喜膳燒

營業中

休息中

自從武漢肺炎爆發開始，真係好少出街食飯都唔知幾耐冇去過尖沙咀見最近疫情開始好轉，都開始約返朋友出街食飯呢個串燒之夜食得好開心🤣有少少令我諗起台灣吳留手，全部都係即燒，熱辣辣！一開始嚟咗牛舌、雞腎、雞翼牛舌超好食！中間夠淋，外面先得夠脆雞腎我不嬲都好鍾意，有少少燒汁，調味唔錯雞翼都唔錯，反開咗啲肉先串起，都幾方便燒秋葵～my favourite雞肝我一般麻麻地，都係陪人食燒扇貝比我想像中大隻呢張相其實係雞皮😂😂😂好嬲自己影到咁樣！雖然真係好肥好邪惡但呢個真係好好食！燒到好脆最後嚟咗個和牛串燒Ok 既，牛味再香濃就更好最後食多一個主食，飽～滿足！

呢間餐廳食串燒之外，仲有唔同既酒可以選擇。夜少少去係openrice訂座仲有85折優惠添！環境雖然唔算大，但係有果種日式居酒屋既氣氛，個人覺得好岩同朋友聚會呀：）呢度menu選擇真係好多，基本串燒，小食同主食都有。好彩一做早足功課睇定邊要食咩，唔係一時間可以會諗好耐。我同朋友就食左500幾蚊連野飲，都划算！推介：-廣島生蠔 ($68)-馬來西亞大蜆 ($88)-蜜糖雞中翼 ($36)-孜然燒韮菜 ($19)-王桂焦糖金菠蘿 ($32)-蒜蓉牛油娃娃菜 ($39)-蒜蓉牛油焗金菇包 ($42)-孜然燒手切雞腎串($24)-香辣燒燒賣 ($19)-燒台式香腸 ($26)-芝士響鈴($19) -蒜蓉茄子 ($26)-雞軟骨($36)-海鹽美國安格斯肉眼串($54)

想同媽媽傾下計 所以帶左佢黎食下串燒飲下野 同埋行左陣街覺得攰 咁岩見到呢間串燒店就入左去了 有小小日本feel啲裝修😚提子梳打 $38提子梳打好好飲😚好濃提子味又唔會太甜 食完串燒飲啖呢個 好爽🤪燒大蜆8隻 $88隻隻都好大隻 而且好多汁再配小小既海水咸味😋燒紐西蘭羊架2p $78羊架唔錯 唔會太肥亦唔會有羊騷味😌海鹽燒牛肩胛 $48牛味算濃 好易咬開！海鹽燒皇牌牛舌 $49屬於偏向淋身既牛舌 但個人偏好爽口個重牛舌多啲🤓燒雞全翼 $23一開頭以為係汁燒或者蜜糖燒 原來係鹽燒 都幾有驚喜 燒蒜蓉茄子仔 $28好正 好多蒜蓉 夠曬重口味😝

喜膳燒是一間日式串燒店，店舖面積不大，約有二三十個座位。燒烤備餐位置雖設於店中，但未有煙霧離漫的感覺，抽風系統良好。最先送上的是數款海鮮燒烤食品。燒馬來西亞大蜆賣相飽滿，味道清甜。雖不算十分嫩口，評價仍屬正面。燒珍寶大扇貝 (蒜蓉) 出品很像中式蒸扇貝，面上放滿小編喜愛的搶味蒜蓉。一口吃下甚富滿足感。燒新鮮白鱔與燒黑豚肉龍躉卷 (鹽燒) 同屬魚肉代表。前者外皮香脆，肉厚鮮嫩；後者款式富新鮮感，豚肉外層亦成功賦予卷物一份香口及層次感。不過，如以燒龍躉卷與燒白鱔作比較，小編還是覺得燒白鱔更為美味，價錢亦較相宜。燒午餐肉(BBQ)及燒蜜糖雞中翼皆屬搶味食品。吃這兩道串燒最緊要趁熱吃，確保外層脆香。燒台式香腸 (蒜味) 屬現成製品，味道合預期。燒蒜蓉茄子向來為小編所愛，只是茄子選材略為小巧，不夠盡興。響鈴多見於火鍋飯局，直接燒製比較少見。以火輕炙響鈴，脆感不減，更多了一份邪惡的焦香。在響鈴的中心部份，注入了少量芝士，加熱後放出濃郁的香氣。小編貪心，建議進一步追加芝士的份量，最好能做到半融溢出的效果。是晚的甜品燒玉桂焦糖金菠蘿同樣是燒製食品。甜品以清甜多汁的菠蘿入饌，菠蘿表面掛上一層脆薄焦糖，甜

