喜膳燒

營業中

休息中

尋晚要去飲，起碼九點先有嘢食，唯有等埋老公放工響附近食少少嘢打定底先。咁啱見到附近有間串燒店，就撞咗入去。餐廳唔大但好有風味。傾計又得，睇電視又得。我地叫咗一杯生力生啤($62)同6樣嘢食。鹽燒西班牙黑毛豬五花肉($39)。好似中式燒肉咁，肥瘦相隔，塊皮脆卜卜，但唔會太咸。海鹽燒皇牌牛舌($49)。唔會好似其他餐廳啲牛舌咁淋pat pat，讚。燒蒜蓉珍寶大扇貝($88兩隻) 。見住師傅開殼，新鮮就實好味。燒馬來西亞大蜆($79)。乾身，有海水味。燒白鱔($64)。是日推介! 脆皮，肥美。如果唔駛去飲一定encore!燒蒜蓉茄子($24)。份量唔大但蒜蓉控必叫。總結係，嘢食唔錯，適合一班朋友傾計聚會。

今日同老公係尖沙咀行完街，突然間好想食串燒。於是就係open rice睇下有咩好食。見雪喜膳燒呢間好多人推介，所以就試一試。係門口已經好清晰咁見到寫住呢度係有波睇睇，所以如果要同朋友睇波，chill下、啤下，呢度確實係一個好地方。行多幾步去到門口出面，已經比佢個生啤枱吸引住了呢度既串燒我諗有成超過100款。燒芝士麵根值得一試。無諗過響鈴入面都可以鑲芝士。熱辣辣既響鈴，咬入口既時候，中間既芝士汁流哂落口，非常惹味🤤🤤面頭充滿住住沙爹醬，咬落去面頭脆卜卜，食落口充滿住沙爹味👍🏾👍🏾茄子可以連皮食，個皮又唔會太乾，茄子加左蒜蓉同蔥黎燒，非常香口，只係油左小小大磨菇係用左2隻芝士燒成，食入口都食到2隻芝士味，而且大磨菇非常juicy🤤🤤特別推介美國珍寶蠔，佢真係足6吋長，非常之大隻。味覺非常鮮甜，沒有臭水味，仲滑過屋企舊番皂，cp值極高👍🏾👍🏾👍🏾👍🏾呢度太多款串燒食了，一次過試唔哂，有機會既話，下次都會番灼🤤🤤🤤🤤🤤🤤

位置唔算難搵～但要細心睇先會見到🤙🏿🤙🏿🤙🏿一入到去就好大陣燒烤味...通風系統有待改善😷😷鋪頭唔算大間，可能會有有小小逼... 環境係木系..有小小日本既感覺😂😂😂叫左小小唔同種類既串燒..佢一開始會比舊熱板（石？）你，等你既野食保持住熱熱的狀態... 唔會傾傾下計就凍晒🙊🙊🙊而佢燒好就會放係呢塊板上面😋左起：雞軟骨、雞腎、豬頸肉3款都好味，好香！ 而豬頸肉同平時食果d唔同，佢呢度係厚切的，係用一舊舊黎形容，平時係一塊塊的😂😂😂 一舊舊既口感好好！好爽口👍🏻👍🏻👍🏻燒雞泡魚干：燒得幾甜燒野菜類：正常燒茄子🍆🍆： 好香，但茄肉太薄太小🤦🏻‍♀️🤦🏻‍♀️🤦🏻‍♀️燒魷魚筒🦑: 感覺似熱水淥完加好多鹽係面，暖only,唔熱...🤦🏻‍♀️🤦🏻‍♀️🤦🏻‍♀️但佢配上既泰式酸辣汁就好好味（我地都好欣賞佢個汁！❤️）燒雞翼❤️❤️👍🏻👍🏻👍🏻：好考功夫既一樣燒物，佢呢度既全翼仲環好大隻，好腫脹！皮脆內嫩，但略嫌入面唔夠味🤪🤪麻醬烏冬（冇咩味的烏冬）生果啤（荔枝味），有啖啖既生果味，幾清新！佢仲有 青蘋果🍏、水蜜桃🍑、抹茶🍵味但個杯就比較污jo喇🤦🏻‍♀️🤦🏻‍♀️🤦🏻‍♀️

