嚐樂

營業中

休息中

之前已經試過幾間9龍城甜品舖今晚再試一間新ge～之前幾次食都係有d歷史～大部分都係我讀中學已經係度～lee間算係新開～舖頭細細～但好多人排隊啊～雖然係小店～但款式都好多～好多雪糕杯！！反而中式糖水少d～因為個日想食暖嘢所以都集中係中式糖水方面～芝麻糊加小丸子芝麻糊好香好滑！一d都5係溝水開～小丸子就不過不失去啦！🌟桂花馬蹄露加蛋哇！lee個有驚喜！桂花好香！好清新！5太甜！可惜係蛋原來整隻5係蛋花～如果蛋花就好啦～🤤🤤🤤🌟🌟🌟🌟🌟🌟🌟🌟🌟🌟🌟🌟🌟🌟🌟值得一試！下次再試其他嘢！！btw個晚去到仲見到catgirl都排隊食🤣🤣🤣

我第一次食嚐樂係一個好朋友介紹，佢中學時已經幫襯開，由廿零蚊一杯甜品食到三十幾蚊。hahaa 我真係好多謝佢帶我黎食，我食過後，我都有推介俾朋友，真心好味 同埋甜品配搭幾新鮮。我每次黎都係叫黑咕嚕，佢係朱古力雪榚+咖啡果凍+美祿波波😆三樣加埋真係好夾，又脆啦，咖啡果凍又少少苦少少甘。朱古力雪榚我諗佢轉左供應商，因為我頭幾次食係無咁甜的，不過都仲好好食😜店舖內有勁多marvel figure同poster, 等甜品時我都會欣賞下而自2019年6月起叔多左啲pepe 連豬 標語等😉😏

去開九龍城，當然要食下呢度嘅甜品，咁多甜品舖競爭，質素一定有返咁上下至生存到。我哋試咗中式同西式甜品。西式甜品，佢哋有好多種甜品杯，每杯都由5至6種甜品食材整出嚟，有唔同主題例如綠茶，咖啡，朱古力等等，仲要賣相全部都好靚，花多眼亂，齋睇都已經有幾杯想試😋嚟一次真係唔夠。今次我食咗個榴槤杯，有榴槤肉同榴槤汁，真材實料，配上西米或涼粉，好味。價錢又唔貴，抵食。中式甜品叫咗個雪耳燉木瓜，材料豐富，難得中式甜品都做得咁靚。

來到九龍城，意外見到呢間甜品小店，看似多選擇，即刻入去試一試💜從Menu上看得出店主的心機，每款甜品都有圖顯示💜不過我係一個有選擇困難症的人，所以都揀左好耐🤣甜品方面：（1）香芋丸子：Hard copy的menu手上本來係寫藍苺雪糕，不過佢俾左香芋雪糕我地，香芋雪糕似係雀巢三色雪糕的味道，丸子冇咩味，但牛奶布甸有驚喜，濃濃的牛奶味😍好正（2）黃金島：柚子果凍似係Hand made，濃濃柚子蜜的味，都芒果味濃，岩哂鍾意食芒果嘅人😛（3）榴槤水晶甘露：榴槤味好重，仲有一舊小小的榴槤肉係碗入面，水晶甘露好爽口，呢個係必食品！！

打完邊爐鹹鹹地，固之然就想食糖水～Menu 全部都影得好吸引，好似碗碗都好足料咁～最後叫咗最愛吃的芒果味甜品。芒果達人 $40 |賣相同Menu一樣都係咁多料同咁靚，用椰汁西米露做底，入面有芒果雪糕、鮮芒果、芒果布甸～最怕西米露會無西米、好似水咁稀，好彩呢間唔係，不過椰汁唔算好香。布甸其實係奶凍質感，香滑又有小小彈口～芒果肉黎講，呢個季節食竟然唔酸，店家應該好用心揀芒果～雪糕就奶香比較重喔。雪糕貴妃甘露 $40 |必需一讚，呢個貴妃甘露的西柚粒多到就嚟瀉，而且汁底就好出色，有西柚混埋芒果嘅酸甜味，食落好香會好想食多幾啖～40蚊食到咁足料的糖水，好抵呀～好想繼續攻陷呢間舖嘅所有芒果甜品～

🇭🇰 懲 罰 時 間．．．．ヾ(๑╹◡╹)ﾉ”．黑咕嚕 $38朱古力雪糕x咖啡果凍x可可球推薦分數：◆◆◆◆◆本以為會很甜，結果沒有呢～ 咖啡愛好者(非研究者也！)表示果凍很好吃，帶點咖啡甘味，甜苦適中，口感也剛好(⁎⁍̴̛ᴗ⁍̴̛⁎) 朱古力蛋糕x可可球的配搭普通但百吃不厭，有種童年回憶的味道呢(˶‾᷄ ⁻̫ ‾᷅˵)．芒果達人 $40芒果雪糕x鮮芒果x芒果布甸x西米露推薦分數：◆◆◆◆◇西米露是煙韌有嘴嚼感(˶‾᷄ ⁻̫ ‾᷅˵) 芒果布甸也是比較實淨一點的，沒有水汪汪的。芒果粒的數量也不少，不過幾粒偏酸的，有一點點扣分。芒果雪糕就普通現成的味道，沒甚麼特。整體來說就是口感很豐富的甜點嘛(⁎⁍̴̛ᴗ⁍̴̛⁎)

