喜膳燒

營業中

休息中

香港食串燒不嬲都唔係平架啦因為租金實在太貴今次同朋友行尖沙咀唔係太肚餓所以就決定食串燒了！因為一串串自己揀可以就到份量~.推介馬來西亞大蜆同野生大虎蝦大蜆有泰式辣汁可以點不過我就suggest先唔好點食下佢本身個鮮味先~蝦夠大隻膏多👍🏻肉爽口.雞腎爽口 好食 牛舌正常厚度如果覺得唔夠味可自行加調味料~~~.燒娃娃菜好juicy, 有啲木屋燒烤既feel~燒茄子就唔係話好大條果款不過就勝在已經切好一份份咁都幾細心.店內座位唔係太多望見2位店主全部落手落腳自己做曬👍🏻呢份小店人情味 加分

雖然未到happy friday 但約咗好耐冇見嘅朋友食飯，就去咗間串燒店慢慢傾，唔經唔覺嗌咗勁多野食，多到不能盡錄，就特別講幾款我覺得好味架啦！燒沙嗲魚皮餃 $24魚皮餃本應係普通丸類個格，但就放咗佢係推薦個欄，想必係有過人之處。原來係自家製嘅魚皮餃，食落好彈牙，配沙嗲汁燒成更是一絕。海鹽燒皇牌牛舌$ 49第一款試嘅就係牛舌，調味恰到好處，燒到有少少焦香，咬開中間肉質好軟熟，好易咬開，而且有肉汁！燒露筍 $30收30蚊估唔到只有一條，有點失望，正常燒蔬菜嘅味道，性價比低咗啲所以唔建議嗌～燒多春魚 $28多春魚相對就抵食好多，有三條～而且燒得乾身又唔會散晒，多春就梗架啦！好好食～燒牛仔骨 $68經典的黑椒醬味道，肥瘦均勻，油香好豐富～燒雞軟骨 $36雞軟骨都係串燒必食之列，呢度嘅夠晒香口，幾有水準。燒芝士焗扇貝 $48推薦嗌大扇貝，可以揀芝士或者蒜蓉，因為成日都食蒜蓉所以想試新口味。兩者味道好夾，香濃芝士包住鮮甜帶子，啖啖肉！燒韭菜 $18次次都食燒韭菜，但呢個調味重手咗～芝士響鈴 $19好特別嘅款式，好好食！！！脆口嘅響鈴中間包住融緊嘅芝士，兩種口感都超正！燒芝士蘑菇雞翼 $45雞翼

天氣涼涼地，好想食燒烤，但又懶得自己燒。懶人方法，當然是去串燒店吃了。今次竟然給我找到這家性價比高的串燒店，值得推介給大家。這串燒店採用高身檯凳，裝潢和氛圍加上微黃的燈光很有日本居酒屋的感覺。燒貴妃蚌大大隻貴妃蚌用上蒜蓉來燒，好惹味。貴妃蚌肉質彈牙而且很鮮味，估計是游水新鮮貨。上面蓋上粉絲，充分吸引蒜蓉汁，超美味。泰式燒原隻新鮮魷魚魷魚同樣是新鮮貨，肉質又彈牙又甜，$78 一條份量絕對收貨。如果再燒得焦一點，視覺和味覺上或會更佳。海鹽燒多春魚燒烤不能不點多春魚！燒得超焦香的多春魚卜卜脆，回味無窮。海鹽燒牛肩胛牛肩胛肉質很嫩，加少少海鹽調味，非常惹味。蜜糖燒墨魚丸墨魚丸一直是我最愛的燒烤食物，這裡的燒墨丸可選蜜糖、和風或沙嗲燒，我始終都是鐘情蜜糖燒烤，總覺得燒烤的香氣跟甜甜的蜜糖很匹配。燒芝士響鈴燒芝士響鈴都是首次吃，味感很不錯。又薄又脆的響鈴，加上內裡的芝士，感覺很獨特，風味一流。燒菜心苗本身已經很甜的菜心苗，加上輕輕烤一烤，正！吃燒烤都不忘吃多點蔬菜～再來一客蒜蓉娃娃菜。娃娃菜上放上蒜蓉，以鍚紙包好來燒，菜中水份不會流失，又嫩又juicy 的蒜蓉娃娃菜即成！吃串燒怎少得啤酒，邊吃邊喝