又到午餐搵食時間。今次叫喜膳燒外賣自取，佢味道唔錯又加送一串串燒。自取仲可以平十蚊 及免加一 。凍飲特飲加錢。日日唔同款。今次比平日多兩串串燒。因為上次漏送一串。店員好快處理問題。直接話下次補送。再另加一串菜心。

想睇完戲食簡單啲！openrice 搵串燒，搵到呢間！仲有得用openrice 訂位，方便👍🏻平時經過都唔覺得有呢間店，可能係唔會望入去大廈裡面既餐廳！搵到間餐廳，似一間酒吧多啲，裡面坐位好少，2張高檯，每張坐到6人! 但位與位之間好迫！燒馬來西亞大蜆唔錯，我地仲encore 多一份！ 燒鱔好味！整體食物好味！

朋友生日搵間串燒食下，平時都經常到處搵下有咩好野食，見呢間幾多好評就試下，食落串燒冇味，而且所有野都過熟好難咬，和牛居然係咬吾爛😓😓，五花腩話黑毛豬，但食落同普通豬冇分別，服務員好似好燥底定炆爭咁，3個人食吾多野吾折要9百，貴價錢極普通質素，不過雞皮係好食嘅

Happy Friday，又係晚餐找好嘢食嘅時間啊。而今日我就係去咗寶勒巷呢間叫做起喜膳燒嘅餐廳。之前雖然冇做過任何research ,但係門面睇落去都幾有隱細小店ke feel。所以就試呢一間啊!一入到去，員工非常親切，雖然地方座位偏細，但反而令店員更加可以容易留意到客人嘅需要。例如主動拿張凳俾客人放袋，或給竹籤桶比客人放竹籤。可見非常體貼。而店舖職員也會主動和客人聊天。睇服務方面已經加滿分。至於飲食方面，店員就介紹左我飲一款新西蘭生啤，非常易入口，男女都好適合飲。之後就燒左三隻雞翼，雖然雞翼外皮燒到好脆身，但雞肉依然保持質感。故值得推介之後就到燒蘑菇，蘑菇上面放咗層芝士，蘑菇雞肉汁同芝士混為一體。而雞肉，雞腎，牛丸及韭菜都燒得非常嘢未最後兩個人埋單只需要$538乍

今晚同朋友想食串燒，喺open rice見到尼度食評幾好、款食又多所以一試。入到去環境雖然比較窄，但裝修加曬份！食品大部分都好新鮮，款式又多。老闆又熱情招待，會再尼第二次

12:30約左客人食飯 一坐低叫左啲飯唔使5分鐘就上枱😱😱😱竟然快成咁 不過我覺得都幾好味我自己叫咗個羊架番茄汁燴飯 + 鹽燒牛脷個羊架稍為有啲脂肪未切走所以蘇蘇地不過我接受到 個番茄燴飯要俾個like佢👍🏻 甜酸控制得啱啱好 好醒胃🤤 我朋友叫咗個卡邦尼 + 燒菜心 卡邦尼個汁唔算太creamy 食咗一碟都唔算太漏👍🏻👍🏻

大概半年前食過一次 覺得整體很不錯所以今日再來 今日整體水準有點失望 不知是不是師父不同了 很多樣都燒得很干 然後味道都很淡 最希望改善是我最愛的牛舌 非常乾 ...鮑魚...感覺跟罐頭一樣 沒味道 $6x 一只很不值還有冷吃撈烏冬 這次好樣加了水一樣 完全沒味道變得很稀..上一次來還是很好吃的呢..娃娃菜也是沒味道 要自己加上很多7味粉才可值得一讚是燒鱔 這個有鮮味 還有牛肩 雖然有點貴只有4小件 但很幼嫩埋單除兩杯野飲有85折 兩人食了$500多其實仲未飽 不過想出去搵其他野再食..

