喫茶ちょうぼ

營業中

休息中

每次去大埔超級城行街，都經常會幫襯一間日本洋食屋《喫茶ちょうぼ Choubo Kissaten》，喜愛這間餐廳的溫暖昭和風裝修，裝潢充滿懷舊情調，用上深啡木色，門口位置仲擺放了精品和餐具售賣，非常日本風。若葉香氣牛油果蛋包飯$136用刀在蛋包飯中間位置對半切開，輕輕一劃，蛋液立刻往兩側攤開，像瀑布一樣緩緩流下，蛋皮仍是處於半熟狀態，白飯加了飯素，淋上香滑忌廉汁，翠綠軟滑的牛油果肉，清新開胃。蔥油香菜唐揚炸雞$118炸雞沾滿蔥油香菜醬汁，外皮炸得乾身不油膩，香脆的外皮和嫩滑多汁的雞肉互相結合的絕妙口感，一口咬下肉汁四射。日式咖喱牛肋肉烏冬$132 （可選刨芝士或刨朱古力一客）一般面層刨芝士很常見，這裡竟然可選朱古力，即席刨朱古力令典型咖喱日式咖喱汁更濃郁之餘，味道層次亦更豐富，朱古力是特濃口味，牛肋肉經長時間炆煮後極之入味，肉質鬆軟卻仍帶有嚼勁，加上爆漿流心蛋汁，烏冬入口滑順彈牙。初夏清甜蜜瓜刨冰$82刨冰軟綿綿，淋上蜜瓜糖醬，味道天然清甜，夏天食清爽涼快。和風紅豆冰鯛魚燒$58鯛魚燒外脆內軟，面層香滑忌廉，內有大粒飽滿、熬得起沙的紅豆。抹茶麻糬沙冰$52清香的抹茶帶來一絲清爽，

若葉香氣牛油果蛋包飯啖啖都食到牛油果蓉同牛油果塊，蛋香突出，但唔會搶左牛油果既風味，估唔到牛油果都可以配蛋包飯，飯唔係傳統茄汁而係紫菜芝麻拌飯，口感豐富蔥油香菜唐揚炸雞炸皮好薄，做到好香口酥炸嘅味道，雞肉有汁好嫩滑，夾埋濕潤的青蔥食更加正日式咖喱牛肋肉烏冬加刨芝士刨芝士會刨到你叫先停，所以可以加好多好多，非常療癒，咖喱醬好似同一般嘅日本咖喱有少少唔同多咗一浸奶香味，入面仲藏住一隻流心蛋，牛肉嘅部位好靚，肥瘦相間，有牛味初夏清甜蜜瓜刨冰顏色好靚，夏日消暑必備，味道好清新，好似細個時飲蜜瓜汽水的味道幸福綻放花環拿鐵咖啡味好香，底下有少少草莓醬，增加種酸甜層次，裝飾都好繽紛可愛草莓沙冰超級少女心，滿滿粉紅泡泡💕草莓完全冇藥水味，酸酸甜甜好開胃，推爆👍🏻

一行入一間咖啡廳，已經俾佢嘅可愛日系裝修風格所吸引。一坐低就急不及待叫佢嘅蛋包飯黎試下❤️-昭和咖喱牛肋肉蛋包飯 $130-咖喱味濃，係日式嗰種甜甜地甘甘地嘅咖喱，個蛋包飯充滿蛋汁，食落滿滿嘅蛋香！最吸引嘅係佢個飯係炒飯底，本身已經好好食，再配上濃郁嘅咖喱、好腍嘅牛肋肉同埋充滿蛋汁嘅蛋皮，食落真係好滿足🥳-壽喜燒牛肉蛋包飯 $113-壽喜燒個汁甜甜地，配上蛋包飯好開胃。啲牛肉都好腍身，又另外有一番風味👍🏻-味噌奶油茄子煙肉意粉 $105-朋友喺茹素的，在餐牌上揀左呢個餐點後就話俾店員知佢嘅需要。店員服務非常好，立即安排可走煙肉。朋友話茄子都非常好味，意粉彈牙，與味噌嘅味道好夾👍🏻-焦糖洋蔥鳥取和牛漢堡配薯條 $115-佢嘅和牛充滿肉汁，配上炒到焦糖化嘅洋蔥，中和左嗰種油膩嘅口感，食咗幾啖都唔覺大負擔。而佢呢度嘅薯條係嗰隻自己炸嘅粗薯條，外脆內軟，配上酸忌廉沙律醬同茄汁，真係好好食