喜膳燒-最近好鍾意食居酒屋，串燒再加啤酒真係好正! 呢間喜膳燒似串燒fusion, 有日式、中式同台式串燒-今次同朋友嗌左兩杯生啤再加十幾串串燒左起：燒豬頸肉、秋葵、黑豚肉、牛舌、雞軟骨個人覺得燒豬頸肉嘅醬有啲奇怪，酸酸甜甜咁，其他就不過不失啦-我覺得全晚最好味嘅就係呢個燒菠蘿！有啲鹽再燒帶出曬個菠蘿嘅鮮甜味！-仲食咗好燒燒賣、燒台式腸等等，全部都熱辣辣，性價比高！-值得一提嘅係嗰日朋友遲到，原本張枱限時90分鐘，侍應哥哥好好人咁幫我哋延長左半個鐘，so nice!

因為近期疫情稍緩，限聚令都放寛咗少少，所以，約咗夏總呢個死佬聚一聚，老實講，自一月尾至今，都無乜點約過啲朋友。就算今次，都只喺得兩個死佬嘅飯局，始終疫情一日未完全消失，都仍需要小心啲，尤其保持個人衛生。「喜膳燒」兩年幾前嚟過，印象甚佳，所以，有信心帶夏總嚟試，佢為人食嘢都有少少咀刁架。「喜膳燒」喺家主打串燒嘅小店，亦喺間酒吧，所以，由門面到裡面，都見到有唔少跟酒相關嘅擺設或物品。雖然，整體地方就唔喺好大，但坐滿人就甚具氣氛。其實，如果細心留意，有啲地方都花過心思裝修，好似天花嘅燈盆同雀籠。睇到有咁多客人支持，除咗店家嘅串燒有質素之外，夜啲嚟仲有85折優惠，唔怪之得越夜越多人。此外，晌門口，已見到有個螢光燈牌，有多款串燒推介，我哋亦睇啱幾款添。而餐牌，亦即喺點菜紙，打開一睇，比上次嚟多咗好多選擇，類別五花八門，一時間真喺花多眼亂，我哋都諗咗好耐先揀啱食乜。另外一張紅色長形嘅喺飲品餐牌，如近年大行其道嘅手工啤，仲有雞尾酒、紅白餐酒、生啤、沙冰、梳打、参蜜、汽水……等等。剩番一大張白色嘅餐牌，喺各種日本清酒，如果好清酒之人，應該都不愁無選擇。枱上除備有七味粉、自家製泰式酸辣醬之外，仲有支搓手

今晚收工和朋友出左去食晚餐 ，選了這間日本串燒餐廳𥚃的選擇超級多，看到眼花撩亂😂燒馬來西亞大蜆雖然唔算好大隻，但份量補足，而且好鮮甜👍🏻最重要係無沙！無沙！無沙！🤣泰式燒原隻鮮魷魚魷魚都幾大隻，燒得唔錯，配埋個泰式酸辣醬，好開胃😋黑松露鵝肝多士鐘意食鵝肝嘅一定要叫，價錢唔貴但質素十分好，入口即溶😚明太子釀雞翼兩隻岩岩好同朋友一人一隻，食釀雞翼最正係唔洗吐骨，啖啖肉👍🏻👍🏻鹽燒黑豚肉龍躉卷呢個配搭好新穎，原來都幾夾，而且龍躉肉走左骨，唔怕食到魚骨👍🏻蜜糖燒墨魚丸就是平時燒野食嘅味道，而家燒唔到野食就係到過下口隱😆燒蒜蓉茄子正！每次去串燒店都必叫！自家製紫貝天葵，這涼茶只有冷的，而且沒有慘水，很真材實料☺️自家製花旗蔘蜜，這個朋友叫的，沒試到🙈