今晚同朋友行尖沙咀，經過寶勒巷10號，見有很多食肆水牌，望一望有乜好食，一望就見到這串燒店，裝修好別緻，横豎咁耐冇食過串燒，口痕入去試下。餐牌上的食物款式有很多，可能超過一佰款，真係花多眼亂。我哋都係第一次嚟，所以好隨意叫咗一啲串燒食物。沙嗲燒彈牙牛丸： 大大粒好惹味，真係彈牙的燒蒜蓉茄子： 熱辣辣食好正，但覺得油多了少少燒娃娃菜： 食串燒蔬菜，唔係淨食肉，感覺健康啲黑胡椒燒肥腸： 燒得好香，脆皮豬大腸燒馬來西亞大蜆： 啲蜆比街外的大隻，隻隻開口，好新鮮燒蒜蓉珍寶大扇貝： 好大隻扇貝，新鮮多汁，好好食海鹽燒皇牌牛舌，燒雞腎串： 海鹽牛舌鹹鹹哋，雞腎亦好入味，燒得好食燒蜜糖雞中翼： 好食到停唔到口海鹽燒脆雞皮： 燒得好香好脆另外還有燒蜜糖雞全翼，燒雞軟骨，燒大蝦 .... 等等，太多美食了。

雖然早排食過大阪炸串，亦晌間日式食堂食過串燒，不過，港式串燒印象中真喺好耐無食過，要數都可以喺成年前葵涌嗰次。友人介紹，晌尖沙咀寶勒巷有家串燒店「喜膳燒」，除咗有點質素外，亦有啲特色嘅串燒。寶勒巷可謂喺一條自然而成嘅食街，不知不覺間，短短街仔已經有好多食肆插旗，平貴、西式、日式、東南亞、印度……乜都有。今晚，同友人一起串燒吧！如果唔講佢喺間串燒店，話佢喺酒吧都無人唔信，因為鋪前已放咗座「麒麟」生啤櫃，入到裡面，燈光昏黃，全場都喺高脚枱櫈，水吧位之上更放滿唔同嘅支裝酒。不過，整體地方就唔喺好大，如果坐滿人反而幾有氣氛。其實，如果細心留意，有啲地方都花過心思裝修，好似天花燈、雀籠。晌門口，已見到有個螢光燈牌，有多款串燒推介。而餐牌，亦即喺點菜紙，雖然簡單，但選擇十分之多。單喺類別，就有店家推介、海鮮、牛肉、其他肉類、特別串燒、丸類、腸餃、蔬菜瓜果，仲有特色小食、烏冬、飯品（唔怕食極都唔飽），雖然甜品都有，就只喺雪米糍而已。另外一張紅色長形嘅，喺飲品餐牌，如近年大行其道嘅手工啤，仲有雞尾酒、紅白餐酒、生啤、沙冰、梳打、花蜜茶、汽水……等等。最特色當然喺多款「麒麟」嘅果味生啤。剩番一大張白色嘅

平時最鍾意重口味既我當然係孜然粉串燒既忠實fans😄呢間串燒店瑟縮響大廈嘅一角，靜靜地又有手工啤飲，仲有三部零死角電視，正燒勁辣魚片頭，純粹係為左睇下佢有勁辣而叫，果然冇令我失望😊大蜆勁新鮮，好重海水味，隻隻都好飽滿，燒完都仲係勁鮮味，燒得剛剛熟，唔會韌金菇牛肉卷，牛肉唔會係得啖膏既肥牛，不過我就唔太鍾意燒汁呢隻大頭蝦勁大隻又多膏芝士尖椒燒豆卜，本身諗緊豆卜又點樣同尖椒結合，原來係切碎左既尖椒同芝士釀入豆卜裡面😘蒜蓉茄子必點係常識吧燒雞翼當然係壓軸登場