每次去日本，都會去返一轉當地嘅喫茶店。每次去到都會有一種穿越舊日本嘅和洋氣式，飲番杯咖啡食返件蛋糕咁就一日。為咗懷緬日本，今次就去到香港有多間分店嘅喫茶ちょうぼ，門口已經有好多貓貓嘅飾物可以購買，而餐廳裝修完美還原昭和洋食風格，令人充滿代入感。若葉香氣蛋包飯 $136第一次見綠色嘅蛋包飯，原來入邊加入咗牛油果。切開蛋包飯可以見到流心嘅蛋漿，餸飯都真係一流㗎。炸酥脆軟殼蟹咖喱飯 $148店員會即席刨上朱古力做調味，估唔到朱古力獨有嘅香氣同咖喱飯都好夾。蔥油香菜唐揚炸雞 $118外脆內軟嘅炸雞，充滿蔥油味同時又多肉汁。而飲品方面都好適合打卡，和風紅豆冰鯛魚燒和極濃花生咖啡除咗靚之外亦都好有特色。喫茶ちょうぼ (大埔)大埔安邦路8&10號大埔超級城B區2樓276號舖

這間日式西餐廳環境美觀，滿滿日本昭和風，座位寬敞舒適。若葉香氣蛋包飯非常特別，雞蛋加入若葉變成粉綠色，不但顏色美美還有種健康清新感，雞蛋口感十分滑溜，蛋味香濃，跟旁邊新鮮的牛油果配搭得宜。蔥油香菜唐揚炸雞份量十足，雞肉香脆可口而不覺油膩。炸酥脆軟殼蟹咖喱飯賣相精美，大大隻的軟殼蟹炸得香脆且啖啖肉，配搭惹味咖喱飯令人吃得滋味。和風紅豆冰鯛魚燒造型趣緻，滿滿忌廉上放有迷你鯛魚燒，紅豆冰入口香滑，紅豆大粒又甜。蜜香梳打清新感十足，蜜瓜味突出而且甜度適中，解渴一流。餐廳還推出不少優惠：• 蛋中藏著給爸爸的驚喜（6月2-30日）・ 堂食惠顧滿$150即可夾一次；・若與父親同行，可額外獲得多一次機會• 獎品包括送蛋包飯一客／飲品買一送一/全單八折卷一張

經過好多次呢間鋪 睇過openrice既comments好多人比good comments諗住佢好好食 我可以話你聽呢間係我食過最難食既蛋包飯。叫左個壽喜燒蛋包飯 好咸好重味 我本身食野已經好重味但佢係咸到我食完覺得要洗腎 我完全唔知openrice D good comments係點黎 超級大伏 叫左個Strawberrry沙冰 $42但個分量極少 又唔好飲整體comments: 食物好咸 分量好少 全無性價比可言 唔會再幫襯！

這間日式餐廳真的很有氛圍！昭和風的裝修搭配柔和的燈光，讓人一進去就感到非常放鬆。🍛 若葉香氣牛油果蛋包飯-淡綠色的滑蛋皮包裹著紫菜芝麻飯，香草味清新，搭配牛油果的油脂感，讓整道菜更加平衡。🍗蔥香唐揚炸雞- 無骨雞腿肉外酥內嫩，搭配香蔥油，港日風味的完美結合，絕對值得一試！🦀軟殼蟹咖喱飯-軟殼蟹炸得酥脆，配上軟糯的米飯與日式咖喱，口感非常豐富。🍨紅豆冰鯛魚燒-紅豆🫘冰的奶油香十分濃郁，外加一口鯛魚燒，除了吸晴，整體不太甜，不錯👍✨ **父親節後仍有驚喜優惠！** 堂食滿$150可夾蛋，獎品包括蛋包飯、飲品買一送一及全單八折卷！與爸爸同行更可額外獲得機會！💕

表妹係外國返來我緊係要同佢周圍搵正野食和打卡啦！今次就去左大埔的喫茶，呢到打卡都幾正喎有日本cafe feel！❤️ 若葉香氣牛油果蛋包飯 ～ 鍾意切蛋包飯的儀式，配牛油果又幾特別喎。❤️ 蔥油香菜唐揚炸雞 ～ 香口野啱哂我地，一口咬炸雞仲有d 油滴出架，入面雞肉嫩滑。❤️ 炸酥脆軟殼蟹咖喱飯 ～ 鍾意食日式咖哩呢個會好啱你， 唔會有辛辣味但就濃濃咖哩香， 軟穀蟹炸到好酥脆可口。🍹 和風紅豆冰鯛魚燒 ～ 紅豆煮得好腍，上面超厚又邪惡的cream。🍹 蜜香梳打 ～ 好夏日好fresh。呢到重有6月優惠👇👇👇蛋中藏著給爸爸的驚喜 (6月2-30日)堂食惠顧滿$150即可夾一次；若與父親同行，可額外獲得多一次機會添。- 獎品如下：送蛋包飯一客／飲品買一送一／全單八折卷一張

