喫茶ちょうぼ

營業中

休息中

🎋日式昭和風 cafe 🍵想講個裝修勁靚，係復古日式風格🇯🇵推！✨海鮮蕃茄醬蛋包飯🍅大蝦，青口同埋魷魚圈都好新鮮大隻！一見到個餐就已經好有食欲❤️因為個蛋包飯真係超靚！好精緻💕半熟嫩滑嘅蛋配上蕃茄汁簡直絕配✨❤️超愛～～～～————————————海鮮蕃茄醬蛋包飯 $138配 提子梳打$28明太子香腸意粉 $82配 摩卡$28————————————大埔｜喫茶ちょうぼ#ChouboKissaten

因為覺得浪費時間，平時好少寫食評，但今次真係忍唔住。有幾個waiters超級冇禮貌。開頭因為門口冇人，先入去想搵個waiter話book咗位，之後就以勁差嘅態度話：出去等得唔得呀？我等陣出黎搵你好嗎，先生🫠🫠🫠好啦，等咗一陣終於入到去了，冇俾到水我地，咁咪唯有叫佢可唔可以俾2杯水咯。結果第一次叫就當冇聽到，第二次叫冇得扮聽唔到了啦，之後就話冇杯點俾水你啊？😂😂😂咁嘅服務態度都有…下次唔會黎了啦

呢間和洋店好高質，要介紹一下。🔹️龍躍和牛漢堡蛋包飯和牛漢堡肉質鮮嫩 juicy，超厚身，牛味好香濃🐄！，口感極佳，店員幫手切開流心嘅蛋，淋上醬汁，啲蛋真超滑溜😍，飯加咗啲蔬菜和蕃茄來煮🍅，好食呀。🔹️大笑蝦蝦菠菜扁意粉🦐大蝦肉質鮮甜彈牙，扁意粉嘅菠菜醬汁稠身，味道清爽，而且仲落左好多芝士碎。🔹️金黃滿屋唐揚炸雞🐥炸雞金黃酥脆，內裡多汁嫩滑，經過特殊調味後增添咗香氣，加埋醬汁好好食🥰🔹️白龍布甸牛奶大福盛呢款甜點結合咗招牌布甸和牛奶大福兩種元素，布甸好滑好creamy，口感細膩，超正！🔹️伯爵茶戚風蛋糕戚風蛋糕好軟綿，上面有層伯爵茶cream，每一啖都有好出嘅伯爵茶味。🔹️幸福綻放花環拿鐵🔹️抹茶麻糬沙冰

餐廳走日系復古風，店內主要是深色木系配以墨綠色梳化，加上微黃燈光，更加營造出有品味嘅感覺。餐廳有出售日本製作的陶瓷餐具和擺設，主要是動物和海洋生物款式，全部都好精緻，岩晒鍾意儲日系餐具嘅朋友。餐廳門口同其他分店一樣都有擺放打卡樹🌲，新年時仲掛上咗新年掛飾注連繩，充滿祝福🥰仲推出一系列新限定料理⛩餐單嘅菜色名都好有派頭🤭🩵🐉龍躍和牛漢堡蛋包飯🥚 $108和牛漢堡肉係經過精心烹調，肉質鮮嫩多汁，搭配著蛋包飯，入口綿密，香氣四溢，切開蛋包是仲會流心，好療愈🫶🏻🩵大笑蝦蝦波菜扁意粉 $98大蝦🦐鮮嫩多汁，搭配著綠色的菠菜🥬，蕃茄仔🍅和扁意粉🍝，充滿豐富口感，仲好有色彩🤩🩵金黃滿屋💰唐揚炸雞🐔 $88炸得外脆內暖剛剛好，外面加有醬汁和蛋黃醬，減少油膩感，而且蛋黃醬喻意金黃多到滿🤭🩵白龍布甸牛奶大福盛🐉 $68來自北海道TOKACHI的牛奶大福，配上口感順滑細膩的焦糖布甸🍮，加埋上面龍年擺設，好有節日氣氛，每一口都是甜甜的😋🩵白桃梳打🍑🍹 $45🩵夏日海洋梳打🍹 $48雖然聽落白桃和夏の海ソーダ🌊🌊唔係冬天飲品，不過近排天氣回暖又想飲凍飲，見到佢地咁colourful 配上復古花花杯🌼，影相一定好

