2
2
3
電話號碼
2827 8288
營業時間
星期一至日:07:00-01:00
付款方式
Visa Master 現金
其他資料
深夜營業
食評 (7)
殿堂食家 2013-07-05
57 瀏覽
晚上,外父來電問我們能不能早出門,說想帶我們去試試新酒樓。喜歡飲茶的我,突然有興致的太太,來不及應承。是日一早6點,把自己、把太太、也把小兒拉醒,為飲茶,提早出門。我說的新茶樓,其實也開了一段日子,只不過是我一直都未有獨自入去飲茶的計劃而已。不過,喜歡同大家掌故的我也要說說這一個地點的前身。這地方原本是什麼,當然是一片海啦,大埔廣場的出現,大埔中心的出現,令大埔人,多了兩個看電影的選擇。而現在囍慶,就是以前銀星戲院的其中一個影室。現在的人也許只記得這兒曾是 Neway。這小小的酒樓,由於以前是戲院的關係,樓面樓底非常之高,而且這一個又大又無柱的場,用來搞中小型宴會,的確是一個可考慮的場地。早上,也就是一盅兩件的食力,說一盅,就是一盅既可愛又溫暖的鳳爪排骨飯,這兒的飯也不是生米蒸的飯,不過,這一份早上 mini 版的鳳爪排骨飯,用料卻是十分之多,雖然也是簡單的鳳爪加排骨,但粒粒幾乎純肉的排骨,令這東西肉感十足,也是值回票價的。腸粉,是另一個早上飲茶常叫的東西,是日我們總共叫了三個不同的腸粉,而第一個來的,是煎的蝦米腸。這一個蝦米腸,輕輕地煎香,少少脆,油份也不多,雖然沒有一般煎到盡的香,但也是夠香夠味道的。齋腸,是一個有餡的素食腸腸,這一個有點微脆的餡,不像炸兩,也不像泡芙,說好食不是,說難食又不是,總之,感覺是怪怪的。正常一點,叫了一個牛肉腸,肉味算是香,肉感也很多,這兒的腸粉,皮帶點晶瑩,而且比較煙韌,食落還真不錯,若是豉油再好味一點,更好。太太同外母的奶皇包及千層糕,熱熱的,香香的,感覺也很吸引,可是我們不想把她們唯一能吃的點心吃掉,而我也夠鍾,要準備上班去。感覺一般,味道一般,價錢也未算太便宜,不知這家酒樓的長期競爭力會是如何。總之,我來到,想起的,不是 Neway,而是銀星戲院。 繼續閱讀
(以上食評乃用戶個人意見 , 並不代表OpenRice之觀點。)
講下點心我個日一家嚟飲茶,覺得樓面招呼嘛嘛,可能人手唔夠,但系食既點心都幾ok我地食左煎堆,啲煎堆皮薄松脆,唔會好多油,甜度同大小適中叉燒包都幾多汁,食落都相當鬆軟,味道夠香甜,食過返尋味蜆蚧鯪魚球口感一流, 啲醬香口辣度適中, 啲鯪魚球彈牙軟滑另外啲蝦餃皮好薄,啲餡都幾新鮮彈牙,而且爽口多汁,味道適中香口一定要提既就系藥膳鳳爪,都幾夠藥材味,啖湯入口夠鮮, 又有我最鍾意既鳳爪,而且夠曬大隻總括而言,我地都好滿意,點心款式多,味道又好,夠呭香!重點系價錢夠呭大眾化對於鍾意款式多既食客嚟講,選擇夠多系一大賣點,以後一定介紹朋友再嚟幫襯 繼續閱讀
(以上食評乃用戶個人意見 , 並不代表OpenRice之觀點。)
見習食家 2013-06-25
41 瀏覽
當日為左補返餐父親節飯 8點幾大埔中心周圍有人等位食飯咁岩係大埔超級城行去大埔廣場個條橋見到依到冇咩人等位就行落黎睇下等得耐唔耐點知都有十個人等緊位拎完飛  點知客好快咁叫號碼等左都唔洗1個字都不抱任何期望,因為未食過 , 唔洗等位就算啦叫左幾個送點知又唔錯WO!"依個芝士野菌焗石蠔 真係好香 一擺低就聽到佢岩岩出爐既GI GI聲聖子都OK 冇沙 夠香 夠味蒸左條斑仔 , 食得出係新鮮野!  唔係好似有D酒樓咁比D死左好耐既魚出黎以為我地食唔出!同埋個炒飯同炒麵夠晒獲氣飯後叫左窩糖水 , 反而叫一人一碗冇咁抵添!整體黎講滿意!! 冇諗過間野係比想像中更好食!下次再會黎!! 繼續閱讀