呢間位於大埔超級城內的日式西餐廳一向都好受歡迎，裝修走昭和風，好似去咗日本懷舊咖啡店咁靚咁舒服😌開業幾年食物質素keep到！meun間中都有少少唔同，保持新鮮感。若葉香氣牛油果蛋包飯 $122睇中咗比較特別的綠色蛋包飯，顏色好靚混合了五榖飯素，荽茜，牛油果，淋上香濃芝士汁整個配搭清香又濃味蔥油香菜唐揚炸雞 $108炸雞好嫩滑，蔥油好香，鐘意食蔥油豬扒飯嘅朋友應該會幾鐘意呢個蔥油。炸酥脆軟殼蟹咖喱飯 $135原隻炸軟殼蟹！脆卜卜。咖喱係日式香甜版，小朋友都唔覺得辣。和風紅豆冰鯛魚燒 $58同港式有啲唔同，比較creamy，有半杯都係紅豆🫘！鯛魚燒咬落脆脆地又有煙韌感，紅豆唔太甜，又幾好食特上焙茶$36泡茶壺同杯分開的，沖幾次都仲好夠味食完飯不妨望下門口啲精品，都幾可愛架。6月2-30日適逢父親節堂食惠顧滿$150可夾1次扭蛋若與父親同行，仲可以多1次機會獎品有以下：送蛋包飯一客／飲品買一送一／全單八折卷一張可惜今我哋夾唔中，下次再嚟試下

每次去逛大埔超級城 都會心思思 想食日式蛋包飯加甜品 既然出咗糧 不妨縱寵一下個胃😁-🥚芝士汁小熊蛋包飯之前食過用和牛漢堡/紅酒牛肉/海老配嘅蛋包飯 款款都啱心意 今日試新品 小熊🐻賣相好cute 鮮黃色流心蛋漿混咗芝士汁🧀 滑溜可口 仲有啖啖蟹肉-🍝開心果帶子意粉趁開心果熱潮仲未過 食咗個用青醬溝開心果碎嘅意粉 意粉掛汁 充滿堅果香-🥜開心果甜品盛合用開心果入饌 一於唔好俾佢停😬 開心果味布甸同Tiramisu 果仁味唔算好突出 亮點係開心果醬‼️ 又thick又creamy👍-🍹和風紅豆冰鯛魚燒-☕️花生咖啡如果鍾意飲hazelnut latte 一定鍾意呢款花生咖啡

成日經過門口，見餐廳好似裝修得好靚，想試佢好耐☺️有日終於得閒，諗住試下佢既甜品。環境：餐廳裝修係有花心思既，睇得出佢想模仿昭和時代既和式日本風。不過美中不足，係個天花外露哂通風喉，如果有個假天花遮下就💯分食物：其實食物冇太大期望，因為都知佢係under美心🙈甜品種類比較少，想試返特別啲既野，所以揀左桂花烏龍戚風蛋糕同熱既焙茶牛乳。個蛋糕簡直大失所望😢首先係冇任何味道，個醬就咁放左一pat係蛋糕上，冇桂花味冇烏龍茶味，明顯只加香精…焙茶牛乳則比較正常，不過不失。服務：正常服務態度👌但上菜時間稍慢價錢：桂花烏龍戚風蛋糕（$66）焙茶牛乳（$45）

係大埔行街經過見好多人排隊食同咪佢個裝修好特別☺️會擺好多吾同嘅碗碟係岀面，仲要個個都好有特色，餐廳採用左䁔光嘅裝修風格，令人覺得食得好舒服，好温暖☺️🌟躺下來的小熊與番茄汁蟹肉蛋包飯用左小熊既樣子整個飯糰🍙上面係蛋包飯，一切開入面係滿滿既蛋汁同咪蟹肉，好滑好嫩，再倒咪茄汁一齊食，酸酸甜甜🌟新綠開果帶子意粉成碟意粉都撈滿左開心果汁，全部都係綠色，上面有3粒大大粒既帶子，好彈牙，好鮮甜，d意粉入面仲有粒粒開心果碎🍝食落去開心果味好濃郁，好香口🌟翠韻開心果甜品盛合有一件開心果蛋糕，好綿密，吾會好甜，好濃既開心果味，另外一件係開心果慕斯，好似食既啫喱甘，入口即溶，上面仲有一舊麻薯😋勁煙韌，食完仲有大大粒既士多啤梨，超甜🌟紫薯牛乳下面係紫色既紫薯蓉🍠好香，中間係純牛乳，無加任何既配料，飲落去好清香紫薯味好濃郁🌟和風紅豆冰雕魚燒係好有奶味既紅豆冰🫘上面仲有一舊好得意既雕魚燒，入面係好綿密既紅豆蓉，超推薦