今日同男朋友去左尖沙咀食晚飯，但唔係食得好飽，所以就想搵一間串燒食下。嗰度嘅環境雖然唔係好大，但都幾有氣氛，啱飲下野食下宵，同朋友傾吓計。餐牌都有好多選擇，但我哋唔係好肚餓，所以叫咗少少嘢食。呢個係蒜蓉燒珍寶大扇貝，加埋啲粉絲係上面，連埋蒜一齊食，真係好好食燒得啱啱好！蒜蓉燒廣島生蠔。想講佢啲汁好好食，好creamy多汁，仲有陣鮮味雞軟骨、雞皮串、魚皮餃、肥腸都燒得好正，尤其係雞皮，燒得好脆口，好想再食多幾串韭菜大大條，男朋友話落左籽然粉之後，燒到佢勁香魚皮餃係我最鐘意食嘅，都keep到應有嘅水準。肥腸咬落口Q彈，肥膏燒到好香口，食過翻尋味！燒茄子燒到好軟熟蒜味香得嚟又冇蓋過茄子嘅原汁原味，推介因為唔係好想飲酒，所以叫咗巨峰提子梳打。下次再去尖沙咀食飯嘅話，會考慮同朋友一齊啤一啤

人多嘈雜的尖沙咀寶勒巷，有間不太起眼，不過好有質素，裡面有心思的裝潢的串燒店，令我彷似置身於日本的感覺！串燒店本來俾我的感覺係又貴又唔飽的餐廳，誰知呢間好滑的稻庭烏冬食，仲有隻超級流心的溫泉蛋！一邊食住熱辣辣嘅烏冬，一邊食啖啖肉嘅串燒，一邊食住青蘋果麒麟啤酒，真係好幸福喔！仲有窩心服務，串燒會放在一個熱辣辣的鐵板上，唔驚啲串燒傾傾下計凍哂燒露筍大大條，好甜，無渣燒雞腎，有三款（孜然/照燒/鹽燒），揀左孜然粉，少少辣，好爽燒豬頸肉，有兩款（沙嗲/BBQ）,揀左沙嗲,少少沙嗲汁，肉好冧滑燒牛肩胛，唔乾身，有牛香，好冧滑燒珍寶蒜蓉大扇貝，有蒜蓉粉絲，啖啖肉，一啖都咬唔哂！又新鮮，又爽甜！燒茄子，蒜蓉葱花鋪面，有少少油，不過好味！燒玉桂焦糖金菠蘿，焦糖脆面，淡淡的玉桂味，超甜的金菠蘿！法式牛油蒜蓉焗田螺，有六大粒，薯蓉襯托，特別好味！麒麟果味啤酒:可選青蘋果/桃/荔枝/蘋果，甜甜地，好易入口！好多款串燒未試，一定要Encore!

食物味道有水準，尤其海鮮夠鮮味，牛肩胛串都調得美味。但價錢唔算平 ，飲品平均三四十蚊一杯，手工啤要七八十蚊。 推薦馬來大蜆，扇貝，芝士蘑菇雞翼，牛肩胛，雞軟骨和美國珍寶蠔。員工服務殷勤，食物上得都算快。雖然用加熱石板放食物，以保持食物温度，但石板保溫力不太夠，食完第一輪已經冇熱力。由於店面細， 得10張小檯左右，枱與枱之間很近，鄰檯講嘢都聽得清楚。 大部分是細枱和高櫈， 坐得唔係太舒服，唔係咁適宜一大班人聚餐。

呢日本來去寶勒巷試下一間新開嘅餐廳點知去到先發現promotion已經完結， 餐單內容都唔同曬， 冇咗我想食嘅嘢。於是行下附近搵下第二啲嘢食咁啱見到呢個啱啱開始有下午茶 就入去坐低試下啦環境坐落都幾舒服我揀咗卡邦尼意粉 飲品就要冰糖雪梨水溫泉蛋配上卡邦尼意粉真係幾好而且雖然價錢只係幾十蚊， 但係份量十足食得好飽飲品都清清哋唔算太甜，飲入口後幾舒服 open kitchen 見到師傅煮嘢食都幾用心 下次有機會會試下佢晚餐嘅串燒

見到book枱有7折，所以試下囉，由於得兩個人，所以唔係食左好多野，但覺得最正係鵝肝多士，同埋燒菠蘿。芝士響鈴好特別，亦可一試。其他食物不過不失。不過座位比較少，walkin就可能要等。上枱既食物，係會比一隻燒熱左既鐵板你，放喺上面，等啲野食唔洗攤到凍晒，好細心既服務。

