喫茶ちょうぼ

營業中

休息中

蛋包飯控必到！想不到可以蛋包意粉蛋香味濃 充滿蛋汁小可惜是意粉有點太清淡蛋包飯是一向的好吃！加牛面頰肉腍滑無比與蛋汁融合更滋味比意粉的更濃味～牛肉薯餅超好吃的說🥹想再多點一碟😜忘了價錢好像$88三件算是良心價了服務是非常好果然是日本菜呢蛋包飯更會在客人面前𠝹開蛋看著蛋汁緩緩的流到飯中有種莫名的治癒感！在這K11 算是便宜了竟然一道主菜也不用$100性價比高之選呢～不過我覺得大埔店更美設計好像置身森林一般～

晚飯後，想尋找甜點或咖啡室，想與友人再待多一會。誤打誤撞，被熱情的侍應招呼入內本來諗住只係飲杯咖啡，見到餐牌上，無論名字或者圖片，非常吸引。最後叫了三個甜品餐，再加可樂餅。甜品不會太甜，賣相非常可愛精美，捨不得吃。店員特別一提，同樣的甜品，下午茶時段最抵吃，我會再來一試。這店舖在K11 2樓的open area，感覺樓底高，空曠，裝修卻像50年代的日本茶室，木製傢俬特別優雅。加上特色的餐具，襯托五顏六色的菜式，感覺優雅。

平時喺K11行街都見到呢間餐廳總喺有人排隊 行到攰又唔想search食咩 就決定排隊食呢間 排咗一陣先入得 但得返一張好開揚嘅枱同一張超細張嘅二人枱😵‍💫最後都係坐咗去超細張嘅二人枱 結果後悔了 真係好迫🥹速戰速決嗌咗一人一個蛋包飯 我叫咗特大海老蛋包飯 朋友叫咗牛肉蛋包飯 朋友嗰個店員係會幫手切開跟住再淋醬汁🤔望見醬汁超多 感覺有啲重口味 但朋友話味道唔咸 都可以 (因為我冇食🫢）兩個蛋包飯賣相一流 味道唔錯 海老算幾大隻（不過相片睇唔到😂) 聽聞甜品日式布甸都唔錯 但我哋都唔想再逗留 下次有緣再試😂發現佢哋原來港九新界都有分店😳

約咗人尖沙咀食晚飯，但係又早咗到經過見K11呢間Cafe環境都幾靚，應該會坐得幾舒服就入去試吓。重點係平日下午茶，只係50零蚊就有甜品+咖啡，完全係大Hea好地方！🤣🤣❣️咖啡正常發揮，啡底唔算突出，奶泡都算綿滑細緻。☕️❣️蛋糕有好淡好淡嘅伯爵茶香🍰，要仔細去咀嚼先會留意到。😂😂上面嘅奶蓋唔算膩，中規中矩，蛋糕質感都可以。整體嚟講，如果想要舒適，入去係好選擇。雖然食物唔算突出，但佢下午茶呢個價錢就真係無得頂啦！🤗

不錯的蛋包飯同蛋包意粉個蛋好好味但真係好飽所以幾個人一齊share叫唔同野會好d紅酒燉牛面肉個牛肉好淋好好食，好入味。Lunch time 去都易搵位，唔洗等位。上菜速度都唔會太慢，幾好，值得一試

✨唐揚炸雞✨ $88 🐤超級惹味😍外皮好香脆肉質又好juicy👍醬汁好好味😋✨壽喜燒牛肉蛋包飯✨ $113 🥚望到已好高興😂一上枱係香氣撲鼻🤤完美蛋皮一𠝹開入面就係滑溜嘅蛋漿😍壽喜燒牛肉都好香甜惹味☺️必食！💕✨炸軟殼蟹扁意粉✨ $98 🦀蟹蟹好大隻😆不過炸到有d乾😢😢😢感覺好油膩💀意粉係忌廉汁就幾好食🤩每條都掛哂汁！✨日式布甸✨ $53 🍮蛋味幾香濃☺️甜度適中質感偏硬唔算滑不過都算合格🫢✨焙茶牛乳✨ $45 ☕️❌Fail系列第一回勁淡😂😂😂無論攪勻飲定就甘飲都是無味🤷🏼‍♀️🤷🏼‍♀️🤷🏼‍♀️✨抹茶牛乳✨ $42 🍵❌Fail系列第二回合埋眼好似飲緊水甘😂😂😂唔好講話抹茶味❌唔明點解d奶都可以無味🤷🏼‍♀️