(以上食評乃用戶個人意見 , 並不代表OpenRice之觀點。)
卓越食家 2012-12-12
Neway 卡拉 ok 都執左好幾個月,囍慶以極速裝修開業 ﹗樓上面積咁細,攞黎開酒樓,大家都感到非常奇怪。今日星期日諗住搏一搏有無位啦,點知等都唔洗等就可以坐低,原來依度係硬性搭枱架 ﹗地方好細,坐到密麻麻又迫夾侷促 ﹗唔多舒服,枱貼枱、背對背,地方細所以特別嘈,要好大聲講野先聽到。依家係午巿,會唔會晚巿會斯文寧靜啲呢?menu 印刷精美,見到有好新派菜式,都好好奇想試試。兩個人叫 8 送 1 炒河,勁呀 ﹗全部掃清光 ﹗第一次黎試,梗係要叫多幾款啦。豉汁鳳爪,熱辣辣,味道濃淡適中,不會太嗆,肉質軟棉而醬油味濃,又幾好喎。口水雞,機乎完全不辣,花生味亦好淡口,肉質都還可以啦,好普通,毫無驚喜。豉椒排骨炒河,好多年無食過,見到餐牌有,突然好想回味一下。好多芽菜呀,揀死我,我唔食芽菜架,唔記得叫走芽菜添,又唔記得叫佢兜勻。味道又幾好喎,芡汁咸甜得宜。排骨都入味軟腍得黎有趙口,河粉係碎左少少囉,但質感滑溜,不過鑊氣欠奉,感覺似會河粉多過以炒河呢。水晶蝦餃,蝦肉爽,味道都唔錯,但啲皮蒸到爆晒咁奇怪既 ?稍為蒸得過火,餃皮溶溶地。蟹籽燒賣,嘩 ﹗有驚喜喎 ﹗比想像中好食得多,只不過係唔夠熱啫,要熱到辣咀先好食麻。味道香濃又不肥膩,口感實淨,唔會散筲筲,豬肉味濃而蝦肉爽口,好滿意。 黑椒牛肚,食物最緊要夠熱 ﹗黑椒牛肚同樣地又唔夠熱喇,搞到黑椒汁杰撻撻 ﹗溫度一定要熱騰騰先係正 ﹗全部都係毛肚啊,唔係金錢肚啊。毛肚炆得又棉又腍,非常入味,合格啦。藥膳雞腳,依度都有呀 ﹗即刻 order 啦 ﹗最愛藥材湯、川芎白勺湯,清湯餚出雞味,好好飲呀 ﹗雞腳質感滑溜爽口,並唔係燉到起膠或散晒那種,好有趙口又好食,好有藥材味道。 香菇千層腐竹,我地諗住係炸物黎架,放到枱先知係蒸。味道清淡,豆味濃、菇味香,只係我既個人口味較少食豆類,其實味道幾好。做到一層層,好有心機,口感好特別,有創意。山竹牛肉,牛肉球裡面顏色較深,同其他酒樓粉紅色唔同,入口滑而彈牙,淡淡鮮牛香味,算大路穩陣,可以一試。 繼續閱讀
(以上食評乃用戶個人意見 , 並不代表OpenRice之觀點。)
卓越食家 2012-09-29
今日是家母生日,唔想食buffet,所以一行五人去了我提意的囍慶,可以選擇的菜款不多,所以都係選擇了雞~鴨~叉燒等大路野。燒鴨,真係好咸,冇乜肉味。叉燒,不錯,起碼肉質唔係死實。賽旁蟹,夠淡口,都幾滑,算是不錯的。炒西芹,西芹超老,多渣,無人問津。霸王雞,原價198,宵夜時段會平好多,因為生日點都要食下雞,所以用原價都冇問題,但都係一般,雞味不濃。咕嚕肉,唔係用菠蘿係用罐頭桃,所以味道不太酸,平平凡凡。壽桃包,唯一出色的,很軟滑熱辣辣,超好味。五人吃了$1100!實在一次夠了...... 繼續閱讀
(以上食評乃用戶個人意見 , 並不代表OpenRice之觀點。)