日式紅酒燉牛臉肉蛋包飯 $145店員一上菜就會切開半熟蛋，再淋埋紅酒汁蛋煎得好靚，一切蛋漿流晒出嚟，蛋包飯份量有啲多牛肉好淋肉汁好出色草莓法式多士 $88多士好軟熟，如果多啲蛋奶汁會更香濃好味，煎嘅時間亦可以再焦香啲草莓醬都好似放題咁份量好多，會比較甜士多啤梨好甜好好甜蜜瓜梳打 $45配埋少少cream意外地好飲，好有日本嘅味道喫茶ちょうぼ (大埔分店)富臨集團嘅年輕品牌，仲有一啲日式擺設賣，主食食物份量偏多，係朋友聚餐之選唯一一點有少少可以再做好啲係，店員切蛋包飯前可以提醒下食客需唔需要影相/拍片先會更好。

新年🧧餐廳推出左一系列限定新料理❣️(小食 • 主菜 • 甜品 • 野飲都有)系列以享樂神社⛩️為主題，連菜式名都加上好意頭既字眼💖另外當然唔少得，店面棵打卡樹啦🌳同樣換左新裝💫加了日本新年掛飾注連繩，靚靚既裝飾，寓意吉祥為大家帶上祝福🥰~•~•~•~•~•~•~•~•~•~•~•~•~•~•~•~•~•~•~•⛩️龍躍和牛漢堡蛋包飯 ($108)和牛漢堡扒超厚身，濃濃牛味🐃大大舊動動蛋💛勁滑身，加埋醬汁撈飯一流🥄旁邊配有芝麻醬沙律🥗.⛩️大笑蝦蝦菠菜扁意粉 ($98)有菇🍄 • 有爽口蝦仁🦐 • 蕃茄仔🍅 • 芝士碎 • 甘筍粒🥕…最特別係𝐝黃色粒粒💛係醃蘿蔔(即係壽司會見到個種)菠菜汁稠身，唔會有草青味💚.⛩️金黃滿屋唐揚炸雞 ($88)外脆內嫩，加上醬汁令立立🤩有埋蛋黃醬，感覺冇咁熱氣🤪.⛩️白龍布甸牛奶大福盛 ($68)滑滑既布甸🍮面頭再加左皮薄既雪糕糯米糍🤍好似一次過食左𝟐款甜品咁，滿足🙆🏻‍♀️仲加左士多啤梨片🍓 • 卡仔裝飾點綴.▪️野飲 𝟐杯都唔會好甜，飲落滑身。⛩️ 幸福綻放花環拿鐵($48)即係士多啤梨𝐋𝐚𝐭𝐭𝐞🍓 表面有𝐂𝐫𝐞𝐚𝐦 • 彩針朱古力，底有少少士多啤梨粒🍓 .▫️熱 •

一入餐廳，人唔算多，大約坐左一半，落單叫左2杯熱飲，一份多士，侍應落單時重覆左我落既單，心諗唔會錯單啦。等左25分鐘飲品又冇，野食又冇，隔離枱遲入黎凍飲都出左兩杯，蛋包飯都上埋。覺得奇怪問一問侍應，先知漏左單，佢過嚟再落過⋯⋯正常漏單應該叫廚房即刻做，野飲都應該先比我掛，點知唔係，隔離枱又係繼續有飲品有野食，我就飲品都冇杯，痴線，咁都得，禮貌上都再問一問侍應，佢仲叫我等一等，我等左～40分鐘啦！即刻起身走人，唔會再黎。