經過寶勒巷多次，但都沒察覺這兒有一間餐廳，最後在openrice找聚腳地方時發現這間餐廳，決定一試，發覺食物質素的確不錯！燒玉桂焦糖金菠蘿 $32甜甜的焦糖，加上微酸的菠蘿，酸酸甜甜，必食！牛舌 $48牛仔骨 $46/2件兩者都鹽味十足，十分入味，而且肉質鮮嫩。麻辣味燒魷魚 $48燒魷魚微辣，配上啤酒，一流！本霜降和牛串 $58燒豬頸肉串 （沙嗲）$24和牛串挺嫩的，但豬頸肉沙嗲味不太重，有點失望。松露鵝肝多士 $38因為喜歡食鵝肝，所以點了這鵝肝多士。鵝肝外表被煎得香脆，內裡軟軟的，實在好食！一定會再encore這間餐廳！

和女朋友黎食晚餐，訂位有折實在太好，到達之後員工禮貌安排入座，座位好逼坐得唔舒服，不過係香港地少人多都無辦法，但係就油煙味幾犀利.....點菜上菜速度好快，不過我覺得整體黎講點幾鹹，尤其是蔬菜類，叫左個雜菇同菜，只有鹹味，而完全食唔到其他味，肉類都偏鹹，食左一半都已經食唔曬。可能廚師整鹹d預大家狂飲啤酒汽水啦。。。。好彩無叫太多。。。。

   睇睇下facebook就見到餐廳係度做緊廣島蠔大優惠，跟住見到原來係一蚊廣島蠔!!!係一蚊廣島蠔!!!   之後仲見到餐廳呢邊都幾多唔同嘅串燒，跟住就同左幾個朋友即晚去左食飯。  每個人只要係果個facebook嘅post留言同tag埋朋友就可以食到一蚊廣島蠔,真係超級方便又快捷。。。   不過呢度個廣島蠔真係好堅!隻隻都夠大隻身!鮮味又夠濃，仲大大隻有晒口感。超級驚喜。   食完廣島蠔，其他串燒都唔錯，師傅好俾心機咁即叫即燒，串串上枱都熱辣辣，又惹味   朋友都表示下次都要再黎廣島蠔，因為太正喇一蚊雞!!!  

星期六晚黎宵夜，雖然係地舖，但縮左入商場入口難見到，人流都比較少坐位都舒服，有幾部電視播下電影店員服務十分好，介紹左杏桃味手工啤好好飲，清甜有果香 $68 串燒即叫即燒，放喺石板上，可保持溫度扇貝 $88/2 大大粒肉，正燒廣島蠔 特價 $1隻 正常燒茄子 $24 有少少油燒露荀 $28 好味和牛粒 $45 好味 但少少貴整體食物都唔錯，燒得有心機山賊雞翼 $34/3 好味，用左蒙古香料黑松露鵝肝多士 $38 油油地，好邪惡燒豆卜 $28 個皮好脆入面有粒辣椒燒大蔥 $14 好味燒粟米 $18/2 好味燒雞皮 $18/2 好味樣樣試下，大部份都好食而且每樣都好有心機燒埋單食物有85折，幾抵同朋友黎飲返兩杯都唔錯希望有heart既小店會有更多人支持啦會再黎幫襯

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過我地叫左個豚肉串，呢個真係值得食下，豚肉都幾厚切，豚肉本身唔會太肥，入口夠肉味，連皮燒完都係脆身，真係一個幾令人驚喜。呢度嘅串燒都真係幾有心思，夠份量唔再講，重點係串燒嘅醬汁都係師傅都好細心咁幫食客自製的，唔會入口好油膩餐廳嘅串燒都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得。