四國讚岐手打烏冬 (已結業)

今日同個friend行女人街搵野食，見e間主打讚岐烏冬，而且9:30後入座有9折，就試試，我地叫左泡菜鴨胸朝鮮湯烏冬、豬軟骨蕃茄烏冬'、汁燒魷魚筒、土佐豆腐，發覺真是美食泡菜鴨胸朝鮮湯烏冬-我鍾意泡菜，估唔到配合烏冬又唔錯，湯是酸辣，加上烏冬吸了湯汁又煙un，正豬軟骨蕃茄烏冬'-蕃茄湯有蕃茄味，唔係味精水，正，豬軟骨好正路汁燒魷魚筒-好食，d燒汁令到個筒好鮮美，而個魷魚筒好爽口，只有佢我有影相土佐豆腐-外脆內軟，而個酸汁配得好好味不得不提d烏冬，真係好煙un都算滑，而且佢地好似有6個湯底，下次我會再試其他湯底

經過此店..早排幫襯另一間8字頭..同呢間差唔多樣..又係讚期烏冬為賣點..唔知係咪集團式..試左-烏冬跟3樣送個餐..(查實係+5$先有野飲唔知算唔算餐la)3送黎先..分別係 薑燒牛(一般肥牛..淡淡地..份量麻麻..有5~6舊度..).中間係天婦羅..一條..淡淡的蝦..仲有兩塊淡淡的薯餅..最後有淡淡的唔知咩餅= =真係唔知..有類似蝦係面..但味都忘記得一乾2淨了..6個鐘前食的..對友人笑說:好健康wo..全部都煮到好似無落鹽所做成既效果咁..烏冬就差過另一間la..無咁嫩..好一般..唔講唔知係讚期..友人講左個名幾好笑/當冷gap..佢未聽此烏冬名..竟誤以為叫"到期烏冬"另一友人就寸:到期??係咪想講到某日子就會變壞既烏冬?服務唔錯(其實由頭到尾都差唔多同一人..可能有d唔公正)..好過另一間8字頭..見你唔落即閃..= =

頭先叫個串燒炒飯都成四十,飲野仲要加錢上菜, 撞鬼少成咁,而家我要開飯唔係下午茶喎個飯炒得又乾,最後死死地氣叫左杯凍飲,唔係實哽唔落係個串燒叫做正常少少之前D人仲話抵食,以後一定唔去!

之前都成日去呢度食飯近來有個靚妹妹好似冇做之後, 服務態度差左好多味道就冇差到既, 不過成日唔夠人咁, 又漏單應該都唔會再去烏冬都幾好味, 蕃茄湯做得唔錯試新鮮野都還可以, 長註就免了

lunch set 飯類附送餐湯,呢句說話有d似西餐的感覺...呢道所指的湯,當然係麵豉湯~haha粟米沙拉都唔係咁特別~連salad醬都係平平無奇... 見到凍飲加5蚊...我無加...所以唔見有人order凍飲~但單1個讚岐烏冬都要38元...都唔算好平而且鋪位又細左d...waiter唔太識得招呼客人就真,,,waiter只有兩名......而且個樣仲唔係nice,係寸果種....但態度尚ok... 但2人卡位之間都幾迫 久等的滑蛋豬扒飯~~原來廚房加埋另外3個客人的豬扒飯一齊cook所以我就等左好耐.....但d滑蛋唔似一般日式滑蛋獨有的金黃色~顏色一般..無乜光澤..但鮮味的~d醬汁真係少左d...發現豬扒個皮真係幾厚...實際豬扒的肉部份真係幾薄... 飯係大碗的...日式薑片好味白飯的口感適中~不過28元呢個價錢,份set lunch有咁多配菜,都總算係物有所值的 熱檸水 檸檬較新鮮,ok的

太餓了，步行期間SEARCH到呢間店好評比例不錯，所以在門外差不多沒看清楚，只見到有位就衝進去。可能旺角租金真係太貴，女人街烏冬或麵店全都勁迫，本來呢間餐廳都會係咁，但係因為坐唔滿，２人亦都坐到４人枱，又唔到講法。在我主動查詢的情況下，男職員亦作意作簡單的推介，不過最後都係自己話番事。竟然無茶而只係水，但係D"水"又唔知點解有Ｄ韓燒味，仲要其中1隻杯底(內裡)有D污糟，當然有叫人換過；真係唔敢問其實係唔係水來的，少飲就妙。蕃茄牛柳粒湯烏冬：太期待佢個湯底，一試，好濃郁，偏杰，不過一試就知唔關浸緊湯果幾舊蕃茄事，係茄膏茄汁開出來，唔係話唔好味，只係同想像中有出入。講開個蕃茄，簡直係成碗烏冬之中至衰，好生，仲好硬身，有欺騙食家(湯底)之嫌。牛柳粒基本上係全熟，有少少韌，相信主要係材料的問題(非上乖材料,但呢個價錢又真係無計)；勝在件數真係夠晒多。全碗最好的配料係洋蔥，熟度亦剛剛好。雞扒湯烏冬：個雞扒都幾差，勁鞋又勁硬，切又切得唔好，Ｄ雞皮痴埋晒隔離果２舊，真麻煩。部份配料就唔錯，溫泉蛋是成功的！鳴門卷基本上好難可以唔好味，而甜豆又真係幾清甜。但係個椰菜學晒蕃茄D衰野，好硬，想健康食下菜都要