暫時覺得食串燒黎講呢間算唔錯,多選擇得黎味道有水準。每次黎都會叫一兩份海鮮。今次叫左3隻GARLI OYSTERS,3隻都好肥美,燒得好香,果D汁仲可以飲晒添!單點左隻GARLIC大扇貝,GRARLI味重,粉絲彈牙入味,扇員裙邊有咬口,肉質結實有口感。另外叫左個燒白膳,有別於以前食既膳,呢個冇咩骨,肥美得黎好香,皮好脆,正!個黑椒台式腸又好香口,黑椒味令人食上癮!個蘆筍細細條,好好味!最後叫左杯LIME SODA,好清新好REFRESHING!呢度既燈好靚,係咁柔和既環境食野心情都好暢快。今次黎有HAND SANDNITIZER提供,食得安心D。見佢下午既餐幾抵食咁!早知下午黎食啦!下次黎食LUNCH先。

寶勒巷飲野就最出名，今日朋友帶我來才知有間食串燒的，而且價錢頗相宜。*燒龍躉黑豚肉卷($59)啖啖肉的龍躉被黑豚肉片包著；油脂不會太膩，龍躉很重魚肉味。*海鹽燒牛肩胛($48)牛肩胛肉質很軟淋。*海鹽燒安格斯肉眼($54)肉眼的肉質比牛肩胛實；肉味都較濃。*金菇牛肉卷($38)因為想吃菇又想有肉，所以便點了金菇牛肉卷；但略嫌燒汁太多。*燒雞泡魚乾($48)是每一次食燒物都必點的；魚乾甜甜的，好開胃。*鹽燒秋葵($24)吃太多肉，一定要點菜吃；秋葵燒得剛好，不會太乾。*燒雞髀菇($19)略嫌孜然粉的份量太多，有點辣和太重味。*燒豬頸肉($24)豬頸肉味道剛好，肉質不過不失。*燒雞軟骨($36)爽口的雞軟骨，配上鹽燒，是絕配。*燒雞全翼($23)雞皮少少燒焦了影響了賣相；但雞肉仍然很JUICY。

琴日收工約左係尖沙咀同班舊朋友聚下，但大家都諗唔到食野，有人就提議不如食串燒，因為一大班人可以叫好多唔同野食，可以有多Ｄ選擇。食串燒既地方好多，不過要整得真係好食真係唔易搵，不過一班朋友聚會，最緊要都係開心姐，所以求其搵左間入去食就算，估唔到會有驚喜。裝修睇落幾似日本風，同好多本地/大陸鋪比人感覺唔同，未食就已經感覺到level difference，因為下晝冇食過野都好餓所以叫既野都唔少，我地叫左黑松露鵝肝多士2pcs，多油勁香，好夠肥。燒狗菜同牛舌，乾度岩岩好，食落夠juicy，唔會乾爭爭。另外仲叫左個明太子釀雞翼2pcs，本身呢類食物都係好難將兩隻味取得平衡，通常會比雞翼香蓋左明太子味，但喜膳燒整得恰到火喉，真係唔係咁簡單。所以大家黎到呢度都可以試下。除左上面講左果D其實仲有好多其他野食，同其他鋪頭比唔會差太多，食完覺得上面幾樣算係比較特別，打算下次再黎挖掘睇下有冇其他好野食。坐低果陣店員都有推介我地食燒珍寶大扇貝（蒜蓉/芝士)，聽落好似幾正，諗住下次試下。呢間鋪有好多唔同選擇，我叫左自家製冰糖雪耳雪梨水，勁潤，飲得好健康，勁正勁好飲。

今晚同個客係🤩尖沙咀酒吧傾左好耐。大家散左之後。本人覺得好肚餓。所以係附近搵了這間專食烏冬的店舖。舖內不算太大。但尚算闊絡。沒有迫的感覺。溫泉旦烏冬-烏冬湯底濃度十足。入口鮮甜。配料充足。溫泉旦亦美味可口燒帆立貝-來到眼前。嘩！好大隻呀！仲係熱騰騰的。二話不說。食左先講啦！入口肉質嫩。鮮甜無比。加上配汁更為豐富可口。蒜蓉焗田螺。蒜蓉菜式在香港遍地開花的菜式。一定不須要估。焗田螺係必然第一。加上薯蓉的滑足夠更令入口順喉感更盛讚