行過K11係出面見個蛋包飯個樣唔錯個裝修又幾靚咁 都諗住喺得尖沙咀 仲要K11 d野食唔會伏得去邊就諗住入去試下啦 佢個和牛蛋包飯 完全係林小小牛腩咁 得3大舊 仲勁咸仲衰過牛腩面D牛腩碟野賣$160 諗住個蛋包飯會好d蛋入面個炒飯仲衰過茶記 飯超林超咸仲有好生既紅蘿蔔洋蔥 唔知想點咁個沙冰無得跟餐 咁無計咁單叫一杯草莓沙冰🍓杯野細杯到… $48 杯野得嗰3,4啖飲晒+25跟餐 個配菜係得啲椰菜類幾塊葉又係得勁細杯野飲 真係飲得幾啖又無晒原本枱面會有2杯水 似係生水咁 有陣水喉水味…真係完全唔好食 。呢個價錢完全對唔住呢個質素囉

尋日同幾個朋友食tea，叫左份薯條同mussels share食，同時大家都有各自點甜品同飲品先到嘅係棉花糖朱古力多士（唔太記得個名），大家一齊食，叫店員俾幾份碟同餐具，先係俾左幾隻叉，但遲遲無俾碟，不過都食到，所以邊食邊等。之後到薯條同mussels，其實點都唔似係一個人食，加上我哋一行4人，正常都會跟手俾低碟同餐具，我地等左一陣都仲係無，先叫店員拎，又係叫左幾次終於有最後到各自甜品，果然又係咁，俾左布甸無俾匙羹其實都唔係咁忙，都唔明食物質素同員工態度其實ok既，就係唔夠上心呱薯條同mussels，味道唔錯，不過份量較少棉花糖朱古力多士，正常發揮，但唔知點解襯沙律菜😂布甸🍮一人叫左一個，好味！蛋味濃，最好食係佢

假日響K11商場經過呢間和風洋食餐廳，俾佢既日系設計吸引到，復古既木質傢具、吊燈、擺設都好有氣氛🤩🤩 睇埋Menu價錢相宜，即刻入去試試！咁岩重有梳化位😍 ❇️日式紅酒燉牛面肉蛋包飯🥩🥩🍳 推薦蛋包飯‼️上枱時店員用刀將半熟蛋慢慢𠝹開，然後淋汁。一𠝹開 半熟蛋汁即時流出，撈埋珍珠米飯好正🍚 牛肉亦好滑嫩，配埋醬汁幾惹味😋😋💕 ❇️炸軟殼蟹扁意粉🦀🍝 軟殼蟹外層炸得夠香脆，醬汁酸甜開胃 ❇️牛肉芝士漢堡🍔🍟 牛肉漢堡厚身啖啖肉夠juicy，麵包外皮烘到微脆🤤🤤 ❇️焙茶麻糬沙冰🍹 焙茶味幾濃，加埋麻糬增添口感，亦唔會好甜 整體餐廳格局舒適，食物質素和店員服務都不錯，值得推薦過來一試蛋包飯👍👍❣️

日式紅酒燉牛肉蛋包飯 見佢話係招牌菜，又收得$160咁貴，就試吓咩料。嚟嘅時候賣相唔錯，但係食落d 蛋汁又唔特別覺得有蛋香味。冇為個飯嘅味道增添層次。醬汁係預期中紅酒燉牛尾嗰種味道，但偏清淡。幾舊大大嘅牛肉就幾嫩滑，質感OK。整體嚟講，質素一般，主要係冇咩蛋香味，個汁又唔係特別出色。唔值得叫做招牌菜。炸軟殼蟹扁意粉一大隻軟殼蟹呈現喺意粉上面，賣相唔錯。蟹都炸得脆。意粉質地正常。個醬汁係忌廉蛋汁，都幾好味。紫薯奶：偏淡，唔係好似台灣嗰啲濃郁嘅紫薯鮮奶。只係鮮奶加咗啲紫薯粉，淡淡嘅味道。環境： ★★★★☆ 食物： ★★★☆☆ 推介： ★★★☆☆

想試呢間日式咖啡店一段時間，之前星期六下午茶時間要排隊，今次唔洗排隊即刻試試😽🔸明太子蛋包意粉🍝 $96蛋包好有動感好鬆軟嘅感覺🤭用刀切開滑溜潘嘅蛋漿流落忌廉明太子意粉到😍 忌廉味好出，不過明太子味就弱咗少少唔係好食到🥲🔸壽喜燒牛肉蛋包飯🐮 $113蛋包飯係炒飯底簡單但好食😋 滑滑蛋包加埋燒汁好夾，甜甜嘅壽喜燒牛肉有驚喜好香牛味又夠腍😋🔸忌廉青口鍋配香草薯條🍟 $172有忌廉同牛油香嘅汁唔錯，如果有麵包點嘅話應該會好正😆 不過青口就好一般🥲 呢個可以skip。🔸岩燒芝士多士🧀 $68鬆軟嘅多士邊邊烤到香脆，中間鬆軟濕潤，上面放咗芝士同微微咸香嘅Ham，輕食之選😽飲品叫咗Iced Latte & Hot Latte☕️餐牌畫風好可愛，餐廳設計走日系咖啡店風格，坐位闊落。店員服務有啲有耐性有禮貌，部分就有待改善喇😅🐾貓奴足跡🐾🌐喫茶ちょうぼ (尖沙咀)📍尖沙咀河內道18號K11購物藝術館1樓117-118號舖