出旺角行完街 , 搵地方食dinner ..行到好累 .. 見到呢間唔洗洗等 . 就試下喇 叫左個炸軟殼蟹鳥冬 , 轉番茄湯底+$3飲凍奶茶+ $5個湯烏冬好味 , 個番茄湯底好開胃 =) ! 本身唔係咁肚餓都食晒 ~炸軟殼蟹佢加左蔥粒黎炸 , 但唔夠脆 , d蟹膏有怪味 , 好一般!!

同好朋友一齊行街，我地2個都好鐘意食烏冬本身話想去火山石食烏冬，因為之前試過，幾好但我地2個出到旺角已經4點，成日未食過野，咁岩行過呢度，見呢度又係食烏冬，咪試下囉入到去，見到menu有個細烏冬，但因為我地太餓所以決定叫返lunch set我order左個豬頸肉配蕃茄湯烏冬+凍奶茶少甜 $3xfd order左個餃子配蕃茄湯烏冬+凍檸茶少甜 $3x另外加多個黑椒雞軟骨 $20先黎2個烏冬先，好香蕃茄味，但佢d椰菜同蕃茄比較生豬頸肉ok，個餃子其實味道同出面平時食既差不多，但佢熱辣辣，真係岩岩煎起，所以好味另外，個黑椒雞軟骨又夠熱，差d熱切個咀，味道都ok走時見到另1檯客食緊tea set，份量又真係少d wor，不過款式唔多囉，應該有下1次既，因為真係好鐘意食烏冬而且埋單都係1人50蚊左右，都ok抵可能我去時係tea time，所以無遇到服務員唔禮貌既情況~

行過旺角通菜街,一列都係食日本料理定食..見到le間放係門口個牌同食物幾靚就入左去坐..夜晚6點半左右去到 ..可以係未到食飯時間得3枱客*同男朋友2個就要求坐4人位啦,因為想左右坐吾想打對坐有個女待應笑住好大反應咁話'' 哈,隔離坐? 繁忙時間你都要答枱嫁wo ''我咪話冇問題囉! 另外一提間野3枱客入面有2枱客都係2個人坐4人枱!!!佢d attitude真係令我冇晒胃口個餐牌左睇右睇都諗吾到岩心水食d咩..講反味道~最後我地叫左咖哩雞扒飯定食- 咖哩吾濃味,汁小,雞扒冇咩特別..佢d什菜係完全冇味!- 定食包既粟米沙律,個全量其實一啖可以食晒..不過我地食極都食吾完 原因係好難食,d粟米粒好貧瘠,而且入面有d仲係空心!!- miso湯, 比較淡 清湯手打烏冬( 大)- 大烏冬有幾條青豆同日本魚旦2塊- 清湯係豉油湯,味道吾錯..烏冬都好味 蟹子沙律- 蟹子份量不如半件蟹子sushi, 而且冇咬口!not good- 下面果d就係青瓜絲+生菜個名叫巑岐手打烏冬,我諗都係得烏冬好味..佢又冇分咨我都吾會再係le間野, service太差!!

來到旺角女人街，搵個地方食個平平地的下午茶，然後回家。通菜街兩邊的食肆實在多得令人花多眼亂。見呢間舖頭的下午茶雖然係日式，但價錢唔係貴，一於試試。兩公婆不約而同叫左個天婦羅蝦+蕃薯+粟米沙律+熱湯烏冬下午茶，但係一望價錢，發覺原來下午茶餐係唔包飲品的，要飲嘢無論冷熱都要另加$3，乜唔係套餐包嘢飲嘅咩？餐牌張相都有架！oh！ Not good！好快趣，套餐的食物已經一一送來。個烏冬湯底唔夠甜，d烏冬就正常咁啦，都算及格嘅！粟米沙律ok，但係個天婦羅蝦d漿粉太厚啦，唔及格。而且呢度點天婦羅吃的汁係無蘿白茸的，問待應都話無，咁就唔係咁正宗啦！雖然呢度唔少地方其實可以做得更好，更professional，不過話時話，呢度的日式下午茶只係收二十零三十蚊左右的價錢，其實都算ok抵食嘅，雖然唔值一個笑臉，都俾一個ok啦！希望第二時呢度會更加好咁啦！

睇左新假期介紹, 上o黎睇埋食評, 心諗都幾安全, 但同我想像中有d出入...咖哩雞扒撈烏冬 -- 雞扒係炸o既, 都幾乾, 唔好食。烏冬係煙un的, 不過凍食唔夠滑, 可能放湯會好食d。軟殼蟹配凍烏冬 -- 軟殼蟹加左d蔥先去炸, 幾好食。黑椒雞軟骨 -- 其實都冇咩可能唔好食, 不過就冇咩黑椒味。其實以佢咁o既價錢, 都冇咩可以投訴, 不過d烏冬真係怪怪地, 係煙un不過又唔係好似讚岐烏冬, 可能湯烏冬會好食d, , 加上service唔錯, 所以應該都會去多次先決定判唔判佢死刑。埋單120蚊有找