經朋友介紹下知道尖沙咀寶勒巷有間高質串燒「喜膳燒」有點居酒屋的感覺顯眼位置放著日本生啤枱😍有bar枱位置可以望到主廚料理食物😋即使係燒串燒 店舖抽風做得好👍🏻無任何油煙味依附係衣服身上😊小編同友人點左唔少野食😚食材新鮮 用料老實 調味恰當特別一讚係 店家提供熱鐵板 😀為燒得惹味香口嘅美食保溫😛完美地解決串燒容易快速冷掉嘅問題馬來西亞大蜆有人大隻！好大size！有口感！蜆肉帶有淡淡海水咸味😍肉質新鮮鮮甜 無沙👍🏻值得一讚係燒得恰到好處 沒有過乾要知道此菜式在別的舖頭好容易燒過龍令蜆肉收縮變細燒扇貝又係大大隻！🤣肉質札實帶甜😋好滿足配上秘製醬汁、粉絲、蒜蓉、葱呢個組合係最佳拍檔！燒雞泡魚乾一流的日式佐酒小食有嚼口得來 介乎於鹹甜之間 好香口明太子燒雞翼明太子填滿去骨雞翼 真滋味1.燒雞全翼香港人最愛食物之一主廚火喉認真控制得心應手！能夠將非常容易燒焦的雞皮處理得剛好廚師功不可沒！雞肉不乾不柴😋2.燒龍躉黑豚肉卷 龍躉比得大方 啖啖肉🤩調味輕手 沒有過度調味 更能食出黑豚肉香1.燒雞比菇(籽然)雞比菇水份有鎖住2.海鹽燒牛肩胛海鹽配牛最夾👍🏻調味為肉質札實牛肩胛錦上添花香氣撲鼻☺️1.燒午餐肉

近排冇工返都要揾個地方同fd啤一啤(雖然我飲好少，主要爲食🤣)寶勒巷內有間幾隱蔽的串燒小店，食物質素比期望值高🥰.燒珍寶大扇貝 ($68) .燒黑豚肉龍躉卷 ($59)比較有特色的一款串燒，龍躉魚肉外面再用黑豚肉包住~豚肉的油脂滲左D入魚肉，令魚肉相對嫰滑不乾👍🏻.法式牛油蒜蓉焗田螺 ($39)燒芝士西班牙黑毛豬五花肉 ($46).黑松露鵝肝多士 ($82)多士脆身，鵝肝油脂又足😎.燒煙肉韮菜卷 ($29).燒豬頸肉串 ($24)肉的厚度&份量以串燒黎講相當足😆.燒京葱 ($16)海鹽燒芫茜 ($18)京葱用照燒汁燒相對冇咁乾身，而且作為芫茜控的我難得見到燒芫茜😍.總結串燒種類多，有不少燒的海鮮~而且味道相當有驚喜，座位不多建議可以訂定位比較好🤗Taste: 8.5/10🌝🌝🌝🌝🌝🌝🌝🌝🌝🌝🌝

行完K11去附近搵食，見到有串燒店就想吃了。⭐️燒玉子 $16⭐️海鹽燒秋葵 $24⭐️燒菜心苗 $19⭐️燒紐西蘭羊架 $78⭐️蒜蓉燒廣島生蠔 $68⭐️燒山賊雞翼 $39⭐️海鹽燒皇牌牛舌 $49⭐️燒馬來西亞大蜆 $88⭐️燒龍躉京蔥卷 $68⭐️泰式燒原隻鮮魷魚 $88⭐️自家製冰糖雪耳雪梨水 $32⭐️森美爾 (Samuel Smith) 杏桃水果手工啤酒 $88各項都烤得很可口幾惹味，我比較喜歡生蠔、牛舌、玉子。生蠔很爽口，蒜蓉味好香唔會腥，牛舌大大塊唔會韌，玉子很甜。雪梨水很清甜，能中和燒物的熱氣；手工啤的杏桃味的桃味十足而甜味適中，想來多杯喝🍻。不經不覺都吃了很多種類，打食物表都要手軟了，但又不算十分飽，可能因為每樣份量都不多。裝潢都很日系，而服務也很周到。想食串燒的話是一個不錯選擇👍。