今日同班朋友聚舊，想飲下啤酒，食下串燒，就簡左呢間鋪試試有水準!裝修好有特色，好有日本的味道。裝飾得好漂亮店裏細細，但卻有幾部電視，唔洗擔心追唔到劇啲燈係用雜誌紙做裝飾的，好特別來杯啤酒先!雞泡魚乾，燒得超香! 甜甜地，好有咬口，送啤酒一流。必點，我想再encore多一客可惜太飽沙嗲魚肚。 超大塊，唔腥，索哂啲汁，好入味牛舌我覺得係必點!!! 好厚好甘香，出面燒到脆脆地，入面tender,正明太子雞翼。 有一丁點辣辣地，好惹味，出面脆卜卜，咬落去啖啖肉蒜蓉帶子!!!必點，好甜好入味，同酒樓食果啲唔 同，呢到的有陣焦香味壓軸出場!! 一樣，好甜，無沙，一咬落去超多汁。 殼上的汁千萬不要放過，很甜的。餐廳還有貼心地提供七味粉

有時候心癢癢想食串燒，但係要座下慢慢嘆又要燒得好食，這裡就可以滿足到呢個要求！座位雖然唔算多，但都座得ok，在落單紙上選擇喜歡嘅食物，店員入會為你即場燒，今晚就點了野味嘅燒蒜味台式香腸$24，燒得皮脆內香，一咬開個陣蒜香同埋彈牙嘅腸肉十分配合！而個沙爹燒厚魚肚$45上面塗滿了沙爹汁，入口有濃郁嘅沙爹汁味同埋爽口彈牙入味嘅魚肚，夠晒口感，鹽燒黑豚肉龍躉卷$59，用豚肉包住龍躉肉，外面香脆肥美，裡面龍躉肉質彈牙煙韌，啖啖肉，堅推介！黑松露鵝肝多士$44，在香脆多士上放了一塊厚身肥美嘅鵝肝，入口即時溶化，夠晒肥美！燒金菇肥牛卷$38，肥牛燒得香滑配埋爽口金菇，完全係軟滑爽口最佳配搭，燒山賊雞翼$39，就係燒得香口配埋啲香料一齊燒，完全係另一最愛！

2018年10月20日。尖沙咀。晴。晏晝食得好飽，到晚餐時間就四圍貢搵嘢食結果喺寶勒巷呢個隱蔽嘅凹位發現有間串燒店最啱我哋呢個食少少狀況啦～入到餐廳就坐咗喺個直對廚房嘅位可以睇住師傅整嘢串燒餐牌有兩版，分咗唔同類，慢慢研究慢慢揀另外仲有drink menu，有酒，有啤酒點完一開始上枱嘅就係呢個貴妃蚌都幾大隻㗎～無沙，鮮甜再來就有呢兩串，上次兩串之前師傅喺個爐度攞咗擺底塊鐵板（定石頭？！）再將呢兩串擺上去，可以保溫！燒玉子甜甜哋，女仔會好鍾意～～和牛粒一串有五六粒，唔算少～嫌唔夠味枱面仲有七味粉可以調味～孜然杏鮑菇，菇厚切，入面鮮嫩多汁牛油蒜蓉娃娃菜，個調味好正牛油味好出，蒜蓉又香口，令娃娃菜都變得惹味食剩一粒先記得影相嘅沙嗲墨魚丸仲有和風同蜜糖口味可以揀，重口味嘅就揀沙嗲啦～墨魚丸煙韌彈牙，唔錯唔錯！燒茄子都好惹味㗎～茄子肉滑溜溜～可以就咁𠽌入口仲有最愛嘅金菇～～～份量勁多！食極都仲有！要搵好嘢食果然要四圍貢～～

第一次來呢間食串燒，味道都幾多元，唔會單一只係孜然味，仲有黑松露、沙嗲、蒜蓉、燒烤等等食左幾樣海鮮， 野生虎蝦真係超大隻最衰冇影相，夠晒爽口。燒珍寶大扇貝都幾正，我揀左芝士味，芝士有拉絲效果，夠香但又唔會蓋到扇貝嘅鮮味雞泡魚乾配啤酒飲一流，沙律醬有加少少七味粉，味道都幾夾幾香口蒜蓉娃娃菜，幾個男人竟然爭食菜，呢個真係幾好食又唔膩份量都唔少牛舌係厚且偏稔的，而且唔乾身勁辣頂級魚片頭，第一啖咬落去已經被辣到，真係幾辣下！！ 但又未至於食唔到，幾過癮。而且辣味冇蓋到佢d魚片頭味益力多沙冰都幾大杯，夠味門面：