上星期六因為本魚要拎lomo 既菲林去曬, 去旺角, 曬相需時1個半鐘, 於是約了相公係旺角食晏, 之後攞完相再返西環陪佢睇跌打.唔想行太遠, 打算係曬相舖既附近食, 於是行入女人街既舖頭, 睇下有咩啱食...一轉入KFC 就見到呢間烏冬店, 門外放了display 食物...見個樣唔太差, 就入去食了~ 相公要了鐵板牛柳配蕃茄湯底烏冬- 個湯底幾好飲, 好有金寶湯-tomato soup 味道, 好彩無金寶湯咁多味精啫~ 烏冬都彈牙, 唔太差, 牛柳都幾juicy, 佢地塊鐵板細細, 幾得意唷~ 本魚要了牛仔骨配咖哩湯底烏冬 - 上枱..個湯底係清湯加1湯匙既咖哩汁..咖哩汁比得太少..唔夠咖哩味, 於是本魚問waitress可唔可以另比咖哩汁我, 湯底加多了咖哩汁, 好好多~ 牛仔骨味道唔太差, 烏冬都彈牙2個都係lunch set 既關係, 可以加5蚊配汽水或凍飲, 熱飲就唔使加錢唷~總括雖然坐位比較迫, 但烏冬唔太差, 都會再去食唷~

星期六與友人A小姐行完街之後, 體力耗盡, 想立即草草搞掂一餐, 於是就找到了kcf後女人街旁的「四國」了 入到去場地不大 供給客人的位置坐面積偏細 ( 想擺放一些戰利品的位置也過於困難 ) 之後草草地點了一碟四季 + 軟殼蟹烏冬; 而A小姐則點了一道滑蛋牛肉飯。 等了又等, 終於上菜, 看到自己的那碟烏冬......真是啞言了......烏冬上鋪了極多疏棻尤其金荀絲 與烏冬的比例有失平衡~ 烏冬湯底怪怪的酸又太清入不到味, 相反軟殼蟹極之美味肉質鮮嫩, 不錯不錯 ; A小姐則嫌蛋與牛肉不夠滑, 同時也太過於清淡不入味~ 最後埋單一個$40 A小姐$30 也稱得上一句「算係咁上下LA~」。

今次去食tea,,上次就食lunch其實價錢都係爭$4-8到,,但係tea個份量雖然睇落好似好細碗唔係好多咁,,但係以女仔既食量,食完都會ok飽今日4點幾去到都有半場客!!但係就唔見左係門口好nice既哥哥仔...同fd入到去,,叫左2個set,,都係蕃茄湯底set 1)煙鴨胸,蕃茄湯底烏冬,栗米蟹子沙律 $28set 2)天婦羅炸蝦餅,蕃茄湯烏冬,栗米蟹子沙律 $28*煙鴨胸有5小塊淋住汁上(應該係燒汁)食落完全唔覺得油膩!!!!同埋唔似煎過所以都幾好味,,但係又唔會肥油油 <:*烏冬有清湯同蕃茄底選擇(唔記得有冇埋加喱)要左蕃茄湯底,,其實都係似用茄膏煮開再加新鮮既蕃茄味道都有小小酸,,下次我會試清湯底d烏冬真係好好味,,好煙(un),又冇麵粉味同埋唔似普通烏冬感覺咁漲好味!!!*天婦羅炸蝦餅(可以一試)我覺得呢個麻麻地!上個時得2件,,都ok大塊既,唔同平時食個d炸蝦餅,初初熱食都幾好味但係再涷左d個時食個感覺就好油膩同食完好滯!!不過我覺得點沙律醬完全唔好食!!*栗米蟹子沙律其實本人係超級栗米怪!!勁愛食栗米所以當佢上個時勁開心!!!不過失望在細碗左小小,唔係幾夠喉總括

同女朋友細佬妹行完旺角搵野食, 諗住食凍烏冬又唔想行咁遠, 就去左呢間...入到去d位好迫, 女仔坐都仲ok, 男仔真係坐得好辛苦, 不過d serives好親切, 所以都ok4個人叫左:凍烏冬 ($26) x 2 : 非常好味! 粗身烏冬又夠凍, 可惜冇wasabi...蕃茄烏冬 ($28): 好"蕃茄"! 仲有5,6件新鮮蕃茄, 大大碗...不過有dd酸..細清湯烏冬 (唔記得幾多錢): size都唔係好細, 個湯好好味!咖哩薯餅 (唔記得幾多錢): ok啦..冇乜特別黑椒炸雞軟骨 (唔記得幾多錢): 冇乜黑椒味, 普通...粟米蟹子沙律($12): 抵食! 都幾好味..鹽燒雞翼 (唔記得幾多錢): 細細隻, 普通...埋單$156蚊, 抵食到爆! 一定有下次!臨走門口個哥哥仔仲笑笑口同我地講bye bye, 好nice...如果可以keep住d態度同quality實大把客...