囍慶 (已結業)

晚上，外父來電問我們能不能早出門，說想帶我們去試試新酒樓。喜歡飲茶的我，突然有興致的太太，來不及應承。是日一早6點，把自己、把太太、也把小兒拉醒，為飲茶，提早出門。我說的新茶樓，其實也開了一段日子，只不過是我一直都未有獨自入去飲茶的計劃而已。不過，喜歡同大家掌故的我也要說說這一個地點的前身。這地方原本是什麼，當然是一片海啦，大埔廣場的出現，大埔中心的出現，令大埔人，多了兩個看電影的選擇。而現在囍慶，就是以前銀星戲院的其中一個影室。現在的人也許只記得這兒曾是 Neway。這小小的酒樓，由於以前是戲院的關係，樓面樓底非常之高，而且這一個又大又無柱的場，用來搞中小型宴會，的確是一個可考慮的場地。早上，也就是一盅兩件的食力，說一盅，就是一盅既可愛又溫暖的鳳爪排骨飯，這兒的飯也不是生米蒸的飯，不過，這一份早上 mini 版的鳳爪排骨飯，用料卻是十分之多，雖然也是簡單的鳳爪加排骨，但粒粒幾乎純肉的排骨，令這東西肉感十足，也是值回票價的。腸粉，是另一個早上飲茶常叫的東西，是日我們總共叫了三個不同的腸粉，而第一個來的，是煎的蝦米腸。這一個蝦米腸，輕輕地煎香，少少脆，油份也不多，雖然沒有一般煎到盡的香，

講下點心我個日一家嚟飲茶，覺得樓面招呼嘛嘛，可能人手唔夠，但系食既點心都幾ok我地食左煎堆，啲煎堆皮薄松脆，唔會好多油,甜度同大小適中叉燒包都幾多汁，食落都相當鬆軟，味道夠香甜，食過返尋味蜆蚧鯪魚球口感一流， 啲醬香口辣度適中， 啲鯪魚球彈牙軟滑另外啲蝦餃皮好薄，啲餡都幾新鮮彈牙，而且爽口多汁，味道適中香口一定要提既就系藥膳鳳爪，都幾夠藥材味，啖湯入口夠鮮， 又有我最鍾意既鳳爪，而且夠曬大隻總括而言，我地都好滿意，點心款式多，味道又好，夠呭香！重點系價錢夠呭大眾化對於鍾意款式多既食客嚟講，選擇夠多系一大賣點，以後一定介紹朋友再嚟幫襯

當日為左補返餐父親節飯 8點幾大埔中心周圍有人等位食飯咁岩係大埔超級城行去大埔廣場個條橋見到依到冇咩人等位就行落黎睇下等得耐唔耐點知都有十個人等緊位拎完飛  點知客好快咁叫號碼等左都唔洗1個字都不抱任何期望,因為未食過 , 唔洗等位就算啦叫左幾個送點知又唔錯WO!"依個芝士野菌焗石蠔 真係好香 一擺低就聽到佢岩岩出爐既GI GI聲聖子都OK 冇沙 夠香 夠味蒸左條斑仔 , 食得出係新鮮野!  唔係好似有D酒樓咁比D死左好耐既魚出黎以為我地食唔出!同埋個炒飯同炒麵夠晒獲氣飯後叫左窩糖水 , 反而叫一人一碗冇咁抵添!整體黎講滿意!! 冇諗過間野係比想像中更好食!下次再會黎!!