這間日式餐廳位於尖沙咀K11商場裡，以日式簡約風木系裝潢，地方寬敞光鮮，座位舒適，猶如置身日本似的，價錢雖然較貴，但食品有水準，是和朋友聚餐的好地方。餐廳主打的是蛋包飯，今次叫日式紅酒燉牛肉蛋包飯，切開時有蛋漿流出，牛肉軟淋，加入香濃的紅酒汁，每塊牛肉都很入味，入口即溶。蛋熟度剛剛好，半熟流心，與牛肉和飯完美配合，包住的是日式炒飯，配上腍度剛好嘅紅酒燉牛肉，賞心悅目又好味。雞皮餃是日本料理常見的熱門小吃，以雞皮取代傳統餃子皮，經油炸後，外皮金黃酥脆，內餡軟嫩多汁，雞皮油香十足，餡料亦都好飽滿，咬落口脆卜卜。夏日海洋梳打，賣相就像海洋一般，非常漂亮，打卡一流，伴勻的味道就像雪糕梳打一樣，很清涼，若在炎炎夏日飲就最適合不過了。

前排約朋友出街飯聚，又係約尖沙咀，今次想食日本cafe，就揀左呢間新開 喫茶ちょうぼ 食日式料理😍😍裝修係一間好日式咖啡店☕️🩵主食：龍躍和牛漢堡蛋包飯$145 最近中意左蛋包飯，見到餐牌有所以叫尼試下，漢堡肉質香口軟腍，配上光滑漂亮既蛋，待應生會拎刀幫你介開塊蛋，雞蛋中間半熟，淋上秘製醬汁，配合軟軟的珍珠米同沙律菜，好好味😋🩵主食：大笑蝦蝦菠菜扁意粉$98菠菜扁意粉好多汁，食落又吾膩口，只係賣相全綠好奇怪，但感覺很健康🤪🤪🩵飲品：焙茶麻糬沙冰$52見到幾特別所以叫尼試下，麻糬好好味，本身係焙茶控，所以覺得好好飲，但有d細杯😛🩵飲品：冷壓蘋果汁$34朋友叫左冷壓蘋果汁，飲落都ok😙🩵甜品：日式布甸$53 係Menu見到賣相漂亮，所以叫尼試下，果然適合打卡🥰柔滑的雞蛋布甸，淋上甜甜的焦糖，食落仲好有蛋味，真係好正🤤🤤

中午食lunch,本身係有用餐時間,不過會睇情況彈性安排,當天閒日,終終都係任我哋坐到夠🥰食物好好味,一心想試軟殼蟹扁意粉,果然冇失望.侍應嘅服務好好👍而家不斷自動自覺幫你加水嘅服務真係唔多,態度又好,值得一讚👍

一直以為呢間係一間靚靚打卡日式cafe，食物未必好出色，眼見啲食物個樣同啲碗碗碟碟都係好復古嘅日式風格。但原來佢打卡得黎個蛋包飯都好好食。佢定價都偏中等偏貴，主要有蛋包飯、意粉同定食。我地叫咗個吉列豬扒同漢堡扒蛋包飯。龍躍和牛漢堡蛋包飯估唔到仲食到新年限定嘅和牛漢堡蛋包飯。上到枱，店員會等你影晒相再幫你切開，等你可以靚靚地打卡，切開晒之後會再淋番啲汁上面。本身個飯加咗啲脆肉瓜同紅蘿蔔一齊炒過，面頭果塊漢堡扒好厚好juicy，牛味都幾濃，唔洗就住就住咁送飯食，完全對得住個價錢。極厚切吉列豬扒飯吉列豬扒覺得正常發揮，又未到真係極厚。炸粉唔厚，肉質都嫩，撈埋滑蛋同個醬汁好好送飯。兩個醬汁對比我會鐘意吉列豬扒果個多啲，酸酸甜甜 ; 蛋包飯果個就普通gravy汁，唔算太濃味。餐廳menu冇set lunch，全部都散叫，今次食得太飽都冇另外再叫飲品/甜品。整體環境都算好坐，食物上枱速度都快，係一間下次都會想入食嘅餐廳。