喫茶ちょうぼ

營業中

休息中

日式喫茶店【喫茶ちょうぼ】越開越多分店，最近出左D特色賀年餐點，所以就同fd去左尖沙咀分店試下、順便食團年飯。麻婆豆腐和牛蛋包飯：有少少fusion既感覺、日式中華料理mix西式，幾特別。庵列整得岩岩好，唔會太熟、好creamy。裏面飯係已經調左味、有茄汁、蔬菜等等。麻婆豆腐唔會好辣、有少少花椒味。跨年稻荷腐皮紅白年糕烏冬：比較應節既一道，烏冬加上腐皮同紅白色魚板。不過個湯底有少少偏鹹。金蛇賀歲寶箱盛合：係傳統日本的正月料理既簡化版，非常有特色。包括黑豆、蓮藕、紅白魚板、蝦、惠方卷同唐揚炸鷄。全部都係有寓意既食物，個人最鍾意入面既蓮藕、惠方卷同唐揚炸鷄。鯛魚燒紅豆吐司盛盒：包括兩隻迷你鯛魚燒、牛油紅豆吐司同鷄蛋布丁。鯛魚燒外面燒得幾香脆、裏面紅豆又唔會太甜。牛油紅豆吐司又幾香、最好食係佢地既招牌鷄蛋布丁，非常creamy、濃郁。寒冬甘栗咖啡：冬天限定、有凍有熱。偏酸既果味咖啡加上栗子蓉好特別，味道層次好足。焙茶latte：有少少偏稀、但都唔會太淡。