香口；蠔仔份量不多，感覺上不像吃蠔餅，但勝在夠香口鬆脆。十多分鐘後，煲仔飯相繼上木台，我吃的潤腸滑雞煲仔飯一上木台，例牌下醬油，蓋上煲仔蓋令飯吸取醬油既香味，但因為人太多，煲飯時間縮令短蒸氣不夠，這效果亦告失效。雖然如此，但飯亦夠熱。雞十分滑；潤腸亦香，材料不錯。光吃飯吃不出是炭爐出品，但少量既飯焦果然看得出分別，比起其他的飯焦香口，但份量不夠。食煲食飯又點可以冇啤酒?清島啤，爽!環境服務一般，但食物不錯，可以一試。

談起蠔餅，有人喜歡傳統潮式的圓圓薄薄一塊的，我卻認為，港式那些炸得脆卜卜的，也不錯，是晚就在這裡吃炸蠔餅。晚上八時許來到，是非常的旺場，全場坐了不少來自由行的內地同胞，還有洋人也來「見學」，本地人客，反而不多。環境絕對惡劣，衛生亦然，不過這就是廟街的特色之一，來吃東西，就要預左。大部份客人也叫煲仔飯，我卻一心只想吃炸蠔餅，就要了個細的。不消兩分鐘已經有得食，是非常的有效率。炸得熱辣辣，吃起來非常鬆脆，不單是邊位脆口，而是厚的部份吃起來也不會腍的。用上了鴨蛋，比用雞蛋是香好多。蠔仔大粒，但份量不多，如果可以下多些蔥，就更香口美味。吃完碟底是一大攤油，見怪不怪。要吃得清淡少油的，不應進來廟街。有炸蠔餅又怎能沒冰凍啤酒，這裡沒有得供應，客人可以在斜對面的辦館買來，也很方便。邊吃熱辣鬆脆的炸蠔餅，邊喝冰凍啤酒，夜涼如水，寫意寫意。埋單20蚊，菜上檯已經要收錢，沒有什麼服務或服務態度可言，再說一次，這就是廟街特色了。

7點未夠已經滿坐啦!$21個煲仔飯的確抵食,而且很足料!$20(細)鴨蛋炸蠔餅就貴左d,都算炸得脆,不過蠔少左d同埋食唔出係鴨蛋!D豉油較淡,落左好多都係得d色...走果時出面已經排晒長龍啦!

16-11-07 Fri 晚夜晚想食煲仔飯八點鬆d 去到廟街見呢呢間野排左廿幾人於是去呢間食最後只係排左十分鐘就有位都算幾快2 人晚餐點了: 鴨旦蠔餅細$20臘腸拼滑雞煲仔飯$21潤腸拼排骨煲仔飯$21八珍豆腐湯$18鴨旦蠔餅細: 炸得好香脆, 但唔多覺d 鴨旦味臘腸拼滑雞煲仔飯& 潤腸拼排骨煲仔飯:煲仔飯唔拼的話單餅$18, 拼就幾抵等左大概10 分鐘有得食, 好多餸同埋唔會整到好燶, d 飯夠乾又有飯焦八珍豆腐湯: 湯就估唔到都要等10 分鐘, 可能即整?湯好清甜, 料又多,唔多覺有味精, 有豬肚排骨雞肉白菜好過就咁叫碟油菜$8坐係個熱水爐隔離, 見到有個黃色筒係下面裝水, 跟住見到有伙記有個黃色水瞉'不'd 水落個茶壺度, 都真係有點核突呢度即時收錢的, 上夠order 即收平均每人$40 就食到咁多野, 真係好抵!

成年無去過廟街，今晚心血來潮要去食個煲仔飯天氣涼涼的情況下，見到0的炭爐燒得紅紅著實興奮全場爆滿，唔好理環境，亦都唔好理服務，去得呢0的地段都係預左食風味，落漏單常有，台面好dirty是肯定的事實﹗叫左個細蠔餅，岩岩炸起好脆亦都好香，好多人話蠔餅不是炸是煎的，不過講到好味，點到係老廟最正﹗佢標榜係鴨蛋蠔餅，我唔多食得出有咩分別，不過熱辣辣真係正﹗煲仔飯都算多送，最愛是那千年飯焦香，白飯有炭燒味道，那才是地道﹗兩個人食埋單只係四十一蚊，咁就開開心心一餐﹗係廟街先搵到的﹗

前幾日~朋友生日~就建議去食煲仔飯~去到後先發現超多人排隊~條龍長到呢~差d到去排tim~好彩d朋友一早去左~大家之後就點野食~我就點左個潤腸滑雞飯~蠔餅就點左一大一細~想叫野飲~發現係無得買~要出去士多買~而今餐D飯就煲過時間~D飯焦真係(焦)啦~而蠔餅就都好食~其他都好中上的等級~比錢時大家要小心~叫左單併的~佢可能收雙併~

bf 帶我去食過一次...地方當然唔可以係話清潔啦..不過價錢俾起其他廟街的抵食好多~哈哈~average 都係一人不多於$40, 就有炒菜, 有飯有蠔餅。

上星期四去左呢間食...一路都知油麻地d煲仔飯好味..但睇到有食評話\"興記\"好難食...bf話佢\帶路喎..本身以為佢\帶我去興記..點知唔係...係隔離街的一間煲仔飯..好光猛..地方都算乾淨最主要係d野食勁抵食!!我地4個人埋帶都唔洗$200叫左四個煲仔飯$21@ 係雙併..但係冇乜飯焦..可能係新煲的關係1個大蠔餅$40 如果兩個人就叫細好喇..細的$201碟通菜..唔係好記得價錢..好似係$1X1大煲菜湯..唔記得價錢...由一入去覺得好凍...但越食越暖..真係好正!