服務： 員工似酒樓啊姐 叫左一個 仲和牛堡蛋包飯 一個蛋包明太子意粉 一個大福布甸 落單時 叫甜品後上 侍應話後叫會好等好耐 一齊落單擺係度係無問題 同應該差唔多時間兒上 好啦 咁我無所謂 最後係甜品上先 個大福係凍 會溶的 所以一定係食左先 （PS張枱係好細）坐低落單叫左兩次 比個籃我放袋 閘應左我兩次先有籃比我放野 食物：蛋包明太子意粉— 咸 眾有應該落好多味精 食到一半勁口乾 似中左粉意粉味和牛堡蛋包飯 — 和牛堡好真正 粉多 無牛味 炒飯底淋 似係用中國珍珠米 個汁似扒房和風汁 中式打欠 雞蛋無蛋味 係直頭冇落味大福牛乳布甸 不過不失 好一般 壽司朗布甸眾好食

初四午餐，叫咗幾樣主食，但係只有姿勢、冇實際，咖哩牛肋肉飯唔凍唔熱，牛肉偏肥比較靱，個蛋包意粉完全只有蛋味，個厚切豬扒嘅汁同其他一樣，味道同出一切，認真慳水慳力。嗰個跟餐嘅薯仔沙律，個味道真係得沙律醬味道，完全破壞咗啲薯仔既甜味，至於咖啡就算不錯，叫咗個美式，香味唔錯，吹落就好日本風味，淡口但幾有果仁味。服務就真心麻麻地，冇水畀你，要幾多錢問幾次先有，態度及回應都唔得，追佢個餐，竟然話冇人上餐，要等下，真心唔喜歡實個體驗。

年三十晚食團年飯，選擇來這餐廳食，之前成日經過都無入去試，就一心抱住同屋企人嚟試下也無妨，餐廳嘅氣氛燈光比較暗淡，感覺令人覺得有點神秘，我哋一行4人被安排咗於門口入少少位置，menu 比較精緻，細細本紙質好特別。我哋叫咗1個推介～鰻魚玉子蓋飯，2個新年限定～大蝦波菜汁扁意粉同和牛漢堡蛋包飯（名字可能有少少記錯，但大致上都係咁），食物一到，我哋比蛋包飯吸引哂，真係好出隻，一𠝹開個蛋，裡面就流哂出嚟，雖然飯比較少（因為漢堡關係）但好味道，鰻魚就有少少失色，可能我鍾意入口即溶化嘅鰻魚，感覺呢條比較需要咬口，但都好味道，最後就係大蝦扁意粉，呢個對比起前面我覺得有少許失色，味道好味嘅，但我略嫌個汁比較多，令到食落去時醬汁多過頭，但整體來說，食物質素係好味的，會再嚟幫襯

今日下午去咗大埔一田，經過喫茶，見到餐廳門口擺咗棵樹，餐廳裝修好靚，菜單有蛋包飯等日式菜，見幾吸引就入去食。餐廳裡面座位都幾多，環境闊落，坐得好舒服。菜單有好多款式可以選擇，有厚切多士、刨冰、甜品、漢堡、炙燒、前菜小食、意粉、定食、蛋包飯。我點咗壽喜燒牛肉蛋包飯，加$28升級套餐配咖啡及是日涼拌菜。飲品點咗抹茶牛乳。蛋包飯賣相好靚，店員有幫手切開個蛋再喺上面淋汁，蛋煎得啱啱好，切開係半熟狀態，食物賣相非常吸引，味道亦唔錯。壽喜燒牛肉蛋包飯 $98抹茶牛乳及是日涼拌菜 +$28整體嚟講，呢間餐廳無論係食物同環境都好適合影相打卡，但價錢略貴。