九龍城的地方比較偏遠旁邊暫時未有地鐵😌但係充滿着好多唔同嘅好嘢食 今日就同朋友食完晚飯嚟咗呢間甜品舖食甜品。甜品質素幾高有驚喜首先我哋叫咗芒果達人$38 芒果西米露配上芒果布甸 芒果控必試另外亦都叫咗一個小紅帽 $38值得一提係西柚啫喱 食落去幾清新配上雲呢拿雪糕另外面頭上面仲有士多啤梨醬 加上西瓜哈密瓜等等新鮮雜果 能夠滿足到大家食甜品嘅願望 另外呢度嘅甜品取名都非常有趣 加上營業時間至凌晨一點至兩點。食夜晚夜左都唔使怕冇得食

照例食完飯去繼續食甜品。喺隨便搵嘅呢間甜品店，冇想到嘅好食嘅。芒果達人，白雪腐竹薏米，紅綠花點咗呢三個同朋友一齊食。我好中意紅綠花，因為呢款裡邊有好多料，一次可以食到小丸子，豆花，蜜豆同埋一個好大個綠茶味雪糕，小丸子超好食，口感超好好煙韌，一齊一啖落去，超好味 ！朋友中意芒果達人，呢款料都有好多，椰汁底加西米，芒果肉同埋芒果雪糕。芒果味好香。白雪腐皮薏米我哋兩個都唔係好中意，麻麻得。

呢個甜品叫榴槤黑森林，真係超級好食。雪糕球下面其實夾住一層好厚嘅榴槤肉， 就係黃色凸出嚟嗰一嚿。啲榴槤肉打成榴蓮蓉，好新鮮，好match個雪糕，食到好滿足。對鍾意榴槤嘅人，真係好recommend呢個。另外叫咗一個喳咋西米露，凍食。西米露煮得幾好，唔會一pat pat。中間重滲入咗少少紫米，咬落去啵啵聲，好正。唯一要留意嘅係，一定要食咗中式糖水，先至食西式甜品。因為調返轉嘅話，中式糖水感覺就會太淡。整體而言感覺好好，老闆好友善，第時再經過都會再食。

天氣冷冷就同左朋友去左九龍城附近打邊爐, 食完之後見仲早就諗住搵間甜品店HEA下, 而最後就揀左呢間嚐樂.桑寄生蓮子蛋茶 - 色澤較黑有亮澤嘅糖水, 食落唔會太甜, 而且仲有陣陣藥材味, 而隻蛋我覺硬左小小, 但整體味道都OK.

九龍城大部分甜品店都似中間嗰幾條街，冇意中發現打鼓嶺道轉角位有間小店，近排附近有搭棚，就更加唔顯眼，但呢晚都唔少人幫襯，相信都會幾好味。呢度主打西式啲嘅甜品，有一系列以雪糕為主，再加上布甸/涼粉/啫喱/西米，另有啲係似楊枝甘露嘅糖水，又有啲窩夫類嘅。鐘意抹茶嘅我就揀咗有抹茶雪糕嘅，下面加豆腐布甸，再伴埋紅豆，全部都好啱我口味，紅豆亦都好大粒，正 !另外試下唔係雪糕系列嘅貴妃甘露，一望就覺得佢好足料，柚肉+芒果+西米+椰汁，就好似楊枝甘露嘅多椰汁版，好夠凍，好啱夏天食。

係九龍城食完泰菜, 搵間糖水舖填埋第二個胃是常識吧。呢間糖水小店我黎過好多次，之前都係食凍既特色創意甜品比較多，今日天氣有d 凍就試左佢地既中式糖水。桑寄生蛋茶望同食落都好濃味，有大大隻雞蛋同好多蓮子，圓肉。飲完個人都暖左，個晚仲好訓左。唔知係咪有安神既作用。訓得唔好既朋友都可以試試。桂花馬蹄露成碗都係桂花，望落去都好足料，啖啖都係馬蹄。但唔知係咪主張健康既關係，碗糖水唔係好甜。呢間糖水舖除左特色甜品，中式傳統甜品都做得唔錯，抵我成日黎幫襯支持。

九龍城一間小店，人流唔算多，入面有好多star war同marvel，單車同電單車友有折扣，鍾意佢簡簡單單，坐得舒服，食物衛生好味，鍾意食芒果達人，芒果夠甜，menu入面既甜品配撘都好襯，唔會奇怪。最岩三五知己坐係入面唔洗趕頭趕尾食。

在九龍城,眾多的甜品鋪中，唔計傳統的,新派來說，嚐樂會是每一次想食下甜點之時，就會想到.可能它的位置比較向內街，所以又唔係真的好多人發現它!!嚐樂我個人就認為雪糕類真的值得推介。呢一次為例:  一個15 +16，很多人都po了水牌啦,所以直接用number方便~  就淺嚐這兩杯小甜品來說，紅豆綠茶基本上是一個非常之穩陣亦都有好多鋪頭可以做得出來的撚手甜品了。若然你問我要改善的地方那就是綠茶的味道可以再濃一點，因為去到後期當綠茶雪糕的份量相對少了（因為融化左之後啦、同埋食咗之後啦）相對甜就會蓋過了綠茶味了。個"藍天"相對就比較有驚喜，各位食家可以的話，就記得每一匙羹都要包括晒咁多層嘅材料一齊食，味道更佳。  

今晚單車放甜時間 緊係去bike friendly 的甜品🍮鋪啦 踩單車黎9拆 多謝曬你地鼓勵多d人踩單車🚲🚲🚲鋪頭外面有欄杆 正呀 ✌🏻✌🏻 今晚試左2個叫甜品 一個係叫黑子 另一個叫奶茶