❤️‍🔥❤️‍🔥坐得舒服😌、環境優美既「喫茶」，仿如置身日本既靚靚cafe。餐牌多元化，蛋包飯、意粉🍝、飲品、甜品🍮樣樣有，仲好好食👍。食完咁岩餐廳做緊活動，消費後可以扭蛋！「躺下來的小熊與番茄汁蟹肉蛋包飯」造型精緻，侍應係我面前𠝹開蛋，變成一大塊從的蛋形狀，倒入蕃茄汁🥫後賣相好靚。新綠開心果帶子意粉🍝帶子質感彈牙，開心果醬配搭意大利粉非常夾，而且多汁幾creamy。和風紅豆冰鯛魚燒特飲：表面有一粒剛整好嘅鯛魚燒，入面有紅豆🫘餡幾好味👍紅豆冰好綿滑，多紅豆口感好正！二番甜薯牛乳：甜甜地幾好飲，但味道唔會過甜。🥄翠韻開心果甜品盛合有幾款甜品🍮，2人食份量剛好。最好食係佢個布丁🍮，甜甜地，質感好滑身。

無論係門口嗰棵標誌性嘅大型白樹🌲，定係店內充滿歐陸風情嘅佈置同復古皮梳化🛋️、日式木枱，每個角落都充滿心思，勁有feel！🌟 訓著俾人淋紅油的 芝士茄汁蟹肉蛋包飯 😂🌟隻小熊懶洋洋咁攤喺度🧸，配上酸甜開胃嘅蕃茄汁🍅同啖啖鮮味嘅蟹肉滑蛋🍳，味道清新又豐富😋，大人細路見到都即刻心心眼😍🌟 新綠開心果帶子意粉 💚 🌟帶子大大粒，開心果嘅獨特香味都突出，食落啖啖都係果仁香氣同帶子嘅鮮味，估唔到開心果都可以整意粉！🌟 翠韻開心果甜品盛合 🍰 🌟開心果fans表示要尖叫啦🥳！呢個甜品盛合簡直係開心果嘅天堂💚，集齊幾款唔同口感嘅開心果甜點🍰，每一啖都充滿住濃郁甘香嘅開心果味😋🌟 和風紅豆冰鯛魚燒 🐟 🌟內餡包住滿滿又綿密嘅紅豆🫘，再配埋一杯透心涼嘅紅豆冰🧊，一啖暑氣全消呀！🌟 極濃花生咖啡(熱) 🥜☕️🔥🌟花生嘅香氣超級濃郁，同咖啡嘅醇厚甘苦原來係match的，飲落幼滑順口🤤，暖笠笠♨️👍！

星期日放假同朋友睇完戲諗住食個飯，因為兩個未食晏晝，反正都五點半不如順便食飽啲，食個早晚餐！呢間餐廳不嬲都係我book mark之內，因為環境舒服，而且嘢食都唔錯，所以直接同朋友講喺度食～小熊與蕃茄汁蟹肉蛋包飯賣相好可愛，一切開個蛋皮半溶地打開咗，蛋既份量夠多，配上酸酸甜甜嘅茄汁，同埋蟹肉，係咁熱嘅時候都覺得幾開胃！新綠開心果帶子意粉🍝呢個有驚喜喎，估唔到開心果意粉都幾好食，帶子煎得好香，肉質新鮮彈牙，意粉嘅味道調得啱啱好，又估唔到蒜香同埋忌廉嘅味道咁夾翠韻開心果甜品盛宴然後我哋最期待嘅開心果盛宴甜品，個布甸加咗濃郁嘅開心果醬再有少少開心果仁，呢個係最出色！開心果蛋糕就適合呢想食到清新啲嘅朋友！呢個一定要食！和風紅豆冰鯛魚燒🫘朋友叫咗呢杯飲品，佢就好鍾意啦，話唔會太甜，仲有個迷你鯛魚燒食！極濃花生咖啡🥜☕呢個有濃郁嘅花生味道再配合咖啡，唔會話好甜，呢個味道都幾新鮮！值得一試！總括嚟講呢呢個都係一個大埔好好同朋友傾偈、休息同埋食嘢嘅地方！唔同季節都有唔同嘅Menu，唔知下次仲有咩食呢？🍽 喫茶ちょうぼ(大埔)📌 大埔安邦路8-10號大埔超級城B區2樓276號舖☎️ 2564 1888⏰ 星