打卡必到既日系西式Cafe!!❤️明太子蛋包意粉 一切開見到未熟透既蛋汁慢慢流向兩邊，超療癒!! 蛋味濃郁，同明太子醬汁超夾!! 仲有磨菇等等配料，加埋煙煙韌韌有咬口既意粉，又好味又滿足!!🧡咖喱牛肋肉蛋包飯 咖喱+蛋包飯真係好match，香濃既日式咖喱，味道濃郁但唔辣，牛💛肋肉燴到好軟嫩又入味，再加埋軟嫩滑蛋同炒飯，啖啖都好幸福!! 💚雞皮包住好香既韭菜餡，再點少少月見醬汁，又香又惹味🩵雪人布甸與牛奶大福盛 牛奶大福外面麻薯質地又軟綿Q彈，牛奶餡又滑又creamy!! 再加埋動L動L既滑滑布甸，好完滿既一餐飯～💙紅豆牛奶 粒粒紅豆又香又綿又sweet sweet，冬天飲暖笠笠就岩晒💜抹茶牛奶 濃厚順滑，抹茶味又香又濃郁

一試難忘、回味無窮的蛋包飯😋😋😋店內環境優美，有舊日式高級餐廳的感覺，餐具精美，環境十分舒適。一踏進店內，便看到擺放着各式各樣made in japan的餐具或小擺設，吸引不少目光。店員會在顧客面前切開蛋包飯，蛋汁的稀稠程度剛剛好，一切開，蛋液慢慢流出覆蓋整個炒飯壽喜燒蛋包飯的份量十足，飯底是洋蔥🧅和胡蘿蔔🥕的炒飯，單是炒飯也十分吸引。壽喜燒的味道亦相當出色，配上新鮮沙律，一道美食呈現眼前。軟殼蟹非常鬆脆，原隻size非常大，佔了整碟意粉1/2的比例，有視覺效果。意粉醬汁稍為濃味了一點，不過意粉軟硬度適中，配搭起來相得益彰。

我相信個個都係俾佢門面幾靚而呃到入去。點知就係災難嘅開始。餐牌有蛋包飯，好自然叫咗一個和牛漢堡蛋包飯。心諗日本西式餐廳和牛漢堡，應該唔差得太遠，點知和牛漢堡一啲肉汁都冇，個飯仲要係硬梆梆。世界級難食，完全浪費quota。蛋又冇蛋味。我另外叫咗一杯草莓沙冰，完全冇草莓味，好稀。另外再叫咗個鰻魚玉子蓋飯，玉子實的的完全不是那回事。中哂伏，好耐無試過食餐飯食得好唔開心。真係好難食食咗都冇一半就閃人，實在太難食，最後去咗食碗車仔麵先夠飽。

再次到訪呢間位於大埔嘅日式洋食店，今次係假日比較早食晚飯嘅時間，冇咁多人可以靜靜地食嘢傾偈~🔘咖喱牛肋肉蛋包飯 每次嚟到必點蛋包飯，fluffy口感有蛋香，店員即場切開再淋上醬汁，牛肋肉入味得來又夠腍~🔘明太子蛋包意粉 朋友想試多一款有蛋嘅菜式，蛋包意粉印象中第一次食，個蛋一樣鬆軟，醬汁味道濃厚偏杰身，配意粉有另一種風味~🔘和牛漢堡扒定食漢堡扒份量十足，非常有厚度，肉質鬆軟，一貫日式漢堡扒嘅味道，啱我口味，有齊薯條、薯仔沙律、意粉同沙律菜作為配菜，好多嘢食好豐富~🔘月見雞皮餃子 餃子望落脹卜卜，雞皮燒得香脆，點埋月見汁一齊食更加分~🔘雪人布甸與牛奶大福盛非常可愛，冬季限定嘅雪人造型，好啱打卡，布甸不嬲係招牌菜，今次保持水準，加埋Q彈大福同士多啤梨，口感更豐富~🔘草莓沙冰酸甜度啱啱好，草莓味道唔假，幾好飲~🔘焙茶牛乳呢杯朋友點嘅，佢話焙茶味幾香，味道唔錯~