Neway 卡拉 ok 都執左好幾個月，囍慶以極速裝修開業 ﹗樓上面積咁細，攞黎開酒樓，大家都感到非常奇怪。今日星期日諗住搏一搏有無位啦，點知等都唔洗等就可以坐低，原來依度係硬性搭枱架 ﹗地方好細，坐到密麻麻又迫夾侷促 ﹗唔多舒服，枱貼枱、背對背，地方細所以特別嘈，要好大聲講野先聽到。依家係午巿，會唔會晚巿會斯文寧靜啲呢？menu 印刷精美，見到有好新派菜式，都好好奇想試試。兩個人叫 8 送 1 炒河，勁呀 ﹗全部掃清光 ﹗第一次黎試，梗係要叫多幾款啦。豉汁鳳爪，熱辣辣，味道濃淡適中，不會太嗆，肉質軟棉而醬油味濃，又幾好喎。口水雞，機乎完全不辣，花生味亦好淡口，肉質都還可以啦，好普通，毫無驚喜。豉椒排骨炒河，好多年無食過，見到餐牌有，突然好想回味一下。好多芽菜呀，揀死我，我唔食芽菜架，唔記得叫走芽菜添，又唔記得叫佢兜勻。味道又幾好喎，芡汁咸甜得宜。排骨都入味軟腍得黎有趙口，河粉係碎左少少囉，但質感滑溜，不過鑊氣欠奉，感覺似會河粉多過以炒河呢。水晶蝦餃，蝦肉爽，味道都唔錯，但啲皮蒸到爆晒咁奇怪既 ？稍為蒸得過火，餃皮溶溶地。蟹籽燒賣，嘩 ﹗有驚喜喎 ﹗比想像中好食得多，只不過係唔夠熱啫，

今日是家母生日，唔想食buffet，所以一行五人去了我提意的囍慶，可以選擇的菜款不多，所以都係選擇了雞～鴨～叉燒等大路野。燒鴨，真係好咸，冇乜肉味。叉燒，不錯，起碼肉質唔係死實。賽旁蟹，夠淡口，都幾滑，算是不錯的。炒西芹，西芹超老，多渣，無人問津。霸王雞，原價198，宵夜時段會平好多，因為生日點都要食下雞，所以用原價都冇問題，但都係一般，雞味不濃。咕嚕肉，唔係用菠蘿係用罐頭桃，所以味道不太酸，平平凡凡。壽桃包，唯一出色的，很軟滑熱辣辣，超好味。五人吃了$1100！實在一次夠了......

門面幾靚...又新開....就同兩位爸爸一齊去試...兩家人一共8個人...8:00就到(有訂位)先講野食....入到去先知未有酒牌,無酒飲.....算啦...叫野食....8個人叫左9碟餱.....到上菜時呆曬~!!碟碟都好大碟.....隻碟......叫排骨可以得個幾舊.....炒碟通菜可以咸到苦......諗住食好d叫左9隻南非鮑魚....498蚊竟然比街市98蚊斤九孔鮑比我!!!!結果9碟都唔飽....要再加餱.....98蚊一碟燒腩仔得10舊仔.....鮮魷通菜d鮮魷唔熟既~!!!!!!!食到火都黎....埋單加一成二千蚊...但個個都唔飽~!!!!之後服務 : 差~!明明有上菜位比佢佢係都要係我頭頂上菜仲要撞到人都唔會講唔好意思....話之你死到最後走人....同個部長講d野太細碟....佢夠膽叫我地去食麥當奴~!!!!我就係食二千蚊麥當奴我都唔會再黎呢間食~!!!

今天和媽媽去了這間新茶樓飲下午茶，等了約20分鐘入座，由於前身是卡拉0K，所以地方不太大，比較擠迫。我們點了煎釀三宝，燒賣王，南瓜蒸排骨，濃湯浸菜芯苗，菜肉雲吞，蛋撻仔和小籠飽：食評大致如下，煎釀三宝 - 魚餅很多油，不太好味，其餘茄子和椒子，媽媽吃了，所以不能評論。燒賣王 - 一嚿不知所謂的東西，沒有味道。南瓜蒸排骨 - 骨多而肉少，味道清淡。濃湯浸菜芯苗和菜肉雲吞 - 比較可以接受。蛋撻仔 - 沒有蛋味。小籠飽 - 0k但醋的顏色比較淺，似溝過水。週末，週日和公眾假期下午茶大中小點一律15.8，以這般食物水準不值這價錢，我們埋單$136，那收銀竟說$163，我叫她給我CHECK單，她竟說講錯了，OMG...............總括來說，我不會再來。